متجدد شرح المنهج للطلاب - خش وإعرف إزاي - مع الخوارزمي ((بلال نصر))

[يحيى عاشور أحمد]

ولا أجمل من كده !!!!!!!!!!!!!!!!!!!!!!!!!!!!

[ساجدة لله 2]

رائع مستر بلال ممكن تعيد فيديو العنوان Label , ممكن تضيف جزء SIZE , LOCTION وشرح الفيديو للفصل الرابع ضرورة قبل مرور الوقت شكرا مستر بلال لتعونك معانا بجد

[mido_tota]

رااااااااااااااااائع وتميز ... الفكرة رائعة ..على فكرة انا بشرح بنفس لطريقة وتقريبا بنفس الأمثلة بس فكرة عرضها ممتازة

[يحيى عاشور أحمد]

ررررررررررررررررررررررررررررررررررائع

[محمود البلشى]

أكثر من رائع بارك الله فيك

[hz_2love]

بارك الله فيك واكثر من امثالك

[hz_2love]

ننتظر منك المزيد يا استاذ فضل

[ساجدة لله 2]

اتاااااااااااااااااااااااااااااااااااااااااااااااا ااااااخرت علينا كتير متر بلال فى تنزيل الفيديوز المتبقى للمنهج بتمنى الرعة شكراااااااااااااااااااااااااااااااااااااااااااا

[tona27]

الله يبارك لك يا استاذ بلال عى فكرة انا بشرح بنفس الاسلوب وتقريبا بنفس الامثلة شرح مبسط جدا والطلبة بحبوه اسلوب الشرح دى

[يحيى عاشور أحمد]

جمييييييييييييييييييييييييييييييييييييييييل

[يحيى عاشور أحمد]

جميييييييييييييييييييييييييييييييييييييييييل

[l'eau de la vie]

استاذ بلال فى انتظار باقى الشرح

[sir_belal]

الحصة الثالثة عشر
الفصل الرابع نافذة الكود
السلام عليكم ورحمة الله
طبعا في الدرس اللي فات كنا بنغير قيم خصائص الادوات من مربع الخصائص properties .

طيب لما نشغل البرنامج يا استاذ بلال ونضغط على الزرار زي زرار button مش دا برضه حدث؟
يا متعلمين يا بتوع المدارس.

ايوه دا حدث فعلا يا مريم ؟ طيب بقى فين الاستجابة بتاعة الحدث دا يا استاذ بلال ؟

سؤالك دا لولبي يا بت يا مريم، بصي يا مريومة احنا اللي كنا بنعمل قبل كدا بنغيير خصائص الادوات في مرحلة التصميم ، حلو كده استريحتي .
بس لما نحب اننا نغيير الخصائص اللي فاتت أثناء عمل البرنامج لازم نكتب كود برمجة في نافذة الكود بتاع الفيجوال بيزك ..................
هو لسه في كود يا استاذ بلال ....
بصي اللي جاي هو اسهل حاجه بس عايز تشغيل مخ ... عندك مخ؟ ولا لأ

طيب يله ندخل في المهم
تقدري تقولي يا آلاء ايه هيه نافذة كتابة الكود Editor ؟ صح يا آلاء
بكتب فيها الاوامر باستخدام لغة الفيجوال بيزك

على فكرة كلمة أوامر = كلمة تعليمات = سطور = خطوات = كود

طيب ازاي بفتح نافذة الكود علشان اكتب اوامر البرمجة ؟
بص معايا في طريقتان
الطريقة الأولى : 1. نقوم بتنشيط نافذة النموذج.
2. ثم نضغط على مفتاح F7 من لوحة المفاتيح



الطريقة الثانية :
1. نقف على اسم النموذج في مربع الحل.
2. ومن القائمة المختصرة نختار View Code.

طيب مكونات نافذة الكود ايه؟


1. اسم الاجراء مكون من ( اسم الكائن واسم الحدث ).
2. سطر نهاية الاجراء.
3. السبب في استدعاء الاجراء.
4. ما بين السطرين يكتب الكود الذي ينفذ عند استدعاء الاجراء بعد وقوع الحدث Event.
5. سطر الاعلان عن التصنيف.
6. سطر نهاية التصنيف Class.


مكونات نافذة معالج الحدث : ـ


1. القائمة Class Name تعرض اسماء ادوات التحكم الموضوعة على نافذة النموذج.


2. القائمة Method Name تعرض الأحداث الخاصة بالأداة المختارة من القائمة ClassName.




شوف الفيديو دا وركز معاه حتفهم اكتر


ازاي اكتب كود برنامج يا استاذ بلال ؟
بص انت عرفت اننا بنكتب الكود في نافذة الكوود ازاي.

طيب واحنا بنكتب الكود بنلتزم بالقاعدة اللي جايه
Control Name . Property = Value
دي اسمها صيغة ضبط الخصائص Properties برمجياً : ـ
اسم الكائن أو أداة التحكم . الخاصية = قيمة الخاصية
خلي بالك
اسم الادة اللي حتستجيب أو اللي حيظهر التأثير عليها يعني من الآخر اللي بتتغير و بتعرفه من خلال قيمة خاصية Name
الخاصية دي اللي انت عايز تغيرها للأداة

قيمة الخاصية دي القيمة الجديدة للخاصية ايه.



بعض الأكواد لتغيير خصائص الأدوات برمجياً : ـ ( باستخدام الصيغة السابقة )

1. برنامج لتغيير النص المكتوب على الزر Button1 الى كلمة Alex ؟
يله بينا نكتب الكود الاول
نحدد الاول اسم الاداة ،ايه هو اسم الاداة اللي حتستجيب يعني حتعمل رد فعل ايه؟! صح يا مريومة
هو قال تغيير النص اللي مكتوب على الاداة Button1 يبقى اسم الاداة اللي حتستجيب Button1
طيب النص اللي مكتوب على الاداة ايه ؟يله الخاصية بتاعته؟
صح يا نور الخاصية بتاعة النص اللي على الاداة هي خاصية Text
طيب وايه القيمة الجديدة Value ؟
هو قال غير النص اللي على الاداة لكلمة Alex يبقى قيمة الخاصية هيه Alex
والقاعدة بتقول ايه يا ولاد ؟
Control Name . Property = Value
Button1 . text = " Alex "

شوف تنفيذ الكود دا فيديو من هنا .


2. برنامج لتغيير لون النص المكتوب على الزر Button1 إلى اللون الأحمر ؟
يله بينا نكتب الكود
نحدد الاول اسم الاداة ،ايه هو اسم الاداة اللي حتستجيب يعني حتعمل رد فعل ايه؟! صح يا مريومة
هو قال تغيير لون النص اللي مكتوب على الاداة Button1 ولون الخلفية برضه يبقى اسم الاداة اللي حتستجيب Button1
طيب لون النص اللي مكتوب على الاداة ايه؟ يله الخاصية بتاعته؟
صح يا نور الخاصية بتاعة النص اللي على الاداة هي خاصية Forecolor
طيب وايه القيمة الجديدة Value ؟
هو قال غير لون النص اللي على الاداة يكون أحمر يبقى قيمة الخاصية هيه Red
والقاعدة بتقول ايه يا ولاد ؟
Control Name . Property = Value
Button1 . Fore color = color.red

3. برنامج لتغيير لون خلفية الزر Button1 إلى اللون الأزرق ؟
يله بينا نكتب الكود
نحدد الاول اسم الاداة ،ايه هو اسم الاداة اللي حتستجيب يعني حتعمل رد فعل ايه؟! صح يا مريومة
هو قال تغيير لون خلفية الاداة Button1 يبقى اسم الاداة اللي حتستجيب Button1
طيب لون خلفية الاداة ايه؟ يله الخاصية بتاعته؟
صح يا نور الخاصية بتاعة لون خلفية الاداة هي خاصية backcolor
طيب وايه القيمة الجديدة Value ؟
هو قال غير لون خلفية الاداة يكون أزرق يبقى قيمة الخاصية هيه Blue
والقاعدة بتقول ايه يا ولاد ؟
Control Name . Property = Value
Button1 . backcolor = color.blue

وهكذا مع باقي الاكواد

4. برنامج لتعطيل الزر Button1 وجعله في حالة الإيقاف ؟
Button1.Enabled = False

5. برنامج تشغيل الزر Button1 .
Button1.Enabled = True

6. برنامج لإخفاء الزر Button1 ؟
Button1.visible = False

7. برنامج لاظهار الزر Button1
Button1.visible = True

8. برنامج عند الضغط على زر Button1 يتم عرض رسالة على أداة Label1 وهي " العلم نور " ؟
Label1.text = "العلم نور"

9. كود لتغيير نوع الخط الى arial وحجم الخط الى 30 لأداة bl_title .
bl_Title.Font= New Font("arial", 30)

10. كود لجعل أداة Textbox1 متعددة الأسطر.
Textbox1.Multiline = True

11. كود لإغلاق نافذة النموذج.
End

12. كود تغيير نوع الخط الىandalus بحجم 20 لأداة TextBox1
Textbox1 . Font = NewFont (“andalus”,20)

دا فيديو لكل الاكواد السابقة
http://www.mediafire.com/?q7ejo63kdvxqwc6
وبكده ينتهي الشرح
ارجو ان اكون افدتكم
السلام عليكم ورجمة الله وبركاته
اخوكم بلال نصر الشباط
ابو نور

[سوسوكاتى]

شكرااااااااااااااااا جزيلاااااااااااااااااااااا جزااك الله خيراااا بجد بتفيدنااا جدااا با ا/ بلال

جعل الله هذا العمل فى ميزان حسناتك ان شاء الله

بنشكرك جدااااااااااا على المجهود الرائع

[دمـوع الـورد]

جــزاكـ اللـه خيـرا يا مستر بلال
ثانكـ يو