للرد على اى سؤال او استفسار مع أ/ محمد حسن ضبعون

[mostafa_basha]

يا اخت هدى احنا مش خنضحك على بعض انتى عارفة ان الجودة كلة شغل ورق على ورق المدرسة قبل ماتيجى الجودة بتبقى فى احسن حال وبعد ما يمشوا كل حاجة بترجع زى ما كانت عايز افهم انا المدرسين هيفضوا للعملية التعليمية ولا هيقعدوا يستفوا فى اوراق وبعدين عايز اعرف الطلبة هيستفادوا اية من الجودة والطلبة مالهم ومال المبانى اللى ممكن تسقط مدرسة يعنى ذنبة اية الطالب ان مدرستة فى مبنى وحش رغم انة مستواة ممتاز دة غير ان السادة بتوع الدعم الفنى بييجوا يفردوا عضلاتهم وعلى ناس كانوا فى يوم من الايام اساتذتهم رغم انهم شغالين بالواسطة انا رايى تتلغى الجودة لانها تهريج فى تهريج بدل المصاريف والعك دة كلة راحت فين المابعات بتاعة الوزارة ولية نجيب ناس مش تبع الوزارة يحكموا معنى كدة انى بطعنهم فى مصداقيتهم رجاء يحلوا الهيئة دى ويدوا الفلوس دى للمدارس تعمل دورات تدريبية للمدرسين و الطلبة وتحسن المبانى وتجيب اجهزة

[هدى محمد احمد]

مين ال قال ال بيتابعو مش تبع التربية والتعليم معظم المراجعون الجارجيون تربوى ولعلمك يا اخ مصطفى الدعم الفنى حاجة والماجعون والهيئة حاجة تانى بدليل ان مدرستى اخدت الجودة ويوم ما جاءو المراجعون الخارجيون لم نرى منهم الا التواضع والهدوء والميثاق الاخلاقى ما تبصش لبتوع الدعم الفنى انا عايزة اقوك ان متابعين الوزارة هما ال بينفشو ريشهم

[بسنت النجار]

أنا من رأي إن الجودة دي مضيعة للوقت ولن يستفيد منها أحد لا المعلم ولا الطالب فالمدرس يدخل الفصل وباله مشغول بالجودة ومحدش فاهم حاجة ورق وبس ياريت يرجع المعلم تاني لفصله وتلاميذه فقط أنا في مدرسة أقسم بالله بأن 2% فهمين شوية والباقي ليس عند استعداد يفهم لأنهم سمعوا كتير ومشفهمين حاجة وأصبح الكل لايفكر إلا في الجودة وتركوا التلاميذ لأن النسق الخاص بالجودة تقريبأ ساكن في المدرسة وطالب شغل وهم مش عارفين حاجة وبعدين فين فلوس الجودة دي أعرف مدارس حصلت على الجودة ولم يحصلوا على شيئ حت الإمتيازات الموعود بها ذهبت مع الريح فياريت يلغوها أرحم ويتركونا نعمل فيى راحة بال دون أن يشغلنا أي شيئ آخر عن الهدف المشود وهو التلميذ . وشكراً

[Ahmed Farag12]

نعم للجودة الحقيقية
لا للملفات الورقية
وأهدار وقت المدرسين والمال العام

[ابراهيم فتوح]

أخوانى أنا مدرس أول لغة فرنسية ومدرستى دخلت الجودة وأنا أترأس فيها وحدة التدريب والجودة لأننى مبعوث والمدرسة لا تتخيلوا مدى العمل بها ومدى نظافتها ولكن تم الإرجاء لأسباب لو تعلموها ما يصدقها عقل قالوا لنا أن مستوى اللغة الإنجليزية بالمدرسة ليس جيد فهل هذا يفسد كل ما عملناه رغم أننا قمنا بعمل خطط تحسين ومفعلة تماما ولكن ...0.... لهذا يجبل التعديل وليس الإلغاء

[حاتم مهدى محمود]

شكرا يا أستاذة هدى لسعة صدرك وتقبلوك الأراء المختلفة ما بين مؤيد ومعارض
لكن اسمحى لى اقول لحضرتك كل ما ذكرتيه فى رد حضرتك هو مفعل بالفعل قبل الجودة
المدرسين على مستوى عالى جدا فى الكبيوتر مع العلم ان الالكبيوتر مش هو السبب الحقيقى لتمييز مدرس عن مدرس
اما للطالب كلهم تقريبا لديهم نت وإميل وبنتحث معا عبر النت ونقيم مسابقات قبل الجودة أما الجديد هو بقت المسابقات من خلال موقع المدرسة وهو ده الجديد
انا فى مدرسة تجريبى ومستوى تعليم متميز
لكن مازلت يا أخت هدى بقول ان الجودة قد تكون مفيده بس أعتقد مش هى الجودة الى بيتم تطبيقا الأن فى مدارسنا

[هدى محمد احمد]

يا استاذ حاتم رسالة الجودة واضحة ومعلنة لكن العيب من تطبيق المدارس لها ولست اعمم كل المدارس فيه مدارس بتطبقها صح مثل مدرستى

[mrkrkr]

تحية طيبة لجميع الاساتذة الافاضل
الجودة ليست هى المشكلة ولكن المشكلة فى
1- السادة مندوبى الدعم الفنى والمراجعين وغيرهم من الاشخاص المسئولين عن تطبيق خطة الحصول على الجودة فى اكبر
عدد من المدارس و فى اسرع وقت ممكن دون النظر الى النتائج المرجوة منها او كيفية تنفيذها

لذلك يقومون بالضغط على مديرى المدارس الذين يقومون بدورهم بالضغط على المدرسين لانجاز ما هو مطلوب فى الوقت المناسب باى طريقة مما يؤدى الى غضب المدرسين ويولد فى نفوسهم الرفض لهذا المشروع الذى ارهقهم وزاد من الاعباء على عاتقهم
وللاسف لا يدرك هؤلاء ان كل شىء يتم على عجل او يتم بسرعة ودون رضا جميع القائمين عليه فانه يشوبه الخطأ ولا يكون كاملا
2- المعلمين الذين لايعرفون كيف يرضون جميع الاطراف فى نفس الوقت

هل سوف يقومون بانجاز جميع مهامهم داخل الفصول من تدريس المناهج المحشوة بالمعلومات
هل سوف يتابعو تحصيل اولادهم من التلاميذ ويعلجو اى نقطة ضعف لديهم
هل سوف يصححوا الواجبات المنزلية وينموا قدرات تلاميذهم بالمناقشات والبحث وعمل الوسائل العلمية والتوضحية
هل سيقومون بما هو مفروض عليهم من عمل درجات لملف الانجاز وتصحيح التقويمات ورصدها فى كشوف الدرجات
هذا بجانب اعمال الاشراف على الادوار واشراف الفسحة والحصص الاحتياطى والملاحظة فى الامتحانات والتصحيح الداخلى والخارجى
ام

يقومون بما هو مطلوب منهم انجازه فى ملف الجودة من جمع بيانات وعمل مقابلات وفحص بيانات و وثائق وتعليق لافتات
وحفظ كل هذا فى عقولهم للاجابة عليه عندما تاتى اللجنة لتقييم المدرسة ومن يخطىء فى الرد او ينسى معلومةفهو مجرم
ومستهتر حتى لو كان من المدرسين الاكفاء
كلامى هذا ليس اعتراض على الجودة لاننى اريدها ولكن ليس بالطريقة الحالية

اننى ارى
ان اى مجتمع مدرسى يريد ان يحصل على الجودة يحتاج وقتا ليس بقليل ليحققها بشكل واضح و مثمر
ويتم ذلك فى خطوات هى
1- يتفق جميع العاملين فى المدرسة بما فيهم التلاميذ على رؤية فعلية ورسالةحقيقية تتناسب معها يكونوا قادرين فغلا على تحقيقهما
2- يتم ذلك بهدوء وروية دون استعجال لتحقيق الهدف منه
3-يحدد الجميع اوجه النقص فى المدرسة فى جميع النواحى ويتم تسجيلها لاصلاح اكبر قدر منها
4-قبل العمل فى ملفات الجودة يجب ان يفهم الجميع كل الملفات حتى ينجزوا العمل باتقان و نجاح
5-ان ياخذ العمل وقتا كافيا لايؤثر باى شكل على انجاز العملية التعليمية او يستقطع من وقت التلاميذ اى لحظة
6-ان يتم ذلك فى اوقات العمل الرسمية ولا يتخطاها مهما حدث لان المعلمين هم ايضا آباء و امهات و لبيوتهم عليهم حق

والمهم قبل كل ذلك هو وجود روح المودة و التعاون بين العاملين لانه بدونها سوف يسقط الجميع
و شكرا

[الأستاذ علاء سليمان]

اريد رد من مشرفى منتدى الثانويه العامه
تفعيل عضويه علاء المصرى2002

[عامر محمد عامر]

الجودة الحاليه مضعية للوقت و اهدار للمال العام

[بكر اسماعيل]

فلتذهب هيئة الجودة ومن انشائها وكل من ركب الموجة الخاصة بالجودة الى .........................

[عمر محمد غزال]

أرى أن الجودة لابد من وجودها فهي وقبل كل شيئ من تعاليم الإسلام ولكني أرفض طريقتها التي تهتم في الأساس على الأوراق ،وأرى أن تكون معممة في كل المدارس بدون تقدم ويتابع تطبيق الممارسات المفيده بشكل مباشر ودائم .

[هدى محمد احمد]

صح كلامك يا استاذ عمر وسبق وان نشرت موضوع عن مفهوم الجودة فى الاسلام ارجع للصفحات السابقة واطلع عليها

[الهيثم2011]

الجودة علي الوضع الحالي غير مجدية فنحن في مدارس الأرياف نعاني جدا من ندرة الإمكانيات بالإضافة الي العوامل الإقتصادية السيئة التي تعيق الطالب حتى علي الإنتظام بالمدرسة نرجو إعادة النظر في الموضوع برمته

[zegzega]

والله ورق ورق وناس بتستفيد من الهوا قولي ازاي زيارة ميدانية لمدة يومين معروفين من قبل كده ومدربين الجودة مدربينك ومنقدرش نعدي اليومين دول تمثيل في تمثيل أقسم ان المراجع بيكون متأكد انه تمثيل بس التمثيلية داخلة دماغه ولا لأ هو ده الل ييديك الجودة عليه ارحمونا بقي زيارة ميدانية ايه لما انا لو جي ضيف تقيل عندي مش هعرف امثل عليه اليومين دول كويس لو جودة حقيقية الزيارة مفاجئة ومكررة في اي وقت علشان اشهد ان فعلا المدرسة بتطبق النظام المطلوب وفندق ايه بقي اللي لازم يروحوا يتقابلو فيه والمدرسة تكون هي اللي دافعاه المدرسة تجيب ده كله منين وليه اول ماعرفت موضوع الفندق ده اتحرق دمي