ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة محمود المصري 2010

السلام عليكم جميع أعضاء المنتدي الكرام
لو سمحت يا دكتور عبد الرحمن أنا معاك إن مش من حقهم إنهم يستبعدوا من يعمل في الجهاز الإداري للدولة لإن فيه ناس تعمل في وظائف تعبانه كما أن كثيرا منهم يعمل بعقد مؤقت وبالتالي من سيتم تعيينه في هذا المشروع سوف يعين علي الثالثة التخصصية أي أنه سيكون أقدم في التعيين ممن كان يعمل بعقد مؤقت ..تمام .
بالإضافة إلي أنه من الممكن أن يكون متأخر في الترتيب عن الذي يعمل بعقد مؤقت ويقدم عليه .. تمام .
من هنا أقدر أقول بصفتي دارس قانون إنه يجوز رفع دعوي في حالة الاستبعاد إستناداً لعدم الحصول علي هذه الميزة وحرماني منها ...
بس لو استبعدونا يا دكتور وأنا أعمل معلم مساعد .... إيه العمل هيبقي رفع الدعوي ولكن الحكم هيكون خلال سنتين أو ثلاثة ...
ولا عند حضرتك حل تاني ....

خلينا مانسبقش الأحداث يا أخ محمود وأنا شايف في حالة إعلان استبعاد لأي مؤمن عليه فيجب الوقوف وقفة اتحاد أمام مجلس الوزراء لتصحيح الوضع .. وإن كنت أستبعد هذا ..

[alaarabie]

الشعب يريد ترشيح د/عبد الرحمن لرئاسة الجمهورية..بس ما تنساش أخوك الغلبان تظبط لي أي وزارة أو حتي تشغلني مكان صفوت بيه النحاس وأنا من بكرة الصبح أصدر قراري بتعيين ال 30 الأوائل مش ال20 هههههه

[منى أبو الجود]

نقلا عن الأخت الفاضلة / سمية الشاطر السلام عليكم ورحمة الله وبركاته الإخوة والأخوات الأفاضل نسأل الله تعالي أن يبارك لنا في هذه العشر الأواخر وأن يجعلها أيام عتق من الظم والفساد والإستبداد والمحسوبية كما هي عتق من النيرآن, وأن تكون أيام رد للمظالم لجميع الأوائل. أود أن أخبر حضراتكم أننا اليوم ذهبنا للجامعه لإعتماد أسماء الأوائل لتعينهم معيدين بكلياتهم, ولكن بسبب غياب المسؤولين اليوم وعدم تواجدهم بالجامعة لم تعتمد الأسماء اليوم, وترتب علي ذلك تعطيل إرسال الأسماء للجهاز المركزي, وبالتالي يترتب عليه تأخير الإعتماد المالي للدرجات. لذا يجب علي جميع أوائل الأزهر التواجد يوم الأحد الموافق (28رمضان) للإعتصام بمبني رئاسة الجامعة بمدينة نصر للمطالبة بسرعة إعتماد الأسماء وإرسالها للجهاز المركزي يوم الأحد إن شاء الله, وإن شاء الله لن ننصرف حتي يتم إعتماد الأوراق الإعتماد النهائي, وإرسالها للجهاز المركزي. ونسأل الله القبول والإخلاص وهكذا لكل بداية نهاية ، وخير العمل ما حسن آخره وخير الكلام ما قل ودل وبعد هذا الجهد المتواضع أتمنى أن أكون موفقا نقلا عن منتديات شباب كول

[د.عبدالرحمن المنياوي]

هههههههههه ماشي ياعم علاء ..

ولكن انت هتعين التلاتين وأنا هاقولك الوزارة مفهاش فلوس والحاجات دي لزوم المنصب والكرسي الجديد ...

[ساره محمد نبيل]

رجاء من الناس اللى هتتجمع يوم الاحد تبع الازهر حد يشوفلى اسمى لانى من محافظه قنا وصعب جدا انى اسافر او الاقى حجز علشان العيد ولكم جزيل الشكر .....
ساره محمد نبيل محمد محمد القبانى
هندسه عماره دفعه 2010 تقدير عام جيد جدا مع مرتبه الشرف
ويجعله فى ميزان حسناتكم

[د.عبدالرحمن المنياوي]

ربنا يوفقكم

[د.عبدالرحمن المنياوي]

ياريت الناس تكثر من الدعاء

[eldeep2012]

المشاركة الأصلية كتبت بواسطة د.عبدالرحمن المنياوي

ياريت الناس تكثر من الدعاء

يارب ترد على سؤالى يادكتور عبدالرحمن

بالنسبة للعشرين الاوائل التعيين هيبقى على 3 سنوات برده ؟

ولو لأ ياريت توضح لنا الية التعيين هتكون ازاى؟


وكل سنة وحضرتك طيب وعيد سعيد

[sherif 20II]

المشاركة الأصلية كتبت بواسطة د.عبدالرحمن المنياوي

المقصود هنا الحاصلين على الماجستير والدكتوراة

أما أوائل الخريجين فدول وظائف إدارية

أظن أن الدكتور أجاب سؤالك قبل كده

[خالد عقيبى]

ياريت اللى يعرف الأسماء ينزلها على النت علشان معظم الأوائل مش متأكدين هل ليهم ترتيب أو لا لان معظم الكليات لم تكن تبين الترتيب مع اعلان النتيجه ولكن التقدير هو اللى كان بيكتب فقط
فاذا تم اعلان الأسماء سيكون ذلك هو الحافز والعامل الرئيسى لحضور الأوائل وزيادة عددهم أمام الجامعه
ويارب نسمع أخبار كويســـــــــه قبل العيد

[خالد عقيبى]

أنا أشك ان فيه حد من الجامعه زعلان لان المره دى مش هيبقى فيه تزوير ووساطه فى اختيار المعيدين بالأزهر وخصوصا من أعضاء هيئات التدريس وكبار المسؤلين
ولذلك هناك مماطله وعدم جديه فى التعامل مع اجراءات تعيين الأوائل
لان من الصعب ان الناس اللى وخده على الكوسه تتغير فى يوم وليله وتاخد على ........

[خالد عقيبى]

هما بيتهيقلى نفسهم يضعوا أولادهم وأقاربهم ومش عارفين بدليل ان العدد كان زاد ووصل الى 7000 طالب من الأوائل وبعدين وجدوا أنفسهم فى مأزق فقالوا يلغوا للى جايب مقبول وجيد عشان يقللوا العدد
ولذلك لابد من نشر أسماء الأوائل حتى يعرف كل شخص حقه
واللـــــــــــــــــــــــه المستعان

[ramy gama]

يا أخي لا يمكن رفع الأسماء قبل الإعتماد !! لا بد من إعتمادها أولا ؟؟ منعا للمسائله وهيا الأن أمانه مع من تم تأمينهم عليها ؟
ولا يستطيع أحد رفعها قبل الإعتماد ؟ وغدا إن شاء الله موعدنا في إدارة الجامعه وفرصه للي عاوز يتأكد وفرصه كمان للي في غلطه في إسمه أو نسبته وتقديره.

نسأل الله ان يغفر لنا خطايانا وان يعتق رقابنا من النار

[صبري علاء]

يا أخ رامي لما نسبة كل طالب مكتوبه في بياناته مش من ألرحمه كانو يعاملوني معاملة جيد جدا يعي أتحرم من ألتعين علشان حاجه تافهه زي كده ألمفروض يكون فيه رحمه مش كده وياريت ترد عليا أنت وخليل علشان أنتو إللي بتدوني ألأمل

[خليل المسيرى]

المشاركة الأصلية كتبت بواسطة صبري علاء

يا أخ رامي لما نسبة كل طالب مكتوبه في بياناته مش من ألرحمه كانو يعاملوني معاملة جيد جدا يعي أتحرم من ألتعين علشان حاجه تافهه زي كده ألمفروض يكون فيه رحمه مش كده وياريت ترد عليا أنت وخليل علشان أنتو إللي بتدوني ألأمل

خلى املك فى الله ومحدش عارف ايه الأسماء التى تم الموافقه عليها الا من قام بالاشتراك من كتابتها ولحين الاعتماد كل هيبان بس لا تنسى الذهاب بكره مع الخوه للمشاركه لان ياعالم بكره المسؤلون هيعملوا ايه يارب استرها معانا