الحملة الكبرى لإسترداد حقوق المدرسين المتعاقدين ( للإيجابيين فقط ) - الصفحة 16

samah2009 · #**226** 31-08-2009, 05:39 PM

ربنا معاااااااااااكم ويوفقكم يااااااااااارب
ويتم التثبيت

Observer · #**227** 31-08-2009, 05:42 PM

الفاكس الأول

الـجــهــــة : السيد وزير الدولة للتنمية الإدارية
رقـــم الــفـاكــس : 22628003 - 02
نـــص الـــفــاكــس : فى المرفقات

وهم عدد ( 2 ) فاكس
الأول خاص بالمدرسين المتعاقدين بالتربيـــة والتعليم
والثانى خاص بالمدرسين المتعاقدين بالأزهر الشريف

( والفروق بين الفاكسين هى فروق لفظية طفيفة اقتضاها الواقع العملى )

سوف نبدأ بإرسال هذه الفاكسات على الرقم المذكور
إبتداءً من صباح الغد - الثلاثاء – وحتى نهاية يوم الخميس أى أن مدة هذا الفاكس 3 أيام
وسوف يكون الإرسال أثناء فترة العمل الرسمية من الساعة 9 صباحاً وحتى الساعة 2 ظهراً
وذلك لضمان إستقبال هذه الفاكسات أثناء فترة العمل وإرسالها إلى مكتب السيد الوزير
علماً بأن الفاكسات مكتوبة ومنسقة وجاهزة للطباعة مباشرة

لكل واحد منا الحق فى تعديل صيغة الفاكس بالطريقة التى تناسبه
ولكن تبقى الصيغة الموحدة أشد أثراً فى التعبير عن موقف المتعاقدين
والتأكيد على اتحادهم فى الكلمة والرأى

ملحوظة هامة
لضمان التأثير الإيجابى لهذه الفاكسات
يراعى تجنب الفاكسات المجمعة أو الموقعة بأكثر من توقيع
والحرص على أن يعبر الفاكس عن شخص واحد وتوقيع واحد فقط

elbltagy78 · #**228** 31-08-2009, 06:01 PM

الوزير قال كل من امضى عام دراسى انت بتقولوا ثلاثه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أحمد بسطاوي · #**229** 31-08-2009, 06:20 PM

شباب أنا هشيل أي حاجة فيها ثلاث سنوات لأن مبدأ التعاقد أصلا مرفوض ولو ليوم التثبيت لكل من يعمل بالتدريس

**ممدوح مصطفى الانصارى** · #**230** 31-08-2009, 08:53 PM

http://www.thanwya.com/vb/showthread...43#post1550943
خبر يخص الاخوة الزملاء النتعاقدين
ربنا يوفقكم ودعواتى

Observer · #**231** 31-08-2009, 09:05 PM

اقتباس:

المشاركة الأصلية كتبت بواسطة elbltagy78

الوزير قال كل من امضى عام دراسى انت بتقولوا ثلاثه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا أستاذ بلتاجى

الوزير بيقول لمن أمضى عام واحد يقدم فى الإختبارات عشان ياخد رخصة معلم

ولما ياخد رخصة معلم هياخدها برضه وهو متعاقد من غير تثبيت على درجة دايمة

المشكلة إننا فاهمين غلط ومتخيلين إن الحصول على الرخصة معناه التثبيت

الكلام دة من بق وزير التنمية الإدارية نفسه اللى ألغى نظام التعيين الدائم

وأبدله بنظام التعاقد المشوه حتى سن المعاش

عشان كدة لما بنقول التثبيت بعد 3 سنين فدة بناءً على فتوى إدارية معمول بها الآن

وهذه الفتوى هى الأمل الوحيد للتثبيت فى مصر

وشكراً

Observer · #**232** 31-08-2009, 09:08 PM

اقتباس:

المشاركة الأصلية كتبت بواسطة أحمد بسطاوي

شباب أنا هشيل أي حاجة فيها ثلاث سنوات لأن مبدأ التعاقد أصلا مرفوض ولو ليوم التثبيت لكل من يعمل بالتدريس

كـمـا تـشـاء

sweety titi · #**233** 31-08-2009, 09:20 PM

طب انا متعاقدة 2009 ومتوافر فية كل الشوط هل انا كدة مش هقدر اقدم؟

teacher120 · #**234** 31-08-2009, 09:59 PM

انا بقترح تعديل فى الصيغه لان احنا على نظام الكادر وهذا قانون واحنا تنطبق علينا الشروط احنا لما نقولو تثبيتنا عشان بقالنا 3 سنين كده دخلنا فى دائره مختلفه احنا عاوزين زى ما نظام الكادر بيقول كل من امضى عام كمدرس مساعد واحنا امضينا اكثر من عام فمن حقنا التثبيت ويكون اختبار الكادر بعد تثبيتنا زى زملائنا الاساسيين

دى ملحوظه ارجوا اخذها فى الاعتبار

وارجوا التعليق من الاخوه
الوزير صرح وقال تعيين لاول مره منذ 5 سنوات وقانون الكادر احنا بنستند اليه وهو واضح بيقول من امضى عام يحق له دخووووول الاختبارات وتثبيته

ماده73[size="7"
يكون شغل وظيفة " معلم مساعد " بالتعاقد لمدة سنتين قابلة للتجديد سنة أخرى بقرار من وزير التربية
والتعليم ويجب على شاغلها خلال هذه المدة الحصول على شهادة الصلاحية لمزاولة التعليم بالمرحلة
التعليمية التي يتقدم لها فإذا لم يحصل على الشهادة خلالها انتهى عقده تلقائياً دون حاجة لأي إجراء .
ويتم التعاقد مع المعلمين المؤقتين الذين يباشرون فعلاً أعمال التعليم في تاريخ العمل ب هذا الباب لشغل
وظيفة معلم مساعد وذلك متى توافرت فيهم شروط شغل الوظيفة .
ويعين بقرار من المحافظ المختص في وظيفة معلم من أمضى سنة على الأقل في وظيفة معلم مساعد
وحصل خلالها على الشهادة المشار إليها وثبتت صلاحيته للعمل وفقاً للمعايير التي تحددها اللائحة
التنفيذ ية .
[/size]

teacher120 · #**235** 31-08-2009, 10:48 PM

دا يا جماعه مجرد راى مش اكتر ودا الى انا فاهمه ياريت لو حد عنده معلومه تانيه يتفضل

moon_alex__2010 · #**236** 01-09-2009, 01:19 AM

إلي معلمي مصر المتعاقدين

بداية أحب أن أعرفكم بنفسي فأنا مدرسة حاسب آلي للمرحلة الإعدادية بنات بكاملها يعني من أولي إعدادي و حتى الثالث الإعدادي مرورا بالثاني طبعا آخذ من الحصص أكثر من النصاب القانوني و متعاقدة بالأجر منذ 15/10/2002 - لما كان المتعاقد مرتبه 90 جنيه - و منذ سنتين تقريبا و بالتحديد في 1/4/2008 تم عمل العقد الجديد (العقد المتميز) للمعلم المساعد و مدته سنتين قابلة للزيادة من قبل الوزير و المحافظ ... و بالتأكيد تعرفوا حضرتكم مدي أهمية الكمبيوتر في الحياة بالكامل و تعرفوا أيضا العجز الشديد في مدرسي هذه المادة و لكنهم لم يتذكروني إلا بعد 7 سنوات من العمل بعمل العقد المتميز و طبعا كل السنين دي كان يتخصم مني تأمينات اجتماعية و تأمين صحي و سألت في التأمينات الاجتماعية عن رصيدي وجدت انه صفر خالي الوفاض يعني لو فكرت اني اترك العمل يبقا كل السنين دي راحت عليا ده حتى النقابة مش اعترفت بيا و انا خريجة كلية التربية و حاصلة علي بكالوريوس في التربية بالإضافة لتمهيدي ماجستير في التربية و مع ذلك قالت لي النقابة انتي متعاقدة مع الحكومة مش ليكي نقابة لو كنتي متعاقدة مع مدرسة خاصة كان حيبقا ليكي نقابة بالله عليكم ده كلام يعقل و راحت كمان فرصة دخول النقابة و ادفعي بقا كل اللي متراكم عليكي من يوم ما اتخرجتي لحد تاريخه بس لما نبقا نعترف بيكي علي أساس مني قاعدة علي كنز و حدفع 10 سنين علي الأقل.
و كل ما تسأل في الإدارة التعليمية أو المديرية عن التعيين لأن العقد مدته سنتين فقط يكون الرد مش تحمدوا ربكم أنهم عملوا ليكم العقد ده غيركم مش لاقي شغل ... رد غريب زي ما يكون إحنا بنسرق منهم أو بنقاسهم في مرتباتهم ليه مش عارفه محدش فيهم فكر إن ممكن ابنته أو ابنه يكون في نفس الوضع ده و يترد عليه نفس الرد الجارح ده - فكما تدين تدان – ربنا المعين

آسفة إن كنت أطلت عليكم لكن الإطالة يمكن تنفع في أي جزء من الشكاوي المأمول قراءتها من المسئولين و كان هناك بصيص من الأمل ففي أول شهر 7/2009 تقدم الوزير بتصريح بأنه سوف يعين المعلمين المتعاقدين من ينطبق عليهم شروط التعين و ظهرت النشرة في يوم 5/8/2009 و لم نخطر بها و علمنا بها بالصدفة – و كان رد الموظفة المسئولة بالإدارة أن مكان المدرسة التي اعمل بها بعيدة عن مقر الإدارة مع العلم أنه بنص جنيه حتوصل لحد باب مدرستنا في اقل من نصف ساعة ما علينا- و كانت النشرة تنص علي أن يتوجه المعلمين المساعدين بكافة أوراقهم للمديرية التعليمية التابعة لمحافظتهم في موعد أقصاه 15/8/2009 و من لم يلحق التقديم يتجه إلي الأكاديمية المهنية للمعلمين الموجود لها فروع في كافة المحافظات في موعد أقصاه 30/8/2009 حتى يستطيع دخول امتحان الكادر للحصول علي شهادة مزاولة المهنة و الترقية لدرجة معلم – بعد 7 سنين سوف احصل علي شهادة مزاولة المهنة اللي قعدوا المدة دي كلها زمانهم بقوا معلم أوووول مش معلم بس – ما علينا قدمنا الورق المطلوب و هو :
3 صور شخصية
صورة من شهادة التخرج مختومة بختم النسر من المدرسة و مكتوب عليه صورة طبق الأصل
صورة من شهادة التأهيل التربوي (الدبلوم العام في التربية لغير خريجي التربية) مختومة بختم النسر من المدرسة و مكتوب عليه صورة طبق الأصل
صورة الرقم القومي
تقرير التوجيه و مختوم بختم التوجيه أو ختم النسر
تقرير مدير المدرسة و مختوم بختم النسر للمدرسة
خطاب ترشيح من مدير المدرسة لترشيح المعلم المساعد لدخول أول اختبار للأكاديمية مختوم بختم النسر و المدرسة
صورة شهادة الرخصة الدولية للكمبيوتر icdl مختومة بختم النسر و مكتوب عليها صورة طبق الأصل و من لم يحصل عليها يكتب إقرار باجتياز كافة اختباراتها في خلال سنة من تاريخه

و أخدنا الوصل بالورق الذي تم تسليمه و سألنا حنعمل ايه بعد كده قالوا استنوا حنبعت لكم طيب حيبعتوا امتي و أنا عقدي مدته سنتين يعني حيخلص 1/4/2010 تفتكروا حيلحقوا يمتحنوني و يدوني الشهادة المزعومة طيب لحقت و امتحنت و نجحت إن شاء الله ايه اللي حيحصل بالنسبة للسبع سنين اللي فاتوا من ناحية التأمينات الاجتماعية و النقابة امتي حيعترفوووووووا بياااااااااا ولا خلاص راحوا عليا

بالله عليكم أغيثونا من الظلم في هذه الأيام الكريمة

يا حي يا قيوم برحمتك نستغيث فأغثنا

يا حي يا قيوم برحمتك نستغيث فأغثنا

يا حي يا قيوم برحمتك نستغيث فأغثنا

teacher120 · #**237** 01-09-2009, 01:28 AM

يا استاذه ياريت تهدى وموضوعك سهل جدا انتى حضرتك معلم مساعد سيبك من العقد انتى الان هتدخلى الاختبار فى خلال شهرين وربنا يسهل وتثبتى لعلمك كل عقود المعلم لمساعد عامين فقط قابل للتجديد عام اخر انا مش شايف اى مشكله ربنا يوفقك

مصطفى1234 · #**238** 01-09-2009, 01:33 AM

كلام اخونا houda صح تماما نحن لم نعد تابعين لأحمد درويش بداية من اقرار قانون الكادر نحن تابعين لقانون كادر المعلم الذى ينص على ان شرط التبيث ان يمر عام على المعلم بشرط اجتيازة الاختبار فهذا قانون ويجب الالتزام بة انما موضوع ال 3 سنوات دة كان قبل اقرار قانون الكادر

مصطفى1234 · #**239** 01-09-2009, 01:39 AM

بسم الله الرحمن الرحيم

السيد الدكتور وزير التنميه الاداريه

السلام عليكم ورحمه الله وبركاته

مقدمه لسيادتكم /المدرسين المتعاقدين بالازهر الشريف

الموضوع

تعلمون سيادتكم اننا المتعاقدون بالازهر عملنا من خلال المسابقات النزيهه التى تتم بشفافيه واضحه ومع ذلك فيتم تجاهلنا وما زلنا على درجه التعاقد مما ياثر بشكل واضح ودرجه كبيره على معنوياتنا
ومن جانب اخر وبعد تطبيق كادر المعلم واقرار قانون 155 للكادر الخاص فقد نص القانون على تثبيت المعلم المساعد الذى مر عليه عام بعد اجتيازه لاختبارات كادر المعلم ونجاحه فيها
وبعد كل هذا فقد بادر السيد وزير التربيه والتعليم بالموافقه على قبول ملفات المدرسين المساعدين لدخولهم اختبارات الكادر وتثبيتهم فور اجتيازها
وقد نشر هذا الخبر على موقع الاكاديميه المهنيه للمعلمين وهذا نص القرار
بشـــرى للســـادة المعــلمين المســـاعديـن ....

وافق معالي الأستاذ الدكتور يسرى الجمل وزير التربية والتعليم، رئيس مجلس إدارة الأكاديمية المهنية للمعلمين، على قبول ملفات المعلمين المساعدين الراغبين فى دخول امتحان الحصول على شهادة الصلاحية لشغل وظيفة معلم ، حتى فى حالة عدم حصولهم على الوحـدات الأربعة المطلوبة من الرخصة الدولية لقيادة الكمبيوتر ICDL، علــى ألا يصدر قرار الترخيص للمعلم المساعد بعد اجتياز الاختبار إلا بعـد إحضار ما يفيد اجتياز هذه الوحـدات الأربعة " Windows- Word - Power point - Internet and Email " . وقد تم التنبيه على فروع الأكاديمية بالمحافظات الالتزام بهذا التيسير ... مع التمنيات بالتوفيق للجميع .
واستجابه لقرار السيد الوزير فان الاداره الاكترونيه للتعليم بالوزاره على موقعها نشرت هذا الخبر
مهــم وعـــاجل
تهيـب الإدارة الالكترونية للتعليم بالسادة مديري إدارات ورؤساء أقسام الإحصاء بالمديريات و الإدارات التعليمية ، سرعــة الانتهاء من تسجيل جميع بيانات السادة المتعاقدين " معلم مسـاعد " وتسليم كلمات المـرور الخاصة بهـم تمهيداً لاختبارات التسكين على وظيفة معـــلم
لذالك فنرجوا من سيادتكم تحديد موقف الازهر تجاه المتعاقدين واعلان ذالك بشكل واضح حتى يتسنى لنا تحضير انفسنا لهذه الاختبارات علما بان وزاره التربيه والتعليم قد اشترطت لتثبيت المعلم المساعد ودخوله اختبارات كادر المعلم بان يكون قد مر عليه عام واحد من تاريخ التعاقد وبان يكون خريج كليه التربيه او مؤهل عال بجانب مؤهل تربوى
نرجوا من فضيلتكم توضيح الرؤيه لنا حيث ان كثير من متعاقدى الازهر تنطبق عليهم كافه الشروط والمعايير التى وضعتها الاكاديميه المهنيه للمعلمين وبصفتكم وزير الدوله للتنميه الاداريه نطالبكم بعرض قضيتنا على فضيله الامام الاكبر شيخ الازهر الشريف اد/محمد سيد طنطاوى.لاتخاذ قراره العادل تجاه ابنائه المتعاقدين

وتفضلو بقبول فائق الاحترام
مقدمه لفضيلتكم
المتعاقدون بالازهر الشريف

Observer · #**240** 01-09-2009, 02:07 AM

يا جماعة لسة جاى حالاً من مقابلة مع نائب مجلس الشعب الشهير محمد العمدة

وكنا مجموعة من المتعاقدين كلمناه عن كل مشاكلنا وشرحنا له الحملة بالتفصيل

فكان رده استمروا فى حملتكم

ووعدنا إنه هيصعد الموضوع كله لأعلى المستويات

وطبعاً محمد العمدة غنى عن التعريف

ياريت نبدأ نجمع نفسنا ونقابل أعضاء مجلس الشعب ونشرحلهم المشكلة

وأكيد هيساعدونا بشكل كبير جداً مع الإستمرار فى حملتنا المباركة