ايه اخبار تعيين أوائل الكليات ياجماعة؟

[esraa mohamad]

سعادة استاذنا الفاضل د.عبد الرحمن المنياوي نحن نشكر سعادتكم على جهودكم المتميزه في المنتدى ,جعلها الله في صحيفة حسناتكم , هكذا هم أهل المنيا الطيبين الكرماء , اريد ان استفسر من حضرتك عن حال المعلمين الحاصلين على الماجستير والدكتوراه هل سيشملهم قرار التعيين في الجامععات ام سيستمر عملهم كمدرسين في مدارسهم
مع جزيل الشكر

[فاطمة الزهراء 86]

السلام عليكم ورحمة الله

جزاك الله خيرا يا دكتور عبد الرحمن ولكن لي إستفسار هما دلوقتي بيقولوا إن القرارت هتتنفذ يوم الأحد يعني إيه يعني مثلا الأسماء هتنزل على الموقع ولا ده كلام وخلاص لأنهم كل فترة يقولوا خلاص يوم الأحد هنبدأ بالتنفيذ ومش عارفه إيه آخر الشهر هنفذ القرار , أنا نفسي أشوف حاجة على أرض الواقع عشان أرتاح .


معلش سؤال كمان هل مؤكد عدم إستبعاد المؤمن عليهم اللي هم يعملون في الوظائف الإدارية الحكومية مؤقت
طيب أنا بقى لما إن شاء الله يأتي لي التعيين هعمل إيه هل أقدم الإستقالة ولا أعمل إيه وإيه هي الخطوات اللي أنا لازم أعملها من دلوقتي أرجو إفادتي .

[د.بتول]

يعني اللي بره مصر يرجع علشان الاجراءات ولا نستنى شوية؟

[خليل المسيرى]

جامعة الأزهر تنتهي من حصر الأوائل.. والطلاب يترقبون!
عصام هاشم
7-9-2011 | 12:06


132






انتهت جامعة الأزهر بعد ظهر أمس الثلاثاء من إعداد الكشوف الحصرية لأوائل الخريجين من الدفعات السابقة بدءًا من عام 2002 حتي عام 2010، وتم إرسال الكشوف أمس إلي الجهاز المركزي للتنظيم والإدارة، الذي وعد بإرسال الكشوف إلي وزارة المالية خلال أسبوع تمهيدًا لبدء الإجراءات الفعلية لتعيينهم معيدين بالجامعة.

وأوضح الدكتور أسامة العبد رئيس الجامعة أن الجامعة أنهت مهمتها علي الوجه المطلوب، ويبقي دور المالية لتوفير الدرجات التي وعدت بها، مشيرًا إلي حرصه الشديد علي أن ينال كل ذي حق حقه بالجامعة، وأنه لا يقبل أن يظلم أي أحد مهما كان موقعه.

كان الجهاز المركزي للتنظيم والإدارة قد أخطر الجامعة في 7/8/2011 بموافقته من حيث المبدأ علي تمويل تعيين 6127 من أوائل الخريجين بالأزهر لتعيينهم معيدين بالجامعة، وطلب حصرا جديدا بعدد الأوائل (الأول والثاني من كل شعبة وكل قسم بكل الكليات والدفعات من 2002 حتي 2010)، وبياناتهم بعد استبعاد الذين تم تعيينهم.

وسعيا لسرعة الانتهاء من الحصر المطلوب شارك عدد من الأوائل ( نحو 20 خريجا) موظفي الجامعة في هذه المهمة بدءا من منتصف رمضان حتي أمس. وأوضح أحمد لطفي (أحد الأوائل): إننا كنا نتناول الإفطار والسحور يوميا ونبيت بالجامعة طوال تلك الفترة لمساعدة الموظفين في إنجاز هذه المهمة في أسرع وقت.
وأهاب لطفي - باسم جميع الأوائل – بوزارة المالية والجهاز المركزي للتنظيم والإدارة سرعة إنهاء الإجراءات المطلوبة لتعيينهم معيدين.. فكفي ما عاناه المتفوقون بالأزهر لسنوات طويلة من تجاهل لحقوقهم.. وأضاف: إننا لن نمل المطالبة بأي حق لنا، ولن نقبل التلاعب بمطالبنا بعد هذا العناء، وسنتردد علي كل الجهات المسئولة حتي يتم تعييننا.

http://gate.ahram.org.eg/UI/Front/Ne...ب-يترقبون.aspx

[boskovice]

[quoteمعلش سؤال كمان هل مؤكد عدم إستبعاد المؤمن عليهم اللي هم يعملون في الوظائف الإدارية الحكومية مؤقت
طيب أنا بقى لما إن شاء الله يأتي لي التعيين هعمل إيه هل أقدم الإستقالة ولا أعمل إيه وإيه هي الخطوات اللي أنا لازم أعملها من دلوقتي أرجو إفادتي][/quote]

لا يوجد استبعاد للمؤمن عليهم كلام نهائى هيتم اخطارك بالوظيفة وانتى تختارى وظيفتك الحالية

ولا وظيفتك الخاصة بتعيينات الاوائل

مش تقدمى استقالت دلوقت استنى لحد ما الامور تمشى شوية وتجيلك الوظيفة ويتم اخطارك

ولما توصلك الوظيفة الجديدة وتختاريها تبقى تروحى قبل التعيين باسبوع تقدمى استقالتك

ان شاء الله الامور تمشى وفى متابعة من جهة على اجراءات التعين

خير باذن الله

[boskovice]

المشاركة الأصلية كتبت بواسطة د.بتول

يعني اللي بره مصر يرجع علشان الاجراءات ولا نستنى شوية؟

لا تستنى شوية

لان النحاس قال احتمال الاستمارة تبقا على يوم 15/10/2011

فالموضوع هياخد وقت على ما اعتقد فلازم تتابعى وتستنى

[penelope]

فى اول مشاركة لي فى المنتدى انا بشكر الدكتور عبد الرحمن على مجهوداته الرائعة و اخباره اللى بتريحنا و كمان عايزة اشكر boskovice لانه بيجاوب على استفسارات الاعضاء و كان ليا استفسار ارجو الرد علية انا خريجة تربية عام 2010قسم اللغة الانجليزية الاول على القسم و كمان على الكلية و الثانية على الثلاث كليات فى تربية بس للاسف لم يتم تعيينى معيدة و اخدوا الاول على الثلاث كليات هل فيه فرصة انه يتم تعيينى معيدة او مدرس مادة فى الجامعة و لا هيتم تعيينى كمدرسة معلش استفسار تانى اية الاستمارات اللى هيقدمها النحاس و اجراءات التعيين هتتم امته ان شاء الله معلش طولت عليكم و شكرا جدااااااااا

[د.عبدالرحمن المنياوي]

كلام بوسكو مظبوط بخصوص الاستمارة والمؤمن عليهم ..

[قانونية]

المشاركة الأصلية كتبت بواسطة د.عبدالرحمن المنياوي

السلام عليكم .. بصراحة ياجماعة احنا كنا في اجتماع مع وزير التعليم العالي وقال إن التعيينات مقسمه لـ3 شرائح الأولى العشرين الأوائل والثانية طلاب المنح والثالثة الحاصلين على الماجستير والدكتوراة من خارج المنح .. وبعدين قال الوزير إن المرحلة الأولى سيتم تنفيذها يوم الأحد القادم وهو خاطب التنظيم والإدارة بكده .. (بس على الله النحاس مايوقفش الموضوع) .. طبعا أنا مارضيتش أقول امبارح علشان مظاهرة انهاردة وماحدش يطنش ويركن .. المهم حصل تعديل في القرارات الدرجات المخصصة للمنح والحاصلين ارتفعت من 2300 إلى 3075 درجة والتفاوض الآن على توزيعهم وقد تدخل الأكاديمية في قصة التوزيع بعيدا عن الجامعات .. والإعلان النهائي سيتم يوم الأحد أيضا .. حيث من المنتظر فض الاعتصام الموجود في الأكاديمية في نفس اليوم بعد إعلان النتائج كاملة .. وحصل تعديلين هامين جدااااااا بالنسبة للحاصلين وطلاب المنح أولا يستثنى شرط السن في التقدم للوظيفة يعني المدرس المساعد هيتاح ليه حتى 40 سنة والمدرس حتى 55 .. وثانيا أصبحت الآلية سنة على 3 مراحل بدلا من 3 سنين .. وانهارده بقى جاء الخبر في الأهرام بتأكيد بعض هذه المعلومات وربنا ييسر للباقي .. بالمناسبة أنا أطلعت قادة المعتصمين من الأوائل على هذه الأخبار أمس بس ماحبتش أنشرها كما قلت سابقا ..

أفيدونا بالله عليكم فأنا حاصلة على ماجستير فى القانون بتقدير جيد عام 2005 وحاصلة على الليسانس بتقدير مقبول عام 1998من جامعة الزقازيق فهل ينطبق على شروط التقدم؟ والتقدم سيكون اين ومتى؟ فالاعلان مبهم وغير واضح والزى حالتنا اذا كا ن ليهم مكان وحطونا فى اعتبارتهم هيتم توزيعنا كيف وازاى ؟ ارجو الاهتمام والرد

[د.عبدالرحمن المنياوي]

المشاركة الأصلية كتبت بواسطة قانونية

أفيدونا بالله عليكم فأنا حاصلة على ماجستير فى القانون بتقدير جيد عام 2005 وحاصلة على الليسانس بتقدير مقبول عام 1998من جامعة الزقازيق فهل ينطبق على شروط التقدم؟ والتقدم سيكون اين ومتى؟ فالاعلان مبهم وغير واضح والزى حالتنا اذا كا ن ليهم مكان وحطونا فى اعتبارتهم هيتم توزيعنا كيف وازاى ؟ ارجو الاهتمام والرد

مادمت حاصلة على الماجستير يبقى انت ضمن هذه الفئة لكن لن يتم تسكين للناس لأ .. ده هيبقى فيه إعلان عام يشمل كل التخصصات والناس تتقدم لما ينزل الإعلان

[د.عبدالرحمن المنياوي]

المشاركة الأصلية كتبت بواسطة esraa mohamad

سعادة استاذنا الفاضل د.عبد الرحمن المنياوي نحن نشكر سعادتكم على جهودكم المتميزه في المنتدى ,جعلها الله في صحيفة حسناتكم , هكذا هم أهل المنيا الطيبين الكرماء , اريد ان استفسر من حضرتك عن حال المعلمين الحاصلين على الماجستير والدكتوراه هل سيشملهم قرار التعيين في الجامععات ام سيستمر عملهم كمدرسين في مدارسهم
مع جزيل الشكر

نعم القرار يشمل الكل

[خالد عقيبى]

ياريت أى حد يعرفنا ايه اللى حصل فى التنظيم والاداره بالنسبه لموضوع أوائل الأزهر فى هذا اليوم

[خالد عقيبى]

المشاركة الأصلية كتبت بواسطة ابراهيم حامد الشرشابى

هى الاسماء هتعلن على اى موقع ولا فلى جريدة ولا هيبعتو لنا على البيت

سوف يتم ارسالها بالنسبه لك يا خالو ابراهيم على محل الكهرباء بجوار { فسيخ بن القارب }
نورت المنتدى وعقبال أما نقولك يا دكتور ابراهيم

[خالد عقيبى]

فينك يا أخ رامى وفين أخبارك بس ابعد عن الأكشن الله يكرمك

[البداية الاولى]

يا جماعة حد يفهمنا الناس قالت على صفحة اوائل الخريجين طالبين تعين ان نتيجة الوقفة يوم 6/9 كانت ان الدكتور معتز خورشيد قال ان التعين هيتم على ثلاث مراحل اولهم اوائل الخريجين هى الوقفة كانت امام التنظيم والادارة ولاكانت امام التعليم العالى ارجو التوضيح