هـنـا نـرد عـلـى إسـتـفـسـارات حـضـراتـكـم ؟

[totocarry]

لو مفيش حد هيرد يا ريت تقولوا عشان مضيعش وقت هنا

[Graves]

فى قسم معين فى هندسه القاهره عايز ادخله وانا من الاسكندريه فلو مجبتش تقديره فى سنه اولى اعدادى
هل ينفع احول اسكندريه تانى بعد اول سنه ؟؟

[DarkPrince]

يا جماعة لما اخلص الرغبات المفروض اطبع اخر صفحة دي ولا مش مهم
ورقم الايصال ده بعمل بيه ايه

[احمد على2013]

ما هو الفرق بين كلية الطاقة باسوان وقسم الكهرباء فى اى هندسة عادية
من حيث الدراسة وفرص العمل
ومازال البعض ينظر الى طاقة بانها اقل من هندسة وفرص عملها اقل ويفضل هندسة (كهرباء عن خريج طاقة )
ارجو الاهتمام بالرد للاهمية

[Basel90]

السلام عليكم ورحمة الله وبركاته
اشكركم على جهودكم الكبيرة لمساعدة الطلاب فجزاكم الله خيرا وبارك الله بكم
اخي و استاذي الكريم
انا شاب سوري حاليا بمصر توقفت دراستي 3 سنوات بس مرض ابي و عندما قررت اكمل حصلت الثورة
و الان انا بمصر عمري 23 سنة و اريد ان اسجل بثانوية علمي منازل فلدي حلم ان اكمل الدراسة و اريد ان احققه
لكن نظرا الى ان لا اعرف كثيرا بكيف تمشي الامور بمصر فالان مش عارف كيف ساسجل واين ذهبت اكثر من مرة الى الادارة التعليمية لكن كانت الدنيا مزدحمة جدا و كنت انتظر طابور طويل من اجل اسال سؤال يكون رده تعالى بعد اسبوع و اروح بعد اسبوع يقولوا لي نفس الكلام
فاريد اسال حضراتكم هل يجب ان اذهب لمدرسة لاسجل فيها و ما هي المدارس التي ممكن تقبل ان اسجل فيها
و انا مستعد ادفع اي تكلفة المهم لدي اكمل دراستي و احصل على هذه الفرصة التي احلم
اتمنى من حضراتكم ان تساعدوني و تقولوا لي ماذا افعل و ساكون ممتن جدا لمساعدتكم لي

[Tunechi]

أنا في هندسة شبرا ناجح بمادة فيزياء بمجموع 842 -56%
هل لي أي تحويل لقسم عمارة أو مدني في أي كلية ؟؟؟؟

[medoo2012179]

انا ثانوي ازهري جبت بعد المعادلة 77% هل في امل اخش هندسة خاصة معتمدة او مش معنمده

[eslamhashem]

معلش انا هتقل عليكم بس انا عايز من واحد يكون مجرب او عارف واحد مجرب , معلومات كافية عن كليات الهندسة النووية و هندسة الطيران و علوم الفضاء لانى محتار بين اتنين

[طالب94]

السلام عليكم و رحمة الله و بركاته،
لو سمحت انا كنت عاوز اسأل انهى الاحسن، الكترونيات منوف ام الكترونيات القاهرة .. من حيث الجودة و من حيث مجال الدراسة و من حيث البحث العلمي .. ارجو ان حد عارف كويس يجاوبني؟؟

آسف انى عملت موضوع جديد لم اكن قرأت القوانين بعد

[احمد جمعه الصيني]

ممكن أي معلومات عن هندسة حيوي(طبية) جامعه القاهرة ؟؟؟؟
انا مجموعه 404.5 من الشرقية عامل طلب تحول الكتروني ومستني النتيجة ربنا يستر !! بس هيا ممكن تجيلي ولا الامل ضعيف ؟؟؟؟

[issac-newton]

عدنا و العود أحمد , بسم الله و الحمد لله , نعتذر عن ذلك الانقطاع و ذلك لظروف الدراسه , و نأسف على المجموعة الكبيره من الاستفسارات التي تخلفنا عن الرد عليها , و في هذا الرد سيتم الاجابه ان شاء الله على كل الاستفسارات التي وردت في الموضوع في شهر اغسطس , ارجوا ان تسامحونا على التقصير

احمد على2013
لا معلومات كثيره لدي عن هندسة الطاقه بأسوان , يمكنك مراجعة الموقع الرسمي للكليه , لكن كما ذكرت في المعلومات القليلة الي عندي هي ان الاولوية بالطبع في مجال الطاقه بالذات للهندسة الكهربية و الميكانيكيه .


Basel90
حضرتك انزل اي مدرسة قريبه من المنطقة الي ساكن فيها و اسألهم على المطلوب , هما اكتر ناس هتقدر تفيدك ,

Tunechi
لكل كلية هندسة قواعد التحويل لها الخاصه , على سبيل المثال هندسة القاهره لا تقبل مجاميع اقل من جيدا جدا و تحدد عدد محدد من الاقسام للطلاب المحولين , حضرتك حدد الكلية الي عاوز تحولها , و ادخل موقعها الرسمي و نزل اللايحه بتاعتها و شوف قواعد التحويل او روح شئون الطلبة الخاص بالكلية و اسأل

- - - - -

http://www.thanwya.com/vb/showthread.php?t=441925
في هذا الموضوع معلومات عن الاقسام كلها باستثناء قسم الهندسة النوويه , يمكنك الولوج لموقع كلية الهندسة جامعة الاسكندرية و البحث عن قسم الهندسة النوويه و قراءات المعلومات المزوده

[امل طارق شوقى]

جالى هندسه المنيا وتحويلى اترفض للمنصوره واتصلت بشئون الطلبه قالولى ينفع احول ورقى للاقسام الخاصه بس فكنت عايزه اعرف ايه الاجراءات المطلوبه منى والتحويل ده هيفتح امتى ؟

[Eng-shimaa]

السلام عليكم ورحمة الله وبركاته
أريد كتب إعادادي هندسة عين شمس .......... لو حد يقدر يجبهم هكون متشكرة
بعد ما اتقبلت خلاص في كلية الهندسة عين شمس ......... أعمل إيه ؟

[قمر الصعيد]

انا ف هندسة قنا ممكن حد يفيدنى نظام الدكاترة والمعيدين والمكتبات بتاعت الملازم والكتب اللى ممكن تساعدنى وازاى احل مشكلة ان كل المواد e والدفعة كلها مش فاهمة حاجة كله بيخبط

[بحر_الامل]

المشاركة الأصلية كتبت بواسطة Eng-shimaa

السلام عليكم ورحمة الله وبركاته
أريد كتب إعادادي هندسة عين شمس .......... لو حد يقدر يجبهم هكون متشكرة
بعد ما اتقبلت خلاص في كلية الهندسة عين شمس ......... أعمل إيه ؟

حضرتك عايزة كتبها ازاى يعنى
لان صعب تلاقيها PDF لو ده اللى تقصديه

بعد ما اتقبلتى احب اقولك ان امتحان Mid-Term بعد اسبوعين :D