الموضوع ده هيوفر كتير لكل اللي عاوز يتفوق ثانوي عام ان شاء الله

[عبير الجوري]

موضوع جميل جدا ومفيد
اريد ان اسال عن افضل كتاب للانجليزي مراجعة نهائية وبكون محلول او يكون له اجابات علي النت
عايزة احل واصحح لنفسي لوحدي مش في درس
انتظر ردك

[Jung Ji-Hoon]

عندى مشكلة فى الجغرافيا
انا ضعيف جدا فيها ومش عارف اذاكرها
وكتاب الامتحان منزلشى السنادى
اعمل ايه؟

[son470508165410]

المشاركة الأصلية كتبت بواسطة lally adel

تغليقا على كلامك يا دكتورة وردك على ( داركومالفوى ) .. انا بعد اذنك كنت عايزة اقول حاجة

انا وصحبتي قبل ما ندخل تانية ثانوى كان الحماس واخدنا اوى كدة برضه .. وفضلنا نحط فى جداول وفى حاجات .. و اول ما الكتب نزلت الفجالة حتى مكنتش لسة اتوزعت على باقى المكتبات نزلنا احنا الاتنين فى عز الحر والصيام نجيبها .. وكنا بنشترى بغشومية .. كأننا داخلين مسابقة اللى هيشترى فيها كتب اكتر هيكسب اكتر ..
المهم فضلنا بالحماس فى اول حوالى 3 شهور دراسة بس طبعا كان بيقل بالتدريج ..لحد ما وصلنا لشهر 1 او 2 تقريبا وبقينا زى كل الشعب المصرى بنحل من كتاب واحد بس من الكتب الكتيييير اللى كنا جايبنها .. بنام اكتر ما بنصحى فى اليوم .. بنذاكر تأدية واجب وعشان ضميرنا ما يأنبناش ان اليوم عدى واحنا ما ذاكرناش ...

المهم المشكلة كانت فى ان احنا دايما حاسين اننا كدة مقصرين واننا مش عاملين الحاجة اللى المفروض تتعمل ..
لما قعدت شوية مع نفسى وفكرت احنا ليه حاسيين بكدة لقيت ان الاحساس دة نابع من اننا حطينا جدول خرااافى وحاجاتفوق طاقة ابشر وكنا بنقسم اليوم من غير ما نحسب عدد ساعات النوم و الاكل والكلام دة ودة كله كان بدافع الحماس اللى كان واخدنا فى الاول لكن لما نزلنا على ارض الواقع لقينا قدامنا كل الحاجات اللى مكناش عاملين حسابها ودة اللى سببلنا احباط .. ولولا ستر ربنا الله اعلم الاحباط دة كان ممكن يوصل بينا لفين ..
اسفة على الاطالة .. بس حبيت اوضح النقطة دى عشان محدش يقع فيها

انا في تانيه ثانوي ونفسي ادخل طب
ازاي اساعد نفسي من دلوقتي
وايه نصايحك ليا

[son470508165410]

المشاركة الأصلية كتبت بواسطة lolododo2010

الحمدلله جاوبتلكم علي كل الاسئله المتاخرة اعذروني علي التاخير معلش بقي دخله الجامعه انا منتظرة استفساراتكم اي سؤال خشوا اكتبوه وباذن االله هرد عليكم ربنا يوفقكم واشوفكم كل الكليات الحلوة اللي تتمنوها يارب

السلام عليكم انا في تانيه ثانوي ونفسي ادخل طب
فممكن اعمل ايه دلوقتي يساعدني في الثانوية العامه

[nada ndoosh]

السلام عليكم ورحمه الله وبركاته
الف مبروك لدكتوره مع انها جت متأخره ربنا يكرمك انا كنت بشوف ردك بس مكنتش بعرف اسجل والحمد لله سجلت
وانا داخله علمى ان شاء الله لسه تانيه وياريت استفيد منك

[المجلس2009]

كله ماششييييييييييييييييييييييييييييييييييي
بس المهم تذاكروووووووووووواااااااااااا

[ابراهيم الكومى]

جزاكم الله خيرا

[alshymaa hafez]

اول مره اقراء الموضوع كنت داخله اولى ثانوى دلوقتى داخله 3
ودى تانى مره اقراء الموضوع او التالته بجد استفدت جامد ومازلت كل مره بقراءه بستفيد
ربنا يكرمك ويوفقك يارب وتبقى معيدة كمان فى الكليه

[alshymaa hafez]

بعد اذنك انا باخد النصايح دى وانزلها على الفيس علشان اصحابى يشفوها

[Dr Alaa Inv]

انا في حاجة لفتت نظري حضرتك بتقول في العربي كتاب المثالي رائع بس انا مسمعتش عن حد اشتري او مدح المثالي في العربي خالص ... فأنا عايز اعرف ايه الي بيميزه عن باقي الكتب ؟؟؟ ... ثانيا الكمياء ايه افضل الكتب الخارجية بعد الامتحان هل المثالي ولا الوسام ولا المعلم ولا مندليف ؟؟ وشكرا

[lolododo2010]

اخواتي اللي تابعوا الموضوع ده زمان طمنوني دخلتوا ايه وهرد علي الاستفسارات الجديده حالا يارب يكون الموضوع كان كويس وفادكوا وتكونوا حققتوا احلامكوا واحلام اهاليكوا ها حد شرفني ف طب عين شمس انا رايحه 3 اهو ادعولي جامد 3 من المفترض انها من اصعب السنين

[lolododo2010]

المشاركة الأصلية كتبت بواسطة bavari

انا في حاجة لفتت نظري حضرتك بتقول في العربي كتاب المثالي رائع بس انا مسمعتش عن حد اشتري او مدح المثالي في العربي خالص ... فأنا عايز اعرف ايه الي بيميزه عن باقي الكتب ؟؟؟ ... ثانيا الكمياء ايه افضل الكتب الخارجية بعد الامتحان هل المثالي ولا الوسام ولا المعلم ولا مندليف ؟؟ وشكرا

مستر ابو الحسن هو مؤلف الكتاب ده وللصدفه هو اللي كان بينزل اسئله الجمهوريه والاخبار التعليمي وللصدفه كان بيدينا درس
الكتاب حلو انه مفصفص الحاجات باسلوب المستر
بس علي ما اتذكر كان فيه بعض الاخطاء الاملائيه
بس كان كتاب رائع
وكنت معتمده عليه اعتماد كلي

[lolododo2010]

المشاركة الأصلية كتبت بواسطة alshymaa hafez

بعد اذنك انا باخد النصايح دى وانزلها على الفيس علشان اصحابى يشفوها

فكره رائعه صدقه جاريه ربنا يجازيكي خير وتحققوا احلامكوا

[lolododo2010]

المشاركة الأصلية كتبت بواسطة son470508165410

السلام عليكم انا في تانيه ثانوي ونفسي ادخل طب
فممكن اعمل ايه دلوقتي يساعدني في الثانوية العامه

بصي يا بنتي انا هقولك اللي كنت بعمله ف اولي اللي تعدل تانيه عندكوا يعني بعد تغيير النظام
انا كنت لما بسال حد كبير يقول ريحوا ف اولي والثانويه مرمطه وكدهوت لحد ما في مستر انجليزي الله يعافيه بالخير قالي اكبر غلط اولي دي بدايه تعاملك مع الجد لو ظبطيها هتظبطي ثانوي
فابتديت احفظ كلمات انجليزي كتير عشان احسن نفسي ف الترجمه والقطع
وابتديت اركز اني اعرف احدد ازاكر ازاي كل ماده يعني اعرف يعني ايه احياء و احدد اسلوب المزاكره فيها وكدهوت
لدرجه اني طلعت الاولي ف سنه اولي الحمدلله
وربنا كرمني وحققت حلمي
شوفي انتي / انت تقدر تقوي نفسك سواء انجليزي او اللي هتحتاجه لرفع مستواك ف المزاكره واشتغل عليه لكن متستهونش اوي ولا تشد اوي خير الامور الوسط

[lolododo2010]

المشاركة الأصلية كتبت بواسطة asaeeed

عندى مشكلة فى الجغرافيا
انا ضعيف جدا فيها ومش عارف اذاكرها
وكتاب الامتحان منزلشى السنادى
اعمل ايه؟

مممممممممم للاسف ممكن الرد يبقي متأخر لاني كنت ف فتره الامتحانات بس ممكن حد يحتاج الاجابه
ممكن كنت تاخد الكتاب بتاع الامتحان من أي حد اكبر من السنين اللي قبلك عادي
او تستخدم أي كتاب خارجي غيره ان تعذر الحصول عليه
او ان الجغرافيا حفظ لو ضاقت بيك السبل تحفظها من كتاب المدرسه
او من مزكره الدروس
كزا حل
يارب تكون قدرت تتعامل معاها كويس وتكون جبت اعلي الدرجات