حملة شباب ضد الغش - هااااااام جدااا لمساعدتكم

[أنور محمود]

انا كنت فاكرة ان انا وقلة معى من يلتزم بمنع الغش ربنا يقدرنا ونقدر نعمل حاجة لان الغش هو اهم اسباب فشل العملية التعليمية لو الطالب اتعود ان ما فيش غش هيعمل حساب اليوم ده ويذاكر ولكن بعض المعلمين يساعدوهم على الغش لان لو النتيجة طلعت وحشة هايتحاسبوا ولكن الحساب الان اهون من حساب الاخرة ------ ايه المشكلة لو كانت النتيجة 30%هم دول اللى يستاهلوا النجاح وبذلك تقل كثافة الفصول ولا نحتاج لمدارس فترتين ونهتم بالكيف وليس بالكم؛بدل ما نضيع وقت الطلبة اللى مالهومش فى التعليم ودى قدرات؛ يتعلموا صنعة تفيدهم وتفيد البلد احسن ما يتخرجوا من الاعدادية وعاوزين محو امية------------(ميس داليا)

[ostazmath4m]

المشاركة الأصلية كتبت بواسطة فوزى عبده

استاذنا الفاضل ياريت تجاوب على الأسئلة التالية:

1. اصحاب رد الفعل دول هيتحاسبو بدلا عنك ؟
2. اصحاب رد الفعل العنيف دول يخلوك تأكل حرام انت وولادك؟
3. اصحاب رد الفعل يخلوك تفرط في كرامتك؟
4. اصحاب رد الفعل يمنعوا تلميذ ينظر نظرة احتقار؟
5. انت مصدق لرسول الله عندما قال من غشنا فليس منا؟
6. انت مصدق ان الغش من الفساد في الأرض ولا لأ؟

ربنا قال في كتابه ( والله لايحب الفساد)

عذرا انني دخلت في ردك هذا فاحب المشاركه فقط ليس الا

ايه رأيك لو نكون واقعيين اكثر من انفعالنا لحديث وماحدش اساسا بيطبقه

ولو احنا عايزين نطبق اقوال الرسول صلي الله عليه وسلم يبقي ماينفعش نطبق حديث

ونسيب حديث اخر فالدين لابد ان نأخده جمله واحده ولو دورت في المجتمع بتاعنا هتلاقي

ان معظم الاحاديث مش هقول كلها والقران الكريم غير مطبق اساسا في المجتمع يبقي عندما ندعو لتطبيق شئ من الدين ياريت ندعو بالمرة لتطبيق الدين كله فالدين متكامل ولكي نشعر باهيمة تطبيقه لابد من تطبيقه ككل ده اولا،،،، ثانيا : ايه رأيك لو نجوه اسئلتك دي لناس اكبر من المعلم الغلبان ده اللي قاعد في مدرسته
لا بيحط قوانين تمشي عليها المدارس ولا بيحط خطط للوزارة ولا حد من الوزارة بيشاركه في قرارتهم الخاصه بالعملية التعليميه يبقي هنا توجيه حضرتك لمثل هذه الاسئله للمعلم فهو امر خاطئ بل يجب توجيه ما نريد
سواء اسئله او طلبات للمسؤلين اللي في ايدهم تطبيق ماتريد ومانريد وهم اصحاب القرار واصحاب الكلمه الاولي والاخيرة ،،، سيادتك لما الوزارة مش تقبل نسبه نجاح اقل من 50% وتخلي النسبه اجبارية علي الادارات
يبقي مفكر ان القرار ده هيمنع الغش اسباب الغش ليست من المدارس يا اخي او من المعلمين اسباب الغش واضحه وضوح الشمس في الافاق ولكن لا اعلم الي متي نتغاضي عنها انا لما يكون في مدرستي نسبه النجاح كمثال مثلا 40% ولا يعتمدوا هذه النسبه والوازرة لا تقبلها وترجعها تاني للادارة التابعه لها والادارة ترجعها للمدرسة عشان ترفع النسبه يبقي هتنجح الطلاب دول ازاي ؟؟؟؟ اللي مش يستاهل النجاح ويلاقي نفسه نجح فجاة يبقي هيكون احساسه ايه ،، انه سوف يزداد اهمالا لانه نجح من غير مايتعب ولا يستاهل،،،الوزارة ياخي بايدها كل شئ لو هي عايزة تمنع مش تقرر قرارات تجعل من الغش اساسا للعملية التعليميه ثم تدعي انها تحارب الغش ،، والله انه لشئ محزن وشئ يستفذ اي عاقل ،، الوزارة عامله زي ايه زي انك تقول لواحد عدي علي بحر بس اوعي هدومك تتبل ولو اتبلت هنحاسبك،،،افشل وزارة علي مستوي مصرررر وافشل مسؤلين؟
حسبنا الله ونعم الوكيل فيهم وفي امثالهم ومن هم علي شاكلتهم ،، وحجات تانيه كتير زي ماسمعتش مثلا عن
النجاح بحكم القانون ان ممكن طالب ابتدائي ينجح ودخل سنه جديده حتي لو مدخلش الامحتان خالص او حتي لو مرحش المدرسة من اساسه يعني مثلا تلميذ في سنه تانية ابتدائي قعد سنتين في البيت من غير مايشوف شكل المدرسة حتي ايه هينجح بحكم القانون وينتقل زي الشاطر كده لسنه تالته ،، شفت الخيبه ونرجع نقول الغش منين،، عايزين نحارب الغش،،، لا والمضحك ان الوازرة تقول وتدعي لازم نحارب الغش وهي اساسا المسؤل الاول والوحيد عن ظاهرة الغش،، ده الواحد هيجيله الضغط والسكر وكل الامراض من الوزارة دي
ربنا يسترها علينا ونوصل لسن المعاش واحنا بصحه جيده ،،، تحياتي للجميع

[احمد م حجازي]

المشاركة الأصلية كتبت بواسطة sanawyastudents

يا أستاذي الفاضل ... أنا طالب بسيط ... معروف بين الطلاب إني "قفل" عشان مش بغشش حد ... واللي يسمع كده يفتكر إنهم بيكرهوني بس والله أبدا ... أنا الحمد لله بالرغم من ده محبوب منهم جداااااا ويكفيني إحترامي لنفسي قبل إحترامهم لي ...

سيدي الفاضل، أحب أسأل حضرتك سؤال وفكر فيه بعمق ... هل تنتظر من الطالب أن يعاملك بإحترام بعد أن سمحت له بالغش ؟؟ وهل ردة الفعل العنيفة التي تلقاها من الجميع عند منع الغش تنقص من إحترام الطلاب لك ؟؟ أم أنها تزيده ؟؟ وفي أي الحالتين تشعر برضا الله وإرتياح الضمير ؟؟ هل ستسأل من الله أم من الناس ؟؟ مش منتظر إجابة ... إنما يكفي مجرد التفكير في السؤال

عن ابن عباس ، قال : قال رسول الله صلى الله عليه وسلم : " من أسخط الله في رضا الناس سخط الله عليه ، وأسخط عليه من أرضاه في سخطه ، ومن أرضى الله في سخط الناس رضي الله عنه وأرضى عنه من أسخطه في رضاه حتى يزينه ويزين قوله وعمله في عينه " .


الطالب اللي بيغش بيشيل ذنبه لوحده ... المدرس اللي سمح للطلبة إنهم يغشوا بيشيل ذنبه وذنب كل طالب غش ...

يا مستر إعتبرني أخو حضرتك الصغير وده شرف ليا والله ... حضرتك لسه 28 سنة تقريبا ... يعني حضرتك لسه بتكون صورتك عند الناس ... خليهم ياخدوا عن حضرتك صورة كويسة من الأول ... يحترموها في وجودك ويذكروها بالخير في غيابك .... وتذكر دائما أنك الداعية الصامت ... تدعو الناس بأخلاقك وتصرفتاك ويجزيك الله على تلك الدعوة

وتقبل مني كل إحترامي وتقديري

جميل جدا شبابنا الواعي

الغش يهدم المجتمع و هكذا علمنا الدين و امرنا بعدم الغش و قال رسولنا الكريم من غشنا فليس منا

و الطالب الغشاش أو الذى يتعود على الغش يتعود على أن ياخذ حق غيره فى كل شيئ

و المشكلة ان التعليم عندما فى الفترة الماضية كان تعليم بلا هدف فلا تعيينات و لا امل لدي الشباب

و اولياء الامور و نظام الامتحانات و الوزراة كل ذلك كان يساعد على تخريج شباب الى الحياة اكثر تشائما

و ايضا مع انتشار ظاهرة الغش و ما بعد التخرج من الوساطة و الرشاوي و المحسوبية
و ابناء العاملين

فكان لا ينظر الى الكفاءات و هذا ما ادى الى الفساد الموجوع بالمجتمع

و لكن بعد الثورة نريد شباب واعي

نريد نعم حملة ضد الغش

حملة ضد المحسوبية و الوساطة

حملة ضد التعيين بالرشاوي

حملة ضد التعيين

تحت مسمى ابناء العاملين

فى جميع المصالح و الشركات حتى القضاء كان هناك أبناء عاملين

بارك الله فى شباب الامة الواعي

[مديح أبوزيد زيدان]

جزاكم الله خيرا

[دى برولى]

90% من الغش الجماعى فى لجان البنات
ربنا ينتقم منهم
يغشوا
يجيبوا مجاميع عالية
التنسيق يعلى
واحنا منلقيش كليه حلوة
مع العلم ان هما فى الآخر بيقعدوا فى البيت
حسبنا الله ونعم الوكيل

[aleman]

هذا الموضوع فكرنى بموضوع قريته باحد المنتديات وهو كالاتى:

ماهى فوائد الغش؟

اولا: يعمل الغش علي تقوية روح الصداقة والتعاون بين الطلاب ودعم روابط المودة.. والشعار الدائم للطلاب: "التعاون أساس النجاح".

ثانيا: يتيح حسن الجوار.

ثالثا: تقدم للمراقب خدمة جليلة الذي سينشغل بما تفعلة بدلا من الاكتئاب والملل الذي قد يصيبة من جراء جلوسة بلا عمل طوال مدة الامتحان.

رابعا: يتيح لك الغش اظهار روح التضحية اذ سيتمكن زملاؤك من الغش دون اي مخاطر لان المراقب سيكون مشغولا بما تفعلة.

خامسا: ستتمكن من التعرف علي المسئولين عن لجنة الامتحانات مثل مراقب الدور وربما رئيس اللجنة وبذلك تصبح من الشخصيات المشهورة اللامعة.

سادسا: سينتهي الامر غالبا بسحب ورقة الامتحان وبالتالي تعود الي المنزل قبل باقي زملائك بدلا من الجلوس في مكانك بلا اي فائدة.

سابعا: اذا كنت سعيد الحظ قد تحرم من باقي الامتحانات و بالتالي ستتمكن من الاستمتاع بالاجازة الصيفية مبكرا.


ايه رأيكم

طبعا الغش محرم فى الدين
و ننصح طلابنا الأعزاء بالحرص على الاعتماد على النفس فى المتحانات و فى الحياة أيضا
و بالتوفيق ان شاء الله

انا نقلت الموضوع بأكمله
ربنا يحمى تلامذنا من هذه الافة ( الغش) ومش فى امتحانات الثانوية العامة فقط بل بكل مراحل التعليم المختلفة

[مروه]

المشاركة الأصلية كتبت بواسطة دى برولى

90% من الغش الجماعى فى لجان البنات

ربنا ينتقم منهم
يغشوا
يجيبوا مجاميع عالية
التنسيق يعلى
واحنا منلقيش كليه حلوة
مع العلم ان هما فى الآخر بيقعدوا فى البيت

حسبنا الله ونعم الوكيل

بلاش الحقد ده

هما يعنى الولاد يفضلو طول السنه ما يزكروش ويجيبو مجاميع قليله

وفى الأخر تقولو البنات اللى بيغشوا

بالعكس والله الغش فى لجان الولاد لايقارن بلجان البنات

[توتوالصغيره 115]

جمييييييييييييييييييييييييييييييييييل جدا ربنا يبارك فيكم

االى الامام......................................

[دى برولى]

المشاركة الأصلية كتبت بواسطة مروه

بلاش الحقد ده

هما يعنى الولاد يفضلو طول السنه ما يزكروش ويجيبو مجاميع قليله

وفى الأخر تقولو البنات اللى بيغشوا

بالعكس والله الغش فى لجان الولاد لايقارن بلجان البنات

-----
احترم رأيك
----
مع انى معارض كلامك
لأن فعلا لو تسألى فى أى مكان على الغش هيقول لك فى لجان البنات
وغير كده مش بتغش نقطة ولا اتنين
لا دا مبتسيبش ولا حرف الا اما تتأكد منه

كمان حاجة البنين مع انه كله باين ان بيتظاهر بأى حاجة ودماغه فاضية
بس خجول جدا ساعة الامتحان
واما بيسأل زميله سؤال بيبقا محرج يسأل التانى
بجد والله
دا الطالب الى بيذاكر ولو حتى بيذاكر مذاكرة اى كلام
اما الطالب الى مش بيذاكر خالص مش فارقة معاه
لكن البنات بتذاكر مبتذاكرش مبيرحموش فى الغش
واسألى اى مراقب تعرفيه
او اى مدرس تعرفيه بيراقب ثانوية عامة وراح لجان بنات وبنين

[aleman]

روي عن الامام البخارى فى نزاهته فى جمع أحاديث النبى صلى الله عليه وسلم أنه سمع أن رجلا ما يروى حديثاً فذهب إليه ووصل الى مكان إقامته بعد شهر أو أكثر على ظهر دابته فوجد الرجل المقصود قد جفلت منه ناقته أوغيرها وهو يقدم لها اناء فارغا فلما شاهد ذلك الامام البخارى رجع من فوره بعد ما لاقى من المتاعب فى سفره الكثير وسبب ذلك أنه شك فى نزاهة هذا الرجل لأنه يغش ناقته. وكذلك تروى هذه القصة عن الامام مالك.

لا شك أن الغش ظاهرة خطيرة و سلوك مشين. فلقد ذم الله عز وجل الغش وأهله في القرآن وتوعدهم بالويل، ويُفهم ذلك من قوله تعالى: "وَيْلٌ لِّلْمُطَفِّفِينَ (1) الَّذِينَ إِذَا اكْتَالُواْ عَلَى النَّاسِ يَسْتَوْفُونَ (2) وَإِذَا كَالُوهُمْ أَو وَّزَنُوهُمْ يُخْسِرُونَ" [المطففين:1-3].

وكذلك حذر النبي صلى الله عليه وسلم من الغش وتوعد فاعله، وذلك أن النبي مر على صُبرة طعام فأدخل يده فيها فنالت أصابعه بللاً. فقال: { ما هذا يا صاحب الطعام؟ } قال: أصابته السماء يا رسول الله. قال: { أفلا جعلته فوق الطعام كي يراه الناس من غش فليس مني } وفي رواية: { من غشنا فليس منا } وفي رواية: { ليس منا من غشنا } [رواه مسلم].

فكفى باللفظ النبوي { ليس منا } زاجراً عن الغش، ورادعاً من الولوغ في حياضه الدنسة، وحاجزاً من الوقوع في مستنقعه الآسن


سبب الغش فى الامتحانات:
وما أكثر طرقه ووسائله بين الطلاب والطالبات!!

وسبب ذلك هو:
1 - ضعف الوازع الديني، ورقة الإيمان، وقلة المراقبة لله تعالى أو انعدامها.
2- ضعف التربية خاصة من قبل الوالدين أو غيرهما من المدرسين أو المرشدين.

3- تزيين الشيطان: فالشيطان يزين لكثير من الطلاب أن الأسئلة سوف تكون صعبة، ولا سبيل إلى حلّها والنجاح في الامتحانات إلا بالبرشام والغش. فيصرف الأوقات الطويلة في كتابة البراشيم، و اختراع الحيل والطرق للغش؛ ما لو بذل عُشر هذا الوقت في المذاكرة بتركيز لكان من الناجحين الأوائل.

4- الكسل وضعف الشخصية: فترى كثير من الطلاب يرى زملائه من بداية العام وهم يجدّون ويذاكرون ويهيئون أنفسهم للامتحان الأخير، و هو لا هم له إلا اللعب و المرح. فإذا ما جاءت الامتحانات النهائية تراه يطلب المساعدة، إن الغش هو حيلة الكسول، وهو دليل على ضعف الشخصية أيضا

5- الخوف من الرسوب: فإن الخوف من الفشل والخوف من الرسوب يسبب قلقاً مستمراً لكثير من الطلاب مما يجعلهم يلجؤون إلى الغش كسبيل للنجاة.

هذه بعض مظاهر الغش وهي غيض من فيض، وقطرة من بحر، ليحيا من حيي على بيّنة ويهلك من هلك عن بيّنة. وإلى كل من وقع في صورة من صور الغش نقول له: اتق الله يا أخي واستشعر رقابة علام الغيوب، وتذكر عقابه وعذابه "إن ربك لبالمرصاد" [الفجر:14] واعلم أن الدنيا فانية وأن الحساب واقع على النقير والفتيل والقطمير، وأن العمل الصالح ينفع الذرية، والعمل الصالح يؤثر في الذرية، قال تعالى: "وَلْيَخْشَ الَّذِينَ لَوْ تَرَكُواْ مِنْ خَلْفِهِمْ ذُرِّيَّةً ضِعَافاً خَافُواْ عَلَيْهِمْ فَلْيَتَّقُوا اللّهَ وَلْيَقُولُواْ قَوْلاً سَدِيداً" [النساء:9] فمن تأمل هذه الآية خشي على ذريته من أعماله السيئة وانكف عنها، حتى لا يحصل لهم نظيرها

[align=center]

[/align]

مضار الغش:
1- الغش طريق موصل إلى النار.

2- دليل على دناءة النفس وخبثها، فلا يفعله إلا كل دنيء نفس هانت عليه فأوردها مورد الهلاك والعطب.

3- البعد عن الله وعن الناس.

4- أنه طريق لحرمان إجابة الدعاء.

5- أنه طريق لحرمان البركة في المال والعمر.

6- أنه دليل على نقص الإيمان.

اخي الطالب ، اختي الطالبة :
ودون تطويل ممل او شرح مخل ، أليس طلب العلم والدراسة عبادة وامانة ؟ بلى. أليس بعدها ستكون صاحب مهنة او وظيفة مؤتمن عليها ؟ بلى ، ألست داعيا الى الاسلام بالخلق الطيب والمعاملة الحسنة من خلال مهنتك ؟ بلى ، اذاً .. أليس مطلوب منك ان تحسن طلب العلم وتجد وتجتهد لتحسن تأدية مهنتك بعد ذلك فتكون محسنا للاسلام .. بلى .. بلى والله .
ان امتنا تنتظركم لتعيدوا مجدها ، والاسلام يريد المتفوقين ويحب المتميزين ويحثنا على طلب المعالي فلا نرضى بالدون ، فاخلص في توجهك، فصبر ساعة سعادة الابد

وأخيــــرا
عليك أن تراقب الله قبل كل شيء، وأن تعلم أن روحك التي بين جنبيك بيد الله، أنفاسك التي تتردد في صدرك هي بيد الله، فاتق الله ولا تجعل الله ينظر إليك وأنت تعصيه.

[محبة الايمان]

للأسف الظاهرة دي موجودة في كل مكان وفي كل سنة وخصوصا السنة دي
وطبعا اللي بيتظلم فيها الطالب الشاطر لأنه من ناحية مش بياخد تركيزه الكامل في الامتحان ومن ناحية تاني بيتساوي او ممكن يزيد عنه واحد أقل منه في المستوي العلمي..

وأنا الحمد لله رافضة للغش تماما بس الامتحانات قربت تخلص خلاص..
والله ياجماعة الموضوع وصل لدرجة إن المدرسة اللي كانت بتراقب عليّ في أحد المواد طلبت مني إني أغشش اللي قاعدة قدامي فالبنت دي قالتلها هي مش بتغشش حد
وطبعا المدرسة دي مفكرة إنها كده بتساعدها ومتعفش إنها بتدمرها بتعويدها علي سرقة مجهود غيرها
وده هيفضل معاها طول حياتها


أنا الحمد لله خلصت
والله يا جماعة أنا امتحت 6 امتحانات 5 فيهم مكلمتش فيهم حد خالص والحمد لله حليت كويس
وفي السادس واحدة سألتني عن حاجة لخبطتني وخلتني أغير إجابتي كنا في آخر الوقت وأنا كنت متوترة فشيلت الإجابة الصح وعملت أجابة غلط
وندمت ندم شديد إني رديت عليها
وقلت فعلا دا جزاء اللي يكلم حد في اللجنة

والمشكلة في طريقة التربية دا حتي بعض الأهالي بيحرضوا ولادهم علي الغش
ودلوقتي كمان بيستحدثوا طرق للغش يعني الموضوع تفشي جدا

وربنا يستر.. شكرا لك

[mssaa]

الموضوع جيد جدا

[maha youness]

موضوع اكثر من رااااااااااااائع وبجد لازم ناخد الموضوع بجدية اكتر

[libero]

المشكلة في أن الغش أثناء الامتحانات موجود في جميع مراحل وفئات التعليم !!!

عندما نقضي على الغش كمبدأ متأصل في النفس ستحل المشكلة ...

[AlMaZiKaWiY]

انا مستبعد الحكاية دى وكمان الغش اتطور بقى فى وسائل جديدة
وربنا معاهم بقى