ايه اخبار تعيين أوائل الكليات ياجماعة؟

[ramy gama]

وينك اختي الفاضله أم رهف وينك أخي خليل وينكو جماعة الأزهر؟؟؟؟ يظهر ان اللي حصل في السفاره هيحصل في التنظيم هههههههههه

[خالد عقيبى]

وهو الدكتور : صفوت مش واخد تعليمات من رئيس الوزراء بتعيين أوائل الأزهر ولا هو كل واحد شغال بمزاجه
الطريف ان لما كانت الجامعه بتعمل الحصر للأوائل كانوا بيرموا الكوره فى ملعب الجامعه ويقولوا ان الجامعه هى اللى معطلانا ودلوقتى ........
هؤلاء الجماعه شغالين بنفس السياسه السابقه للنظام السابق ومش حريصين على مستقبل مصر لان مستقبل مصر فى أن يوضع الراجل المناسب فى المكان المناسب والاهتمام بالعلم والعلماء والأوائل اللى على ايديهم ان شاء الله ترتقى مصر
وعن نفسى وجهة نظرى : ان كل من يقف فى وجه تعيين الأوائل يبقى بيطبق املااءات خارجيه فى عدم النهوض بمصر وبالأخص فى ناحية العلماء
وهذا هو ما كان يجعل فى السنوات الماضيه هجره للعقول البشريه عندما ييئس العلماء من وضع العلم فى مصر

[ام رهف]

المشاركة الأصلية كتبت بواسطة ramy gama

وينك اختي الفاضله أم رهف وينك أخي خليل وينكو جماعة الأزهر؟؟؟؟ يظهر ان اللي حصل في السفاره هيحصل في التنظيم هههههههههه

اوعى
دكتور رامى اكشن وصل
يبأة لازم انا اكون موجودة
عموما مشكور على الاخبار بس اعذرنى اتشغلت بسفرية كده برة مصر
ومتابعة الاخبار وربنا يكرم

[خالد عقيبى]

أعتقد ان الموضوع كده يبقى متخطط ليه كالتالى :
استنوا شويه على ما الشهر ينتهى ولا ندرج فى الميزانيه واستنوا للعام القادم ويعالم على أما يجى أعضاء مجلس شعب ووزراء ليهم أقارب وغير ذلك ممكن يغيروا الحصر وياخدوا من خريجى 2011 وخريجى 2012 ويفصلوا قوانيين على مزاجهم وينسى الأوائل خريجى العقد الماضى التعيين
لا تندهشوا لان ثقافة معظم الشعب المصرى لن تتغير بين يوم وليله فالانتخابات عندنا مش بنعطى الصوت للمثقف وللذى يستطيع أن يناقش فى مجلس الشعب ويشارك بفاعليه فى سن القوانيين لا وانما للى هيشغل حد بالواسطه وللى هيعين شخص فى الأسره فى وظيفه مرموقه ............ الخ
المهم ربنا يسترها على بلدنا الغالى لان المؤمرات تحيط بنا من كل جانب { علميا - وصحيا - وعسكريا - وسياسيا } .....الخ
اللهم ولى أمورنا خيارنا ولا تولى أمورنا شرارنا

[رحاب كريم]

ربنا يهون الايام

[خالد عقيبى]

أوعى يا أخ رامى يكون الأكشن وصل على رأى الأخت الفاضله أم رهف
بصراحه بشك انك اللى كتبت الخبر اللى صاحبه أزهر أزهر أزهر وتكون عامل دى مقدمه لفيلم أكشن
أصل دى حاجه تحير يعنى أزهر أزهر أزهر أول مشاركه ليه فى المنتدى ويجيب الخبر المشؤم ده
عشان خاطرى اذا كان أكشن اعمل نهاية الفيلم بقى وطمنا ايه اللى حصل بجد لان أنا عندى ظروف ومش عارف أشارك معاكوا

[خالد عقيبى]

أوعى يكون أكشن يا أخ رامى على رأى الأخت الفاضله أم رهف
بصراحه بشك انك اللى عملت اشتراك جديد باسم أزهر أزهر أزهر
وبتعمل فيلم أكشن جامد
نرجوا التوضيح بصراحه لاننى عندى ظروف جامده ومش عارف اتابع معاكوا

[ولاء عفيفى]

الحمد لله ربنا وفقنى و قدرت اعرف اخبار تعيين طلاب المنح الحمد لله الموضوع ماشى زى الفل بس ناقصه حاجه بسيطه خالص اللى هو قرار التعيين و اللى طبعا اتكتب بشكل ملتوى او ملوش معنى فى القرار بتاع 17 اغسطس و جم لغوشو عليه بموضوع 1300 درجه وكلالالالام كتير مالوش معنى يا جماعه يا طلاب المنح احنا مالناش قرار تعييين الى النهارده و مالناش تسكين مباشر ولا غير مباشر كل اللى بيحصل ده تنويم او تعطيل لينا والله هما عارفين هما بيعملو ايه و تقريبا كده مبارك لسه بيحكمنا و حكومه نظيف هى اللى بطلع القرارات دى و حسبنا الله ونعم الوكيل

[ولاء عفيفى]

نسيت اقولكم ان السياسه بتاعه الحكومه دى اسمها سياسه حرق الدم و الاعصاب اللى اكيد كلنا حاسين بيها دلوقتى والله بقى سواء الازهر او الاوائل او الحاصلين على الماجيستير و الدكتوراه او طلاب المنح محدش موضوعه صريح للاخر فى حد يرد عليا فى موضوع منهم يطمن مالناش غير ربنا والله المستعان

[assaf1]

المشاركة الأصلية كتبت بواسطة ولاء عفيفى

نسيت اقولكم ان السياسه بتاعه الحكومه دى اسمها سياسه حرق الدم و الاعصاب اللى اكيد كلنا حاسين بيها دلوقتى والله بقى سواء الازهر او الاوائل او الحاصلين على الماجيستير و الدكتوراه او طلاب المنح محدش موضوعه صريح للاخر فى حد يرد عليا فى موضوع منهم يطمن مالناش غير ربنا والله المستعان

نظره تشاؤميه

[ramy gama]

المشاركة الأصلية كتبت بواسطة خالد عقيبى

أوعى يا أخ رامى يكون الأكشن وصل على رأى الأخت الفاضله أم رهف
بصراحه بشك انك اللى كتبت الخبر اللى صاحبه أزهر أزهر أزهر وتكون عامل دى مقدمه لفيلم أكشن
أصل دى حاجه تحير يعنى أزهر أزهر أزهر أول مشاركه ليه فى المنتدى ويجيب الخبر المشؤم ده
عشان خاطرى اذا كان أكشن اعمل نهاية الفيلم بقى وطمنا ايه اللى حصل بجد لان أنا عندى ظروف ومش عارف أشارك معاكوا

ربنا يسامحك أخ خالد ؟؟ متوصلش لكدا .. ربنا يساحك كمان مره

[ramy gama]

إن شاء الله في اخبار بإن الورق هينتهي اليوم إن شاء الله .... ربينا ييسر الأمر

[أبوخيرى]

وجدت هذا الخبر منشورا على مظاليم الأزهر فأحببت أن أطمأن إخواني وأخواتي هنا وأن أدخل عليهم السرور لعل الله أن ينجينا من النار:
إبراهيم يونس
بسم اللله الرحمن الرحيم
بشرى لاخوانى واخواتى المبجلين المحترمين
اوائل جامعة الازهر الامين
ليس من عادتى ان اقفز على احد او ان اتقدم على احد ولكن هده الرسالة من باب من لم يشكر الناس لم يشكر الله فاسالكم الدعاء فى هده الساعة بالتحديد لاخينا الشيخ على الصعيدى فهو فى امس الحاجة للدعاء ويبشركم بان الاوراق فى غضون ساعات سيتم الانتهاء منها وهدا بناء على اتصال اجراه الشيخ على باحد اعضاء المجلس اللعسكرى والمتبنى قضيتنا من ناحيته قام اللواء طلال بالاتصال بالدكتور صفوت النحاس واغلظ عليه فى القول فالرجل كان يريد تسليم الاوراق لنا فى 27 من هدا الشهر ولكنه اعطى امرا مباشرا بالانتهاء من الاوراق فى اسرع وقت وبفضل الله اتصل الشيخ على بالاخوة هناك فقالوا ان المسار قد تغير وتبين انهم اخدوا امرا بالانتهاء من الاوراق والقوم يعملون على قدم وساق وابشروا فالخير قادم 000000
مرة ثانيه اسالكم الدعاء لاخونا الشيخ على فهو كما قلت فى امس الحاجة للدعاء
والسلام عليكم ورحمة الله وبركاته

[خالد عقيبى]

المشاركة الأصلية كتبت بواسطة ramy gama

ربنا يسامحك أخ خالد ؟؟ متوصلش لكدا .. ربنا يساحك كمان مره

أوعى تزعل يا أخ رامى أنا بضحك معاك فسامحنى الواحد أعصابه باظت من الانتظار كنت أتمنى أن يبدأ العام الدراسى فى التعليم الأزهرى قبل الجامعى ونحن فى الجامعه معيدين لاننى أعمل فى معهد أزهرى ولكننى مليت من السلبيات الموجوده بالتعليم الأزهرى
وأنا والله أعزك وأحبك فى الله حتى وان لم أكن أراك قبل ذلك وربنا ييسر الأمر ونتقابل ان شاء الله فى الجامعه ان كتب لنا التعيين فيها
مره أخرى أكرر أسفى وأقول لك ما كتبته من عشمى فيك

[ramy gama]

أحبك اخي خالد في الذي أحببتني فيه!!!
جزاك الله خيرا..وإن شاء الله نستلم التعيين قريبا بإذن الله
حالي مثلك مدرس بمعهد ازهر ولا يروقني التعليم فيه لسلبياته كما قولت!!
جزاك الله خيرا اخي خالد