ملتقى طلاب الصف الثالث الثانوى (علمى علوم) 2014

[m_d10]

يا جماعه المستر بتاعنا بتاع الفيزياء قالنا هنراجع على القوانين الى خدناها فى تانيه ثانوى لأنه إحتمال كبير يجب سؤال متعلق بمنهج تانيه ثانوى

الاستاذ عندنا مجبش السيرة دي خالص وانا مظنش انه يجيب حاجة من السنة اللي فاتت . بس الاستاذ عندكوا أكد علي المعلومة ولا اية؟

المستر قالنا متنسوش إنه كان منهج واحد فى البدايه وهو يقدر يلعب فى النقطه دى

وقال إننا هنراجع القوانين بتحته فقط على السريع كده علشان نبقا واخدين إحطياتنا بردو

[NeVeR CoMe BacK]

المشاركة الأصلية كتبت بواسطة Yasmeena.R

انا المدرس اللى باخد عنده ممتاز جدا بس انا معرفش لسة نظامه ايه فى الشهور الاخيرة وانا مدينا ملزمة حل قطع فهم وترجمة قولى الترجمة لازم يكون فيها نقطة مش عرفاها وهوا ورانا ازاى نحل

بس قطع الفهم كل قطعة احلها سؤال من الاسئلة حلاه غلط بسبب انى مش فاهمة نقطة اجابته وهوا قلنا قطع الفهم بتيجى مولعة نار وفى قطعة متوسط

انا مش عارفة هل لحد اخر السنة اكون اتظبطت ولا هنقص فى الانجليزى اللى محدش ضامنه دا

كنتى بتعملى ايه يادكتورة ؟؟

سؤال قطع الفهم هو باين اهو من اسمو محتاج تقرأى القطة وتترجميها وتفهمي وتجاوبي بقا سؤاء من القطعة او بأسلوبك وختة الترجمة دى مش صعبة اوى يعنى انتى اكيد عندك كلمات دلوقتى وهتفيدك وطبعا مش محتاجة افكركو ان فيه كشكول للكلمات صح ولا ايه ؟! حتى لو مفيش كلمات المنهج لوحدها كفاية والله بالزات لأن منهج تالتة ف القواعد تقريبا نفس تانية بس بيزود بقا ف الكلمات وكده ومع كتر الحل هتتعودى واصلا حتى لو انتى معرفتيش تجواى علا سؤال ف القطعة وقعدتى تلكى كدهوووو وتكتبى كلام كتير بس يكون من القطعة طبعا هتاخدى الدرجة والله وعن تجربة يعنى متقلقوش من حكاية القطعة دى ياستى ف اسوأ الحالات خالص لو مش عارفة تجاوبي علا سؤالي انقليله القطعة بحالها وهو يطلع الاجابة بقا
اهم حاجة ف امتحان الانجلش عشان تجيبي فيه الدرجة انك تكونى مظبطة سؤال فايند ذا ميستيك وال mcq والترجمة لو مش عارفة معنى كلمة بتجيبيها من سياق عادى او تكتبي حاجة قريبة من المعنى مش لازم الكلمة بالظبط يا جماعة خليكو مرنين كده متبقوش معقدين مشوا حالكووووو امتحان الثانوية العامة عايز حد بيعرف يمشي حالو ويملي الورقة مميبقاش جامد يعنى

المشاركة الأصلية كتبت بواسطة shahnda khaled

اممممم تمام انا بحاول اهوه بس اصل انا كنت مقصره فيه زيو زي بقيت المواد وناوية ابدأو من الاول تاني مع نفسي واذاكر معاه بقي ... وربنا يسهل

ربنا يوفقك ابدأى كده راجعى يونت بيونت وحلي عليه اول بأول وكل ماتخلصي يونت هاتى امتحان شامل وحليه كلو وشوفي اجابته وهكذا مع كتر التدريب هتلاقيكي حفظتى الجمل كلها

المشاركة الأصلية كتبت بواسطة عبير الجوري

يا دكتورة ما افضل كتاب مراجعة نهائية للانجليزي ؟
و يكون له إجابات على النت علشان اصحح لنفسي

بيتهيقلي هو سربرايز ده اشمل واحسن واحد مش سايب حاجة الصراحة

المشاركة الأصلية كتبت بواسطة شروق الشمس **

حد يقولى ايه احسن كتب مراجعه فى المواد بزااات الانجلش

سربرايز انجلش افضل كتاب من رأيي او زا بيست بردو بس انا كنت براجع من سربرايز
المواد التانية انا قلت عليهم قبل كده احياء الامتحان و الاول وكتاب المدرسة طبعا مع حل جميع امتحانات السنين هتبقا مية مية وهتكونو حالين النفيس قبل كده بلاش تجيبوه ف المراجعة عشان متتعقدوش او لو فيه وقت هاتوه وحلوه بردو
الفيزيا الامتحان بردو وممكن الوسام وطبعا امتحانات السنين ودليل التقويم بردو بس متحلوش كل الاسئلة يعنى هو رخم كده شوية
الامتحان عربي ده اساسي بردو ولمراجعة النحو كتاب الاضواء الجزء بتاع النحو ده شرح ومراجعة ده جمييييييييل اوى وفيه بردو اسئلة عالنصوص ف الاضواء بردو ممتاز جدا
الكيميا بقا دليل التقويم والامتحان وامتحانات السنين كفاية اوى عليها
مممممممممممممم لسة ايه تانى ! فرنساوى تقريبا مش فاكرة اسماء الكتب الصراحة خليكو مع المدرسين بقا واهم حاجاة فيه اكيد الامتحانات الكتير
هييييييييييييييح ربنا معاكو بقا شدو حيلكو وانا ف الخدمة

[Ruins22]

أنا كده راجع الدروس من بكره، إجازتى خلصت

أشوفكو على خير بعد الإمتحانات إن شاء الله


حظ موفق جميعاً، باااى بااااااى

[hiamsiam]

شكرا وميلون شكر

[عبير الجوري]

شكرا لردك يا دكتورة بس كتاب سربرايز للمراجعة للنهائية له اجابات علي النت

[NeVeR CoMe BacK]

المشاركة الأصلية كتبت بواسطة عبير الجوري

شكرا لردك يا دكتورة بس كتاب سربرايز للمراجعة للنهائية له اجابات علي النت

مش عارفة الصراحة بس هو اصلا بيتهيقلي ليه اجابات

[chalijaly]

يا جماعة انا معايا زابيست مراجعة نهائية وهو كويس خالص..
عايز حاجة جنبه تونسه مش عارف اجيب ايه؟؟
محتار بين ( سنيور-الاول-جيم)
بس انا معايا فول ماركس وهو نفس مؤالف جيم وخايف ليكون زييه وااخد زومبه فيه؟؟
حد جربهم ؟؟

[NeVeR CoMe BacK]

[*(amera)*]

اخباركم ايه يا جماعه؟
كان عندى انهارده امتحان احياء
بس كان ايييييه دماغ

شوية اسئله من اللى جت في الامتحان
اختر
بويضة احدى الجراد بها8 كروموسومات فيكون عدد الكروموسومات فى الخليه الجسدية لجراد مذكر ..... كرموسوم
(8 - 9 - 17 -18 )
لايوجد علاقة بين الجهاز البولى والجهاز التناسلى فى
(ذكر الانسان - انثى الانسان - ذكر وانثى الانسان - كل الثديات )

ماذا يحدث
احاطة البويضة فى النبات اثناء تكوينها احاطه تامه
هو انا قولت اجابتين
الاولى ان لا يحدث اخصاب للبويضه لعدم وجود النقير وتنمو ثمره بدون بذور
التانيه ان لا يحدث اخصاب للبويضه لعدم وجود النقير ويموت النبات لان لايدخل ماء له للانبات

اكتب المصطلح
نوع الخلايا التى يتكاثر بواسطتها بعض النباتات البدائية (خلايا جرثوميه /جراثبم)

مسألة ورائة
فى المشمش تم تهجين نبات ثماره برتقاليه كبيرة الحجم هجينه مع نبات ثماره صفراء صغيرة الحجم نقيه فكانت النتيجة نباتات برتقاليه صغيره واخرى صفراء كبيره الحجم بنسبه 1 : 1
الرسم ع الكروموسومات بس مش هعرف اعملها هنا فهكتبهاعادى
مسألة ارتباط تام
نفرض جين اللون البرتقالى Gوجين اللون الاصفر g
نفرض جين ثمار كبيرة الحجم Bوحيبن ثمار صغيرة الحجم b

p1 GbgB x gbgb
G1 Gb gB X gb
F1 Gbgb gBgb



فيه كام سؤال بقى مش متأكده منهم فى اللى فوق دول
جاوبوا انتوا كمان او قولولى لو حد شايف ان فيه اجابه غلط من الاجابات اللى كتبتها
لحد ما ابقى استلم الورقه ان شاء الله و اتاكد من الاجابات واقولها

مسائل الوراثه القديمه معلش هحلهم ان شاء الله
بس اليومين دول الامتحانات نازله علينا مجمعه فى كل المواد من اول المنهج
فالحمد لله المدرسيين مظبطنا مش عارفين نتنفس

[shahnda khaled]

امم طيب ممكن يا جماعة تنصحوني انا عاوزة اراجع المناهج او اذاكر من تاني هههههه امممم بقول افضل لاخر الشهر علما ان احنا لسه مخلصناش المواد بس بصراحة مش عارفة اقسم جدول يعني اراجعهم كلهم سوا ولا كل مادة ع كام يوم وانق للي بعدها وكده امممم ممكن حد يساعدني؟

[raneem magdi]

يا جماعه انا ضااااااااااااااااايعه غي المذاكره ونفسي ادخل صيدله هو لو ذاكرت من دلوقتي في امل ؟؟؟؟؟؟؟؟

[shahnda khaled]

المشاركة الأصلية كتبت بواسطة raneem magdi

يا جماعه انا ضااااااااااااااااايعه غي المذاكره ونفسي ادخل صيدله هو لو ذاكرت من دلوقتي في امل ؟؟؟؟؟؟؟؟

اكيييييييييييييييييييييييييييييييييييييييييييييييي يييييييييييييييد فيه امل ان شاء الله انتي بس ركزي كده
ربنا يوفقك

[raneem magdi]

اه بس انا حاسه ان كل اللي بيدخلو طب وكده كانوا بيذاكروا من اول السنه لكن انا هبدا متاخر اوووي

[shahnda khaled]

اه ونقطة تانية لو سمحتوا انا عندي كتب كتيييييييييييييييييييير يعني المادة 17 كتاب كده هههههه لا بجد كتير اممممم ومش عارفة اعمل فيها ايه مخلصتش ولا واحد ....وبعدين كل اما بلاقي الجبل ده قدامي بيجيي حالة نفسية طب والنبي هخلص امتي ؟؟؟؟ لأ وايه كل 10 دقايق وحدة من صحباتي تتصل عليا دحنا راجعنا بتاع تلاتين مرة وانتي مالك ...ماذاكرتيش مش هتلحقي ....انتا هبلة ..خلاص بقي ربنا يستر ....وابن عمتي كمان الواد داخل بترول يعني راجع المنهج بتاع 400000000 مرة ويقلي طب هو انا هلحق بترول ؟؟؟؟!!!!!!!!!!!!!!!!! بصوا انا هدخل تجارة ...اقصي حاجه يعني
سلامو عليكو: (

[Dr Elgohary]

ياجدعان انا سمعت ان فى حاجات اتشالت من المنهج
زى درس سقط القناع فى العربى
وفصل التبريد فى الفيزياء ومعاه جزء من الليزر
والاسترات من الكيما

الكلام ده بجد ولا اييييييييييييييييييييييييييييييييييييييييييييييييه