اى حد داخل هندسه الازهر بنات القاهره يتفضل بالدخول لو سمحتم

[aldemerdasch]

على فكرة يا جماعه الميكانيكا هو افضل قسم للبنين وهو اصعب قسم فى الجامعه
ولكن مجاله متوفر فى جميع انحاء العالم وانا حطيطه اول قسم فى الرغبات وبالتوفيق لكل الناس

[aldemerdasch]

امتحان الرياضه كان جميل جدا بس الوقت صغير جدا على الامتحان ده
واعتقد ان مش الكتور مهنا هو اللى حط الامتحان فهو اكيد الدكتور حمدى عبدالحليم لأن الامتحان صعبه شوية

[نورالحياه]

السلام عليكم ورحمه الله وبركاته
ازيكم يابشمهندسين ويا بشمهندسات
عاملين ايه فى الكليه انا كنت عايزه اسالكم على حاجه وانا خايفه منها جدا
زى ماده الحاسب والكمياء مش عارفه خايفه منهم جدا ياريت حد يقولنا نعمل فيهم ايه
وخصوصا ان كتير من اعدادى زى كده مش بيفتحوا المواد دى من اول السنه حد يقولى يتلموا ازاى وكده
معلش بتعبكم معايا وبخصوص امتحان الرياضه فهو زى ما البشمهندس الدمرداش قال كان الامتحان حلو بس وقته قليل عليه وربنا يعين كل طلبه هندسه واسفه انى طولت عليكم

[م.الزعيم]

هى الامتحانات سدت نفس الناس عن المشاركة ولا ايه؟؟
على العموم يارب تكون عدت على اخير
وياريت نقدر نستغل الاجازة صح فى النوم ههههههههههههه
ربنا يوفق الجميع

[eng refa3y]

ازيك يابشمهندس الزعيم
واضح كده ان صدمه الامتحانات لسه مأثره
اكيد شويه كده وكل الامور تبقى تمام
وربنا يستر

[م.الزعيم]

عندك حق يابشمهندس رفاعى هيا بتبقى صدمة جامدة وخاصة فى اعدادى
كل واحد فى اعدادى تلاقيه بيحسب دلوقتى ياترى هيبقى معايا كام مادة هههههههههههه
انا سمعت ان النتيجة هتظهر السنة دى بدرى لو حد عنده اخبار ياريت يعرفنا
ويارب النتيجة تظهر السنة دى على النت بلاش شغل تعب الاعصاب اللى بنشوفه يوم النتيجة
وربنا يوفق الجميع

[dr.monna]

انا عضوة جديدة فى المنتدى لسه وطبعا انا ازهرية من راسى حتى اخمص قدمى يعنى من تانية حضانة وانا فى الازهر
طبعا فى ناس كتير هتستغرب انى اسمى مكتوب حرف d فيه small بس انا تعمدت ده لانى لسه سنة اولى وربنا يطلعنا منها نضاف
قررت ان ادخل على هندسة عشان مافيش topic لصيدلة بس ده مايمنعش انى بحب كلية هندسة وكان نفسى ادخلها بس المجموع هو اللى حكم لانى كنت عايزة الكليتين مع بعض ازاى مااعرفش
الانسان طماع برضه زى ماانتم عارفين
اتمنى انكم تقبلونى عضوة معاكم
مستنية ردودكم

[م.الزعيم]

اولا اهلا بحضرتك د/ منى
بصراحة يبدوا بلاغتك فى اللغة العربية عالية جدا وعلى فكرة انا مستغربتش من حرف ال d ده خالص مش عارف ليه
أصعب حاجة حكم المجموع ده احنا مكن نشوف ليكى واسطة وتدخلى هندسة عادى جدا وتكملى فى صيدلة بس المشكلة لما تخلصى كلية لقبك هيبقى ايه؟
من ناحية موضوع الردود صعب هتلاقى غيرى لان اللى عاملين التوبك اغلبهم اعدادى هندسة وبيعانوا الايام دى من حالة نفسية صعبة. ربنا معاهم
اهلا بيكى دكتورة منى وربنا يوفقك وتجيبى تقدير كبير اووى اووى اووى

[eng refa3y]

اهلين بيكى dr-monna
ال topic نور بوجودك
بس هو فى فرق بين Dr و dr
وحلوه قوى اخمص قدمى هههههههههههه
الازهر مأثر برضه
معذوره
وربنا يوفقك ويوفقنا كلنا ونجيب مجموع عالى

ال topic كان شغال كويس لكن جت الامتحانات وصدماتها واحده ورا التانيه مخليا بتوع اعدادى لسه مافاقوش
ان شاء الله هايفوقوا ويرجعوا تانى

[dr.monna]

[quote=م.الزعيم;2337033]

أصعب حاجة حكم المجموع ده احنا مكن نشوف ليكى واسطة وتدخلى هندسة عادى جدا وتكملى فى صيدلة بس المشكلة لما تخلصى كلية لقبك هيبقى ايه؟

شكرا على ردك بابشمهندس
وبالنسبة للموضوع ده انا معنديش مانع وممكن يبقى لقبى مثلا مهندورة او دكتوسة
واكون انا مطلقة الصيحة الجديدة فى عالم الالقاب
اما بالنسبة للغة العربية فانا مكنتش بحب دراستها بس انا غاوية قراية شوية وخصوصا روايات نبيل فاروق

[dr.monna]

اهلين بيك يابشمهندس رفاعى
شكرا على ردك
وانا كمان اتمنى اننا كلنا نجيب تقديرات عالية
وتفوقوا من الصدمة على خير

وطبعا فى فرق بين Drوdr
لان دى من ام واب
و دى من ام واب تانيين
هههههههههههههههه

[yasssmine]

باااااااااااااااااك اخير رجعت بيتنا يا عالم والله فعلا الكليه دى طلعت جهنم واحنا ما نعرفش ازيك يا دكتوره ايمان منوره التوبيك على فكره هى اسمها ايمان مش منى
نتكلم شويه عن ال الامتحانات عايزه اعرف ايه من وجهت نظركم احسن امتحان وايه اوحش واحد اما امتحان الرسم فده لوحده حكايه ايه رايكم فيه وايه رايكم فى الوقت كان كافى ولا اما امتحان الرياضه فكان جميل بس للاسف انا ال هبلت فيه شويه يلا بلاش دوشه راحت الامتحانات لحالها وخلصنا سلام اه استنو عيزه اقول حاجه لازم نرجع زى الاول واكتر والمشاركات تكتر اكتر واكتر يلا بقى كفايه رغى سلام

[م.الزعيم]

اهلا بيكى دكتوسة منى
على فكرة القراءة شيىء جميل جدا فكرتينى زمن كنت فيه طفل وكنت أٌقرا روايات نبيل فاروق رجل المستحيل
بس أنا الايام دى بدات اهتم بالقراءة فى مجال الدين وطبعا الكهربا
وياريت ياجماعة نقول للبشمهندسة ياسمين
كفارة يابشمهندسة

[yasssmine]

والله فعلا كفاره على رايك يا بشمهندس وعلى فكره اسمها ايمان مش منى وبعدين انت ربنا هداك وبطلت تقرا كتب الرجل المستحيل والحاجات الفاضيه دى واتجهت لحاجات مفيده عقبال ايمان

[م.الزعيم]

أولا مبروك يابشمهندسة انك خلصتى اعدادى
أنا بدأت أشك فى قداراتى فى الانجليزى هيا دكتورة منى ولا ايمان؟
بس ايه التعبيرات الجامدة دى (والله فعلا الكليه دى طلعت جهنم واحنا ما نعرفش ) الظاهر فعلا ان اعدادى ليها تأثير لسه
أحسن امتحان هو اللى هجيب فيه أفضل تقديير لان الكلية ملهاش مقياس كتير اووى تكونى حلة امتحان كويس جدا وتلاقيى نفسك جايبة مقبول أو مرفوع عشان كده الحكم لما تبان النتيجة أفضل
أوحش امتحان كان power electronics ويمكن امتحان digital control بس انا كنت متوقع انى مش هكتب فيهم كلمة واحدة بس كتبت غلط او صح دى حاجة مش بتعتى المهم انى كتبت!
على فكرة حكاية الوقت دى مبدأ ثابت احنا غالبا مش بنقدر نخلص قبل الوقت ده بيكون شبه مستحيل بس اللى بيخلى الواحد يزعل انو يكون عارف اجابة سؤال ويسيبه عشان الوقت
مكنتش بحب الرسم بصراحة علشان كده كنت سعيد لما امتحانه خلص بس الحمد لله كنت سايب حاجات بسيطة فى استنتاج المسقط التالت لو كان فيه وقت كنت ممكن اخلصها
امتحان الرياضة لانه اخر مادة محدش ببيدى له اهتمام اووى والحقيقة ان الناس بتكون تعبت وعايزة تروح بس عادى متقلقيش دى حالة عامة فى الدفعة
أجمل حاجة ان الامتحانات عدت وربنا يسهل والنتيجة تكون كويسية وتبقى ارتحتم من اعدادى طول حياتكم
أنا حاسس انى اتعلمت الرغى يلا بقى سلام