عجائب وطرائف امتحانات الترم

[اميمة طه]

وتظل الصورة ابلغ الردود

[اميمة طه]

.............. ربنا يخليها لك.........وتظل الصورة ابلغ الردود

[فاروق ابوعيانه]

أولا مش أى علاقة بالموضوع وعنوانه والعديد من المشاركات بين الأعضاء ما علينا
ثانيا : أخر عجيبة من العجائب اللى شفتها بعينى يوم امتحان الانجليزى امبارح فى الازهر ان بنت فى سنة اولى اعدادى مش عارفة تحل اى حاجة فى الامتحان فراحت تكتب ورقة الاسئلة مش دى الغريبة لان دا شىء بيحصل كتير لكن الغريبة بقى انها بتكتب الانجليزى من اليمين .. !!!! أى والله

[جارةالوادى]

احنا النهاردة اجازة من الامتحانات عندنا انتخابات مجلس شورى ربنا يكتر من انتخاباتهم اللى ملناش اى علاقة بيها دى غير بس الاجازات

[جارةالوادى]

المشاركة الأصلية كتبت بواسطة فاروق ابوعيانه

أولا مش أى علاقة بالموضوع وعنوانه والعديد من المشاركات بين الأعضاء ما علينا
ثانيا : أخر عجيبة من العجائب اللى شفتها بعينى يوم امتحان الانجليزى امبارح فى الازهر ان بنت فى سنة اولى اعدادى مش عارفة تحل اى حاجة فى الامتحان فراحت تكتب ورقة الاسئلة مش دى الغريبة لان دا شىء بيحصل كتير لكن الغريبة بقى انها بتكتب الانجليزى من اليمين .. !!!! أى والله

وتتوالى نماذج الابداع فى مدارس مصر المحروسة وهو ده جيل المستقبل

[اميمة طه]

اولا يا استاذ فاروق.. انا باحترم وجهة نظرك ....بس اللى حضرتك مش واخد بالك منه ان ده موضوع اجتماعى يعنى انا هادخل مش عاوزه اكتب مشاركتى .....تمام محدش هيجبرنى ......طيب ولو قريت حاجة غريبة او حاجة طريفة برده محدش هيمنعنى اعلق عليها......واظن ان الموضوع مترابط مع عنوانه والتداخلات اللى بين كل موقف والتانى هى دى البهارات وهى دى قوى التجاذب اللى شدت الناس انها تعلق واكبر دليل على كده ان حضرتك بالرغم من عدم رضائك عن الموضوع الا انك كتبت تعليقك وحطيت حاجة فى رايك انها طريفة من طرائف الامتحانات ......فهل هى فى رايى كل الاعضاء طريفة؟!
............لولا اختلاف الاذواق لبارت السلع..................وصدقنى فرحانه بوجودك معانا ويا ريت تقولنا على حاجات تانية

[اميمة طه]

المشاركة الاصلية بواسطة حبيبة قلبى جارة الوادى...(العاقلة بتاعتنا)
[color="rgb(75, 0, 130)"]المواقف دى الحمد لله مش بتحصل معايا يمكن لان اصلا مدرستى مافيهاش غش وده اتفاق جماعى اصلا مادام بنعمل اللى علينا يبقى مفيش غش وانا شخصيا مجهودى فى الحصة ومش بدى دروس خصوصية لافى المدرسة ولاغيرها ولو حتى حد جه لى البيت عشان اشرح له حاجة تبقى مساعدة منى ولااتقاضى اجر وياسلام بقى لو ولى امر جاى لى مرة انى ضربت ابنه ولاحاجة اقوله بعنطزة كدة الحمد لله مش بدى دروس اصلا عشان استقصده ابنك مهمل او مش مذاكر وان بضربه او ازعق له عشان مصلحته اصل انا فى بلد ريفية يعنى العيال هناك مش بتذاكر غير لما تعمل حساب للمدرس وتحبه وكمان تخاف منه ده غير بقى انى بطلب منهم انهم يعملو حاجة بطبقها على نفسى الاول عشان انا قدوتهم وكمان عشان مبقاش بخدعهم ويحترمونى لانهم بيبقو مركزين معانا اوى فى كل حاجة بنعملها او بنقولها

الحمد لله مستغنية عالاخر اه الفلوس حلوة بس كرامتى اهم عارفة ان الموضوع مختلف مع الاساتذة الرجال بس فيه ناس كتير بتدى دروس خصوصية وعاملة لنفسها برستيج معين لدرجة ان اولياء الامور هما اللى يبقو بيتحايلو عليه عشان يدى ابنهم درس مش يقف له عالواحدة وينقص درجاته ويستقصده عشان الدرس ويفضل عليه اللى بياخد عنده درس وممكن كمان يغششه او يعمله علامة مميزة فى الامتحانات وبعدين يروح له الدرس عن كره وعدم اقتناع ويبقى كمان مستنيه يحترمه طيب ازاى ؟؟؟؟؟؟[/color]


طبعا حطيت المشاركة دى هنا عشان من الغرائب وان كانت لازم تبقى فى موضوع منفصل بس عشان منكترش فى المنتدى واظن ملاحظين مجهود البنات زاد قد ايه ....( بعد اشتراكى طبعا) فعشان كده اى طرفة او عجيبة هاضطر احطها هنا لحد ما نبقى ننفصل ونعمل موضوع تانى

[جارةالوادى]

ايوة يااميمة عايزين نعمل منتدى للمعلمة المساعدة للبنات وبس يعنى ياحرام هتلاقى المنتدى ده فاضى كدة عشان مشاركات المنتدى اغلبها بنات خصوصا المشاركات المثمرة

[اميمة طه]

لالالالا يا جارة الوادى امال مين اللى هيخلينا نطلع السما ومين اللى هيخلينا نكره اليوم اللى اشتغلنا فيه مش مشاركات المعلمين المساعدين برده .......انما احنا خلينا هنا على قلبهم

[جارةالوادى]

خلاص خلينا هنا وبلاها حركات انفصالية وعلى رأيك خلينا على قلبهم

[اميمة طه]

احب العنواين الى قلبى هو اخر حاجة فى الصفحة...يتصفح الموضوع حاليا......وانتوا طبعا عارفين ليه

[ابن الأكرمين]

المشاركة الأصلية كتبت بواسطة اميمة طه

.............. ربنا يخليها لك.........وتظل الصورة ابلغ الردود

شكرا ياغاليه

وحبيت أوضح حاجة

أنا بتعامل معاكم كأخوه ( علشان الناس اللي بترد ردود بايخة ))

ويعلم الله ذلك

دي بنتي واسمها حور

[جارةالوادى]

جميلة جدا يااستاذ ابن الاكرمين وربنا يبارك لك فيها ويجعلها من الصالحات

[اميمة طه]

اقول يا رب تبقى زى اميمة طه ولا لا

[ابن الأكرمين]

المشاركة الأصلية كتبت بواسطة جارةالوادى

جميلة جدا يااستاذ ابن الاكرمين وربنا يبارك لك فيها ويجعلها من الصالحات

ربنا يبارك فيكي ياغالية

دي حور أحمد بس كده

غلى فكره أنا وهبتها لله ومتوقع أنها تكون حاجة كبيرة ان شاء الله