علشان ما نعملش مواضيع كتير عن امتحان التفاضل تعالوا ندردش مع بعض هنا+ اجابة الامتحان

[amour_amour88]

المشاركة الأصلية كتبت بواسطة ملاك شنودة

الحمد للة انا حالل الخمس اسئلة بس السوال الرابع ب انا بقول ان هو كان طالب انك تجيب اكبر مساحة وهو مديلك ان الضلع الثالث قطر يعنى كنت اقول ان
أ^2+ب^2=4نق^2 واعوض مكان ب او أ وافاضل وهيطلع ان دص / دس =ناتج اقل من الصفر اذا المساحة اكبر ما يمكن ولا اية الرجاء المساعدة

انا كمان عملت المسأله دي كده بس انا نزلت عمود ع طول القطر اللي حيقسمها نصين وقولت

الارتفاع =الجزر(أ2 - نق2 ) مش عارف المسأله دي غلط ليه مع ان ف الاخر أ= 1هجزر2 × نق واللي عندها المساحه اكبر ما يمكن

ممكن حد بقي يقولنا احنا صح ولا غلط

[MuStafa M]

ممكن توزيع درجات الامتحان؟ حد يعرف؟؟؟

[ملاك شنودة]

نص المسالة لانى رميت الورقة ومش فاكرة اوى بيقول اثبت ان اكبر مسافة للمثلث عندما يكون طول ضلعة الثالث طول القطر

[ملاك شنودة]

ممكن حد يطمنى انا كدة صح ولا اية ولو غلط هيعتبرها اية فى التصحيح

[sakaro]

كل اللي بتعملوه ده علشان نقطتين صعبين بس السؤال الرابع (ب) والخامس (ب)

شوفوا امتحان السنه اللي فاتت بتاعتنا هتعرفوا ان امتحانكوا سهل بالنسبه للامتحان بتاعنا اكيييييييييد

الامتحان من اوله لاخره ميتحلش ومش موجود في اي كتاب ولازم تعرفوا ان الوزاره مش بتلتزم بمناهج ولا دليل التقويم

وكالعاده هيطلع وزير التربيه والتعليم هيقول جملته الشهيره الامتحان سهل وفي مستوي الطالب المتوسط ويغطي كافه جوانب المنهج وهيشوف الشكاوي وهيقول هنعيد توزيع الدرجات علي الاسئله وكل ده كلام فااااااااااااااااااااااااااضي

يعني من الاخر توقعوا اي اسئله في بقيت فروع الرياضه الجايه من خارج المنهج

[amour_amour88]

يا جماعه خلاص ايه الي حصل ضيعت مثلا درجتين او ثلاثه لو فضلت ع كده حتضيع 30 او 40 سيبك بقي من اللي فات انساه وعسي ان تكرهوا شئ محدش عارف فيها ايه ولا نموزج الاجابه حيكون ايه المهم شوف الماده اللي بعد كده وروح زاكرها وحاول ما تغلطش تاني علشا توفر درجاتك دي وانسي اللي تاخده ارميه لو فضلت تفتكره حتفضل زي ما انت

ويا ريت ابراهيم مش يعلق ع الموضوع دا هو عارف نفسه

[miro love]

على رأيك والله

ان شاء الله خير واللي جاي اسهل

[XpertMan]

انت قلت الكلام الصح .... اللى فات مات

ولازم الكل يركز فى إللى جاى طالما مش عاوز يغلط فيه زى التفاضل

تسلم يا غالى

[dody.]

الامتحان زبالة واللجان ازبل حتى مسابوش 5 دقايق لنا ونفسى اعرف مين بيقول سهل اعرف حاجة يعنى سهل ازاى قولولى بس

[سندس الربيع]

ياريت نموذج الاجابه موزع عليه الدرجات

[lobna faysal]

حسسسسسسسسبى الله ونعم الوكيل

[مارينا ايوب]

ياجماعة انا كنت السنة اللى فاتت علمى رياضة والكل عارف انى امتحان الرياضة السنة اللى فاتت كان اصعب امتحان حتى الخبراء قالو كدة بس سمعت انى امتحان السنادى فى جزئيتين صعبين والجزيتين اختيارى وربنا بوفق اصحابى اصلهم كانوا معايا السنة اللى فاتت بس سابو الرياضة وبيعدوها السنادى بس الحمد للة دخلت تجارةe اصلى اللى نزل مجموعى الفيزياء مش الرياضة

[ساعدونا]

يا جماعة انا امتحنت زيكم التفاضل النهاردة بس والله المسألتين بتوع (ب)في السؤالين الرابع والخامس اول مرة اشوفهم ومع ذلك في ناس كتيرة حلينهم وبيقولوا ان الامتحان مخرجش عن الورق بتاع المدرسين اللي بياخدوا عندهم انا دلوقت عايز اعرف هل العيب مني والمفروض كنت احلهم حتى لو بشوفهم لاول مرة زي ما قولت ولا العيب من المدرس اللي انا باخد عنده ان ورقه مفيهوش الافكار دي واسف على الطالة بس بالله عليكم لو اي حد من الاعضاء هنا في الموقع سواء كان مدرس او طالب عنده ورق اقدر اعتمد عليه في الجبر والهندسة الفراغية والميكانيكا بس يكون اسلوبه على نفس نظام الامتحان الجاى يا ريت يعمل خير ويرفعه على الموقع ضروري وحالا عشان انا مقدميش غير الجبر والميكانيكا والعربي المستوى الرفيع اللي اقدر اعوض فيهم عشان انا ماجل الE والفيزياء والعلم النفس مع الكيمياء السنة الجاية عشان كان عندي ظروف السنة اللي فاتت خلتني انقص جامد وخلتني أأجل,انا عارف ان انا طويلت جامد بس والله ده عشان انا في ازمة فعلا ومحتاج مساعدة اي حد فهل من مجيىب من الاعضاء الافاضل؟؟؟؟؟ارج الرد علي ضروري انا بجد في ازمة لا يعلم بيها غير ربنا

[miro love]

انا عن نفسي حليت الأسئله اللي في الجرنان بتاع الجمهوريه ونماذج الوزاره وبس ودخلت وامتحنت وان شاء الله الفول مارك باذن الله

آدي الرابط اللي عليه نماذج الوزاره

http://testbank.moe.gov.eg/tests_mod...ec/3/index.htm

[maiay]

بص هي المسألة بتاعت ب السؤال الرابع معرفتش اكملها بس المسألة بتاعت ب السؤال الخامس بسيطة جدا
و بعدين علي فكرة مش شرط خااالص ان الواحد يبقي شاف المسالة قبل كدة عشان يعرف يحلها اللي بيحط الامتحان بيتعمد يالف مسائل جديدة