اى استفسار بخصوص كليه ألسن هنجاوبك عليه

[محمد هستوري]

ممكن حد يفيدنا لو سمحتوا قسم اللغة الانجليزية في كلية الالسن عين شمس أخد من درجة كام في الانجليزي السنة اللي فاتت؟؟

[mustafa.sharf]

المشاركة الأصلية كتبت بواسطة محمد هستوري

ممكن حد يفيدنا لو سمحتوا قسم اللغة الانجليزية في كلية الالسن عين شمس أخد من درجة كام في الانجليزي السنة اللي فاتت؟؟

السنه اللى فاتت خد من 45 و ع العموم التنسيق بيتغير كل سنه ممكن الانجلش لو مفيش
اقبال عليه كتيير ممكن ياخود من 40 ..التنسيق الداخلى بيتغيير ع حسب رغبات الطلاب فى اختيار اللغات يعنى عندك الصينى كان تنسيقه عالى اووى كل سنه عشان فى اقبال عليه كان بياخود من 45 وانت طالع السنه اللى فاتت نزل تنسيقه ل40 من درجه الانجلش عشان مكنش فى اقبال عليه وهكذا فانت محدش يقدر يفتى ويقولك هتلحق ولا مش هتلحق

[figof50]

انا جايبه 93.66 أدبي ممكن أدخل السن ؟

[creative1]

المشاركة الأصلية كتبت بواسطة figof50

انا جايبه 93.66 أدبي ممكن أدخل السن ؟

ايوه ان شاء الله تلحقيها وانتى بتكتبي الراغبات خليها اول رغبه بالتوفيق

[figof50]

طيب لو دخلتها شغلي هيكون ايه ؟

[creative1]

المشاركة الأصلية كتبت بواسطة figof50

طيب لو دخلتها شغلي هيكون ايه ؟

مستقبل الالسن عامة هتبقي مرشده او مترجمه او صحفيه او ( مدرسه لو قفلت ومش لاقيه شغل يعني )

بس قوليلي مجموعك ف الانجلش والفرنش كام او اللغه التانيه كام ؟

[rabeaalos]

وانا جبت 92.9

هحصل ولا لا السن المنيا

[creative1]

المشاركة الأصلية كتبت بواسطة rabeaalos

وانا جبت 92.9

هحصل ولا لا السن المنيا

ان شاء الله السن عين شمس وتنورنا

[" أحبك ربى "]

طب انا 90.99 هلحق عين شمس ؟؟ او حتى المنيا وهل هينفع احول بسهولة ؟؟

[creative1]

المشاركة الأصلية كتبت بواسطة " أحبك ربى "

طب انا 90.99 هلحق عين شمس ؟؟ او حتى المنيا وهل هينفع احول بسهولة ؟؟

ممكن تلحق المنيا بس مش عارف التحويل نظامه ايه بقا

[sranty]

المشاركة الأصلية كتبت بواسطة " أحبك ربى "

طب انا 90.99 هلحق عين شمس ؟؟ او حتى المنيا وهل هينفع احول بسهولة ؟؟

هو التحويل بالنسبه لالسن المنيا انك لازم تقعد سنه دراسه فى المنيا عشان تقدر تحول عين شمس
بس يارب تلحق اى السن

[" أحبك ربى "]

طب متشكرة جداا

[بنوتة حلوان]

انا بكتب التنسيق دلوقتى كل لما اكتب كلية السن يجيلى رسالة فيها ان لازم يكون مجموع اللغات 70 على الاقل وانا جايبة 81 فى المية ومش راضى ابدا يكت رغبة السن مع العلم انى جايبة 90 و8 من عشرة انا مكنتش عايزاها انا كنت عايزة اكتبها الرغبة السادسة بس الفكرة ليه يعنى انا كنت عايزة اكتبها قبل تجارة وحقوق وكده حد يفيدنى اكتب ايه ولا اعمل ايه . وكمان انا عايزة كلية اداب فانا كتبتها فى الاول فايترى مشهيبصو على الى الرغبات التانية عشان انا جايبة اكتر من المجموع المطلوب بتاع اداب؟

[sranty]

المشاركة الأصلية كتبت بواسطة بنوتة حلوان

انا بكتب التنسيق دلوقتى كل لما اكتب كلية السن يجيلى رسالة فيها ان لازم يكون مجموع اللغات 70 على الاقل وانا جايبة 81 فى المية ومش راضى ابدا يكت رغبة السن مع العلم انى جايبة 90 و8 من عشرة انا مكنتش عايزاها انا كنت عايزة اكتبها الرغبة السادسة بس الفكرة ليه يعنى انا كنت عايزة اكتبها قبل تجارة وحقوق وكده حد يفيدنى اكتب ايه ولا اعمل ايه . وكمان انا عايزة كلية اداب فانا كتبتها فى الاول فايترى مشهيبصو على الى الرغبات التانية عشان انا جايبة اكتر من المجموع المطلوب بتاع اداب؟

طب جربى تعمليه تانى كده يعنى افتحى المتصفح تانى لانه عمره ما بيعمل كده
لكن للاسف معرفش السبب بتاعه

[" أحبك ربى "]

سنة كاملة ؟؟ يعنى مينفعش احول بأى طريقة