ايه اخبار تعيين أوائل الكليات ياجماعة؟

[El Ninio]

ايه استمارة توظيف للأول والثاني من كل كلية ؟؟
هو هينفع الاستمارة اللي على النت دي ؟؟
تاني حاجة الأول والثاني ؟؟ وباقي الأوائل ولا بيحوروا وهيعينوا الأول والثاني بس ؟؟
ولا الاستمارة دي للأول والثاني بس ع النت والباقي هيملى يدويا في التنظيم والإدارة ؟؟
شيء مش هيبقى منطقي .. هنرجع تاني بقى نحور في الكلام يا صفوت يا نحاس ولا ايه ؟؟

[سامح الجعيدي]

المشاركة الأصلية كتبت بواسطة boskovice

بعد توقــــــف 7 ســـــــنوات تعييـن 46 ألفا من أوائل خريجي الكليات..خلال أيام

كتب ــ علاء الطويل:
الأحد 18 سبتمبر 2011

أكد د.صفوت النحاس رئيس الجهاز المركزي للتنظيم والإدارة انه سيتم خلال أيام تعيين 46 ألفاً من أوائل خريجي الكليات منذ توقف التعيينات الحكومية عام .2004
أشار في تصريحات خاصة لـ "المساء" إلي أنه سيتم نشر "استمارة توظيف" علي موقع الجهاز المركزي للتنظيم والإدارة علي الانترنت للأول والثاني من كل كلية بحيث يقوم كل فرد بملء الرغبات "الجهات التي يود الالتحاق للعمل بها".
أكد أنه سيتم في النهاية حصر الاستمارات ومحاولة تلبية رغبات المتقدمين وفق الأماكن المتاحة.. مشيرا إلي أن الجهاز بصدد تنفيذ الاجراءات الفعلية للتثبيت فور موافاته بالاحتياجات الوظيفية من الوزارات والهيئات العامة ووحدات الإدارة المحلية ورؤساء الجامعات المصرية والمراكز البحثية بالأماكن الشاغرة من الدرجات الوظيفية حتي يقوم بتثبيت أوائل الخريجين عليها. متوقعا أن ينتهي الجهاز من تلقي الخطابات من تلك الجهات في غضون أيام قليلة



نقول الف مبروك مقدما ؟

.

بعد اذنك ممكن توضحلي نقطة الاول والثاني علي كل كلية

[losacat]

ممكن حضرتك توضح نقطة الاول والتانى يعنى ايه؟

مش القرار كان للعشرين وكمان الاول والتانى على الكلية دول خلاص المفروض انهم اتعينوا معيدين؟

[قنديل الشاعر]

يا ناس هو الدكتور صفوت النحاس دة حالف مايسيب الناس تفرح مرة حتى يوم مايقول حاجة لازم تكون مش واضحة اية حكاية الاول والتانى دى ونفس العدد 47000خريج ويوم مقال الخمسة قال 47000هو الرقم دة عملوا حاجة ياناس اقسم باللة احنا تعبنا لو حد فاهم حاجة يفهمنا ابوس اديكو الراجل دة هيموتنى واللة انا كرهتو وكرهت نفسى بسببة حد يوضح اية حكاية الاول والتانى على الكلية دى وفينكو يادكاترة حد يرد علينا

[منى أبو الجود]

المشاركة الأصلية كتبت بواسطة قنديل الشاعر

يا ناس هو الدكتور صفوت النحاس دة حالف مايسيب الناس تفرح مرة حتى يوم مايقول حاجة لازم تكون مش واضحة اية حكاية الاول والتانى دى ونفس العدد 47000خريج ويوم مقال الخمسة قال 47000هو الرقم دة عملوا حاجة ياناس اقسم باللة احنا تعبنا لو حد فاهم حاجة يفهمنا ابوس اديكو الراجل دة هيموتنى واللة انا كرهتو وكرهت نفسى بسببة حد يوضح اية حكاية الاول والتانى على الكلية دى وفينكو يادكاترة حد يرد علينا

يا جماعة ملكوش دعوة بكلام صفوت النحاس ده ...........لان الوزير معتز خورشيد لسه مأكد امبارح في التليفزيون على تعيين العشرييييين الاوائل من كل كلية من 2003 ل 2010 وربنا يوفقكوا للخير ان شاء الله

[ramy gama]

النهارده لم يحدث شيء في التنظيم وسيتم المراجعه غدااااااااااااااا للورق
و ارساله الي الماليه فور مراجعته .... والله المستعان

[منى أبو الجود]

المشاركة الأصلية كتبت بواسطة ramy gama

النهارده لم يحدث شيء في التنظيم وسيتم المراجعه غدااااااااااااااا للورق
و ارساله الي الماليه فور مراجعته .... والله المستعان

السلام عليكم يا أخ رامي وألف مبروك لنا جميعا بس يا ترى ايه سبب التأخير انهاردة ليه لم يتم مراجعة الورق لعله خير

[د.عبدالرحمن المنياوي]

السلام عليكم ورحمة الله وبركاته ..

إخوتي الأفاضل في هذا المنتدى المحترم ...

أعتذر عن غيابي الفترة الماضية لظروف سفري خارج البلاد لحضور مؤتمر دولي هام بتخصصي ..

والآن أرحب باستفسارات الإخوة والأخوات شاكرا كل من سأل عن وقت غيابي وأدام الله المحبة بيننا ..

[ajeebmido22]

الف حمد لله على سلامتك يا دكتور عبد الرحمن

ياريت تفهمنا ايه قصد صفوت النحاس بتعيين الاول والثانى فقط فى اوائل الجامعات؟؟؟

[خليل المسيرى]

يا جامعه الى الان لم يعرف أى اخبار بما حدث داخل التنظيم ومازالت اللجنة المتابعه لم تعلن عن آخر الأخبار لكن كل ما عرف أن الوراق على وشك الانتهاء وكلنا على أمل ان نسمع غدا خبر يفرح قوبنا ويصدق الرؤساء فى أقوالهم

[ahmed m saeed]

ياريت يا سمية الشاطر تطمنينا على اوائل الازهر ال6127 اللى الجامعة بعتتهم الجهاز هل وافقو علي تعيينهم معيدين ولا لسه حد يفيدنا يا جماعة بالله عليكم اى حد عند فكرة يقولنا

[ahmed m saeed]

ياريت يا د/عبد الرحمن تطمننا على اوائل الازهر ال6127 اللى الجامعة بعتتهم الجهاز هل وافقو علي تعيينهم معيدين

[mo2ns]

انا متابع المنتدى من فترة طويلة وتراودنى عدد من النقاط بخصوصك ارجو ان تتكرم وتشرحها

1- حضرتك نادر ما بتقوم بالرد على اى رجل بخصوص اى سؤال ولو رديت بيكون رد اهو بالعافية ولكن على الجانب الاخر نجد سرعة الرد مع الجنس الاخر وبيكون كمان مزاجك عال العال وبتهزر.

2- تغيب فترات طويلة وتقول النت كان فاصل ومرة تقول كنت فى مؤتمر علمى فى مدغشقر او السنبلاوين ومرة تعتذر بأن كاوتش العربية عملها معك وكأن ذلك يمنعك على الدخول على النت. سبحان الله.

3- ياريت توضحلنا مين انت بالظبط. وبتشتغل ايه .
( مجرد خريخ ام دكتور ام ماذا ).
مرة تقول انا كنت فى اجتماع مع الوزير ومرة تقول انا اعمل فى جامعة المنيا.

ياريت توضح كل هذه الاسئلة
لو مش رديت هعتبر سؤالى الاول هو نفسه الاجابة عن كل اسئلتى
اى عبقرى تانى عايز يعمل فيها الواد الفت
ويدافع عن الدكتور عبد الرحمن يخليه فى حاله هو عنده والله لسان ويعرف يرد كويس.
انا واثق ان فيه منافقين هيتكلموا ويردوا ويدافعوا بكل استماتة. ياريت يكون الرد للشخص الموجه له السؤال

( ملحوظة ) دى مجرد اسئلة بريئة تحتاج للرد مش اكتر من كده

[El Ninio]

طبيعي ان ناس كتير ترد عليك هنا
ومش نفاق لا سمح الله
ولا بيحاول يعمل فيت ؟؟ هيعمل فيت ليه يعني وايه السبب ؟؟
ياريت يكون كلامك محترم شوية عن كدة ومن غير سخرية
يعني ايه تتهم اي حد يحاول يدافع عن شخص بانه منافق
هينافقه ليه يعني ؟؟ محدش ليه مصلحة معاه
فيه ناس كتير هنا تعرفه شخصيا
وطبيعي ان الناس تدافع عنه
لأن محدش شاف منه غير كل خير بصراحة
ومش صحيح كلامك انه بيرد ع البنات والشباب لأ
انا من ساعة ما دخلت المنتدى هنا وقبل ما اسجل كنت متابع بردو
الراجل مابيتأخرش عن حد ... ولد او بنت
وغير كل ده هو هيرد عليك بنفسه

وكلمة أخيرة حسبي الله ونعم الوكيل فيك لو غلطت فيا في غيابي

[ramy gama]

المشاركة الأصلية كتبت بواسطة منى أبو الجود

السلام عليكم يا أخ رامي وألف مبروك لنا جميعا بس يا ترى ايه سبب التأخير انهاردة ليه لم يتم مراجعة الورق لعله خير

خير أخت مني ان شاء الله .....الأعداد كبيره علي فكره وبعدين بتتراجع من الموظفين ...وبعدين تتراجع تاني من المكتب الفني ..وبعدين بتتراجع تاني من رئيسة القطاع ..وبعدين تعتمد
وبقول تاني الأعداد كبيره إن شاء الله علي الأربعاء بالكتير هتكون في الماليه

<< خدو الخبر دا ::: تم تعيين حوالي 150 معيد من كلية الطب وتم استلامهم العمل الأسبوع اللي فات
بس هما ما كانوش معانا في الحصر...وان شاء اله الورق في الماليه ما هو إلا روتين وبس ولايأخذ وقت إطلاقا

بس يطلع من التنظيم بس ...... والله الموفق والمستعان