|
|
|
#1
06-10-2010, 01:44 PM
|
||||
|
||||
اقتباس:
تعرف حضرتك لما شوفت محمود فى برنامج كنت مبسوطة جدااا وفى كتير شبه فى دول العالم وكنت مبسوطة ان فى اطفال فى مصر وصلت للمستوى ده اما حكاية هيفضل فى مصر معتقدش دى لان مفيش حد هيسعده فى البلد مصر مش بتصرف حاجة على الابحاث العلمية هيعمل زى باقى العلماء هيشوف مستقبلة برة مصر وبكرة الايام هتثبت ده |
|
#2
06-10-2010, 01:50 PM
|
|||
|
|||
|
[color="blue"]د. هانى عازر مواطن مصرى يتحــدث عنه العالم
قليلون فى مصر الذين يعرفون اسم هذا الرجل وعبقريته الفذة فى البناء والتشييد وحفر الأنفاق، ولكن هناك فى ألمانيا، هو كالنار على العلم، ينافس نجوم السياسة والفن والمجتمع شهرتهم، يسير فى الطرقات فيبتسم له الناس ويحيونه بانبهار، يلتقى الوزراء والمسؤولين فيكون السلام على طريقة الأصدقاء يد تصافح والأخرى تربت على الكتف، تتحدث عنه الصحف بتقدير وتصفه بأنه القادر على تنفيذ المستحيل فى الجدول الزمنى المحدد له مهما كلفه الأمر. منحوه أعلى أوسمتهم، والسبب بصيرته التى لم تخب فى تنفيذ الأنفاق وتشييدها بألمانيا منذ شيد نفق مترو «دورتموند» فى العام 1979، مروراً بمحطة سكك حديد برلين فى العام 2006، والتى باتت منذ ذلك التاريخ أهم محطة قطارات فى أوروبا والعالم، ومُنحت يوم حديثنا معه فى ألمانيا جائزة «محطة العام» على مستوى العالم، وصولا إلى مشروع تطوير سكك حديد «شتوتجارت» بتكلفة 10 مليارات يورو وينتهى فى العام 2019. هذا ببساطة هو المهندس هانى عازر، مهندس الأنفاق والتشييد المصرى الأصل والجنسية والهوى، الذى بات فى مقدمة أشهر 50 شخصية فى ألمانيا منذ تشييده محطة قطارات برلين. لا يناقشه الألمان فيما يصرح به، لأنهم يعلمون أنه لا يقول كلمة إلا بعد دراسة مستفيضة فإذا نطق، صدق. البحث عنه وعرض سيرته والحديث معه ليس من باب الفخر بكل ما هو مصرى فى الخارج، أو من باب تسليط الضوء على إسهامات المصريين فى العالم المتقدم وحسب، ولكنه ينطلق فى المقام الأول من نقطة حاجتنا إلى استعادة الثقة فى أنفسنا وقدراتنا، وبث الأمل فى نفوس لم تعد ترى من الصورة غير سوادها، والتأكيد على أن ما وصلنا إليه له ليس بالنهاية المستدامة، فهناك دوما غد يمكنه أن يأتى بالجديد. حواره كاملاً في المصري اليوم المصري الذي نجح فيما فشل فيه الألمان. تحية وتقدير لهذا العالم ولغيره من أبناء مصر ممن نفخر بهم ونقدرهم ونتمني أن يأتى اليوم الذي نستطيع فيه الإستفادة من علمهم وخبراتهم في النهوض ببلدنا. [/color]
__________________
 |
|
#3
06-10-2010, 02:00 PM
|
||||
|
||||
|
اقتباس:
حضرتك قولتها بنفسك قليلون فى مصر الذين يعرفون اسم هذا الرجل وعبقريته الفذة فى البناء والتشييد وحفر الأنفاق، ولكن هناك فى ألمانيا، هو كالنار على العلم، يعنى هو مستقبلة فى المانيا مش فى مصر اكيد مش مش مقدرة موهبتة وعبقريتة الفذة عشان كده سافر برة لان فى الخارج يقدرون العلم والعلماء |
|
#4
06-10-2010, 01:54 PM
|
|||
|
|||
الدكتور محمود محيي الدين
تم ترشيحه لشغل منصب مدير عام البنك الدولي ، وهو منصب رفيع جداً .. واليوم وافق له رئيس الجمهورية على قبول هذا المنصب .. وهذا أمر يشعرني بالفعل بالفخر والفرحة .. الدكتور محمود محيي الدين هو واحد من أفضل عناصر الوزارة الحالية في مصر ويشغل بها كما يعلم الجميع منصب وزير الإستثمار وهي وزارة استحدثت في عهد تلك الوزارة فقط .. وكان الدكتور محمود هو أول وزير شغل تلك الوزارة هو رجل جدير بذلك المنصب ويستحقه بالفعل Quote أول مصري وعربي يشغل هذا المنصب منذ إنشاء البنكمحيي الدين للعربية: موافقة الرئيس حسمت تعييني مديراً عاماً للبنك الدولي سأكون مسؤولاً عن مكافحة الفقر هناك عدد من المرشحين لتولي الوزارة بيان مجلس الوزراء الترشيح تم قبل شهرين من هو محمود محيي الدين دبي – علاء المنشاوي قال وزير الاستثمار المصري الدكتور محمود محيي الدين في تصريحات خاصة لقناة "العربية" إنه تم تعيينه في منصب مدير عام البنك الدولي. وأضاف محيي الدين "صدر قرار تعييني قبل قليل من رئيس البنك الدولي بعد موافقة رئيس الجمهورية على الترشيح". ولفت محيي الدين إلى أن الأمر حسم بالفعل بعد موافقة رئيس الجمهورية، لافتاً إلى أنه تم تجاوز مرحلة الترشيح إلى التعيين. سأكون مسؤولاً عن مكافحة الفقر وحول أولوياته في الفترة المقبلة قال محيي الدين إن التعامل مع مؤسسة كبيرة كالبنك الدولي لها اعتبارات خاصة بها، وخاصة "وأنا ألتحق بها والاقتصاد العالمي يشهد أزمات كبيرة في الطاقة والمياه، بالإضافة إلي أن البنك الدولي يحظى بعمليات هيكلة". ويعتبر محيي الدين أول عربي ومصري يشغل هذا المنصب الرفيع منذ إنشاء البنك الدولي. ولفت محيي الدين إلى وجود 3 مديرين هم في المنصب التالي لرئيس البنك. وأضاف أن المطروح هو أن أكون مدير شؤون القطاعات المالية والقطاع الخاص والتنمية ومكافحة الفقر، وتطوير مبادرة للعالم العربي وهي تتضمن عدداً من المشاريع لتطوير البنية التحتية والتعليم. هناك عدد من المرشحين لتولي الوزارة وحول مسألة ترشيحه في دائرة كفر شكر، قال محيي الدين إن تعييني في البنك الدولي سيكون مانع عن الترشح لمجلس الشعب. وقال محيي الدين إن هناك عدداً من المرشحين يجري دراسة وضعهم لتولي منصب وزير الاستثمار، لافتاً إلى أن مصر لن تعدم الكفاءات القادرة على تحمل المسؤولية. وكانت الحكومة المصرية قد أقرت ترشيح وزير الاستثمار الحالي الدكتور محمود محيي الدين لمنصب مدير البنك الدولي، وهو المنصب الثاني في المؤسسة. بيان مجلس الوزراء وذكر بيان صحفي صادر عن مجلس الوزراء اليوم الأربعاء 8-9-2010 أن الرئيس حسني مبارك وافق على هذا الترشيح. وقال البيان: إنه ترشيح جاء في محله، ابن من أبناء مصر أدى دوره بكفاءة، استحق عليها أن يرشح لهذا المنصب الرفيع والذى يعتبر مهمة قومية وعالمية، مؤكداً أن مصر لا بد أن يكون لها دور مشارك في دفع الاقتصاد العالمى وحركة التنمية الدولي. وأضاف البيان أن الحكومة ترحب بهذا الترشيح باعتبار أن شغل مصرى لهذا المنصب يعتبر تقديراً كبيراً لمصر، وانعكاساً لما قامت به الحكومة المصرية من إصلاحات اقتصادية بارزة في السنوات الأخيرة شارك فيها بشكل فاعل الدكتور محمود محيي الدين بصفته الحزبية وبصفته الحكومية. وأكد رئيس مجلس الوزراء الدكتور أحمد نظيف على أن تقلد الدكتور محمود محيى الدين لهذا المنصب سيؤدى إلى زيادة وتعميق التعاون بين مصر والبنك الدولي في مجال تمويل المشروعات المشتركة، والبرامج القطاعية التي تنفذ في مصر في العديد من المجالات، مثل المرحلة الثانية من برنامج إصلاح القطاع المالي، وبرنامج تمويل مشروعات البنية الأساسية الهامة، مثل المطارات والموانئ، وبرامج التنمية البشرية. وقال إن الحكومة المصرية إذ توجه خالص التهنئة للدكتور محمود محيي الدين على هذا المنصب المهم، فهي توجه أيضاً خالص الشكر له على الجهد الكبير الذى بذله في مجال تيسير وتبسيط إجراءات الإستثمار، وتحقيق زيادة غير مسبوقة في حجم الاستثمارات المصرية والعربية والأجنبية. الترشيح تم قبل شهرين وكانت تقارير صحفية قد أشارت إلى أن محيي الدين تلقى نبأ ترشيحه في نهاية يوليو الماضي، إلا أنه تكتم على الخبر، رافضاً الحديث مع الصحفيين حول هذا الموضوع. وفور تلقيه الترشيح سافر وزير الاستثمار المصري إلى الأراضى المقدسة لأداء مناسك عمرة رمضان بغرض إجراء صلاة الاستخارة بين التنازل عن جميع مناصبه وطموحاته على المستوى المحلي، وتطلعاته لشغل منصب دولي رفيع المستوى، وفقاً لصحيفة "المصري اليوم" المصرية. وبحسب الصحيفة فإن مصادر فضلت عدم نشر اسمها قالت إن محيى الدين، البالغ من العمر 47 عاماً، لم يحصل على استشارة المقربين في الأمر، كما كان معروفاً عنه سابقاً. وأضافت أن الوزير فضل ترك الأمر برمته إلى رئاسة الجمهورية. من هو محمود محيي الدين ومحمود محيي الدين حاصل على الدكتوراة في اقتصاديات التمويل من جامعة ووريك – إنجلترا في عام 1995 في موضوع "سياسات التحرير المالي في الدول النامية"، كما شغل الدين عدة وظائف من بينها مديراً لوحدة الاقتصاد الكلي وتحليل الديون بوزارة التعاون الدولي في عام 1995، ثم عمل مستشاراً اقتصادياً بمكتب وزير الدولة للشئون الاقتصادية منذ عام 1996 حتى عام 1997، وخبيراً اقتصادياً بالمركز المصري للدراسات الاقتصادية منذ عام 1995 حتى عام 1996. كما عمل مستشاراً فنياً لمشروع سياسات الاستثمار لمنظمة الأنكتاد التابعة للأمم المتحدة في عام 1997–1998، كما عمل مستشاراً لوزير الاقتصاد عام 1997–1999، ومستشاراً لوزير الاقتصاد والتجارة الخارجية عام 1999–2001، ومستشاراً لوزير التجارة الخارجية 2001–2002، وعضواً بمجلس إدارة بنك HSBC عام 1998. وعُين الدكتور محمود محيي الدين عضواً في مجلس إدارة البنك المركزي المصري في عام 1999، وعضواً بمجلس إدارة الشركة المصرية للاتصالات في عام 2002، كما تم اختياره عضواً بمجلس إدارة المعهد الدبلوماسي في عام 2003. جدير بالذكر أن القيادة السياسية للحزب الوطني الديمقراطي قد اختارته رئيساً للجنة الشؤون الاقتصادية والمالية والخطة بالحزب في عام 2001، ثم صدر قرار السيد رئيس الجمهورية بصفته رئيساً للحزب بتعيينه عضواً بالأمانة العامة بالحزب في نفس العام. وبعد المؤتمر العام الثامن للحزب المُنعقد في سبتمبر 2002، تم اختياره عضواً بالأمانة العامة بالحزب وعضواً بهيئة مكتب أمانة السياسات ورئيساً للجنة الاقتصادية. كما يشغل الدكتور محمود محيي الدين منصب محافظ جمهورية مصر العربية لدى البنك الدولي، والمحافظ المناوب لجمهورية مصر العربية لدى بنك التنمية الإفريقي، وكذلك المحافظ المناوب لجمهورية مصر العربية لدى بنك التنمية الإسلامي، وعضو مجلس إدارة جامعة بنها، وعضو مجلس أمناء الجامعة البريطانية بالقاهرة، كما تم اختياره في عام 2005 عضواً في مجموعة القيادات العالمية الشابة المنبثقة عن المنتدى الاقتصادي الدولي. http://www.alaswaq.n...9/08/37065.html
__________________
|
|
#5
06-10-2010, 02:07 PM
|
||||
|
||||
|
انا عايزة اسال سؤال واتمنى ان يكون فى اجابة
انتوا بتقولوا احنا المصريين ونفتخر انا بتكلم عن الحاضر اللى احنا فيه طب ليه المصريين بيموتوا برة والحكومة مش بتعمل اى حاجة هى دى كرامة المصريين يعنى بنتهان برة لو شوفتوا اللى بيتعمل فى الاجانب فى مصر تستغربوا يعنى حراسة مشدده عليهم حتى لو اجنبى من الدرجة التالتة انا شوفت اعلان عن فيلم جديد ان واحد مصرى حصلة حادثة قال للناس قولوا ان اللى حصلة حادثة اجنبى عشان الاسعاف يجى بسرعة يعنى لو واحد مصرى مش حد هيعبرة خالص ممكن يسبوة يموت يعنى كمان بيتهان فى بلده لو شوفتوا اللى بيحصل فى الدول الاجنبية لو واحد من العامة او حتى زبال وحصلة حاجة بيعملو مظاهرات عشان يرجعلة حقة طب احنا ليه مش شبهم هما احسن مننا فى ايه هما بيعرفوا ياخدوا حقهم اما احنا بنسكت والساكت عن الحق شيطان اخرص |
|
#6
06-10-2010, 02:19 PM
|
|||
|
|||
|
الدكتور رضوان علام سالم الطيار، أستاذ الفيزياء الكونية اكتشف نوعاً من البكتيريا يسمى (Mostivit) تستطيع تنقية مياه الصرف الصحى فى 7 دقائق فقط، وهو الاختراع الفريد من نوعه ولا تطبقه سوى اليابان، وهو الاكتشاف الذى أبهر الحكومة المصرية، وقرر مجلس الوزراء تبنيه وتنفيذه كمشروع قومى لا يهدف إلى الربح، وفرض على الأمر سياجاً من السرية منعاً لاستغلال المشروع تجارياً. يستعد الآن الدكتور رضوان علام لدخول موسعة جنيس ريكورد بأضخم 4 مسلات فرعونية، فرضوان يعشق الحضارة الفرعونية المصدر http://news.nawaret.com/%D8%A3%D8%AE...%D9%81%D9%89-7
__________________
|
|
#7
06-10-2010, 02:22 PM
|
|||
|
|||
|
مقطع الفيديو هو محاكاة لما حدث بين احد الطائرات المصرية ميج 21 و احدث الطائرات الاسرائيليه في 20 اكتوبر 1973
هذا هو الانسان المصري الذي اذا احسن تعليمه و تدريبه يحقق المعجزات تحية شكر وتقدير لهذا الطيار المصري
__________________
|
|
#8
06-10-2010, 02:24 PM
|
|||
|
|||
|
يؤكد على اصالة هذا البلد و اصالتنا نحن المصريون
اللهم احفظ مصرنا و دم عزها وردها الى دينك ردا جميلا اللهم هذه ارض الكنانة تحتاج الى عنايتك اللهم نظرة بعين رضاااااااااااااااااااااك تنجدنا بلادى يا ست البلاد ابشرى و فى الامل اتعلقى و اوعى تنسى العز وتأريخه و اياكى وولاد الافاعى و ديرى بالك على خصامك و بكره ترجعى تانى مصرنا
__________________
|
|
#10
06-10-2010, 10:07 PM
|
|||
|
|||
|
بأمارة ايه ان مصر أجمل بلد في الدنيا ؟!!!
انك عايش فيها فى امن ومش خايف بتقفل باب بيتك عليك ما حدش يقدر يفتحه بدون اذنك قولي أجمل بلد من وجهة نظرك انتي . اجمل بلد هى بلدى اللى اتربيت فيها وعشت ايامى وذكرياتى كلها فيها الأمن والأمان له عدة صور وليست صورة واحدة !! لما يبقي معنديش قوتي وقوت عيالي , يبقي فين الأمان ؟!! لما يبقي خريج الجامعة مش لاقي شغل , يبقي فين الأمان؟!! لما الشاب يبقي مش قادر يتزوج , يبقي فين الأمان ؟!! لما البنت تخطت 30 و 35 سنة بدون زواج ومش قادرة تقول لأهلها جوزوني حرام عليكم , يبقي فين الأمان ؟!! لما الموظف العادي اللي دخله هو راتبه فقط , ومش قادر يلبي طلبات بيته الأساسية , يبقي فين الأمان ؟!! لما الواحد يمرض وليس معه ثمن العلاج , يبقي فين الأمان؟!! من كثرة الأراضي الزراعية بها ؟!! الاراضى ما هى كتيرة مين اللى بيبور الارض مش غباء المصريين والفلاحين اللى بقوا بيدورا على الفلوس ونسوا حق الارض والتراب عليهم اللى انت بتقول لا بيصد ولا بيرد والناس الأغبياء دول بيبوروا الأرض الزراعية ليه؟؟!! لاقيين مناطق يبنوا عليها ؟؟ عايزاهم يبنوا في الصحراء , طيب مين اللي حيزرع الأرض الزراعية ؟؟!! وازاي يروح يعيش في صحراء بدون توافر أساسيات الحياة كالكهرباء والمياه والدارس والجامعات والمستشفيات والمخابز و ....... !! ولا هو يروح يموت وأهو بالمرة يندفن هناك ؟!! وبعدين انتي أكيد درستي في الجغرافيا وعارفة ان غالبية أرض مصر هي صحراء صحراء صحراء ... مش أرض زراعية !! من النيل اللي بقي بتاع مصر لوحدها وكأن بقية دول العالم بتشرب من مياه البحار والمحيطات ؟!! النيل اللى لولاه ما كنتش عايش على ارض خصبة وبتاكل كل اللى نفسك فيه وكل البلاد كانوا زمان بيحسدونا عليه واللى بيحاربونا دلوقتى عشانه لو فى حرب قادمة هى حرب المياه ويحسدونا ليه ؟؟ مفيش نهر في العالم إلا نهر النيل ؟!! الناس هناك بتشرب ايه ؟؟؟ وليه واخدين فكرة ان النيل في مصر فقط ؟!!!! يعني السودان وأثيوبيا وغيرهم من دول حوض النيل مش في الحسبان ؟!! من نقاء المياه في مصر ؟!! ومين اللى لوثها مش احنا باستهارتنا واحنا مين ؟ مش الشعب والحكومة ؟!! وهو انا قلت ان مصر عبارة عن الشعب الألماني والحكومة الألمانية ؟!! احنا بنتباهي بالنيل واللي مياهه ملوثة بأيدينا , يبقي بنتباهي بايه ؟!! من روعة الجو ؟؟!! طبعا اجمل جو ومين ينكر امال السياح دول بيجوا يعملوا ايه السياح اللي بييجوا مصر سياح درجة ثالثة ومعظمهم جاي يتفرج علي الأثار القديمة اللي احنا لسه بنتمسح فيها !!! احنا بنروح نستفيد من علومهم المتقدمة وهما بييجوا يتمتعوا بأعمال الفراعنة , مش الشعب المصري الحالي !! ولو فى ارتفاع شوية نحمد ربنا مش احسن من والسودان وبعده ما هو برضه اهمالنا اللى عمل فينا كده اديكي قولتيها " اهمالنا " , عايزين نعترف بالاهمال ده ونشوفه علي حقيقته عشان نعرف ازاي نعالجه , أما لو لم نعترف به أو هونا من شأنه , يبقي عليه العوض !! من قلة الأراضي الصحراوية عندنا ؟!! ياه كتيرة بس محتاجنا عقل يشتغل ويستغلها صح فين المهندسين يخططوا ويتكتكوا وينظموها ويستغلوها صح الشباب بيتخرج محلتوش حاجة . يبقي ازاي أطلب منهم الاتجاه للصحراء ؟!! فين الامكانيات المتوفرة لهم ؟؟ فين التسهيلات عشان يروحوا ؟!! انما حكاية خد أرض واستصلحها , زي ما واحد يدي واحد تاني عربية وهو يجهل القيادة , أكيد النتيجة حادثة !!! من كثرة الخضرة بها ؟!!! كتير والله واحنا اللى مش شايفين فين الخضرة ؟؟ احنا بنشوف مقالب الزبالة , الشوارع القذرة , الطرق المملوءة بالحفر , العشوائيات , العمارات الفخمة , الأبراج , لكن الخضرة فين مكانها ؟!! من عدالة نظامها ؟!! نظامها ده مش بايدنا احنا اللى بعدنا عن دينا وما حكمناش بالاسلام وبتعاليم ربنا عارف ايه اللى خلى الدول دى متقدمة عننا انها بطبق تعاليم الاسلام بس ما قالتش الشهادتين بتاخذ كل حاجة حلوة عندنا واحنا مش بناخذ منها غير كل حاجة وحشة والموضة اللى بيقولوا عليها عاف هم دلوقتى محتلين عقولنا محتلنها فكرا مش ارضا طيب بما أننا تركنا تعاليم ديننا , ليه لم ناخذ بالأسباب كما أخذوا هم بها ؟!!! ولما ناخد منهم الحاجات الوحشة , يبقي العيب في مين ؟؟ أكيد فينا احنا , واحنا مين؟؟ احنا الشعب المصري !! ومين الشعب المصري؟ اللي عايش في مصر وعلي أرض مصر !! من حسن أخلاق شعبها ؟!! والله انا قلت فى جنة وفى نار فى شر وفى خير فى وحش وفى حلو وده الطبيعى فى اى بلد كلام سليم الحلو والوحش في أي بلد , بس عندنا الوحش اكتر بكتير من الحلو , والواقع بتاعنا بيدل علي ذلك , وحجم الفساد عندنا بيقول كده !! ورد في القرآن الكريم بأنها خير بقاع الأرض ؟!! ورد في حديث نبوي أنها أفضل بلد في الدنيا ؟!! عايز أعرف أحسن بلد في الدنيا بصفة عامة ليه وعلي ايه ؟!! طبعا لما ربنا امرنا بفتح مصر قال نتخذ منها جندا كثيرا فاجناد مصر خير اجناد الارض وده دليل لعظمة شعبها خير الجنود نعم , لكن لم يقل أم الدنيا !! لم يقل خير بقاع الأرض , انما قال عليه الصلاة والسلام " خير أجناد الأرض " ولا يجب علينا كمسلمين أن نتخطي هذا !! وايه نسيت الرسول لما اهل مكه عملوا فيه كل حاجة من سب واهانة وتكذيب و................ حاجات كتيرة ما يستحملهاش غير الحبيب المصطفى صلى عليه الله ايه فى مرة دعى عليهم لا والله قال على الجبل لما اهلها اخرجوه والله انك احب بقاع الارض الى قلبى ولولا ان اهلك اخرجونى منك ما خرجت لسه فى حاجة هتقولها اكتر من كده ايه احنا مين جنب رسولنا ايه شوف حصله ايه بسبب بلده واستحمل اللى ما حدش شافه وشوف بيحب بلده ازاى وبيدعلها بالهداية ولقد كان لكم فى رسول الله قدوة حسنه فيا ريت نتخذ الرسول مثل لينا فى حياتنا وبعدها هنشوف حياتنا هتتغير ازاى الرسول صلي الله عليه وسلم كان يحب مكة لوجود بيت الله الحرام فيها وهي خير بقاع الأرض , المكان اللي المولي عز وجل يضع فيه بيته الحرام يبقي هو خير مكان في الأرض كلها , مش مصر ولا غيرها !! كلام الله ينفذ بلا جدال ولا احنا مش مسلمين ؟ أو بنعرف أكتر من ربنا ؟!! والرسول صلي الله عليه وسلم لم يدعو علي أهلها ووضح سبب ذلك بقوله " لعل الله ان يخرج من أصلابهم من يؤمن به " أو كما قال . ومع حبه الشديد لمكة , ولكنه لم يقيم فيها حتي بعد الفتح , لأنه صلي الله علي وسلم عاهد الأنصار علي الاقامة معهم في يثرب , فحفظ وعده معهم ولم يقل لهم ان مكة هي خير بقاع الأرض بالرغم من فتحها واسلام اكثر أهلها !! مكة ثم المدينة ثم القدس لا فضل لبلد علي أخري بخلافهم إلا بفعل وسلوك شعب ونظام هذا البلد !! |
|
#11
06-10-2010, 11:12 PM
|
||||
|
||||
|
[size="5
لا فضل لبلد علي أخري بخلافهم إلا بفعل وسلوك شعب ونظام هذا البلد !!
ماشى بس مين اللى قال ان الرسول بيحب وطنه وبلده مكه علشان البيت الحرام بس لا طبعا وعلشان حب وطنه اللى اتربى فيها وما يقدرش ينكر خيرها عليه اما بالنسبة لكلامك طيب ما انت قلت بنفسك تعليم واتعلمت الحمد لله فين مش فى مصر برضه جامعة ودخلتها وانت دلوقتى مش شغال الحمد لله ايه مش انت برضه فى مصر دلوقتى بتقول رايك بحرية ايه انت برضه مش فى مصر عارف انا كنت ليه دايما بحب اعبر فى كلامى بقصائد للشعراء لان مش مجرد هتافات دول ناس شافت الغربة ومعناها وعرفت ازاى تحن لبلدها ناس حست كل كلمة فى الشعر اللى بتقوله علشان كده كنت بقوله لانهم بيعبروا عن الشئ اللى احنا مش حسينه احنا بنتأمر على بلدنا وبنطلع عيوبها لاننا ما شفناش بلد غيرها لكن لو شفنا وجربنا اللى بيحصل فى البلاد التانية مش هنقول كده مصر فيها عيوب كتيييييييييييييييير اوى وانا معاك مش هنكر بس طبعا قصدى على الشعب نفسه ويمكن مش الشعب لانه غلبان والله وطيب وربنا بيسترها معاه لكن مش معنى ان فيها عيوب اننا نهاجمها ونحاربها ونسوء صورة بلدنا انت عن نفسك متمتع بخيرها لكن بتتكلم على الناس اللى مش عايشه الناس دى بتشوفها فين فى التليفزيزن ولا فى الواقع بعدين انا هقولك على نموذج وانت تحكم يعنى اخى مرة كلمنى على واحد يعرفه سواق تكتك دلوقتى وعارف كان معاه كلية عاليه جدا فاخى قاله طيب ليه ما شتغلتش بالمؤهل السؤال الطبيعى قال له ان اشتغل فعلا بس لقى ان مرتب الحكومة ااقل بكتير يعنى التكتك ممكن على اقله يطلع ب20 جنيه فى اليوم ده بالميت وطبعا هيكون افضل لو انت بتحلل الموقف دلوقتى هتقولى عنده حق ما المعيشه غاليه لكن انا هقولك حتى لو غاليه بس انت اللى ضيعت تعب سنين ببساطة علشان الفلوس طب ما انت من الاول ما تتعلمش وتوفر المصاريف بقى لو بتفكر فى الفلوس لو كان الشاب ده عنده طموح وعايز يغير بجد ليه ما كانش يبدا بالبسيط وبعقله وشغله يوصل لاعلى واعلى ايه ما شفتش استيفن كوفى وهو بيتكلم عن رحلة كفاحه كانت ازاى اللى بيتمسك بمبادئه وعلمه ويشتغل بيه ويعرف قيمته ربنا بيوفقه وبيساعده مش يقولى المعيشة صعبة طيب ما كل حاجة فى الدنيا صعبة وبعدين يعنى هما بره بيتعلموا بالساهل ابقى قارن بين العامل وخبرته بره والعامل هنا بعدين الفرق بينا وبينهم انهم بيعرفوا قيمة العمل والعقاب عندهم الاجازة تخيل لكن احنا بنموت فى الاجازات يا فرحة ما بعدها فرحة شعب اساسا كسول "] ما تنساش ان الشعب اللى مش عجبك برضه ده الشعب اللى ضحى بروحه علشان تراب بلده علشانك وعلشانى وعلشان الكل يعيش براحته وان لو لاهم ما كنتش دلوقتى حضرتك قاعد تقول رايك وتسئ لبلده لو قاموا دلوقتى يشوفوا شباب دلوقتى بجد هيحزنوا كتير اوى على دمهم اللى راح علشان شباب مستهتر ومش متحمل مسئولية وبعدين قبل ما تسال ليه مفيش شغل شوف مين اللى يشتغل شكل الشباب الان ما عدش الواحد يحب يبصله من الاهمال والاستهتار والله الواحد بيشوف اولاد ما عدش فى فرق بينهم وبين البنات خلاص خسارة يا شباب مصر يلى المفروض تكونوا قوتها وروحها وحماسها راح فين كل ده انت من الاخر بدل ما تلوم البلد وشعبها لوم اللى حاكمنها بس اكيد هيجى يوم ويروحوا واحنا جيلنا اللى هيحكم لما نشوف حكمه هيكون ازاى والشباب اللى عمال يعانى من الظلم يا ترى لما يكون فى موضع مسئول هيكون عادل وانا اتحداك لو انت كنت عادل مع نفسك بس او حتى مع اسرتك وعملك وانا اقصد العدل 100% مش يعنى وانا اول واحدة بقول انا مش عادلة [/size]
__________________
لكى تتعرف عن صيدلة تابع معنا قبل ما تدخل صيدلة عدى علينا هنا http://www.thanwya.com/vb/showthread.php?t=350140 ملتقى دفعه المنصورة لصيدلة http://www.thanwya.com/vb/showthread.php?t=349360 ما هى مهنة الصيدلة ؟؟ http://www.thanwya.com/vb/showthread.php?t=361384 |
|
#12
06-10-2010, 11:13 PM
|
||||
|
||||
|
بلدنا امانه فى ايدينا احنا اللى نحافظ عليها وبايدنا نعمرها ونصلحها ولو فى فساد احنا اللى هنصلحه بس علشان بنحبها
وده واجبنا نحوها وكويس ان لسه فى شباب عايز يصلح بس يا ريت من غير ما يسئ لها يصلح بلده ويقول رايه لانها بلده وبيحبها صدقونى لو جربتم تبعدوا عنها مش هتلاقوا ارض تجمعكم او احن عليها منكم جرب لما تتعب مرة او يحصل موقف فى اى مكان مين اللى هيقف جنبك اهل بلدك واصحابك لكن لو بره بلدك ميت جزمة هدوس عليك وانا مش بتكلم عنك انا بتكلم عن حال شباب سافروا بره وده حالهم فعلا ويا سلام لما مدير مدرسة هنا يسيب وظيفته ويروح يشتغل بره عامل نظافة ليه بس كل ده علشان الفلوس بلاش تقولى مدير مدرسة مش بيأخذ فلوس انا اكتر واحدة عندى دراية بالموضوع ده
__________________
لكى تتعرف عن صيدلة تابع معنا قبل ما تدخل صيدلة عدى علينا هنا http://www.thanwya.com/vb/showthread.php?t=350140 ملتقى دفعه المنصورة لصيدلة http://www.thanwya.com/vb/showthread.php?t=349360 ما هى مهنة الصيدلة ؟؟ http://www.thanwya.com/vb/showthread.php?t=361384 |
|
#13
06-10-2010, 11:42 PM
|
||||
|
||||
|
اقتباس:
على اساس ان المصريين مش متهانين فى بلدهم هما بيتعذبوا فى البلد زى برة مفيش اختلاف ده حتى الحكومة بتهتم بالسياح اكتر مننا ده لو حصل مثلا حادثة لمصرى بعد فوات الاوان بتوصل سيارة الاسعاف ولو واحد اجنبى الدنيا بتتقلب واحنا لو فى بلدهم وحصلنا حاجة ولا اى حاجة تحصل طب ليه كده ليه احنا مستوانا وصل لدرجة دى بين الدول لكن لو بره بلدك ميت جزمة هدوس عليك طب ليه بيحصل معانا كده برة البلد ليه بيتعملوا معانا كده مش احنا ام الدنيا احفاد الفراعنة احنا كذا وكذا بالله عليكم شوفوا حال صر ومتفضلوش تقول احنا كذا وكذا لانه واضح من معاملة الدول لينا حتى العرب ات*** المصريين هناك ولا حياة لمن تنادى واضح ان كرامة المصرى محفوظة |
|
#14
06-10-2010, 11:31 PM
|
|||
|
|||
|
لو قمت بالتعليق علي كلامك سأكرر نفس
الردود السابقة لأن نفس الكلام بيقال فأكيد نفس الرد حيكون مني . ومش عارف لماذا لا يكون التعليق علي ما ذكرته من سلبيات موجودة في بلدنا , وإذا كنت متجني ام لا !!! ومش معني اني شغال والحمد لله مستورة معايا , أعمل بمقولة وانا مالي ... ماليش دعوة ..... طالما بعيد عني يبقي خلاص !!! أعتقد ده منطق ومبدأ خطأ !! وعايزين الناس تحس بالغير ازاي لما كل واحد يقول يلا نفسي ؟!! أما حكاية العدل بنسبة 100% فمفيش أي مخلوق يتمتع بهذه النسبة !! |
|
#15
07-10-2010, 01:22 AM
|
||||
|
||||
|
اقتباس:
مين اللى قال اننا ما نحسش بالغير انا مش قصدى كده لكن قصدى مين اللى قدملك كل الخدمات اللى انت بتتمتع بيها دى مش البلد عارفه انى فى ناس كتيرة محرومة من الحقوق دى وفى ناس تحت خط الصفر لكن انتم كده هتناقشوا مشكلة تانية هى اننا مش عارفين نحكم بلدنا هنا القضية كده مش قضية حب وانتماء بقى للوطن هنا القضية الفساد اللى فى البلد وكده انا هنا ستوب لانى مش هقدر اعدل على الحاكم بتاعنا لانى مهما عملت ولا قلت هنفضل نهاتى ونقول ومفيش تغيير لاننا كده الشعب المصرى لكاك وبس بيقول ويصرخ ويصرخ وما حدش سامع صوته بالنسبة لحب مصر انا قلت كل اللى عندى كنت اتمنى حد من اللى بيحب امريكا يغير فكرته ويقول لى لا بلدى افضل منها واعز عندى لكن انتم حرين انا قلت اللى عندى على فكرة انتم ما تعرفوش امريكا علشان تحبوها او تتكلموا عن امجادها انتم شايفين الحلو منها لان شعبها مش بيقول غير الحلو وبس والوحش بيداروا عليه ولو دورنا فيها هنلاقى اذل واذل لكن احنا هنا فى مصر كالعادة الشعب مش راضى بحاله ولازم يسئ لبلده امام العالم كله ويا روووووووووووووووووز يلى بتقولى فين الكرامة وامتى كانت محفوظة المصرى هو اللى بيضيع كرامته بايديه والموضوع بتاعك وفى زيك كتييييييييييير اوى واستاذ على من اللى بيقولوا مساوئ مصر امام الجميع وفى منتدى كل الاعضاء من بلاد غير مصر فيه انتم اللى بضيعوا كرامة المصرى ازاى واحد بيقول انا متبهدل ومسلوب حقى وعايش وعايش ومليش قيمة فى بلدى وعايز غيرك يحترمك فى بلده هو بالطبيعى مش هيحترمك وما لكش كرامة عنده غير انهم بيفرحوا فى ضعفنا ودمار عقول شبابنا بيفرحوا بروح الياس اللى بتملا قلوبنا وعقلونا واننا قوم لا فائدة منها الشعب المصرى هيفضل عايش طول عمره فوق كل العالم حتى لو هم ما اعترفوش بينا بايدنا نغير ونكون للاحسن بالصبر والعمل والجد مش بالكلام والهتاف والصراخ عايزين تصرخوا باعلى صوتكم وتقولوا تعبتم هل من مجيب مش هتلاقوا نادوا زى ما تنادوا مفيش حد هيرد عليكم صحيح الرجل الغامض قال العبارة دى وعجبتنى جدا لا احد يستطيع اهانتك الا بمساعدتك عندك حق واظن عرفتى يا رووووووووووووووز معنى العبارة
__________________
لكى تتعرف عن صيدلة تابع معنا قبل ما تدخل صيدلة عدى علينا هنا http://www.thanwya.com/vb/showthread.php?t=350140 ملتقى دفعه المنصورة لصيدلة http://www.thanwya.com/vb/showthread.php?t=349360 ما هى مهنة الصيدلة ؟؟ http://www.thanwya.com/vb/showthread.php?t=361384 |
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:17 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
