للعام الدراسي 2009 2010 انت تسأل ونحن نجيب

[sohawooo]

أأأأأأأأأأأأأأأأأأألف شكر
وربنا يبارك فيك

[احمد 720]

المشاركة الأصلية كتبت بواسطة سيف سالم

الاجابة حسب ما جاء في نص الكتاب

المترجم يحول الى لغة الوسيطة
وما عدا ذلك خطأ
لان ما ورد بالكتاب هذا
سواء كنا معه او ضدة
بس للاسف واضعي الامتحان من اصحاب الاراء والفلسفات اللي لا بتقدم ولا بتأخر
وعليه اذا جاء السوال في صح وخطأ
الى الالة
يذكر هكذا حسب ما جاء بنص الكتاب ص كذا خطأ لانه يقوم بالتحويل الى اللغة الوسيطة
اما في حالة اعتبار اللغة الوسطية هي لغة الالة فالاجابة صحيحة

بعد إذن حضرتك يا استاذ سيف

انا عايز اعرف هقول للطالب ايه ، الطالب فى غنى عن كل هذا الكلام
هل اوضح له ان العبارة صحيحة ام خطأ

[المؤمن المصرى]

جزاك الله خيرا

وزادك علما

[سيلينا جومز]

شكرااا جداااااااااااا

[ابو كيرلس]

الأخ الزميل ده من خلال google
المترجم
[IMG]http://dc06.***********/i/00895/ogtt0j6dq9yp.JPG[/IMG]

دي رسم تخطيطي لعمل المترجم

احنا لسه متكلمناش:D

طبعا احنا عرفنا من المره الى فاتت ان الكمبيوتر بيتعامل ب 0 و 1 او on و off
طيب هو انا عشان اكتب برنامج هكتبه ب 0 و 1؟؟
يبقي انا لو عاوز اعمل برنامج لازم افهم لغه الاله يبقي البرنامج كده

كود:
01010101010101001010111110101010101011110101010101 111001110110101010101011
حد فاهم حاجه؟؟؟؟؟
طيب اكيد لو البرامج كلها هتبقي كده يبقي البرمجه هتبقي اصعب من الفزيا ومحدش هيعمل برامج

فهما بسطوا الحكايه خلو فى حاجه اسمها لغات البرمجه وهى بتبقي اقرب مايكون للغه الانسان وبتبقي بسيطه
هتيجي انت تقولي " احنا هنستهبل؟؟ مش انت لسه قايل ان الكمبيوتر مش بيفهم غير 0 و 1؟؟"
اقولك ااااااااه هنا بقي ييجي دور المترجم compiler

ييجي المبرمج يكتب البرنامج بتاعه بللغه الى هو عاوزها و ال compiler يترجم اللغه ل0 و 1
يقوم الانسان يفهم و الاله تفهم

طيب هو المترجم بيعمل كده بس؟؟
اقولك انا لا مش كده بس المترجم ليه وظائف كتير مثلا:
بيعمل تحليل لصحه البرنامج( يعني الكود الى احنا كتبناه فى اخطاء او لا)
بيجهز الكود ويحلله دلاليا
بعد كده يقوم يعمل كود بلغه الاله ترجمه للكود الى كتبناه

نفترض ان احنا كتبنا كود بيقول : الناتج = سX ص+90
ييجي المترجم يشوف فى اخطاء او لا
بعد كده يحلله كالتالى :
1- المعرف الناتج
2- علامه = يساوي
3- المعرف س
4- علامه X الضرب
5- المعرف ص
6 - علامه + الجمع
7-الرقم 90


ينهار اسوخ بقي المترجم بيعمل كل ده عشان يحلل الجمله؟؟ دانا اروح احلل دم اسهلى!!
على فكره ده التحليل الدلالي بس...... وهكذا بيحصل تحليل صحه القواعد و تحليل المعني الخ....


بس الناس زهقت هو عشان تعمل compiler لازم تعمله كل شويه ب 0و1
بصراحه ده يبقي شلل...... فعملوا لغه اسمها Intermediate Language
او اللغه الوسيطه
وهي لغه تكاد اقرب للغه الاله بس جيده ان الانسان يقدر يفهمهها

هتقولي بقي " يييييييييييييييه الراجل رجع يهيس تاني يعمنا مش احنا قلنا الكمبيوتر مش بيفهم غير 0 و 1؟؟"

اقولك اااااااااااااااه تقولي " تاااني؟؟":D:D
اقولك هما عملوا حاجه كده زي ال compiler المترجم
بيترجم من اللغه الوسيطه للغه الاله الى هو ال assembly
مش عاوزين بقي ندخل فى الغويط (ممكن نغرق)

ندخل بقي على ال Interpreter حرفيا معناه المترجم بس خلينا نمشيه الانتربرتر
Interpreter

الانتربرتر هو بقي الي بينفذ البرنامج
هو البرنامج المسئول عن تنفيد التعليمات المكتوبه بلغه برمجه معينه.

طيب ايه الفرق بين الكومبايلر والانتربرتر؟؟
تقنيا الكومباير اكفأ واسرع من الانتربرتر لان الانتربرتر بيحلل الجمله المعينه فى كل مره بتتنفذ , انما الكومبايلر بينفذ وخلاص
وكمان فى لغات بتشتغل بالكومبايلر ولغات بالانتربرتر.

اظن احنا رغينا كتير اكيد فى ناس عماله تنفخ وناس قامت تعمل قهوه ساده عشان تصحي وناس بتشتم فيا:D بس معلش....اقولكوا بس منغير شتيمه؟؟
احنا لسه هنتكلم عن لغات البرمجه :D

لغات البرمجه Programming Languages

لغه البرمجه : هى لغه اقرب ماتكون انها فنيه او حرفيه (يعني مش عشان نكلم بعض بيها) وهى تستخدم للسيطره على الاله و بخاصه الكمبيوتر وهى مثل اللغات البشريه لها قواعد ودلالات ومعني

طبعا بسيط
انا مش هتكلم عن القواعد والكتابه الضعيفه والقويه والكلام ده لانى شايف انه ملوش لزمه
انا هتكلم عن تاريخ البرمجه الاول

للاسف كتير من الناس فاكره ان ال Dos كان برمجه
بس للاسف دي معلومه غلط الدوس عباره عن نظام تشغيل عادي زيه زي الوندوز زي اليونيكس

ندخل بقي فى المفيد
اللغات عندنا درجات
المستوي الادني : لغه الاله 01001101
مستوي منخفض : اللغه الوسيطه Intermediate language
مستوي منخفض : لغه المترجم والمجمع
مستوي رفيع او عالى : لغات البرمجه

احنا هنتكلم هن اللغات ذات المستوي الرفيع

1- FORTRAN
فى سنه 1954 طلع واحد اسمه John Backus مع مجموعه من شركه IBM وعملوا اول لغه برمجه بالتاريخ وسموها الFortran الفورتران اختصار ل (Formula translation)
وكانت برامجها بسيطه جدا لانها كانت تعتمد على القراءه والكتابه بس وكمان لو انت غلط غلطه فى البرنامج ....اقري الكود الى انت كاتبه كله عشان تتطلع الغلطه يعني لغه بتتقل الوقت.

2- Basic

البيسيك ظهر سنه 1964 وكانت لغه اسهل بكتير من الفورتران لانها كانت قريبه من لغتنا بس كانت بتعتمد اعتماد كبير على الفورتران والى طور اللغه واحد اسمه Quick Basic وفضلت تتطور لحد مابقت ال vوisual Basic الى بناخده فى الثانوي

3- COBOL
لغه الكوبول اقدم من البيسيك حتي انها طورت عام 1960 وهى لغه متخصصه فى النواحي التجاريه ومجال المحاسبه ( وانا والدي من احد مبرمجي الكوبول) ويكثر استخدامها فى البرامج الخاصه بالبنوك وهى من احسن اللغات الى بتتعامل مع نظم تشغيل اليونيكس واللينكس...الخ
وهى فضلت تتطور لحد مابقي فى COBOL 2002

4- عائله C
هى من واحده من اكفأ واشهر اللغات على مستوي العالم
1- لغه C
لغه السي طورت عام 1969 و جه الاسم سي لانها طورت من اللغه B و كده وهى احد اسباب ثوره البرمجه الى حصلت فى الاربعين سنه الى بعد كده
2- لغه C++
جاءت تطوير للغه السي وهى من اهم واشهر اللغات فى عصرنا الحالى وهى اعتبرها المهندسين من احسن اللغات وانها بتقدر تصمم برماج قويه
3- لغه C# سي شارب
هى من احسن اللغات فى عائله السي لانها بسيطه وجمعت بين قوه السي بلس بلس و سرعه البيسيك و انتجتها ميكروسوفت فى عام 2000 وهى بتنتمي لمجموعه الدوت نت (وانا من احد مبرمجي اللغه دي)

5 - الجافا Java
هى احد اللغات الحديثه فبدايتها كانت فى عام 1991 واول اصدار لها كان عام 1995 و انتجتها شركه sun micro-systems ومن رأيي انها افضل واحسن واكفأ لغه برمجه على الاطلاق .....وهى جاءت محاكاه لسي بلس بلس و منها الاصدار
Java SE(Standard Edition)l وانا لا افضله
Java EE(Enterprise Edition)l وده جامد بكل المقاييس
Java ME (Micro Edition)l وهو لبرمجه الهواتف المحموله

6- Python
لغه البايثون من اللغات الحديثه انشات عام 1991 على يد مبرمج فى امستردام يسمى جويدو فان رزوم, و جاء اسم اللغه من فرقه هزليه اعجب بها المطور كانت تسمي مونتي بايثون , وتم كتابه لغه البايثون بواسطه لغه السي (وانا من احد مبرمجي البايثون بس لسه على قدي)

ولسه فى لغات كتير جدا زي ال php - prolog - logo - sql - pascal الخ الخ.....

وكده يكون خلص الموضوع اتهيالى كده كفايه عليكوا عشان زمانكوا هيستوا وانا استريح برده من التفكير

[أحمد هاشم الزيدي]

أكيد وانا ان شاء الله هتصل بالموجة العام بالمحافظة وهتأكد من الإجابة وان شاء الله هعرفكم الرد

[ahmedabdo3]

الاستاذ الفاضل .....
وليه ده كله الاجابة " لا " المترجم يقوم بتحويل البرنامج بالكامل الى اللغة الوسيطة و نشكر الوزراة انها بدأت تصحيح المادة العلمية للمنهج وان ترتب عليها بعض التعقيد .

و اساتذتى اللى ملتزمين بالكتاب ان كانت المعلومة صحيحة ام خطأ فالمعلومة مثبته فى طبعه 2010 / 2011 و كذلك تعديلات الوزارة والمعلومة صحيحة 100 % .

و منتظرين حصص حضرتك فى الغرفة الصوتية ان شاء الله

[ahmedabdo3]

FORM.CLOSE اللى حضرتك اشرت اليه يقصد به عند ضغط المستخدم على زر x للنافذة و هو من احداث البرنامج فعلا

اما يقصد فى السؤال هو الكود البرمجى FORM.CLOSE وهو امر للنموذج بالاغلاق و يقوم النموذج بذلك فهو وسيلة

[كريم النقيب]

بالنسبة لسؤال السودو كود ده مش كامل يعني انا معرفش احدد السؤال طالب ايه

[أحـمد قرنى]

الاخ العزيز ابو كيرلس

هناك فرق بين اللغة الوسيطة ولغة الالة وهذا من خلال كلام حضرتك وما قمت بسرده

بأن اللغة الوسيطة لغة منخفضة ولغة الآلة لغة متدنية !!!!

[ahmedabdo3]

جملة if قد يكون معها نتيجة الشرط رقم ليس true , false مطلوب من حضرتك تشوف الناتج
لو رقم " موجب او سالب " يكون التنفيذ لجمل then
فى حالة الناتج صفر يكون التنفيذ لجملة else

[اييمى]

مش عارفة حل الخريطة وهى من اسئلة الكتاب :

- ارسم خريطة تدفق لحساب y بعد قراءة المتغير x


وجزاك الله خير

[سيف سالم]

المشاركة الأصلية كتبت بواسطة احمد 720

بعد إذن حضرتك يا استاذ سيف

انا عايز اعرف هقول للطالب ايه ، الطالب فى غنى عن كل هذا الكلام
هل اوضح له ان العبارة صحيحة ام خطأ

العبارة خطأ حسب ما جاء بكتاب المدرسة

كون محافظة قالت العبارة صحيحة فلا ذنب لنا

[المبتسمه]

المشاركة الأصلية كتبت بواسطة احمد عبدالشكور

حتى لا أبخل بما عندى


عندى كتاب الوزراة لغات لو مطلوب ارفعه لحضراتكم .

شكرا استاذ احمد لاهتمامك بالرد
والله يبقى كتر خيرك لو مافيهاش تعب لاننا نمتحن ابناؤنا فى الخارج وليس لدينا اى مصدر للمادة سواء كتب وزارة او غير

وجازك الله خيرا

[سيف سالم]

المشاركة الأصلية كتبت بواسطة المبتسمه

شكرا استاذ احمد لاهتمامك بالرد
والله يبقى كتر خيرك لو مافيهاش تعب لاننا نمتحن ابناؤنا فى الخارج وليس لدينا اى مصدر للمادة سواء كتب وزارة او غير

وجازك الله خيرا

http://knowledge.moe.gov.eg/Arabic/D...s/books.htm#bb