لكل العاملين بالأجر سواء في أسيوط أو باقي المحافظات العقد 3/2 الجديد - الصفحة 16

fekrysat · #**226** 06-06-2011, 02:12 PM

لازم نعمل اضراب على امتحانات الثانوية العامة والتصحيح
لماذا قام الاطباء بعمل اضراب في المستشفيات واستجابت الحكومة لها
ورفعت الحد الادني للاجور لها 1200 اول تعيين
يعني الثانوية العامة مش اهم من المرضي اللي كانوا هايموتوا
اقولها بكل صوتي نعم لاضراب الثانوية العامة
نعم لثورة 7 يونيو سوف تكتب في التاريخ ثورة المعلمين مثل ثورة عرابي وثورة 25 يناير
المطالب هي كالاتي
رفع الحد الادني للاجور
تثبيت جميع معلمي الحصة وبالاجر وبدون شروط
الغاء اختبارات الكادر المهينه للمعلم
وشكرا
ثورة ثورة ثورة ثوره

Mr Amrooo · #**227** 06-06-2011, 02:36 PM

اقتباس:

المشاركة الأصلية كتبت بواسطة أبراار

ياسيدي الفاضل تفاءلوا بالخير تجدوه

وبالنسبة للحد الأدنى مافيش حد عامل في الدولة هياخد أقل من 700 جنيه إطلاقا طبقا لتصريحات وزير المالية إمبارح

وده للدرجة السادسة

وطبعا هتختلف بالنسبة للخامسة والرابعة والتالتة اللي إحنا عليها والتانية والأولى

من قال لحضرتك ان احنا على التالته نحن لسنا على اى درجه
نحن فى البدروم تحت الأرض

Mr Amrooo · #**228** 06-06-2011, 02:50 PM

اقتباس:

المشاركة الأصلية كتبت بواسطة انا المص

انا النهارده اخيرا والحمد لله استلمت العقد و هاروح بكره المدرسه اسلمه ان شاء الله

عقد إيه اللى انت جاى تقول عليه؟؟؟؟؟؟؟
أنت عارف قبله فى العقد إيه ؟؟؟؟؟؟؟؟؟
حضرتك محافظة إيه ؟؟؟؟؟؟؟
إدارة إيه ؟؟؟؟؟؟
عقد ايه ؟؟؟؟؟

Mr Amrooo · #**229** 06-06-2011, 02:55 PM

ياجماعه
اليكم اهم واخر الأنباء
مفيش تثبيت
مفيش 700 جنيه
مفيش مده انتم اشتغلتوها
كل اللى انتم اشتغلتوه بالظبط 100 يوم فقط
يعنى تقريبا 3 شهور وعشرة أيام
يبقى إزاى بتطالبون بالتثبيت
شرط التثبيت 3 سنوات وليس 3 شهور
على فكرة انا اتكلم بجد مش با اهزر
وكلها 45 يوما وتقبضوا شهر 7 وتتاكدوا من كلامى
موعدنا 25 يوليو لماتقبضوا شهر 7
وابقوا قابلونى

shaerhamada · #**230** 06-06-2011, 07:02 PM

للى لسه معرفش المرتب للمتثبتين كمان على الثالثة التخصصية هيكون زى مرتب الدرجة السادسة العمالية , يعنى زى العمال اللى معاهم محو الامية و سمعنى احلى سلام و تحيه لوزير التعليم و المالية.. هههههههههههههههههههها

يلا كل واحد يروح بسرعة يفصلة جلابية و يشتريلة مقشة على الاقل هيكنس مرة واحدة فى اليوم و هيقبض زى المدرس اللى طفحان الدم مع التلامذة طول اليوم.

manonelmasry · #**231** 06-06-2011, 07:08 PM

الرجاء الذهاب للينك ده:
http://thanwya.com/vb/showthread.php?p=3491240

أبراار · #**232** 10-06-2011, 10:54 AM

اقتباس:

يا استاذة أبرار هو العقد بتاع أسيوط عقد عادى ولا مميز؟ هو عقد معلم مساعد؟

اقتباس:
عقد 2/3 هو عقد مميز وفيه تقريباً كله المميزات وهو ده العقد اللى احنا مضينا عليه فى اول 5 فى أسيوط
بحيث ان ليك كل المميزات من حيث الاجازت والتامينات الصحية والعمل طوال السنة والعلاوات
لكن المشكلة عندنا ان العقد ده لغاية دلوقتى بعد ما مضناه لسه لم يتم فعيله والاستفادة بكل مميزاته
لكنه عقد مميز جداً
اقتباس:
اما مايتحدثون عنه فهو عقد محلى لمدة عام ويتم تجديده تلقائيا اى انك به لا تفصل
هذا الى ان تتم الثلاث سنوات ويتم تثبيتك معلم مساعد ان شاء الله
اما عن اختبار الكادر فهذا العقد لا يسمح لك باختبار الكادر فيجب ان تكون على بند 1 اجور وهذا البند عليه العقد المميز
ارجو ان اكون قد وفقت فى توصيل المعلومة

ده إقتباس من أحد الأعضاء ردا على سؤالك في أحد الموضوعات

http://www.thanwya.com/vb/showthread...72#post3508272

أبراار · #**233** 10-06-2011, 11:04 AM

اقتباس:

انا النهارده اخيرا والحمد لله استلمت العقد و هاروح بكره المدرسه اسلمه ان شاء الله

مبارك على حضرتك ياأستاذ وربنا إن شاء الله يجعله خير

أبراار · #**234** 10-06-2011, 11:09 AM

أستاذ عمرو أنا والله وضحت رد على سؤالك في ردي ده قبل كدة

إتفضل حضرتك

طيب ثواني وبالراحة كدة نرجع للعقد بتاعنا اللي عملناه في الآخر ده

مش إحنا إتفقنا وقلنا إنه هيعاملنا على أساس إننا في الدرجة التالتة

وساعتها قعدنا نقول هيحسب مربوط الدرجة ويزود عليه العلاوات المضمومة واللي مش مضمومة والكلام ده لو تفتكروا

في أول صفحة في الموضوع واللي بينص عليه العقد

اقتباس:
العقد ينص ع التالى
1- مكافاه شهرية توازى بداية ربط درجة نظيره.
2- علاوات مضمومة بنسبة 220% محسوبة على مربوط الدرجة +30 جنية علاوة 2005
3- علاوات غير مضمومة بنسبة 65% من مربوط الدرجة +36 جنية علاوة 2006+15% علاوة 2011
4- العلاوات الاجتماعية
5-منحة عيد العمال

مكافاه شهرية توازى بداية ربط درجة نظيره.

نظيره مين اللي هو الدرجة التالتة

والكلام ده قالوهولي في الإدارة لما سالتهم

إحنا كدة على درجة إيه

قالوا ع الدرجة التالتة

وهيتحسبلكوا المرتب بإنكوا تاخدوا مربوط الدرجة التالتة ويتضاف ليه كل الكلام ده

وبناءً عليه إحنا ع الدرجة التالتة

واللي عاوز يتأكد يراجع تاني كلامنا في الموضوع ده

دي حاجة ده ردا مابتقولوا حضراتكوا إننا مش على درجة أساسا

ثانيا هو قال إن الحد الأدنى لكل العاملين في الدولة 700 جنيه ماإستثناش أي حد

قالك أي حد مش هيقل عن كدة ماإستثناش حد خالص

بما في ذلك حتى القطاع الخاص بما في ذلك الأمي

يعني الأمي اللي هو مش واخد حاجة خالص وهيشتغل السنة دي يادوووووب هيعامله على إنه درجة سادسة في السلم الوظيفي

الراجل ماإستثناش حد إنتوا بتستثنوا ليه

ده حتى لو حضرتك فاتح دكان ومشغل معاك حد فيه المفروض طبقا للكلام اللي بيقوله ماينفعش تديله أقل من 700 جنيه كحد أدنى

كل العاملين بدوووون إستثناء لا قالك المتعاقدين لأ ولا مش عارف مين لأ

الكللللللل

أتمنى أكون وضحت لحضراتكو الأمور

وحتى لو ماعملناش العقد هتتعامل على أساس إنك في الدرجة التالتة

وإسمعوا كدة ياجماااااااعة تاني إسمعوا الجزئية دي

وأنا مش هصدق إلا لما أقبض بس بنحاول نفهم ونحلل الأمور والأخبار طبقا للي بيقولوه إنما التنفيذ ده فنتمنى

ده إحنا لسة أساسا ماقبضناش بالعقد اللي عملناه

فالتنفيذ ده نتمنى فعلا والله أعلم إنما إحنا بنتناقش في المطروح والله المستعان

أبراار · #**235** 10-06-2011, 11:13 AM

اقتباس:

للى لسه معرفش المرتب للمتثبتين كمان على الثالثة التخصصية هيكون زى مرتب الدرجة السادسة العمالية , يعنى زى العمال اللى معاهم محو الامية و سمعنى احلى سلام و تحيه لوزير التعليم و المالية.. هههههههههههههههههههها

يلا كل واحد يروح بسرعة يفصلة جلابية و يشتريلة مقشة على الاقل هيكنس مرة واحدة فى اليوم و هيقبض زى المدرس اللى طفحان الدم مع التلامذة طول اليوم.

لنا الله

لسة لغاية دلوقت ماحدش رد علينا في الأسئلة اللي عاوزة إجابة وفي الحاجات الغامضة والتضارب في القرارات

ولا حد فصلنا إيه اللي هيحصل معانا وإيه اللي هيكون

1- هل هيطبق على اللي ماخدوش الكادر بس ، اللي خدوا الكادر مش هيطبق عليهم ولا هيطبق ع الكل ويلغوا الكادر وده العدل؟؟؟

2- هل هيعاملوا الكل واحد زي ماقالوا هيرفعوا الكل ل700 وخلاص على كدة ويساوي الجاهل اللي لسة هيشتغل بالمؤهل العالي اللي ليه كذا سنة شغال ولا هيعملوا فرق في الدرجات ونتعامل على إننا درجة تالتة وده العدل؟؟؟

3- الناس القديمة اللي بتاخد الكادر أساسا لو إتلغى الكادر هيحاسبوهم إزاي وإزاي هيحسبولهم أقدميتهم؟؟؟

مش كل ده كلام محتاج توضيح المفروض يطلع وزير المالية ووزير التربية والتعليم يوضحولنا الكلام ده بتصريحات رسمية وبالتوضيح المفصل ده لو هم فعلا صادقين في كلامهم مش مجرد كلام وخلاص

أبراار · #**236** 10-06-2011, 11:15 AM

بالنسبة للجديد الحمد لله روحت الإدارة يوم التلات اللي فات وإستلمت نسختين العقد وبكرة إن شاء الله هوديه المدرسة

وإن شاء الله هسألهم بخصوص الدرجة المالية

هل إحنا ع الدرجة التالتة ولا لأ وأتأكد وأرد عليكوا بإذن الله

Mr Amrooo · #**237** 10-06-2011, 03:29 PM

اقتباس:

المشاركة الأصلية كتبت بواسطة أبراار

بالنسبة للجديد الحمد لله روحت الإدارة يوم التلات اللي فات وإستلمت نسختين العقد وبكرة إن شاء الله هوديه المدرسة

وإن شاء الله هسألهم بخصوص الدرجة المالية

هل إحنا ع الدرجة التالتة ولا لأ وأتأكد وأرد عليكوا بإذن الله

جزاك الله خيرا
على فكرة حضرتك اكتر واحده تعبانه فى المنتدى ده
نحن فى انتظارك غدا ان شاء الله

abu_ menna_13 · #**238** 10-06-2011, 03:34 PM

mega.hu * y a h o o . c o m

ده ايميلي ويا رييت كل اللي من اسيوط يسجلو ونتفق كلنا على موعد السبت 11/5/2011

علشان نشوف قرار المحافظ بالتعاقد مع عمال النظافه ومدرسي الحصة هيتنفذ ولا برضو علام مش على ورق

abu_ menna_13 · #**239** 10-06-2011, 03:56 PM

mega.hu * y a h o o . c o m

ده ايميلي ويا رييت كل اللي من اسيوط يسجلو ونتفق كلنا على موعد السبت 11/5/2011

علشان نشوف قرار المحافظ بالتعاقد مع عمال النظافه ومدرسي الحصة هيتنفذ ولا برضو كلام مش على ورق

mrhossamy · #**240** 12-06-2011, 01:56 AM

فاكس عاجل طرد واذلال لمعلمي الأجر من المدارس بالبحيره والغاء العقد الجديد

قرارات فاجره من مسئولين ليس لديهم دين أو ضمير لهذه الدرجه الاستهانه بكرامتنا وانسانيتنا اللهم انتقم لنا منهم في أبنائهم وسلط عليهم من يذلهم واشف صدورنا منهم في الدنيا قبل الآخره وحسبنا الله ونعم الوكيل

بناء على المذكرة المعروضه على السيد اللواء / محافظ البحيره بشان العاملين بالحصه يتم اتخاذ الاجراءات الاتية:
ماده 1
1- يحرر عقود للعاملين بالحصه اعتبارا من 1/5/2011 ويبداء العمل بالعقد مع بداية العام الدراسى وحتى 30 ابريل التالى له وفقا للنموذج المرفق
2 ماده
- يمنح المتعاقد مكافأة شهرية قيمتها 110 جنية + 10 جنيه منحه للمؤهل العالى. , 87 جنية + 10 منحة للمؤهل المتوسط وفوق المتوسط وذلك مقابل قيام المتعاقد بالنصاب القانونى للمؤهل العالى وفى ضوء المعدلات بالنسبة للمؤهل المتوسط وفقا للتعليمات الوارده من الوزارة فى هذا الشان