اى حد داخل هندسه الازهر بنات القاهره يتفضل بالدخول لو سمحتم

[كونان باشا]

دكتور مونا انتى صيدله بنات ياريت لو تعرفى اى حاجه عن النتيجه وخاصه صيدله بنين تتكلمى عنها عشان بجد بطنى خلاص بدأت توجعنى
على فكره انا كمان اول واحد بطلع لانى بكره الكتابه الكتير بس هوا كسل مش اكتر يعنىوغالبا ماحدش بيطلب ورقه اجابه تانيه فى الكليه لان النظام الحديث اصلا فى كليتنا هو ان الاجابه فى نفس ورقه الاسئله يبقى ازاى هنطلب ورقه تانيه ولا ايه يا دكتوره

[كونان باشا]

المشاركة الأصلية كتبت بواسطة yasssmine

صحيح ما قولتوليش الثانويه الازهريه مفيش اخبار عنها هتظر امتى يا ريت ال يعرف عنها حاجه يقولى ويا ريت لو تعرفو الرابط ال بتبان عليه يبقى جزاكم الله كل خير

النتيجه يوم التلات ان شاء الله او الاتنين بالليل واعتقد ان فيه موضوع لكده على الثانويى الازهر
وهتظهر على موقع الرابطه ومعاها نتائج الكلبات
اما بالنسبه لصيدله للطلبه الل فى صيدله هتظهر النتيجه على موقع كليه الصيدله بنين

[م.الزعيم]

ازيك يابشمهندسة ياسيمن
والله انا خبرتى مع الدكتور سيد ناجى فى فى ما دتيين الاولى كانت ميكانيكا فى اولى كهربا وبفضل الله جبت فيها مقبول زى الفل معرفش ازاى بس مقبول كان أحسن من 00000
المادة التانية جبت فيها جيد جدا كانت power system
على فكرة انا حاسس ان بطنى وجعتنى من كلامك وبدأت أخاف وده مش كويس علشانى بلاش موضوع النتيجة ده ياجماعة
بس ايه أصح التصحيح ده !!

[yasssmine]

ازيكم يا احلى مهندسين
ايه فينكم احنا اتحسدنا ولا ايه انا عايزه اخد رايكم فى ال المنتدى عمله اشمعنا الثانويه العامه عملولها ضجه وترقبو وصدرت وكل ده وحاليا البحث بالاسم فى حين الثانويه الازهريه مفيش اى معلومات عنها اكنها ولا موجوده. والله ما ينفع كده احنا زينا زيهم ويمكن احسن كمان شوفو احنا عندنا كام مادة والصراحه مش المنتدى ده بس ال عمل كده كل المنتديات حتى التليفزيون انا عايزه اعرف ليه كده هما دول مش طلبه زى اى طلبه دا يمكن احسن. والله كده ما ينفع انا عايزه اعرف ليه التفرقه دى .ال عنده رد او سبب بيضحك على نفسه بيه يقوله يمكن نضحك على نفسنا احنا كمان ونصدقه

[eng refa3y]

السبب ان احنا غلابه
وقله بالنسبه للعام
وحذر من انتشار الازهر من الحكومه
والقنوات لا تهتم
واحنا برضه لا بنعد نقول امتحانات سهله او صعبه
بناخدها ببركتها كده وخلاص

وياريت بلاش تفتحى الموضوع ده
خلينا ساكتين

[yasssmine]

مفيش حاجه اسمها غلابه ومش غلابه فى حاجه اسمها طلبه ازهر ودول لازم ياخدو حقهم وما ينفعش نقعد نحط ايدينا على خدنا ونسكت نبدا من المنتدى ده نشوف ليه بيعملو كده وبعد كده منتدى تانى وغيره وغيره يمكن نعمل حاجه ولا رايكم ايه

[eng refa3y]

ياريت تفهمى حذر انتشار الازهر كويس
وانتى تعرفى ليه محدش بيتكلم على الازهر

ومع ذلك الازهر منتشر برضه
هو مش زى زمان
لكنه موجود
وهيفضل موجود رغم انف اى حد
ومسير الدنيا تتغير
كفايه

[م.الزعيم]

السلام عليكم

والله ياجماعة أنا من صغرى بسئل نفسى السؤال ده؟؟؟؟؟؟؟؟؟؟؟؟؟
لكن مفيش اجابة صريحة بسمعها . بس خلونا احنا الأزهرية نتكلم مع بعض
كلمة أزهر فى دولتنا بتعنى او بتساوى فعلا = تخلف الشخص الازهرى ده واحد عايش فى الدروشة
اعتقد يابشمهندسة انك بتركبى القطار ووسائل الموصلات وبتشوفى تعبيرات الناس
والامر ده فعلا راجع فى الاصل لنظام الدولة
احنا فى دولة علمانية شاء ون شاء وأبى من أبى. والنظام العلمانى بيرى الدين انو تخلف والممثل الطبيعى للدين عندنا هو الازهر .
من المعروف ان امتحانات الازهر اصعب وظروف امتحانات لا يصدقها عاقل ثلاثة اسابيع امتحانات متتالية ده جنون!
وعندنا امتحان الفيزياء اصعب بكتير لكن احنا فى الظلام حتى فى نتيجتنا
انا فاكر واحد حكى ليا موقف واحد بيسئله فى القطار انت فى كلية ايه قال هندسة قاله ما شاء الله هو الازهر فيه هندسة؟ قاله اه .قاله بتخدوا فيها ايه الهندسة دى؟؟؟ لاتعليق
الموضوع ده طويل بس فعلا الخلاصة زى ما قال المهندس رفاعى ده سياسة دولة
فيه ناس لما بتتخرج من كليتنا وحد يسئلها خريج ايه ؟ينكسف يقول جامعة الازهر.
مع تحياتى وأسفى على الوضع الحالى

[م.الزعيم]

شكلى هضيع بعد الكلام ده

بالمناسبة دى انا بحب اسمع انشودة جميلة جدا

ياريت تسمعوها وتعرفونى رايكم فيها

انا ابن الأزهر الحانى انا الإسـلام ربانى
انا من جئـت للدنيـا لأرفع شأن أوطانى

نسخة بالموسيقى

http://www.mediafire.com/?wyizmgi4mkk

نسخة بالإيقاع فقط

http://www.mediafire.com/?rzzazzrnhmm

نسخة بدون ايقاع

http://www.mediafire.com/?dtmh2uvy3xj

[هبه محم]

انتو نسيتو النتيجة ولا ايه شكلها مش طلعه بكرة ولا الشهر ده

[م.الزعيم]

النتيجة عادية ومفيش فيها مشاكل
وبعدين مفيش علاقة بين الكلام اللى احنا بنقوله والنتيجة
دى مش اول سنة ولا اخر سنة يحصل ده

[هبه محم]

هي لسه ما طلعتش اصلا انا اقصد نتيجتنا احنا بتوع هندسة و بالنسبة لتهميشنا في الاعلام والنت فده من زمان ولو تقدروا تغيروه فطبعا معاكم

[هبه محم]

ولكن طبعا احنا مقتنعين بنفسنا زي ما بتقولو رغم السمعه اللي مطاردانا واللي بتفرض علينا مجهود اكبر بكتير علشان نبقى موجودين

[م.الزعيم]

انا اسف بحسب حضرتك بتكلمى عن الثانوية
بالنسبة لنتيجة هندسة ربنا يستر وياريت لو فيه اخبار تعرفونا
عندك حق ان السمعة دى فعلا بتفرض علينا مجهود كبير علشان نثبت نفسنا
نسيت أقول لحضرتك نورتى المنتدى يابشمهندسة وياريت دايما تشاركينا

[eng refa3y]

مرحبا بالوجوه الجديده
ويارب تورى المنتدى على طول


ياجماعه سبأ وقلت لكم كفايه
وانا بتدايق من الموضوع ده

وانا ازهرى
وهفضل ازهرى
والازهر باقى رغم عن اى حد بيحاربه
سواء جوه او بره

وسطيه لا تشدد ولا انحراف

كفايه
وافهموا كلمه كفايه كويس