يلا إحصاء ( ولو عندك سؤال أكتبه هنا )

[Nemo_92]

الاجابة فى المرفقات

[kalefam]

المشاركة الأصلية كتبت بواسطة Mona

الاجابة فى المرفقات

برافووووووووووووووووووووو منى استاذة فى حلك
بإذن الله بعد ماتخلصى امتحانات الثانوية العامة عاوز احجز عندك علشان اخد عندك درس فى الاحصاء

[Nemo_92]

شكرا يا مستر ربنا يخليك
ودى شهادة اعتز بيها
وطبعا الفضل يرجع لحضرتك بعد ربنا

[kalefam]

شبابنا اللى غايب له فترة فينة ؟ صبحى - اية - عبد الرحمن ولا زعلنين منى فى حاجة ياريت يطمنونى عليهم
جايب لكم انهاردة مسألتين حلوين جدا وسهلين جدا جدا

السؤال الأول :
إذا كان س متغير عشوائى متقطع توزيعة الاحتمالى يعطى بالدالة د ( س ) = ( س + 4 ) / 16 حيث س = -2 ، أ ، 1 ، 2 فأوجد :
أولا : قيمة أ
ثانيا : المتوسط والانحراف المعيارى للمتغير العشوائى س
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
السؤال الثانى :
صندوقان يحتوى كل منهما على ثلاث كرات مرقمة من 1 إلى 3 سحبت كرة عشوائيا من كل صندوق و عرف المتغير العشوائى س بأنه حاصل ضرب الرقمين الموجودين على الكرتين .
أوجد التوزيع الاحتمالى و المتوسط و التباين للمتغير العشوائى س

[♥έĻ-мΰšŧâρèdâ♥]

معلش يا شباب النت عندى مفصول فى البيت 00 انا اخدت اخر مجموعه من الاسئله واحلهم وابعتهم فى اقرب وقت

[Nemo_92]

اسفة على التاخير
الاجابة فى المرفقات

[kalefam]

المشاركة الأصلية كتبت بواسطة Mona

اسفة على التاخير
الاجابة فى المرفقات

[maistro]

معلشى استاذ محمد على التاخير بس انا كنت لسة مذاكرتش الدرس دة
انا الحمد لله ذاكرتة كويس
ياريت السؤاااااااااااال التالى

[Nemo_92]

ربنا يخليك يا مستر
مبدعة ايه بس
كله من شرح حضرتك بعد فضل ربنا علينا

[kalefam]

حمد لله على سلامتك يا صبحى طولت الغيبة المرة دى ليه ؟ لعل المانع خير .
و بشكرك يا منى على الكلمات الحلوة اللى كلها ذوق
واللى أن بعمله ما يبقاش مفيد إلا إذا كان الطالب اللى معايا مبدع فى تفكيره زيك برده انت ليكى فضل فى اللى بعمله ربنا يوفقك ويوفق كل أبنائنا طلبة و طالبات

السؤال الأول :
إذا كان س متغير عشوائى متقطع متوسطة 10 و تباينة 25 أوجد معامل الاختلاف

-----------------------------------

السؤال الثانى :
إذا كان س متغير عشوائى متقطع متوسطة 4 و معامل الاختلاف 75 % أوجد التباين لهذا المتغير

-----------------------------------

السؤال الثالث :
إذا كان س متغير عشوائى متقطع تباينة 196 و معامل الاختلاف 56 % أوجد التوقع لهذا المتغير

زى ماأنتم شايفين 3 مسائل على القانون بتاع معامل الاختلاف فى كل مسئلة بيعطينى حاجتين و يطلب الثالثة

[maistro]

فى المرفقات

[kalefam]

المشاركة الأصلية كتبت بواسطة محمد صبحى 101

فى المرفقات

الى وصلنى حل اثنين ............ فين حل الثالث ؟

[abdelRhman772007]

التوقع هو هو المتوسط
هيساوى فى التالتة 25

[maistro]

شكرا يا عبد الرحمن على التوضيح
انا مكنتش عارف يعنى اية التوقع
شكرا مرة تانية

[kalefam]

نلاحظ فى تعريف دالة الكثافة :
1- علامة أكبر من زى علامة أكبر من أو يساوى : ودى معناه فى المسائل منعقدش نفسنا و نقول دى أكبر و لا أكبر أو يساوى
2- اللى يمشى على علامة أكبر يمشى على علامة أصغر
3-عندحساب الاحتمال مش مهم رسم المسئلة لأن قانون مساحة شبه المتحرف يمشى على كل المساحات
و كمان فى الامتحان الرسم لا ينقص الدرجات لأنه بسأل عن الاحتمال مش على الرسم
ناخد المثال ده و نتعرف أكتر على المتعير العشوائى المتصل

المطلوب الأول : أثبت أن د ( س ) دالة كثافة احتمال
ممكن نسأل عنه بأسلوب تانى
أثبت أن مساحة المنطقة أسفل المنحنى و فوق محور السينات من س = صفر إلى س = 4 تساوى الواحد الصحيح
المهم مهما كان السؤال فالإجابة :
ل ( صفر < س < 4 ) = 0.5 × [ د ( صفر ) + د ( 4 ) ] × ( 4 - صفر ) = 0.5 × [ صفر + 0.5 ] × 4 = 2 × 0.5 = 1
و هنا علشان متتعبش نفسك و تقعد تفتح فى الالة و تحسب
بنضرب اللى برةالقوس 0.5 × اللى برة 4 و نجمع اللى جوه القوس
المطلوب التانى :
ل ( 1 < س < 3 ) = 0.5 × [ 1/8 + 3/8 ] × 2 = 1 × 4/8 = 4/8 و مش لازم نخنصر و نطلع الناتج 1/2
خدو المسئلة دى و حاولوا فى حلها

الدرس ده حلو جدا فى تشغيل دماغ يلا حلو السؤال ده علشان نشوف خبايا المسائل اللى عليه
اترككم فى رعاية الله و حفظة و نتاقبل فى القريب العاجل