|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
|
|
#1
21-05-2011, 12:54 PM
|
||||
|
||||
الجزء2:لعموم الفائدة اكتب موقف او تجربة مريت به؟
السلام عليكم ورحمه الله وبركاته
كنت قد كتبت هذا الموضوع في اواخر السنه الماضيه بعنوان((لعموم الفائدة: اكتب تجربة مريت بيها؟))والذي حاز علي اعجاب الكثيرين منكم،، وها انا الان اذكركم به مرة اخري للفائدة مع نهاية السنه الدراسية ومع بداية شهور الاجازة ليكون هذا الموضوع هو الجزء الثاني منه والموضوع عبارة عن((مواقف الاعضاء وتجاربهم)) التي مرت بهم وبما ان كل واحد منا يمر بالعديد من المواقف والتجارب والمحن والمشكلات المتجدده والمتكررة علي حسب اختلافها و وقوعها ووقت ومكان وقوعها وسبب وقوعها وكيف تم التصرف فيها؟ وما النتيجة المترتبة عليها؟ اكيد كل منا له مواقف ومنها ماهو غريب ومنها ماهو طريف ومنها ما هو مفيد ومنها ماهو مبكي ومنها ماهو مفرح ومنها ماهو عاطفي ،ومؤثر، ودرامي، واحيانا يكون الموقف خيالي (بتحصل احيانا) فأنا اتمني من جميع الاعضاء والمشرفين ان ينضموا الينا هنا في هذا الموضوع كي يضع كل واحد منهم موقف حدث معه او تجربة مر بها ولا تتحرج ان كان الموقف صغيرا في رأيك أو ليس له قيمه عندك فربما يكون لاحدنا ذو فائده عظيمه فلا تبخل به علينا حتي نتمكن من الاستفاده منه والتعلم منها ملحوظة:اكتب اي موقف ايا كان نوعه حتي لو كان صغيرا تافها من وجهة نظرك مثلا موقف في الشارع في السيارة ،المواصلات،المحاضرات، البيت،مع اصدقائك،مع جيرانك،في الشغل،في اي مكان،حادثه شاهدتها بعينك سواء اكنت طرف فيها ام لا،،مشكله لصاحبك وكيف تم حلها ولماذا تمت من الاساس او ممكن تكون تجربة عاطفيه مثلا فهنا لا نشترط نوع الموقف فارجو الا تحرمونا مما لديكم من مواقف وفي النهاية لا يسعني الا ان اتمني ان ينال موضوعي المتواضع منكم الاعجاب ،،،تقبلوا مني عظيم التحية والتقدير وكامل احترامي 
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#2
21-05-2011, 01:55 PM
|
||||
|
||||
أحكي لكم موقف مضحك حدث معي
كنت وقتها في المرحله الاعدادية يعني من زمااان الموقف ده المهم كنت انا واصدقائي بنتسابق بالعجل   وتسارعت العجلات من تحت اقدامنا وكنا نقبض علي بعضنا البعض اللي يحصل التاني كأنه قبض عليه  انا حبيت اعمل فيها زكي وقلت هدخل اول شارع يقابلني خصوصا احنا في شارع رئيسي وبنجري بسرعه ولو دخلت الشارع الفرعي اللي جاي مش هياخدوا بالهم وافلت منهم المهم اول ما لمحت الشارع اسرعت ودخلت في الشارع علطول وعينكم بقي ماتشوف اللي النور اتاري الشارع ملغم بالكلاب وانا داخل بقي بسرعه عليهم تخيلوا انتوا بقي ولقيت نفسي تقمصت دور سوبر مان من علي العجله وقفذت منها كالطائرة وجريت خارج الشارع الي الشارع الرئيسي  ومن يومها حرمت العب سباق بالعجل تاني كفايا اللي حصلي وقلبي وقف وقتها  تحياتي للجميع ويلا ماحدش يكسل ويكتب موقف من المواقف بتاعته عايزين موقف نكد بقي بعد الضحك ده ها مين هينكد علينا
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#3
21-05-2011, 02:53 PM
|
||||
|
||||
اقتباس:
هههههههههههههههههههههه الموقف دا فكرنى بموقف مشابه وأنا صغير .. كنت بقضى الأجازة مع أهلى فى ريف الزقازيق دايما والعيال هناك .. كانوا بيعاملونى على إنى إنسان جئ من كوكب أخر ... مش عارف ليه المهم قالولى احنا لازم ندخل فى سباق بالعجل على طريق السكة الزراعية .. ووخدوا منى جنيه ومن كل واحد جنيه ... وقالوا اللى هيكسب .. هياخد الفلوس كلها  انا كان معايا عجلة وكويسة وسريعة وكمان شكها حلو وكمان صغنونة وعلى أدى جه واد من ابن الجيران .. ضحك عليا .. وخدها منى .. واخدت مكانها عجلته ال 28 .. الفسكونيا  هههههههههه المهم دخلنا فى مرحلة السباق .. والعيال طارت بالعجل .. وأنا راكب على العجلة .. وكبيرة أوى عليا .. وبجاهد عشان أطول البدال .. المهم بدأت أبدل نص تبديلة .. وجريت وسبقتهم كمان ... بس جه نفس الواد دخل فيا بالعجلة من وراء مرة واحدة لقيت فردة العجلة الأمامية اتخلعت مش عارف ازاى .. ولقيت نفسى .. فى الترعة  واللى باقى من العجلة فوق منى ...  بس الحمد لله ربنا سترها .. ولانى كنت بعرف اعوم كويس .. ربنا نجانى بس المشكلة مش هنا الواد اللى ضحك عليا دا  راح قال ل تيته هانى خد منى العجلة ووقع بيها فى الترعة .. وانا عايز العجلة بتاعتى .. وفضل يعيط ويعمل زيطة قامت نينه ..ادته العجلة بتاعتى .. عشان أنا بوظت العجلة بتاعته .. وكمان عشان خافت عليا .. انى أقع فى الترعة تانى هههههههههههههههههههه .. ولحد النهاردة .. انا والواد دا الأصدقاء الأعداء ولما بشوفه ببقى عايز أقتله .. لانه أخد منى عجلتى
__________________
يا رب
|
|
#4
21-05-2011, 03:17 PM
|
||||
|
||||
|
اقتباس:
والحمد لله جات سليمه وعلي رأيك مش مهم الفوز اقتباس:
 طيب وليه ماتقوليش مواقفك المضحكه لحد ماتفتكري النكد براحتك وعلي اقل من مهلك انا عارف النكد هيجي هيجي  اقتباس:
يعني الواد ضحك عليك 3 مرات مرة اول مابدل العجله معاك ومرة لما سبقتهم ودخل في عجلتك من ورا ومرة لما سبقك لتيته وحكالها واخد عجلتك كمان ههههههههههههههههههه بصراحه كويس ان مش انا اللي في الموقف ده تقريبا ماكنتش هخليه ينام الليل
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#5
21-05-2011, 03:23 PM
|
||||
|
||||
|
اقتباس:
ههههههههههههههههه لا أربعة أو خمسة وانت الصادق يا مستر  الرابعة .. لما هو اللى كسب (رغم انى اللى كنت سابق) .. وخد كل الفلوس ومنهم الجنيه بتاعى هههههههههه والخامسة بقا انئح ... الواد دا مكنشى معه فلوس أصلا .. وجمع من العيال ومنى من كل واحد جنيه ... وهو مدفعشى ... وفى الأخر كسب  الفلوس كلها
__________________
يا رب
|
|
#6
21-05-2011, 03:23 PM
|
||||
|
||||
شوفوا بقي الموقف ده
كنت في اخر المرحله الابتدائيه علي ما اتذكر وقتها وكنت عند بيت جدي وكان عند جيرانهم فرح وزيطه تقريبا شبكه وكانوا عاملين هيصه بقي عند بيتهم (بيت الجيران يعني) فانا حبيت اتفرج بس مارضتش اروح عندهم قلت اتفرج من قدام بيت جدي المهم انتوا عارفين بقي الولاد الصغيرين اي حاجه ع الارض بتلفت نظرهم فانا لفت نظري حاجه زي الخرطوم كده جمب السور بتاع جدي (كان فيه رمل طيني بطول السور مرصوص جمبه بسيط يعني ) فالمهم انا قلت اخد الخرطوم ده والعب بيه او ابقي استخدمه لو حد دايقني المهم الدنيا كانت ضلمه الي حد ما لان الفرح كان بعد العشاء ووطيت عشان امسك الخرطوم اول مالمست الخرطوم عينكم ماتشوف الا النور لقيت الخرطوم اتحرك واستخبي في الرمل اللي جمب السور طلع ثعبــــــــــــــــــــــــــــــــــــان بصراحه كنت في موقف لا احسد عليه وقلبي وقف اشد من وقفه العجله في الموقف السابق يعني التعبان كان ممكن يبهدلني لولا من ستر ربنا ما اردش انه يلدغني وفضل انه يتواري في التراب بجد بحمد ربنا ا نه عدي الموقف ده علي خير ومن يومها بقيت احرم امسك حاجه مش شايفها كويـــــــــــــــــــس
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
آخر تعديل بواسطة ostazmath4m ، 21-05-2011 الساعة 03:34 PM سبب آخر: موقف تاني!!
|
|
#7
21-05-2011, 03:55 PM
|
||||
|
||||
|
اقتباس:
هههههههههههههههههههههههههههههه وبعدين بقا أنا برده حصل معايا موقف مشابه ل ده  وبرده فى الشرقية وأنا صغير أوى .. قبل ما أروح المدرسة كنت بلعب لوحدى عند المدرسة اللى جنب بيت جدى .. ولقيت سلك كبير على الأرض وطويل .. قمت رحت مسكت السلك وشديته .. ويا لهوى على اللى حصل لقيت نفسى اتشلت واترميت فى الأرض  وانا مش فاهم ايه اللى بيحصل أبص لسلك .. طرفه مشبوك فى العمود من فوق والطرف التانى على الأرض وأنا إلا مصصم أشده وأخده معايا البيت ألعب بيه شديته مرة تانية .. نفس النظام .. لقيت نفس اترفعت لفوق .. لدرجة انى شفت حوش المدرسة .. ومن وأنا طاير فى الهواء اتكرر الحكاية دى كمان مرتين ..وأنا اتشال واترذع فى الأرض بقوة ... وفى الاخر .. خدت بعضى وطلعت جرى على بيتنا ... وطبعا ايديا باظت فى بعضها .. وتعبت أوى من كتر الوقعات الكتيرة دى بس اللى استفدته .. انى عرفت ان فيه حاجة اسمها كهرباء وممكن تموت وكمان عرفت تفسير منطقى ل لعبة كنا بنلعبها ومش فاهم اسمها .. اللعبة دى كان اسمها كهربة
__________________
يا رب
|
|
#8
22-05-2011, 05:27 PM
|
||||
|
||||
اقتباس:
بس قبل ما اقول موقف مضحك افتكرته عايزك تشوفي الموقف ده انا كتبته قبل كده بس حاسس انك ماخاتيش بالك منه اصعب موقف حصل معايا مع انه من ايام الابتدائيه الا انه محفوووووور في ذهني اقتباس:
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#9
22-05-2011, 05:32 PM
|
|||
|
|||
|
اقتباس:
اختي الاصغر طلع في دمغها انها تستخبه ورا شجره كبيره علي شط الترعه وكنا بليل كانت الساعه 10 تقريبا يعني احنا مستخبين لوحدنا المهم الشجره بطلت القصه جدورها ممتده الي داخل الترعه والترعه عميقه ولقيت اختي الي بعد منها اخر العنقود رايحه تستخبه هناك هي كمان اشمعنا اختها!!!!!!!!!!!!! وفجاه مسمعناش صوت لحد والعبه خلصت واحنا افتكرناهم دخلوا البيت يناموا وبعدين لقيناهم جايين مليانيين طين سألنهم في استغراب كنتوا فين لقيت اخر العنقود بطلع دخان من ودنها زي المارد وبتقولي اختك كانت حتزحلق لما راحت تستخبي هناك وانا لما رحت مسكت في رجلي وانا مسكت في الشجره وكان فيه طين كتير والترعه كانت مليانه ميه وقعدت اقاوم لحد ما طلعت ومشينا من وقتها ومها الاتنين بيخافوا من اي ترعه او جسر او حاجه ليها شط وملهاش جاجز
__________________
|
|
#10
22-05-2011, 06:43 PM
|
||||
|
||||
اقتباس:
موقف جميل هم شكلهم مش بقوا بيخافوا من الترعه والجسر وكده وبس شكلهم بقوا بيخافوا انهم يلعبوا اساسا اسعدني مرورك الكريم ولي ملحوظة صغيرة وانا اعلم علم اليقين انها عن غير قصد ولا تقصديها وهي لا ينبغي ان نقول علي احد مسلم انه يهودي اكرمك الله عز وجل فانا اقولها فقط من باب الدين النصيحه ،، بانتظار مواقف اخري اسعدني مرورك شخصيا تقبلي جل احترامي وتقديري
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#11
22-05-2011, 06:50 PM
|
||||
|
||||
موقف آلمني في الصغر
افتكرت موقف وانا لسه صغير كنت عند جدي
وخرجت من البيت ووقفت قدامه شوية عشان اضمن ان العربيات كلها عدت الشارع واعدي انا كمان بعدهم وفي اخر عربية كان في قدامها زلطه ع الارض كانت قدام البيت بالظبط اللي هو بيت جدي وانا واقف قدامه قامت العربية وهي بتعدي داست ع الزلطه دي قامت الزلطه بدورها تقمصت دور سوبر مان وطاااارت وجات في وشي في الحاجب بالظبط ولسه عاملة اثر بسيط جدا مش اي حد ياخد باله منها في حاجبي لحد دلوقتي وانا بعد مافقت من الذهول والصدمه والالم حمدت ربنا انها ماجاتش في عيني كانت صفتها الحمد لله كان موقف صعب ومؤلم بصراحه نصيحتي ماحدش يقف قدام بيت جده خصوصا لو كان بيطل ع الشارع والشارع فيه زلطه ،، تقبلوا تحياتي
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#12
23-05-2011, 03:25 PM
|
||||
|
||||
|
اقتباس:
ثانياً: وأنا بقرأ الموقف بصراحة مقدرتش أمسك نفسي من الضحك بجد موقف كوميدي للي بيسمعه ومرعب لصاحبه
__________________
قيل لاحد الخبثاء: كيف تخُرب البلاد. قال اٌخون الحكام وأسُب القضاء واهين الحراس وأُجهل الأراء واُسفه العقلاء واُسرّح السجناء واشجع الغوغاء وانصر الجهلاء.فقيل له: أهناك قوم يقبلون ذلك فى بلادهم.قال لهم: نعم.في بلاد يكثر فيها المنافقين و الجهلاء
|
|
#13
23-05-2011, 07:27 PM
|
||||
|
||||
اقتباس:
اشكرك شكرا جزيلا علي هذه الكلمات المادحه الرقيقة لاحرمنا الله من مشاركاتك وترك بصماتك يا بشمهندس تقبل عظيم تحياتي وتقديري
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#15
21-05-2011, 02:28 PM
|
||||
|
||||
|
ههههههههههههههه
فعلا موقف مضحه جدا موضوع جميل اوى تسلم ايدك يا مستر انا ححاول افتكر موقف نكد اقولكم عليه اصل انا مواقفى كلها ضحك بس حدور حدور
__________________
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 07:06 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
