تصريح من خبراء الكمبيوتر التعليمي خطير شارك معنا

[مؤمنخالد]

لما يكون فيه معمل وفيه أجهزة شغالة ومدرس شغال حتي لو المادة نشاط الطالب سوف يهتم بها أكثر ما تكون مضافه للمجموع أما الآن هو بيذاكر علشان المجموع فقط مجبر علي ذلك حسبي الله ونعم الوكيل العالم بيتقدم ياناس واحنا مش عارفين رايحين فين كل همهم ازاي يوفروا فلوس من عدم طباعة الكتب والامتحانات ومش مهم الطالب أنا مش عرف مين ال قاعد يفكر ويتكتك ويخرب التعليم

[مؤمنخالد]

والله عندك حق بس اذا الوزارة اهتمت شوية بمعلم الحاسب بتدريبه زي الأول + المعمل + الاجهزة + الكتاب + المنهج = من المؤكد يبقي الناتج طالب مهتم حتي لو كانت المادة نشاط

[sonya65]

أنا معلم أول كمبيوتر وعندما تغير منهج الصف الثالث الاعدادى لأول مرة وكانت المادة لاتضاف للمجموع
لم أنتظر وصول الكتاب المدرسى وإنما طبعت فصول الكتاب على حسابى الخاص لكى أتعلم الجديد وأراعى الله
فى شرح المنهج الجديد ولم يكن واضح على المدى القريب أو البعيد أن المادة ستضاف للمجموع وطبعاً باقى المعلمين مثلى على حد علمى إنتظروا وصول الكتاب المدرسى ولم يفعلوا مثلى وفى رأيى أن المدرس الذى لديه ضمير سبراعى الله سواء المادة أصبحت أساسية أم لا لكن الطالب هو المشكلة هل سيهتم بالمادة طبعاً لأ ؟؟

[refaaat]

القصة الحقيقية إن إدارة الكمبيوتر التعليمى هى اللى هاتتلغى وتصبح توجيه عام يعنى مدير إدارة الكمبيوتر التعليمى سيكون مستشار الماده ومعه فنى وخلاص
أما من يعمل فى إدارة الكمبيوتر التعليمى سيرجع كل واحد إلى مدرسته أو قد يوفق اوضاعه فى مكان اخر
وايضاً سيتم انضمام الحاسب الآلى مع التطوير ليكون تدريس المادة للحاسب والمعامل والفنيات للتطوير
هذا ما سيحدث باذن الله تعالى

[mrbasha]

يا جماعة ادخلوا على تطوير المناهج فى موقع الوزارة للمرحلة الاعدادية هتلاقوا كل المناهج موجود اهدافها ما عدا الحاسب الآلي لان مفيش منهج موجود حسب التطوير الجديد والمادة تم وقف طباعة كتابها بالفعل من باب التوفير زى اللغة الفرنسية فى المرحله الاعدادية

[أحـمد قرنى]

المشاركة الأصلية كتبت بواسطة mrbasha

يا جماعة ادخلوا على تطوير المناهج فى موقع الوزارة للمرحلة الاعدادية هتلاقوا كل المناهج موجود اهدافها ما عدا الحاسب الآلي لان مفيش منهج موجود حسب التطوير الجديد والمادة تم وقف طباعة كتابها بالفعل من باب التوفير زى اللغة الفرنسية فى المرحله الاعدادية

اخى الفاضل المادة موجودة على cd
والمنهج لن يتغير لانه جديد اصلا

[ايمن صابر]

طول ما المادة دى لاتطبق قواعد المتابعة الصحيحة فى وضع المنهج والتقويم وعدم توافق توزيع خطة المنهج مع العام الدراسى
طول ما الكمبيوتر المادة الوحيدة التى تتطبق نظام امريكى فى الامتحان
طول ما الطالب المجتهد يتساوى مع الطالب الفاشل فى نهاية العام
طول مفيش اسئلة وتقويم لكل فصل للصفوف الثلاثة الاعدادى
طول ما هناك اعتقاد بان من يدخل المعمل فقط ويسجل استمارة الامتحان العملى ينجح
طول ما هناك اعتقاد بان الخبرات العامة من البيئة تتساوى بل تكون اكثر من الخبرات العلمية للمادة
طول مفيش معرفة بان الكمبيوتر علم له اصوله وقواعده وانه ليس تشغيل فيديو او فتح وتحميل الالعاب
طول ما فيه مستشار مادة لايدرك اهميتها
طول مفيه ادارة تعامة كل همها عمل تدريبا للعاملين فى الوزارة بكل اطياف واخذ مقابل لهذه الدوارت دون النظر الى المادة التى هى من صميم عملهم
طول ما موجه عموم كل همهم القاءات والاجتماعات مع القيادات العليا والدورات التدريبية للترقى .........الخ
طول مفيه بعض الموجى المدارس كل همه يوقع فى دفتر الامن ودفتر الزيارات ودفتر تحضير المدرس فقط الا من رحم ربى
طول مفيه مدرسين كل همه يقضى الحصة وبس
طل ما المدرس لايفكر كيف يطور من نفسه
فتكون النتيجة كما تتوقع
الغريب على العكس مادة العلوم
كل سنة تزداد قيمة واهتمام عن الاول بداية من مستشار المادة الى اقل مدرس فى المدراس
الشـــــــــــــــــــــــنوانـــــــــــــى

[magdio]

هى دى مصر كل مادة فيها تقدم البلد يخربوها طبعا سيتم تهميش المادة وتهميش العقول وكل شىء يخص المادة تحت مسمى الأنشطة فهل يعقل ان دولة تريد ان تنهض تجعل منهج الحاسب نشاطا؟
بلا خيبة
اللهم ادمها فوضى واحفظها من النظام
هههههههههههه

[العدوى1]

يا جماعه لازم نستغل الفرصه الوزير مشى لازم نلغى فكرة عدم طباعة كتب الكمبيوتر

[MHD88]

حتى لو فيه معامل وفيه مدرس شغال لا يهتم الطالب بالمادة ما لم تضاف للمجموع ودا لسبب واحد الطالب اتربى ونشأ انه ما يهتمش الا بالمواد التى تتضاف للمجموع . انها ثقافة امة وليس فقط تقصير من ناحية المدرسة او المعامل او المدرس

[أ.حسين احمد]

ربنا يعديها علي خير

[البطل السيناوي]

ربنا يستر الناس دي بتهرج طبعا

[ashrafh3]

طبعا المادة هتهمش ومش هايكون لنا كلنا لزمة طيب ماتجرب تخلي العلوم مادة نشاط واتفرج يا معلم لازم ثورة لمعلمي الحاسب وكمان ليه الكتاب ما ينزلش ده تهريج

[ashrafh3]

لازم كتاب الكمبيوتر يرجع تاني للمرحلة الإعدادية وإلا لازم ثورة لمعلمي الحاسب على مستوى الجمهورية

[عبدالرحمن وليد ابو]

فى البداية لازم تخدوا بالكم انكم فى مصر يعنى الشعب المصرى لم يعمل و يبدع إلا اذا كانت العصا فوق دماغة يعنى طول ماهى مادة نشاط طول ما الادارة من كبيرها لصغرها لم يهتم من اول توفير المعامل و الاجهزة و الكتب و كمان المدرسين وحتى ولى الامر كل ماتتطلب من الطالب شىء يقول انت بتعطل الواد فى ايه هو وراه مواد كتير تقوله دا لغة العصر يرد دا الواد لما بيقعد على الكمبيوتر ولا احسن واحد ميعرفش ان الواد بسلمته قاعد يلعب يكلم حد لكن المفيد له و لبلده لا يوجد تاجى تسأله فى مصطلحات مثلا لم يعرف طب الحاجة دى اسمها العلمى اية لم يعرف طب اعمل شىْ بسيط لم يعمل ليه علشان هو عايز يلعب لكن خاليها مادة اساسية الكل هيهتم