مدرسة الشهيد محمد كامل الحويج الثانوية * جهينة *

[ewas]

هذه اول مشاركة
المدرس المثالى وان كان وجوده نادر قى هذا المثال الا من رحم ربى فمن شروطه
1- عدم اعطاء دروس
2- الكفاءة فى المادة العلمية
3- الانضباط فى الحضور والانصراف
4-عدم تضييع الوقت اثناء الحصة
5- عمل مجموعات تقوية مجانية للطلاب

[الشهيد الحويج الثانوية]

نشكر الاخ (ewes) على مشاركته الأولى.....ونضيف

من شروط المدرس المثالى :-

1-عدم التفريق بين طالب يأخذ درس وطالب يعتمد على نفسه.
2-عدم اعطاء دروس خصوصية فى وقت العمل الرسمى.
3-عدم الشرح فى الحصة المدرسية مثل حصة الدرس.
4-توفير جهده داخل المدرسة لاستخدامه خارجها.
5-عدم ذكر زملائه فى حصة الدرس بما يسىء اليهم.

واليك هذه الفتوى على مسؤوليتى الشخصية:-

(من يقوم باعطاء درس خصوصى فى وقت العمل الرسمى،فالمال المحصل من هذا الدرس حرام شرعا،ويشبه المال المسروق)

[محمد أبو اليزيد أحمدمسعود]

المشاركة الأصلية كتبت بواسطة الشهيد الحويج الثانوية

فلماذا تصبع هذه المدرسة وجه صراع بين عائلات الطلاب
والله برغم لا اتعلم في هذه المدرسة
بس قلبي مولع علي بيحصل فيها


يا أخى اتقى الله فيما تكتب ،فأنت لا تدرس فى المدرسة ولم تكن يوما من الدارسين فيها،فمن اين جئت بهذا الكلام ،سلامة قلبك يا شيخ واطمئن فقد ولى هذا العصر الى غير رجعة
المدرسة للجميع ولاتوجد بها صراعات ولا غيره ،ولا يحدث فيها الا كل خيرأ ويتخرج منها سنويا صفوة المجتمع

(بس قلبي مولع علي بيحصل فيها ) يسلم لنا قلبك

وندعوك لزيارتنا لترىما يثلج صدرك

والله العظيم ياخي واحد مدرس لغة عربية من المدرسة وقال لي احد الطلاب شتم مدرس بالمدرسة
ارجوكم قولوا الصراحة
يعني زمن المدرسة الان زي ما كان الاول
ايام احمد ابو زيد الضبع
او محمود عمر
بالله عليك لتقول الحقيقة
ولما المددرسة كويسه ليه كل الطلاب بتروح مدرسة محمود ................. الثانوية

[كلمة الحق تتقال]

مين قال ان مدرسه الشهيد مفيهاش صراعات بين الطلاب دى المدرسه بتشهد اعلى مستوى مشاكل على مستوى الاداره وكان السنادى فيها 3 مشاكل يطلق عليهم وصف مجازر بمعنى الكلمه وكل ما تعنيها وبالنسبه للمدرسين فالطلاب مخلوش حاجه معملوهاش فيهم والكلام ده متصور بكاميرا وموجود عندى المدرسه اصبحت مثل ميدن المعارك والحروب لا تصفى ابدا من المشاكل فيريت تشوفوا حل الحقوا اى حاجه والكلام اللى انا بقوله ده منقول من اكتر من طالب وعن ثقه

[كلمة الحق تتقال]

وليه كل اللى يقول حاجه بجد من اللى بتحصل فى المدرسه بيتوقف من قبل مشرفه المحافظات eletra ارجوكى سيبى الناس تتكلم بحريه ويكون فيه مجال للرد

[الشهيد الحويج الثانوية]

خير لك أن تضىء شمعة من أن تلعن الظلام

يعجبنى جدا هذا المثل،المشاركين الأعزاء لايوجد مكان خالى من العيوب،ولكن على المرء أن يحاول جاهدا فى الاصلاح ولكل انسان قدراته،كما أن لكل زمن عثراته،هل يستطيع انسان مهما اوتى من قدرة،أن يفعل ما كان استاذنا الزير رحمه الله يفعله الآن.
وان كنت أرى أن الواقع أفضل من الخيال....
ونحن فى انتظار التوجيهات والآراء التى تضىء الشموع ولا تلعن الظلام.....

[**(elktra)**]

المشاركة الأصلية كتبت بواسطة كلمة الحق تتقال

وليه كل اللى يقول حاجه بجد من اللى بتحصل فى المدرسه بيتوقف من قبل مشرفه المحافظات elektra ارجوكى سيبى الناس تتكلم بحريه ويكون فيه مجال للرد

أولا السلام عليكم
ثانيا ياريت حضرتك تتأكد جيدا قبل إصدار اي اتهام او حكم ع أي شخص
وأي رد اخر خارج عن موضوع الصفحة .. أعذروني جميعا هقفل الموضوع وهنقله المحذوفات
فبعد إذن حضراتكم ياريت نلتزم بالقوانين

[kamlmm]

سنة دراسية جديدة وسعيدة انشاء الله وسلامى الى الاستاذة \ مجتهدة الى الابد
وارجوا ومعذرة فى الرجاء ان يتركوا الاساتذة الافاضل الدروس الخصوصية لحفظ كرامة المدرس وكفانا فلوس
هذه وجهة نظرى للتخبط التعليمى الموجود بمدرسة الشهيد
مدرستى الاولى الاخصائى الاجتماعى محمد العروسى ابوعقيل وكل عام وانتم بخير

[مجتهدة للابد]

اولا :السلام عليكم
ثانيا:كل عام وكل العاملين بالتربيه والتعليم بخير
ثالثا:الشكر كل الشكر لاخي "كيمو"ويارب تكون سنه سعيده علينا جميعا

[aboeram]

السلام عليكم
لماذا لا تبارك المدرسه ترقيه الاستاذ/ محمود عمر الضبع مديرا لإداره طهطا التعليميه
مجمع جهينه التجريبى يهنئ الستاذ محمود عمر على المنصب الجديد
وفقه الله و سدد على طريق الخير خطاه

[الشهيد الحويج الثانوية]

أسرة مدرسة الشهيد محمد كامل الحويج الثانوية بجهينة تتقدم بخالص التهنئة للأستاذ/ محمود عمر الضبع على ترقيته لوظيفة مدير الادارة التعليمية بطهطا،

ولكل العاملين فى التربية والتعليم أقول .....
ان العبرة أهم من المناصب وترقية الاستاذ محمود عمر الضبع ما هى الاعبرة للجميع بأن من يخلص فى عمله يجد جزاء هذا الاخلاص.

محمد عبد اللطيف الرمادى

[كلمة الحق تتقال]

ههههههههههههههههه ايه الالتزام ده والتقدم اللى حصل فى مدرسة الشهيد لا والله بجد مبروك بس الجديه والحزم ده فى انكم توقفوا البنات صباحا على باب المدرسه مش فالحين غير تتشطروا على دول ههه العبوا غيرها ليه الاستاذ جمال ميوزك بيوقف البنات وياخد من كل واحده نص جنيه حبكت المدرسين تشرب شاى من البوفيه على حساب الطالبات المفروض الانسان يكون حسيس شويه ولا انا غلطان وصلتنى الشكاوى من اكثر من طالب وعلى راى الاستاذ الفاضل محمد عبد اللطيف خير لك ان تضئ شمعه شمعه ايه يا شمعه ما خلاص فى لمبات كهربه وبتنور احسن من الشمع مع تحيات الزعيم m

[kamlmm]

افكار جديدة تتبناها مدرسة الشهيد هذا العام منها
بدلا من اعطاء الدروس الخصوصية خارج المدرسة على الطالب ان يدفع داخل المدرسة 50 قرش و هو توفير من عناء الموصلات والحياة الصعبة التى يعيشها المدرس البسيط احسب بقا 50 فى 26 يوم يبقى كام فى الشهر وبعدين يبقى كام فى الترم وبعدين يبقى كام فى ايام الامتحانات طبعا هناك فروق فردية و ما بالك فى باقى المواد الاساسية هناك فرق ربنا يكون فى عون اولياء الامور

سؤال
اين مجلس امناء المدرسة ؟
فى النهاية لا اقول سوى ( حسبى الله ونعم الوكيل )

[الشهيد الحويج الثانوية]

المشاركة الأصلية كتبت بواسطة كلمة الحق تتقال

ههههههههههههههههه ايه الالتزام ده والتقدم اللى حصل فى مدرسة الشهيد لا والله بجد مبروك بس الجديه والحزم ده فى انكم توقفوا البنات صباحا على باب المدرسه مش فالحين غير تتشطروا على دول ههه العبوا غيرها ليه الاستاذ جمال ميوزك بيوقف البنات وياخد من كل واحده نص جنيه حبكت المدرسين تشرب شاى من البوفيه على حساب الطالبات المفروض الانسان يكون حسيس شويه ولا انا غلطان وصلتنى الشكاوى من اكثر من طالب وعلى راى الاستاذ الفاضل محمد عبد اللطيف خير لك ان تضئ شمعه شمعه ايه يا شمعه ما خلاص فى لمبات كهربه وبتنور احسن من الشمع مع تحيات الزعيم m

ردا على هذه المشركة

ال 50 قرش هى عقاب ومنفعة ،عقاب للطالب الذى يتسكع فى الشارع ويعاكس بنتى وبنتك ويأتى للمدرسة بعد الطابور بربع ساعة
ومنفعة لانها لمساعدة الطلاب الفقراء وتتبناها جمعية خيرية مشهورة
اما عن الشاى فنحن مستعدون نبطله خالص اذا كان من فلوس الطلاب.....وشكرا

[الشهيد الحويج الثانوية]

المشاركة الأصلية كتبت بواسطة kamlmm

افكار جديدة تتبناها مدرسة الشهيد هذا العام منها
بدلا من اعطاء الدروس الخصوصية خارج المدرسة على الطالب ان يدفع داخل المدرسة 50 قرش و هو توفير من عناء الموصلات والحياة الصعبة التى يعيشها المدرس البسيط احسب بقا 50 فى 26 يوم يبقى كام فى الشهر وبعدين يبقى كام فى الترم وبعدين يبقى كام فى ايام الامتحانات طبعا هناك فروق فردية و ما بالك فى باقى المواد الاساسية هناك فرق ربنا يكون فى عون اولياء الامور

سؤال
اين مجلس امناء المدرسة ؟
فى النهاية لا اقول سوى ( حسبى الله ونعم الوكيل )

وردا على هذه المشاركة


تم الغاء موضوع ال 50 قرش....ونحن معك نقول حسبنا الله ونعم الوكيل فى كل متقاعس او ظالم