ايه اخبار تعيين أوائل الكليات ياجماعة؟

[sarah youssef]

المشاركة الأصلية كتبت بواسطة wafa2

تعيين العشرين الاوائل فى العام بعد المعيدين ان شاء الله

الحمد لله والشكر لله .. جزاك الله كل خير يا اخت Wafa

[خالد عقيبى]

المشاركة الأصلية كتبت بواسطة ramy gama

ربنا يعزك أخ خالد ؟؟؟؟ أنا لاقيت الكل نايم في الخط قولت بقه لازم أصحي الناس دي !!! الأسماء هيتم نشرها خلال الأسبوع دا ان شاء الله ..انا اتصلت بأحد الإخوه وأكد ليا .

وربنا ييسر الأمر والموضوع ينتهي علي خير

ربنا يسمع منك يا أخ رامى والأسماء يتم نشرها
يا ريت أول ما تسمع عن نشرها تعرفنا تم نشرها على أى موقع
ولو فيه أخبار غدا عن مشوار التنظيم والاداره عرفونا ايه اللى حصل حتى نكون معكم متابعين الأحداث أولا بأول

[خالد عقيبى]

لوسمحت يا دكتور عبد الرحمن لى استفسار صغير أرجو من حضرتك تفيدنى فيه مضمونه كالاتى : _
أنا خريج تربية قسم جغرافيا دفعة 2004 بتقدير ممتاز مع مرتبة الشرف من جامعة الأزهر _ تفهنا الأشراف
وكملت دراسات عليا {دبلومه مهنيه ودبلومه خاصه } فى تطوير المناهج وطرق التدريس ولكن حصلت على الدبلومتين من جامعه عامه { جامعة كفر الشيخ } بكلية التربيه فيها
والسؤال الان :
هل فى حالة قبولى ان شاء الله كمعيد فى جامعة الأزهر هيعتمدوا الدبلومتين اللى حصلت عليهم من جامعه كفر الشيخ وأكمل بعدهم الماجستير
أم أن الجامعه ممكن لا تعترف بالدراسات العليا التى أخذت من جامعة كفر الشيخ
ما هو موقفى فى هذه الحاله أفيدنى بالله عليك ولك منى خالص الشكر والتقدير

[ام زياد ومهاب]

ربنا يكرمكم جميعا يااوائل الازهر والعام انشاء الله يلحقوا بكم اكيد بعد ماعنيتم من احباط وبطالة او عمل لايليق بعقولكم هتكونوا احسن دكاترة انشاء الله اتمنى لكم كل التوفيق فقد تعبتم اعصابى افرح معكم باى تقدم فى موضوعكم واحزن لكم ربنا يجعل كل اخباركم مفرحة دائما باذن الله تعالى على كرة اخى معكم من اوائل الازهر واتمنى ان يصبح اولادى مثلكم قولوا يارب

[د.عبدالرحمن المنياوي]

المشاركة الأصلية كتبت بواسطة خالد عقيبى

لوسمحت يا دكتور عبد الرحمن لى استفسار صغير أرجو من حضرتك تفيدنى فيه مضمونه كالاتى : _
أنا خريج تربية قسم جغرافيا دفعة 2004 بتقدير ممتاز مع مرتبة الشرف من جامعة الأزهر _ تفهنا الأشراف
وكملت دراسات عليا {دبلومه مهنيه ودبلومه خاصه } فى تطوير المناهج وطرق التدريس ولكن حصلت على الدبلومتين من جامعه عامه { جامعة كفر الشيخ } بكلية التربيه فيها
والسؤال الان :
هل فى حالة قبولى ان شاء الله كمعيد فى جامعة الأزهر هيعتمدوا الدبلومتين اللى حصلت عليهم من جامعه كفر الشيخ وأكمل بعدهم الماجستير
أم أن الجامعه ممكن لا تعترف بالدراسات العليا التى أخذت من جامعة كفر الشيخ
ما هو موقفى فى هذه الحاله أفيدنى بالله عليك ولك منى خالص الشكر والتقدير

مش عارف والله الأزهر رأيه إيه لكن عموما قانوننا العام عندنا بيقول لو التخصص الدقيق اللي هيكلفوك بيه في الماجستير يمشي مع التمهيدي ده مفيش مشاكل لكن للكلية حق مطالبتك بتعديل التمهيدي لو كلفوك بتخصص دقيق غير اللي انت أخدت فيه التمهيدي ده

[أكرم كيلاني]

[ايه أخبار الجهاز المركزي اليوم يا جماعة هل هناك جديد جزيتم خيرا

[ajeebmido22]

ياريت يا دكتور عبد الرحمن تبلغنا اخر الاخبار بخصوص اوائل الخريجين كما وعدتنا امس.

[sarah youssef]

المشاركة الأصلية كتبت بواسطة د.عبدالرحمن المنياوي

أخبرا كويسة جدا بخصوص تعيين أوائل العام بس هانتظر إعلان الخبر لما بعد مظاهرة بكرة

بعد اذن حضرتك يا دكتور ياريت تقولنا ايه هيا الاخبار دى ؟؟

[boskovice]

التنظيم والإدارة: فتح باب التقدم لتعيين حملة الماجستير والدكتوراه بالجامعات
المصدر: الأهرام اليومى




تقرر فتح باب التقدم للتعيينات لحملة الماجستير أو الدكتوراه بالجامعات المختلفة علي مستوي الجمهورية علي أن تبدأ الجامعات تحديد احتياجاتها وفقا للدرجات الشاغرة لديها ووفقا للمقررات الوظيفية والدرجات التي يمكن أن تشغلها والاعلان عن هذه الوظائف خلال المرحلة المقبلة وفقا لشروط التعيين. كما تقرر تعيين أكثر من 43 ألف خريج من أوائل الكليات (العشرين الأوائل) دفعات 2003 وحتي 2010 تنفيذا لقرارات مجلس الوزراء بشأن تعيينهم بالجهاز الإداري للدولة علي الوظائف الشاغرة
(الممولة وخالية) في الجهات الإدارية المختلفة بالإضافة الي تعيين نحو 6 آلاف خريج من خريجي كليات الأزهر من أوائل الخريجين ويقوم الجهاز المركزي للتنظيم والإدارة حاليا بحصر كافة الدرجات

[sarah youssef]

المشاركة الأصلية كتبت بواسطة boskovice

التنظيم والإدارة: فتح باب التقدم لتعيين حملة الماجستير والدكتوراه بالجامعات
المصدر: الأهرام اليومى




تقرر فتح باب التقدم للتعيينات لحملة الماجستير أو الدكتوراه بالجامعات المختلفة علي مستوي الجمهورية علي أن تبدأ الجامعات تحديد احتياجاتها وفقا للدرجات الشاغرة لديها ووفقا للمقررات الوظيفية والدرجات التي يمكن أن تشغلها والاعلان عن هذه الوظائف خلال المرحلة المقبلة وفقا لشروط التعيين. كما تقرر تعيين أكثر من 43 ألف خريج من أوائل الكليات (العشرين الأوائل) دفعات 2003 وحتي 2010 تنفيذا لقرارات مجلس الوزراء بشأن تعيينهم بالجهاز الإداري للدولة علي الوظائف الشاغرة
(الممولة وخالية) في الجهات الإدارية المختلفة بالإضافة الي تعيين نحو 6 آلاف خريج من خريجي كليات الأزهر من أوائل الخريجين ويقوم الجهاز المركزي للتنظيم والإدارة حاليا بحصر كافة الدرجات

مش مضايقنى غير كلمه "" تقرر"" وكله كلام ومافيش تنفيذ على ارض الواقع .. ربنا يهوووووووووون

[ابراهيم حامد الشرشابى]

هى الاسماء هتعلن على اى موقع ولا فلى جريدة ولا هيبعتو لنا على البيت

[د.عبدالرحمن المنياوي]

السلام عليكم .. بصراحة ياجماعة احنا كنا في اجتماع مع وزير التعليم العالي وقال إن التعيينات مقسمه لـ3 شرائح الأولى العشرين الأوائل والثانية طلاب المنح والثالثة الحاصلين على الماجستير والدكتوراة من خارج المنح .. وبعدين قال الوزير إن المرحلة الأولى سيتم تنفيذها يوم الأحد القادم وهو خاطب التنظيم والإدارة بكده .. (بس على الله النحاس مايوقفش الموضوع) .. طبعا أنا مارضيتش أقول امبارح علشان مظاهرة انهاردة وماحدش يطنش ويركن .. المهم حصل تعديل في القرارات الدرجات المخصصة للمنح والحاصلين ارتفعت من 2300 إلى 3075 درجة والتفاوض الآن على توزيعهم وقد تدخل الأكاديمية في قصة التوزيع بعيدا عن الجامعات .. والإعلان النهائي سيتم يوم الأحد أيضا .. حيث من المنتظر فض الاعتصام الموجود في الأكاديمية في نفس اليوم بعد إعلان النتائج كاملة .. وحصل تعديلين هامين جدااااااا بالنسبة للحاصلين وطلاب المنح أولا يستثنى شرط السن في التقدم للوظيفة يعني المدرس المساعد هيتاح ليه حتى 40 سنة والمدرس حتى 55 .. وثانيا أصبحت الآلية سنة على 3 مراحل بدلا من 3 سنين .. وانهارده بقى جاء الخبر في الأهرام بتأكيد بعض هذه المعلومات وربنا ييسر للباقي .. بالمناسبة أنا أطلعت قادة المعتصمين من الأوائل على هذه الأخبار أمس بس ماحبتش أنشرها كما قلت سابقا ..

[سامح الجعيدي]

المشاركة الأصلية كتبت بواسطة د.عبدالرحمن المنياوي

السلام عليكم .. بصراحة ياجماعة احنا كنا في اجتماع مع وزير التعليم العالي وقال إن التعيينات مقسمه لـ3 شرائح الأولى العشرين الأوائل والثانية طلاب المنح والثالثة الحاصلين على الماجستير والدكتوراة من خارج المنح .. وبعدين قال الوزير إن المرحلة الأولى سيتم تنفيذها يوم الأحد القادم وهو خاطب التنظيم والإدارة بكده .. (بس على الله النحاس مايوقفش الموضوع) .. طبعا أنا مارضيتش أقول امبارح علشان مظاهرة انهاردة وماحدش يطنش ويركن .. المهم حصل تعديل في القرارات الدرجات المخصصة للمنح والحاصلين ارتفعت من 2300 إلى 3075 درجة والتفاوض الآن على توزيعهم وقد تدخل الأكاديمية في قصة التوزيع بعيدا عن الجامعات .. والإعلان النهائي سيتم يوم الأحد أيضا .. حيث من المنتظر فض الاعتصام الموجود في الأكاديمية في نفس اليوم بعد إعلان النتائج كاملة .. وحصل تعديلين هامين جدااااااا بالنسبة للحاصلين وطلاب المنح أولا يستثنى شرط السن في التقدم للوظيفة يعني المدرس المساعد هيتاح ليه حتى 40 سنة والمدرس حتى 55 .. وثانيا أصبحت الآلية سنة على 3 مراحل بدلا من 3 سنين .. وانهارده بقى جاء الخبر في الأهرام بتأكيد بعض هذه المعلومات وربنا ييسر للباقي .. بالمناسبة أنا أطلعت قادة المعتصمين من الأوائل على هذه الأخبار أمس بس ماحبتش أنشرها كما قلت سابقا ..

كيف الحال الدكتور المحترم عبد الرحمن
ارجو من حضرتك ان شاء الله لو الموضوع محصلش فيه تعقيد حيكون يوم الاحد القادم بداية تعيينات اوائل الخريجين

[سنهوايت]

د عبالرحمن يعنى كده فى امل انى اتعين مدرس مساعد فى الجامعه انا الاولى بعد استبعاد المعيدين ومعاى ماجستير

[mshamsha]

يا جماعه ارجو التوضيح انا من حمله الماجستير ولكنى من خارج محافظه القاهره وارجو التوضيح كيف يمكننى التقدم ببياناتى واين ؟ ومع الشكر