مجرد احلام - الصفحة 18

الأستاذ أحمد راشد · #**256** 05-09-2011, 07:08 PM

اقتباس:

المشاركة الأصلية كتبت بواسطة ام رهف

طبعا هاجيبها وحد كمان معانا
كلمهم يحجزولى تربيزة و 3 كراسي

طبعا وما تنسى انى والتالت بتاعكم اصحاب

يبقا تربيزة 4 كراسى مش 3

ام رهف · #**257** 05-09-2011, 07:21 PM

اقتباس:

المشاركة الأصلية كتبت بواسطة الأستاذ أحمد راشد

طبعا وما تنسى انى والتالت بتاعكم اصحاب

يبقا تربيزة 4 كراسى مش 3

اتفقنا ياباشا
حدد الميعاد اللي يناسبك

الأستاذ أحمد راشد · #**258** 05-09-2011, 07:34 PM

اقتباس:

المشاركة الأصلية كتبت بواسطة ام رهف

اتفقنا ياباشا
حدد الميعاد اللي يناسبك

تمام هظبط انا

والدكتوره

فاهمانى

ونقولك

ياسر محمد المقدم · #**259** 06-09-2011, 04:06 AM

ربنا يحقق ليكى كل احلامك يا ام ياسين

ام ياسين وآمر · #**260** 06-09-2011, 04:41 AM

اقتباس:

المشاركة الأصلية كتبت بواسطة ياسرالسوهاجى

ربنا يحقق ليكى كل احلامك يا ام ياسين

امييييييييييييييييييييييييييييييييييييييييييين

fayrouz1442 · #**261** 06-09-2011, 05:04 AM

It's Raining Cats & dogs here >>>>> haahahhah

إيه الأحلام الجامدة دى .... أنا كمان بحلم .... بحلم ما اسافرش ، وأكمل الماجستير اللى تركته بسبب انى مش عارف اخد أجازة لأنى مش متثبت ، وبحلم اتجوز بنت تانية غير اللى انفصلت عنها بسبب ضيق الحال فى المقام الأول ،،، وبحلم أصرف على أمى اللى كبرت وأملها خاب فيا وقلبها بيتقطع وانا بستلف منها فلوس آخر الشهر من معاش والدى المتوفى من سنة 89 عشان مرتبى مش مقضى حاجة ، مع إنى بشتغل أكتر من حاجة فى اليوم الواحد . بس مش عارف ... بدأت اقتنع انى فعلاً ماليش رزق فى البلد دى ..اكتشفت مؤخراً معادلة جديدة بتقول البلد دى أحلم فيها زى ما انت عايز وروح حقق حلمك فى غيرها . معادلة بسيطة .

بجد بحلم آخد اللى يخلينى ما اسافرش وابعد عن امى اللى مالهاش غيرى . حلم بسيط . والحمد لله على كل حال . على كل حال .

fayrouz1442 · #**262** 06-09-2011, 05:17 AM

بس بجد الموضوع جامد جداً ... روعة بصراحة ... أهو الواحد يفضفض ويضحك شوية واللى يشوف احلام غيره يهون عليه حلمه .... بس سيبك انتى يا ام ياسين وآمر ... العيال ولادك دول ماشاء الله وتبارك الله بالدنيا بحالها وباللى فيها ... ربنا يحفظهملك ،، ويرزقك باللى يخليكى تربيهم أحسن تربية وتعلميهم أحسن تعليم وتحافظى عليهم نفسياً من غير قلق ولا مشاكل بسبب الماديات ... عامة انا أكيد لو عزمتونى حضرتك وام رهف والأستاذ أحمد راشد على العزومة بتاعة الأيس كريم دى أكيد هوافق ،،، تاكلوا انتوا آيس كريم وكده وانا ألعب مع آسر وياسين ورهف وانا هبقى مش عاوز حاجة تانى من الدنيا ،،، بصراحة الطلبة فى المعهد وحشونى جداً ولاد اللذين آمنوا ، نفسى الدراسة ترجع عشان اشوفهم بس ، رزقى انى اتعاقدت مدرس ابتدائى ، والطلبة بتوعى دول همه المتعة الوحيدة فى شغلى ... اتعلمت منهم احب أى طفل صغير ،،، أكيد شياطين طبعاً .. اوعى تقولى هو بيدرس لملايكة ولا إيه ؟؟؟!! بس بحبهم ....... أهو انا بقة نفسى بجد ما اسافرش عشان افضل اشوفهم .

ام ياسين وآمر · #**263** 06-09-2011, 08:27 AM

اقتباس:

المشاركة الأصلية كتبت بواسطة fayrouz1442

بس بجد الموضوع جامد جداً ... روعة بصراحة ... أهو الواحد يفضفض ويضحك شوية واللى يشوف احلام غيره يهون عليه حلمه .... بس سيبك انتى يا ام ياسين وآمر ... العيال ولادك دول ماشاء الله وتبارك الله بالدنيا بحالها وباللى فيها ... ربنا يحفظهملك ،، ويرزقك باللى يخليكى تربيهم أحسن تربية وتعلميهم أحسن تعليم وتحافظى عليهم نفسياً من غير قلق ولا مشاكل بسبب الماديات ... عامة انا أكيد لو عزمتونى حضرتك وام رهف والأستاذ أحمد راشد على العزومة بتاعة الأيس كريم دى أكيد هوافق ،،، تاكلوا انتوا آيس كريم وكده وانا ألعب مع آسر وياسين ورهف وانا هبقى مش عاوز حاجة تانى من الدنيا ،،، بصراحة الطلبة فى المعهد وحشونى جداً ولاد اللذين آمنوا ، نفسى الدراسة ترجع عشان اشوفهم بس ، رزقى انى اتعاقدت مدرس ابتدائى ، والطلبة بتوعى دول همه المتعة الوحيدة فى شغلى ... اتعلمت منهم احب أى طفل صغير ،،، أكيد شياطين طبعاً .. اوعى تقولى هو بيدرس لملايكة ولا إيه ؟؟؟!! بس بحبهم ....... أهو انا بقة نفسى بجد ما اسافرش عشان افضل اشوفهم .

ههههههههههه
مش في ملائكه علي الارض
ربنا يتقبل دعواتك ل اولادي
واحب اعرفك اني مكنتش في العزومه بس ممكن نروح سوا في الطائره الخاصه بتاعتي
وعلي فكره انا كمان مدرسه ابتدائي ودي نعمه للي يقدرها
وانا رايي متسافرش عشان تفضل مع والدتك المصونه بارك الله في عمرها

ابو جنه2011 · #**264** 06-09-2011, 10:44 AM

امتى احلامنا هتتحقق
على العموم الدنيا مهما كبرت فهى صغيرة
ومهما عظمت فهى حقيرة
عسى الله ان يجعل الضيق الذى نعيشة فى هذة الدنيا سببا لنجاتنا فى الاخرة
فيأتى الله سبحانة وتعالى بأنعم رجل فى الدنيا وأغنى رجل فيها فيغمسة الله سبحانة وتعالى فى النار غمسة واحدة ثم يخرجة ويسألة الملك جل جلالة
هل رأيت نعيما قط؟
فيقول لا يارب
ثم يأتى اللة برجل كان من البائسين المحتاجين فيغمسة الله غمسة واحدة فى الجنةويسألة الملك جل جلالة هل
رأيت بؤسا قط؟ فيقول لة لا يارب مارأيت بؤسا قط
فالدنيا دار عمل للاخرة
واللبيب الفطن هو الذى يعلم هذا فيحتقر دنياة ويعمل لاخراة
.............اللهم ارزقنا الجنةيارب.....................

البلبل الفتان · #**265** 06-09-2011, 02:09 PM

موضوع جميل جدا ام ياسين
بارك الله فيكي

ام ياسين وآمر · #**266** 13-09-2011, 07:19 PM

كان مجرد حلم وانا عارفه انه حلم
رحت النهارده منطقه المنصوره عشان اجدد العقد وكان حلمي ان موظف التعيينات يقوللي خلاص مش في تجديد قرار التثبيت وصل حالا ب فاكس ممضي فلان وعلان والكل هيتثبت ................................... بس للاسف اخد مني الورق وبص فيه وقالي امضيه من وكيل الوزاره واختميه بخاتم الشعار وتعالي
وبعد ما لفيت السبع لفات رجعتله اخد عقدين واداني عقدين وقاللي واحد لكي وواحد للمعهد واتاريه كاااااااااااااااااااان مجرد حلم

البلبل الفتان · #**267** 19-10-2011, 04:55 PM

بحلم ان كل واحد في قلبه حاجه لحد قولها ليه من غير لف ودوران

shekhabdo · #**268** 19-10-2011, 08:40 PM

الحلم الذي اعيشه منذ امد بعيد هو حلم الوحده العربيه
حلم البرلمان الكبير ولكن الواقع مرير
والظلم يحاصر البشر حتى فىالاحلام
جرب مره تحلم للغير