|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#242
22-07-2008, 03:57 AM
|
||||
|
||||
بسم الله الرحمن الرحيم
السلام عليكم ورحمه الله وبركاته بصراحه أنا مش عارف أبدأ منين الحكايه بس أنا بجد فعلاً مضايق ومخنوق من نفسى بيتهيألى لو بدأت الحكايه من الأول هيكون أفضل
الإسم محمد هاشم محمد السادات السن 19 سنه الدراسه كليه تجاره جامعه أسيوط المكان قريه البندره مركز السنطه محافظه الغربيه و دلوقتى بعد ما عرفتونى تعالو نبتدى الحكايه الحكايه بتبدأ من وأنا فى 2 إعدادى فى الوقت ده كانت أول قصه حب فى حياتى أول مره قلبى دق فيها وحسيت إنى متعلق بواحده كانت زملتى معايا فى درس التاريخ كنت بحس بحاجه غريبه لما أشوفها بحس إن قلبى بيتنفض ووشى بيحمر ومش قادر أمشى ولا عارف أجمع كلامى وكنت حاسس إنها نفس الحكايه بتحبنى بس هى كانت جريئه جدااااً عنى أنا كنت بحبس نفسى فى كسوفى لكن هى كانت بتيجى تكلمنى بتحاول تحركنى عاوزه تقولى بحبك لكن كان نفسها تيجى منى لكن للأسف عمرى ما قولتها ولا هى قالتها بس كان كل صحابى وصاحبتها عارفين إننا بنحب بعض كان باين علينا على نفس النظام ده لحد أولى ثانويه عامه وهنه بدأت حاجه غريبه تحصل بدأت واحده من صاحبتها تكلمنى وتتقرب منى بطريقه غريبه وفجأه قابلتنى وقالتلى محمد إنت رقم تليفونك ...... قولتلها آه قالتلى طب ممكن أكلمك عليه بكره الساعه 10 قولتلها وانا مستغرب أوك مفيش مانع بس خير ياترى إيه السبب قالتلى هقولك لما نتكلم قولتلها حاضر ومشيت وأنا دماغى عماله تودى وتجيب ياترى عاوزانى ليه خير وفى الآخر قررت أريح دماغى وأستنى تيلفونها وفعلاً تانى يوم الساعه 10 التليفون رن قومت رفعت السماعه وقولت ألو مين معايا قالتلى أنا ..... قولتك خير ياترى عاوزانى ليه قالتلى مفيش كنت عاوزه أخدر رأيك فى حاجه قولتلها عادى مفيش مانع إتفضلى قالتلى إنت تعرف شريف صح قولتها آه شريف صديقى قالتلى أنا بحبه أو بمعنى أصح كنت بحبه وحصلت إمبارح مشكله بينا وراح ضاربنى بالألم قدام زميلنا قولتلها ليه إيه السبب ؟ إيه خلاه يعمل حاجه زى دى ومقدرتش أمسك نفسى أسمع السبب وقلت كلام مش لطيف خالص لإنى أكره فى حياتى حد يمد إيده على واحده المهم بسبب الكلام اللى أنا قولته نسيت أسألها تانى عن السبب ودخلت هى على طول فى سبب المكالمه وهى عاوزانى أعرف من شريف إن كان هو فعلاً بيحبها ولا لاء ؟! فى الأول رفضت وبعد حوار طويل بينا قولتلها حاضر هشوف وفعلاً قابلت شريف بليل وقعدت معاه وبدأنا نتجاذب مع بعض أطراف الحديث ونتكلم فى كل حاجه وفى وسط الكلام رحت جايب سرتها وسأله إنت بتحبها فعلاً ياشريف ؟؟ وهنه كانت المفجأه الرد اللى خلانى كرهت شريف وإضايقت منه جدااااً إنت عبيط يا محمد أنا أحب دى يبقى إنت لسه متعرفش شريف أنا بتسلى بيها خبيت غيظى ودقتى منه فى إبتسامه عريضه إتولدت وماتت فى نفس اللحظه على شفايفى تانى يوم الساعه 10 والتليفون بيرن وأنا متردد أقوم أرد أكلمها ولا لاء طب أنا هقولها إيه هقوها الحقيقه ولا أقولها مكلمتهوش ياترى إيه اللى هيحصل المهم رفعت السماعه وقبل ما أقول ألو لقيت السؤال ؟ ها يا محمد عملت إيه قالك إيه ؟! مدتنيش فرصه أفكر فى الرد لقيت نفسى بقولها دا إنسان (................ ) إبعدى عنه أفضل لأنه مبيحبكيش وهنه كانت تانى مفجأه إنها قالت أنا كنت كنت عارفه كده بس كنت بكذب نفسى شكراً يا محمد تعبتك معايا وبجد مش عارفه أقولك إيه أنت فعلاً ريحتنى من عذاب الشك ربما يخليك ليا أنا طبعاً مش عارف أرد أقول إيه قولتها إنتى زى أختى وفى أى وقت تحتاجى أى حاجه أنا تحت أمرك قالتلى ربنا يخليكى بجد أنا كان نفسى يبقى ليا أخ من زمان يلا بقى عشان مش أعطلك عن المذاكره سلام قولتلها سلام تانى يوم فى نفس المعاد التلفون بيرن قمت رديت وبدأنا نتكلم مع بعض يومياً فى البدايه كان الكلام عادى عن الدراسه والحياه وإنها مش كانت بطقنى فى الأول عشان كنت بغلس عليها وكده وبعد ما عرفتنى إحترمتنى أوووى وعرفت أد إيه هى فعلاً كانت ظلمانى وبدأنا نتلكم عن الإنسانه اللى أنا بحبها اللى هى زملتها وقعد تقولى أد إيه هى بتحبنى بس نفسها إننا اللى أخد الخطوه الأوله وبدأنا نتكلم يومياً وكل يوم مده المكالمه تزيد عن اليوم اللى قبله لحد ما بقى مينفعش اليوم يعدى من غير ما نتكلم مع بعض وبدأت أدخل فى حياتها الشخصيه كانت إنسانه متحرره بطريقه غريبه وتصرفتها مجنونه جداااً فبدأت أعترض على طريقه لبسها تصرفتها وأنتقدها فى كل حاجه والغريب إنها كانت بتنفذ كلامى بالحرف الواحد ومش بتكسرلى كلمه وبدأت هى كمان تتدخل فى حياتى بنفس النظام وعرفتنى على أختها اللى هى كانت أكبر مننا بسنه أختها دى بقه لوحدها حكايه إنسانه محترمه فوق ما تتصور مكنتش بتكلم بشر الناس كلها كان مسمينها عقد فى الأول كانت معترضه وبعد كده لما كلمتنى وعرفت إننا بحاول فعلاً أصلح من أختها وإن أختها بتسمع كلامى بقت كل ما تحب تخليها تعمل حاجه تقولى أقولهلها وبدأت تتقرب منى أكتر كنت يمكن أنا الولد الوحيد اللى تقابله تضحك فى وشه أو تقولى إزيك كان كل الناس مستغربه من كده . نرجع تانى لموضوعنا طبعاً بنتكلم كل يوم وبدأ الموضوع يطور ونبقى شىء أساسى إحنا الإتنين فى حياة بعض يعنى دروسنا مع بعض المدرسه مع بعض على طول فى وش بعض نروح جرى على التلفون نتكلم كل ده وأنا مش واخد بالى إنى وقعت فى حبها وفجأه لقتها بتقولى محمد ممكن أصراحك بحاجه بس توعدنى حتى لو رفضت نفضل أصدقاء قولتلها قولى قالتلى أنا بحبك لقت نفسى رد تلقائى وأنا كمان بحبك طبعاً إحنا اللى الإتنين مكناش مصدقين إننا فعلاً صارحنا بعض *** *** *** و بدأت علاقه حب بدأت علاقه حب بينا مبنيه على الثقه العمياء والصراحه التامه فى كل شىء والإحترام الشديد العلاقه اللى أى حد يتمناها ومع الوقت بدأت أنسى الإنسانه اللى كنت بحبها الأول بس طبعاً أنا مقدرش أنكر إنى لو عنيا جت فى عنيها صدفه كنت بحس برعشه فى جسمى وقلبى بيتنفض من مكانه وبعد ما اللحظه دى بتعدى كنت بحس إنى إنفصلت لجزئين جزء منى بيقول دى من حقك دى حببتك اللى إنت بتحبها والجزء التانى بيقولى إنت نسيت إنت حبيت إنسانه تانيه وهى حبتك مينفعش تحب إتنين فى وقت واحد حاول تختار وتقرر بسرعه إنت عاوز إيه عشان متظلمهمش وبعد فتره قصيره إستريحت من عذابى ده لما عرفت إنها فى علاقه حب مع واحد من أصدقائى فى المدرسه هنه على قد ما إستريحت على أد ما كنت حاسس إنها من حقى أنا لكن مع حب حببتى ليا اللى أنا لامسه وحاسه فى كل تصرفتها بدأت أنسى وأنسى لحد ما بقت زى أختى بالضبط أما حببتى فبدأنا مع بعض مشوار طويل كان فى البدايه كل حب علاقه يتمناها أى واحد لحد ما فى يوم طلعت رحله مع المدرسه أنا مكنتش موافق على الرحله دى لأنى مكنتش هطلعها المهم من هنه لهنه وافقت إنها تروح وبعد ما جت فات بوم وإتنين ووإحنا قاعدين أنا وهى وواحده زملتها حصلت حاجه بينهم فقالتلها لو مش سكتى هقوله لقيت وشها إحمر وجاب ألوان الطيف فأنا قلت فيه إيه أكيد فيه حاجه إيه اللى بيحصل فهمونى لقتها بتقولى أصل الهانم وإحنا فى الرحله عرفت شاب هناك وكل ما نيجى نتنقل من مكان لمكان تانى تقولو عليه وهو يجى وراها وإدتها رقمها وخدت منه صوره ومدياله صورتها أنا سمعت الكلام ده وحسيت إن الأرض بتلف بيا وحاسس إنى بحلم وهى إتفتحت فى العياط وأنا كل اللى بقوله سؤال واحد الكلام ده حصل ولا لاء ؟!  قالتلى ما أنا كنت والله هقولك قولتلها يعنى حصل قالت أنا قطعت كلامها وقلت لا أنا ولا إنتى إنسى كل اللى بينا ومتحوليش تكلمينى تانى وسبتها وخرجت وأنا مش مصدق نفسى هى دى فعلاً حقيقه الإنسانه اللى أنا حبتها لو بعدت عنى شويه ممكن تخونى أنا كنت سنه ونص مغفل لاء مش ممكن من اللحظه دى وأنا بشك فى نفسى *** *** ***وبدأت أبعد عنها وهى تحاول تتقرب من بأى طريقه كانت ساعات بتحاول تعمل حاجه غلط قدامى أنا بضايق منهاأوووى عشان أزعقلها أو أقولها حاجه عشان تحس إنى لسه بحبها وبخاف عليها لكن للأسف أنا كنت فاهم كل ده وكنت بعمل نفسى " عبيط " ولا أكنى أعرفها بس مقدرش أنكر إنى كان بيجى عليا أوقات وأبقى هموت وأكلمها نفسى أسمع صوتها ببقى لما بشوفها نفسى أجرى عليها جسمى بيتنفض وشى بيحمر الدم بيغلى فى عروقى إحساس غريب بس كنت غصب عنى بدارى شعورى وأكتم لهفتى زى بالضبط لما تحطى" ميه بتغلى فى تلاجه " وفضلنا على الحال ده أكتر من أسبوعين لحد ما جت فى يوم الشقه اللى كنا بناخد فيها الدرس كنت واقف فى البلكونه بتاعتها لقتها داخله عليا وقافله الباب وقالتلى مهو إنت هتسمعنى هتسمعنى رحت مديها ضهرى عشان ما أخدهاش فى حضنى وأقول بعلو صوتى بحبك قعدت تقولى أنا عارفه إنى غلط وعارفه إنى مستهلكش وإن اللى أنا عملته شىء فظيع بس صدقنى أنا بحبك ودى الصوره ورقم التليفون أنا مش رضيت أرميهم عشان أجبهم ليك عشان تقطعهم إنت عشان مش كنت هتصدق إنى رمتهم رحت باصص ليها وقايلها يعنى إنتى عارفه إن غلط قالتلى أه بس هو كان بيفكرنى بيك شبهك فى حاجات كتير كنت حاسه إنه إنت قولتلها بلاش نتكلم فى الموضوع دلوقتى قالتلى يعنى إنت لسه بتحبنى هزيت رأسى يعنى " آه " و رجعنا تانى لبعض بس طبعاً أنا راجع بحبها آه مقدرشى أنكر ده بس الشك بقى بي***نى بدأت أتعصب من أقل الشىء لو بصت جنبها بشك فيها هى لاحظت ده حاولت ترجع ثقتى فيها لكن أنا مقدرتش أرجع زى الأول بدأت تلجأ لطرق تانيه تقدر تسيطر بيها عليا يعنى تدلع عليا وأشياء تانيه كتير لحد ما الحب تحول إل ى حب جسدى  و ياريت فعلاً تكونو فهمنى فى الوقت ده أنا بدأت أحس إنى فعلاً بعمل حاجه خطأ بدأت أحس بالخوف جوايا إيه اللى أنا بعمله ده وإبتديت أبعد عنها فى الأول هى كانت رافضه قرارى ده نهائى وبطردنى ركل طريقه ممكنه عشان نرجع لبعض لكن أنا كنت خلاص خدت قرارى مستحيل أكمل فى الظروف دى كنت محتاج أى حد يحس بيا وأحس بيه يفهمنى أشتكيله أحكيله أفضفض ليه وفعلاً كانت فيه واحده أصغر منى ب 2 سنه آيه فى الجمال قمه فى خفه الدم بجد أنا بحلم " إنى دى تكون زوجتى " الإنسانه دى أنا كنت فى الوقت ده مبهور بيها كنت حاسس إنها مش بشر دى أكيد ملاك وفى يوم كان عليها درس عربى وأنا علاقتى بالمدرس بتاعها كويسه جداااً فروحت فى معادها وعملت نفسى إن ده معادى وأنا جاى خطأ فى الحصه دى كان عليهم إمتحان دخلت الأستاذ أول لما شافنى قام خدنى بالحضن وعامل إيه ؟ يا حبيبى أخبارك إيه خير حاجه وقفه عليك ! قولتله لاء مش ده معادى قالى لاء إنت لسه معادك بعد بكره فبصيت ليه وأنا عامل نفسى مستغرب وقولتله ليه هو مش النهارده الربعاء قالى لاء يابنى إنت نايم النهارده لسه الإتنين طبعاً كلهم ضحكو على الموقف إلا هى قاعده بتبص عليا بإستغراب فقلت للمدرس أوك أنا آسف همشى أنا بقى قالى لاء أقعد بدام جيت أشرحلك شويه وهما كده كده بيمتحنو قعدت ومش مركز معاه خالص وقاعد أبص عليها هى خدت بالها وإتحرجت وبصت فى الناحيه التانيه جه وقت تعليم الإمتحان الكل قام وهى لسه بتحل طبعاً كل ملخوم رحت أنا رايح عليها إيه مش قومتى تعلمى ليه قالتلى أصلى لسه فاضلى نقطه مش عارفها قولتلها إيه قالتلى عليها فحلتها ليها قامت وهى عماله تضحك تانى يوم قاعد مع زميلى بنتكلم وواحد قال إنه ليه علاقه صداقه بيها فطلبت منه يقولها إنى بحبها قالى حاضر وراح قالها وطلعت هى كانت معجبه بيا فسهل الموضوع خالص ووفقت وبدأت علاقه حب جديده لكن الإنسانه اللى كنت مرتبط بيها مش قادره تقتنع خلاص إن اللى بينا إنتهى وبدأت تحاول بطريقه شرسه إنها ترجعلى وبدأت تحصل مشاكل كتير فكنت بضطر كل شويه أنهى علاقتى بالملاك اللى لسه واقع فى غرامه من خوفى عليه ومقدرش أبعد عنه أرجعله تانى لدرجه إننا كنت ممكن أبعد عنها فى الأسبوع مرتين لحد ما فى يوم قالتلى هو أنا لعبه فى إديك ترجع ليا بمذاجك وتسبنى بمذاجك هى غلتطى إنى حبيتك هو فيه إيه أنا مش فاهمه حاجه إنت كل شويه من حال لحال ليه مالك فيه إيه طبعاً أنا مش قادر أحكى ليها هحكى طيب هقول إيه ولو قدرت أحكى هقولها سبب بعدى عنها إيه إن حبنا تحول لحب جسدى لحد فى يوم ما هى سألتنى إنت إه علاقتك بــ .... ؟! طبعاً هنه كان لازم أجاوب قولتلها كنت بحبها قالتلى طب ليه مش صرحتنى من أول ما بدأنا علاقتنا ؟! قولتلها مجتش فرصه قالتلى يعنى إيه قولتلها هقولك إيه إن دى إنسانه فرضه نفسها عليا فرضه عليا حبها مش عارف أنا إزاى عبرت بالتعبير ده عنها بس ده اللى حصل قالتلى يعنى إنت بتحبها ولا لاء قولتلها لاء مش بحبها بس هى بتحبنى أنا ذنبى إيه أعمل إيه طيب أضربها هى طبعاً على كلامى كرهتها حتى من غير ما تتعامل معاها لحد فى يوم ما جمعت بيهم الصدفه إنهم يقفو فى مواجهه قصاد بعض وبدأو يتكلمو ويتخنقو قالتلها إنتى ليه خدتى منى محمد هو بيحبنى أنا قالتلها بس هو مش بيحبك هو قال كذا وكذا ....... قالتلها محمد قال كده عنى ؟!؟! قالتلها آه راحت راحه جايبه الجوابات اللى كانت بينا وقالتلها طب تفسرى ده بإيه ؟!  جتلى منهاره إنت خدعتنى إنت لعبت بيا إزاى تقولى إنها فارضه نفسها عليك وهى اللى بطاردك وإنتو بينكم قصه حب طويله بالشكل ده إنت إنسان غشاش وبدأت تسأل وتعرف أد إيه إحنا كنا بنحب بعض وإنفصلنا لظروف غامضه وبدأو الإتنين يتقربو من بعض أكتر وحكتلها الحكايه بتاعت الرحله وقالت من ساعتها وهو متغير معايا حاولت أصالحه بكل الطرق وأرجع ثقته فيا بس هو رفض وبعد ما كان رجعلى إختفى مره واحده وبعد وبدأو يتعاطفو مع بعض لحد ما قررت إنها تسبنى وتساعدها فى إنها ترجعلى فى الوقت ده كانت حاولت تقابلنى أكتر من مره وأنا رفضت فعملو الإتنين مع بعض خطه إن هى اللى تطلب تقابلنى وأكيد طبعاً أنا هوافق لأنى هتجنن وأقنعها بحبى ليا ولما أروح ألاقيها هى اللى مستنيانى وفعلاً نجحو فى الترتيب ده ورحت فى المعاد بالضبط عمال أحضر فى كلامى وإقناعى ليها من قبل الميعاد بيومين ورحت لقيت المفجأه جيت أنسحب مقدرتش منعتنى وكنت لازم أواجه مصيرى ودار بينا حوار كبير كان نهايته جمله واحده إنت مهما تلف طول عمرك مش هتلاقى إنسانه حبتك زيى وسابتنى واقف مكانى لساعات محتار وكل حاجه فى ذهنى إتلخبتط ومبقتش فاهم أنا صح ولا خطأ أنا فعلاً حبيت مين فى كل دول جرحت مين وظلمت مين الناس دى إيه ذنبها غير إن هم حبونى *** *** *** وأخيراً خدت القرار والقرار كان الفراق والبعد عن كل شىء نسيت الدنيا وفقدت الإحساس بالحياه إتمنيت الموت ودعيت وقلت " يارب خدنى وريحنى إرحمنى من العذاب جرحت إتنين كان كلهم خطأهم إنهم حبونى حبونى بجد بس أنا مقدرتش . مقدرتش أكون إنسان جدير بالحب معرفتش . معرفتش أشيل الحمل " بعت الدنيا ونسيت الفرح وصادقت التعاسه وحبست نفسى فى أحزانى وبدأت أموت على البطىء ومرت أيام وأسابيع وشهور وأنا على نفس الحال ببعد وأبعد وبحاول أنسى وكل ما أقول خلاص نسيت وهى كمان نسيتنى ألاقى رقمها بيتصل عليا وزى ما يكون بيقولى مش هسيبك ترتاح إنت ظلمتنى ولازم تتعذب زى ما عذبتنى وعلى ده الحال مرت أيام كتير وفى الآخر كان الفراق وإنطوت الحكايه فى قبر الذكريات الحزينه وبدأت أنسى وأهدى وبدأت أرجع لحياتى الطبيعه لكن كان بمجرد ما تمر قدامى فى مكان بلاقى شريط الذكريات بيمر فى ذهنى سريع ناسى كل اللحظات الحلوه شديد الإستذكار بلحظات الحزن والخداع والخيانه وأرجع من جديد أتألم وفضلت كده كتير لحد ما فى يوم من الأيام عرفت النت ودخلت عالم جديد وبدأت أعرف الياهو والهوت ميل وأدخل غرف الشات ولعب العيال الفاضى كنت فى الأول مش فاهم حاجه ومش عارف حاجه عامل زى العيل الصغير اللى جاب لعبه جديده وبيحاول يعرف عنها كل حاجه مكنش ليا علاقه بالمنتديات ولا بأى حاجه من الكلام ده لحد ما فى يوم قدر صديق ليا بإقناعى إنى أجرب شغل المنتديات هلاقى فيها حاجات مفيده كتير مواضيع عامه معلومات نقاشات بدل ما أنا مضيع كل وقتى شات وفعلاً قدر يستفزنى بكلامه لحد ما دخلت عالم المنتديات وفى الأول مكنتش برسى فى منتدى مكنتش بحس فيه بحاجه عادى ملل فى ملل لحد ما فى يوم بالصدفه وأنا ببحث عن حاجه خاصه بالثانويه العامه وقعت على المنتدى ده وبدأت أدخله بإستمرار فى البدايه كنت بقول شكل للبيع مع أى حد ومكنتش بخرج من جرس الفسحه كنت مقيم فيه 24 ساعه فى ال24 ساعه لحد ما نفس الشخص إستفزنى بكلامه خلانى خرجت للمنتدى بالكامل وبدأت أتأقلم معاه شويه بشويه بس مفيش مانع إنى كنت شكل مان أحلا واحد يدبر لمؤامرات وخناقات وشويه شويه مسكت مشرف ولما شلت المسؤليه وعرفت أد إيه كنت ظالم الناس دى إتغيرت أحوالى 180 درجه للصوره اللى إنتو شايفنى عليها دلوقتى عارف إنى خرجت عن الموضوع الرئيسى بس بصراحه كنت تعبت وأنا بحكى فقولت أغير المود شويه نرجع بقه لموضوعنا ومن خلال النت إتعرفت على بنوته زى القمر كانت فى البدايه مش بطيقنى لحد ما فى يوم من الأيام فى الليل الطويل جمع بينا القدر وإتكلمنا مع بعض اتكلمنا كتير وفى كل حاجه فى الاول وزى اى علاقه بين اتنين اصدقاء عرفتها بنفسى وهى عرفتنى بنفسها وبدأنا نتجاذب أطراف الحديث كنت غالبا انا بحكى وهى بتضحك طبعا على انا بحكيه كنت بحكيلها على مدرستى واللى بيحصل فيها ومدى التسيب الموجود فيها طبعا هى مكنتش بتصدق ان اللى انا بحكيه ده فعلا بيحصل على أرض الواقع بس كانت بتضحك مش عارف كانت بتضحك على المواقف اللى بحكيها ولا على نفسها علشان تخرج نفسها من حزنها كانت فى البدايه مش واثقه فيا خايفه . خايفه من كل حاجه يمكن خايفه تقرب اكتر مش واثقه فى عالم النت أو لأنها ملهاش اختلاط بشباب قبل كده لكن مع مرور الوقت بدأت أكسب ثقتها فيا وبدأت تحكيلى على مشاكلها وعلى اوجاعها على حياتها بشكل عام ولما مرت الأيام أكتر بدأت تتعود عليا أكتر ومبقاش ينفع يعدى يوم من غير ما نكلم بعض كان غالبا كلامنا بيبدأ مع صمت الليل وسكون الناس وبينتهى مع طلوع النهار وكنا فى الفتره بين الليل والنهار فى عالم تانى شويه فرح وشويه حزن واحد بيحكى والتانى بيسمع واحد بيتألم والتانى بيحاول يواسيه ويهون عليه صعاب الدنيا كنا بنحس ببعض وبنتألم علشان بعض وبنخاف على بعض كنا بنتكلم من غير كلام بنقول الجمله فى وقت واحد كان شئ غريب أول مره يحصلى كنت بستغرب إزاى ده بيحصل وإستمرينا على الحال ده كتير كان كل يوم بيفوت علينا كان بيقرب المسافه بينا اكتر كان ساعات بتحصل مواقف كتير بحس فيها بغيرتها عليا وأقول معقول صداقتنا إتحولت لحب ولا ده بدافع الأخوه وعلشان أتأكد من إحساسى بدأت أحكيلها عن علاقتى القديمه علشان أقدر أشوف رد فعلها هيبقى ايه كنت بحكيلها على كل حاجه من غير خجل أو خوف من إنها تفهمنى غلط كنت حاسس من خلال علاقتنا ببعض إنها مش معقوله تفهم أى حاجه فى كلامى غلط أو تغير فكرتها عنى وفعلا عمرها ما خيبت ظنى كنت بحس إنها فعلا من خلال كلامها معايا إنها عاشت وشافت المواقف دى بعينيها مش مجرد واحده بحكيلها والغريب فى اللى حصل ده إنى ارتحت لما حكتلها وحسيت براحه مكنتش حاسيتها من زمان إحساس إفتقدته لأكتر من سنه وحنين وحب وشوق خلونى ايقنت وعرفت وحسيت إن اللى كان قبل كده أكيد مكنش حب بس ده مكنش بيمنع من إنى ساعات كنت بحاول استفزها ده كان بيحصل عن طريق صديقه ليا هى فى منزلة أختى على الأقل بالنسبه ليا حاليا كنت بقول ليه بعض كلماتى المميزه لما كان بيجمعهم حوار مع بعض تيجى فيه سيرتى كانت بتتفاجئ إنى ممكن أكون قولت كلام هى كانت مقتنعه انى مش بقوله غير ليها كانت بتحس بنار الغيره وأختى كانت بجد فنانه فى *****ها بالكلمات لحد ما فى يوم لقيت نفسى داخل فى لعبه انا مش قدها وهى لعبة صراع الحب لأن الأتنين بدأو يحبونى وكده هضطر أبعد عن الأتنين فبطلت ألعب على الوتر ده وأخدت من صديقتى أخت وأقنعتها إننا فعلا أخوات وإن رابطة الأخوه أقوى بكتير من رابطه الحب وبتدوم طول العمر وكنت فعلا حبتينى يبقى أكيد تحبى تفضلى معايا طول عمرك وعلشان تفضلى معايا طول عمرك لازم تكونى أختى مش حبيبتى وفعلا إقتنعت بكلامى وبقينا إخوات والإنسانه الثانيه بدأت أخاف منها أو بمعنى أدق بدأت أخاف عليها من نفسى خايف أظلمها ويكون مصيرها مصير اللى قبلها وبدات كل ما تيجى سيرة الحب أهرب منها ولو قلت كلمة بحبك سرعان ما بتلحقها كلمة زى أختى وبدأت تفقد الأمل . وفى يوم من الأيام كان لازم الفراق لفتره لا تقل عن 2 أسبوع بسبب الدراسه وظروف سفرى خارج الوطن أى اسيوط وما أدراك ما أسيوط وكان لازم من وسيلة إتصال غير النت طلبت منى رقم الموبايل فى البدايه كنت متردد أدهولها لكن فى النهاية كتبته ومع وصولى لمحطة القاهره وصلتنى رساله من رقم مجهول وكان الرقم ده رقمها بتتطمن فيه على وصلى وكمان بتطلب فيه إنى لا أكلمها ولا أرسلها على الرقم ده هى فقط اللى هترسل وتتكلم لأنه مش خاص بعد إستلام الرساله سمعت صوت نغمة الإتصال ونفس الرقم بيتصل كنت متردد ارد ولا لاء ومحتار ارد اقول ايه خصوصا إن ده أول مره فى حياتى أسمع صوتها وفى النهايه فتحت وسمعت كلمة محمد كنت حاسس زى ما أكون أول مرة فى حياتى أسمع إسمى كنت عاوز أقول مش سامع ومش سامع علشان أسمع إسمى مرة وإتنين وثلاثه بالصوت الملائكى ده وكان ده أول إتصال بينا وللأسف لم يتجاوز الثلاث دقائق لكنه كان أجمل إتصال تلقيته فى حياتى وخلصت المكالمه وركبت القطار المتوجه إلى أسيوط منتظر بفارغ صبرى الوصول إليها ليس حباً فيه هذه البلد البعيده عن قلبى كل البعد ولكن اشتياقا منى لمكالمه الوصول التى سوف أستلمها عقب وصولى مباشرة وبدأت فى حساب الوقت بالثوانى والدقائق والساعات *** *** *** وفاصل ونواصل علشان نريح المفاصل *** ***
__________________
 Always remember two things Don’t' take any decision when you are Angry Don’t' make any promises when you are Happy |
|
#243
22-07-2008, 04:22 AM
|
||||
|
||||
|
الارتياح لشخص يا محمد مش معناه حب بس ما تعتبرش ده ردى على موضوعك انا هستنى منك الجزء الأخير اوك
__________________
 الجمال كالعطر يتطاير بعد فتره معينه من الزمن لكن جمال الروح كالشمس يبقى باقيا فى نفس الانسان وباقيا الى اللأبد
|
|
#244
22-07-2008, 04:48 AM
|
|||
|
|||
|
اه يسلام علي القصة الواقعية الجميلة ديه بس بسرعة كمل يا برنس ده انتا طلعت دونجوان ده انا عمري ما كلمت بنت خالص دا انا طلعت عطلان اوي وانا اللي كنت فاكر ان انا روش بس يا ريت بدل ماتكتب (مش كنت) اكتب (ماكنتش) ومايشابها
آخر تعديل بواسطة ps3vsxboxvswii ، 22-07-2008 الساعة 04:50 AM |
|
#245
22-07-2008, 04:52 AM
|
|||
|
|||
|
ع فكرة انا متابعة م الاول ..و قلت مش هعلق الا فى الاخر
انت بتكتب و احنا بنقول عايزين نساعدك و سامعينك و كمل للاخر بس صدقنى عمر ما حد هيحس بأى حاجة الا اللى عاش الموقف انا بقول كدا عشان فى جزء صغير م القصة فكرنى بحاجات و فكرنى ازاى كان كتير اوى جنبى و بردو كنت وحيدة المهم ...كمل عشان بجد عايزة اعرف اى اللى هيحصل فى الاخر و رغم انى شايفة ان انا تقريبا اخر واحدة ممكن تنصح بس بردو ممكن اعرف اقول حاجة ف الاخر
__________________
استودعكم الله شهرين...تلاتة...اربعة...
 |
|
#246
22-07-2008, 10:12 AM
|
||||
|
||||
|
محمد انت كده فعلا نسيت كل اللى فات ومعدش فى قلبك غير البنت اللى تعرفت عليها من النت ولا لسه فى ذكريات
منتظرة البقيه
__________________
الحمدلله والله اكبر و لا اله الا الله اتمنى اني مهما غبت عنكم تفضلوا فاكرني دايما
حسبي الله ونعم الوكيل عليكم باذكار الصباح والمساء واذكار المسلم اليومية تسلموا |
|
#247
22-07-2008, 10:49 AM
|
||||
|
||||
|
رايى فى الاخر يا محمد
عشان يبقى عن حجة وبرهان وزى مابيقولو عندنا فى كلية الحقوق بالادلة والبراهين الكافية التى تستطيع معها المحكمة استخلاص واستنباط وتطبيق صحيح حكم القانون
__________________
اللهم صلى وسلم على سيدنا محمد وعلى اله وصحبة واجزة عنا خير ما جزيت نبيا عن امتة ارداة + إخلاص + دعاء + تخطيط سليم = نجاح أكيد gamal saber
|
|
#249
22-07-2008, 11:44 AM
|
|||
|
|||
|
القصه جميله وانا مستنيه الجزء الاخير
بس فى حاجات كتير فى القصه كان لازم تراعى ربنا فيها وشكرااا |
|
#250
22-07-2008, 12:20 PM
|
||||
|
||||
|
والله يااستاذ محمد
طول حياتى كلها عرفت على اد ماعرفت وكلمت كتير لحد ماجه حد غير حياتى كلها شفتها بلون تانى شوفت السعادة كلها بس عارف مع انى عرفت اجمل منها انا دالوقت فى الطريق اللى هو لن اتخلى عنها ولن تتخلى عنى ربنا ينول كل حد اللى فى باله
__________________
اترجينى ........ابكى عليه يمكن قلبى يحن عليكى
صدقينى...... مش باديا ان انا قلبى بيقسى عليكى صدقينى.... كان بودى مااجرحكيش بس قلبى لما شافك ماحسكيش لو ترضيها انا عن نفسى مايرضنيش ارجع تانى واحبك وانتى متقدريش |
|
#252
22-07-2008, 09:52 PM
|
||||
|
||||
|
مش عارفة ااقول ايه
بص يامحمد كون انك تحب اتنين ده غلط لانك ممكن تخدعهم بس
الحكاية لذيذة وانا مش هعلق نهائى الالما القصة تخلص مع انى حاسة ان فى النهاي مش هتحب ولا واحدة فيهم لانهم ممكن يخسروا بعض عشانك والقصة جميلة وانا متحمسة ليها
__________________
 جدول حملة انا ملتزمة فى رمضان
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:27 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
