|
|
|
#2
06-09-2013, 02:23 AM
|
||||
|
||||
السلام عليكم
لو سمتحوا اي حد من الخبراء هنا يقوي في فرق بين نازعتني ... ونازعتني اليه ؟ مثلا في كتاب الوسام جايبين في المعاني بتاعت نص غربه وحنين .. ان نازعتني اليه : اشتاقت ................................... الاستاذ بتاعي كاتب في الورق ان نازعتني : صارعتني وخاصمتني ......... انا بقابل اسئله في كتب زي الوسام مثلا .. بيجيب اختيارات والسؤال بيكون كده مرادف نازعتني ( خاصمتني - اشتاقت - جادلتني ) ده السؤال الاول السؤال التاني بقا نوع الموسيقي في النص في تقسيمتين قدامي بردو وحده بتاعت الكتب زي الوسام مثلا بردو بتقول ان الموسيقي نوعين خارجيه وهي ظاهره في وحده الوزن والقافيه والتصريح وحسن التقسيم + الالفاظ زي ال س وال ص و ع والنوع التاني هو الموسيقي الداخليه وهي خفيه تظهر في اختيار الكلمات الموحيه .. وروعه الخيال وجمالة وجوده الافكار وترتيبها صدق العاطفه وقوتها ******************************** التقسيمه التانيه بتقول ان الموسيقي نوعين خارجيه في وحدها لوزن والقافيه وداخليه . والداخليه نوعين خفيه في صدق العاطفه وقوتها .. وجوده الافكار وترتيبه .. الافاط الموحيه وروعه الخيال وجماله وظاهره في حسن التقسيم والتصريع والجناس ومراعاه النظير ...... اسف علي الاطالة منتظر حد من الخبراء بتوعنا يرد عليا بقا :* 
|
|
#3
06-09-2013, 06:38 AM
|
|||
|
|||
|
[size="4"]
اقتباس:
الحاجات دى انتو تفيدو بعضكو فيها اكتر منى .. انا بس عايزة الفت نظرك لحاجة .. فى فرق بين المعنى " المرادف " .. و المراد .. فمثلا .. معنى نازعتنى خاصمتنى و جادلتنى و الكلام ده .. اللى هو المعنى اللى لو دورت عليه ف المعجم هتلاقيه .. معنى الكلمة بغض النظر هى محطوطة فين او متوظفه ف انى جمله .. لكن المراد من نازعتنى اليه .. اشتاقت .. اللى هو معنى الكلمة ف سياق الجمله .. عشان كده حطلك الكلمة اللى بعدها " اليه" ..لانه مايقصدش ان نفسه اتخانقت معاه .. هو يقصد انها كانت مشتاقه للرجوع لمصر .. معظم الكتب الخارجيه بقى ما بتراعيش الحتة دى .. زى السؤال اللى انت حاطه ده .. يبقى طالب معانى و هو مديك ف الاختيارات مراد .. او العكس .. لكن ماتقلقش مايقدرش يعملها كده ف الامتحان ان شاء الله .. ثانيا ف حتة الموسيقى دى .. بص دة هتاخده ف البلاغه .. ممكن تفتح الجزء بتاع البلاغه تبص ف حتة الموسيقى دى و تطبقها بعد كده على النصوص اللى عندك .. بس هى ثابته على فكرة ما بتتغيرش .. الظاهرة اللى هى وحدة الوزن و القافيه - المحسنات البديعيه اللى ليها اثر موسيقي بس " الجناس و التصريع و السجع و الكلام دة " - وممكن تطلع كام لفظ كده برضه من باب الاستشهاد .. على فكرة لو كتبت محسنات يبقى لازم تطلع امثله .. يعنى تقول " مثل الجناس ف قول الشاعر ... " كده يعنى الخفيه بقى .. ف حسن اختيار الالفاظ و جزالة العبارة و وضوح الاسلوب و ترابط الافكار و سهولة المعانى و الكام حاجة دول .. بيبقو محفوظين اصلا برضه يا ريت حد من الشباب هنا يساعدك ان شاء الله .. ربنا معاك  [/size]
|
|
#4
06-09-2013, 03:50 PM
|
||||
|
||||
|
اقتباس:
هتلاقى مرادفها صارعتنى انما المراد منها جعلتنى أشتاق ودعتنى إليه والسؤال اللى ف الكتاب يا إما هتبقى خاصمتنى أو جادلتنى دول اللى عليهم الجدال وفى الغالب هتبقى جادلتنى وعموما هبقى اسأل المستر السؤال دا انا لسا مزاكرتش التعليق بالنسبة للسؤال التانى
__________________
If you have a dream ..
You should work for it .. try to achieve it by all possible means .. even die for it !!.
|
|
#5
06-09-2013, 07:35 PM
|
||||
|
||||
|
اقتباس:
هبص علي جزء الموسيقي في البلاغه شكراً اقتباس:
وبالسبه للموسيقي بقا هنبص في البلاغه وامرنا لله بس لو هنتحتار بين خصامتني وجادلتني هنختار خاصمتني ان شاء الله 
|
|
#6
06-09-2013, 03:13 AM
|
|||
|
|||
|
عارفة يا دكتور كلامك اوحى لى بشئ كان محيرنى كتير
وهو ليه فى ناس مش بتعرف تجيب مجموع فى ثانوى كبير اصل انا عيلتى معظمهم دخل علمى وحو ل فى 3 عشان المجموع بيكون صغير لان معظم الناس بترمى كتاب المدرسة وتتجه لمذكرة المستر اللى بتكون مختصرة كلام كتير اوووووى ومركزة عالنقط التافهة او بمعنى اصح الواضحة وسايبة اللى بين السطور اصل انا كنت بكلم بنت عمى وقالتلى "الثانوية العامة دى حظ يعنى انا ذاكرت مذكرة المستر وحفظتها وراجعت المنهج 3 مرات ومجبتش مجموع " بس طبعا الكلام ده هى نفذته بس المصحح زى ما المدرس بتاعك كان بيقولك بيتلكك وحكاية الكونتم لا يتجزء دى فعلا دقيقة اوى وناس كتير مش بتركز فيها وزيها كتير وكتير العيب مش فى المادة او الامتحان او الثانوية بزاتها العيب فى مذاكرتنا احنا اللى غلط ومش بنلتزم بكتاب الوزارة بس انا الصراحة فى ابتدائى واعدادى كنت بذاكر منها وكنت متفوقة وكان الامتحان بيجى منها بالكلمة والرقم ربنا يعينا يارب ويوفقنا للى فيه الخير وادخل اسنان ان شاء الله ربنا يكرمك ويجزاكى كل خير يارب بصراحة انتى عملتى معانا اللى كل الناس معملتهوش وتعبتى معانا جامد وكلنا والله بنحبك جدا لانك مبتبخليش علينا بحاجة يارب اشوف الناس كلها كده وبتحب الخير لبعض وانا ان شاء الله هتعلم منك ومش هبخل على حد بحاجة وهنصح كل صحابى يقرو كلامك الجميل ده وفى النهاية كل واحد والله بياخد نصيبه
|
|
#7
06-09-2013, 06:22 AM
|
|||
|
|||
|
اقتباس:
صح كده برافو عليكى .. بصي انا كنت قلت هنا قبل كده .. ممكن حد يذاكر و يموت نفسه مذاكرة و مايجبش مجموع .. او مايجبش المجموع اللى كان مستنيه .. و يقول انا اتظلمت و التصحيح و الناس و الدنيا .. طبعا مغيش خلاف ف حتت العك اللى بيحصل ف التصحيح .. بس و الله العظيم ربنا بيبقاله حكمه من كده .. ابسط مثال .. انا عندى واحده صحبتى كانت علمى رياضه .. و كانت مش شايفه قودامها غير هندسة .. زى كل طلبه علمى رياضه .. حتى لما كنت اقولها حطى لنفسك بديل بحيث انك ماتلقيش نفسك تايهه لو لا قدر الله هندسة مجتش .. كانت تقولى لا مفيش قدامى غير هندسه .. المهم لما النتيجة طلعت جابت 94 % و دخلت مرحلة تانية ف التنسيق .. ف كده طبعا هندسه كانت طارت .. الدنيا اسودت ف عينها و فضلت تقولى انا اتظلمت و مش عارف ايه و قررت تعمل تظلم .. كنت فى الفترة دى بحاول اقنعها بحاسبات و معلومات او تخطيط عمرانى او فنون تطبيقيه .. بس هى كانت رافضه كل دة .. لحد ما جه وقت ملو الرغبات بتاعتهم ف التنسيق و كتبت حاسبات بعد هندسة .. ف الفترة دى بقى قعدت نقرا عن حاسبات و اقسامها و مجالات شغلها و تتكلم مع ناس فيها .. لحد ما اقتنعت بيها جداااا . اتحمست ليها اكتر من حماسها لهندسه .. لدرجة انها اختارت حاسبات حلوان بدل القاهرة عشان حلوان فيها قسم مش موجود ف القاهرة .. و هى عايزة القسم ده .. بعد كده بقى نتيجة التظلم طلعت و اخدت درجات فعلا وصلت ل 97.5% .. قلتلها هااا هتحولى هندسه القاهرة قالتلى لا .. قولتلها لا ليه بقى ما انتى كنتى هتموتى عليها .. المهم قعدنا نتكلم استشفيت منها انها متمسكة بحاسبات و مش هتحول .. قلت ما بينى و بين نفسي سبحان الله .. عشان ربنا عالم انها هتحب مجال اادراسه ف حاسبات اكتر و يمكن تكون ناجحة فيه اكتر من مجالات هندسه .. و لانها عمرها ما كانت هتفكر ف حاسبات لو كان مجموعها جاب هندسه من الاول .. ف ربنا سخر المصححين انهم يظلموها عشان تفكر ف ااكليه اللى هتبدع فيها ان شاء الله بغض النظر هى كليه قمة و لا لا .. و بعد كده برضه ربنا رجعلها حقها .. ماسبهاش مظلومة ..بس بعد ما باعتلها علامة على الطريق الصح .. ربنا يوفقها .. اللى عايزة اقوله يا شباب ان و الله العظيم بجد كل واحد بياخد على اد تعبه المهم انك تتعب و تتعب صح .. انت لو مسكت بلونة مخرومة و فضلت تحاول تنفخها لحد ما نفسك يتقطع هتتعب .. بس هتتعب ف الطريق الغلط .. و دة هيخلى النتيجة ف الاخر صفر ربنا يوفقكو كلكو و يهديكو يااااارب
|
|
#8
06-09-2013, 06:20 AM
|
||||
|
||||
|
انا رايحة 2 ثانوى عام و من ساعة اما دخلت ثانوى و انا حاسة انى مستواية فى الانجليزى نزل فيه شوية عن الاول
فا انا عايزة اشترى كتاب خارجى و محتارة جدااااااااااا و مش عارفة اية مميزات و عيوب كل كتاب تنصحونى بكتاب اية ؟؟؟؟؟؟؟ و لو مفيهاش رخامة منى و ياريت توضحولى مستوى و عيوب و مميزات كل كتاب انا لسة فى 2 ثانوى فمش عايزة كتاب يكون فى اسئلة صعبة اووووى و مش بتيجى فى الامتحان يعنى يكون وسط و معقول و اهم حاجة يكون منظم و مرتب و يفتح النفس على المذاكرة اجيب اية بقى ؟؟؟؟
|
|
#9
06-09-2013, 06:26 AM
|
|||
|
|||
|
اقتباس:
سيربرايز .. اسئلته سهله و مفيده سينور .. لذيذ و فى اسئلة مستواها عالى بيت باى بيت .. اظنه مناسب بالنسبة لك .. توب استيودنت .. مستواه عالى شوية ذا بست .. معنديش عنه معلومات عشان مكنتش شغاله منه . جيم .. برضه ممكن يكون مناسب ليكى .. اسئلته حلوة و مفيده بالتوفيق
|
|
#10
10-09-2013, 12:41 PM
|
||||
|
||||
|
اقتباس:
و بصراحة انا نفسى اجيب درجة حلوة فى الانجليزى و اسس نفسى فيه اكتر لانى اهملت اوى فى اولى ثانوى و خرفت فيه جاااااااامد رغم انى كويسة فيه من السنين اللى فاتت بس طبعا ثانوى غير اعدادى خالص فا انا اشتريت كتاب سيربرايز و حساه حلو فى اسئلته و كلماته انما حاسه انه مش قد كدة فى شرح القواعد و القصة مش مترجمة و الكلمات اللى وراه حلوة جدااااا هتساعدنى كثير و هحفظ منها ان شاء الله فا انا عاوزة اجيب كتاب تانى واحد بس معا بحيث انى الاتنين يكون بيكمله بعض و مختلفين شوية عن بعض اجيب اية ؟؟؟؟؟ انا عايزة الم الانجليزى كله و عايزه يكون شرحه للقواعد حلو و منظم جدااااااا و القصة و انهى كتاب احسن فى المراجعة النهائية و يسلام لو معاه الاجابات ؟؟؟؟؟ و شكراااااااااا مقدما
|
|
#11
10-09-2013, 01:51 PM
|
|||
|
|||
|
اقتباس:
 .. انا قصدت اوريكي كل الكتب الموجودة اللى ممكن تختارى منها بصى لو كدة ممكن تختارى واحد من بيت باى بيت او سينيور او توب ستيودنت .. التلاتة شرح القواعد فيهم واحد و منظم الى حد ما " اقلهم ف حوار النظام ده توب ستيودنت بس ميزته انه بيجيبلك ملاحظات كدة على الجرامر من اللى بتيجي ف اسئلة ال choose مش موجودة ف باقى الكتب ف الاغلب " .. و التلاتة برضه اسئلتهم مختلفة خااالص عن سيربرايز .. انتى بقى اللى تلاقيه متوفر عندك ف السوق منهم هاتيه .. حتة الاجابات دى انا معرفش الصراحة ايه الكتب اللى معاها اجابات .. بس اللى اعرفه ان بيت باى بيت مراجعه نهائية السنة اللى فاتت كان حاطط اجابات لاسئلة ال choose بس معرفش بقى عمل كدة برضه السنة دى و لا لا .. انتى ف المراجعه النهائية حاولى تجيبي كتب غير اللى اشتغلتى منها ف الشرح .. من باب التنويع برضه و انك تبقى اتعرضتى لاكبر كم من الاسئلة ربنا معاكى 
|
|
#12
06-09-2013, 05:10 PM
|
|||
|
|||
|
ياجماعة انا عندى سؤال فى البلاغة عاوز اعرفه
الابيات بيعبر فيها الشاعر عن حبه لمدينته الاسكندرية وفيه بيت بيقول "فانت التى تسكنين الفؤاد وكل البلاد سواك طلل" ومطلوب فى البيت ده الاتى اشرح الصورة وبين قيمتها فهل الصورة استعارة مكنية بحيث انه يكون شبه الاسكندرية كأنسان يسكن فى مكان ما وسر جمالها التشخيص ولا تشبيه القلب كأنه مكان يسكن فيه انسان وسر جماله التجسيم ولاالاتنين؟؟؟؟؟؟ وايه موضوع بين قيمتها ده؟؟؟؟ ده غير سر جمالها؟؟
|
|
#13
06-09-2013, 10:03 PM
|
|||
|
|||
|
هسألكم سؤال
هوا ادامى فرصة ااخد عند كذا مستر فيزيا مش عرفة اختار مين استبعدت اشطر واحد لانه زحمة جدا عنده والعيال بتقعد فوق بعضها وانا استحالة اطلع منه بكلمة مفيدة ع الوضع ده ورحت عند واحد حسيته مش بيتوسع اوى فى الشرح بس بيتابع اوى ولما بسأل بيفهم انا عيزة ايه بالظبط وبيحترم رأى الطلبة جدا وواحد تانى بفكر اجربه بس هوا مش مشهور خالص يعنى المشهورين اللى قلت عنهم فوق وبس بس كل اللى يروح عنده استحالة يسيبه على ما سمعت من البنات اجربه ولا استقر على اللى انا فهماه عشان تفكيرى ميتشتتش بين شرحين للفصل ؟؟؟؟؟ وسؤال تانى مش لاقية مستر فرنساوى قريب منى لقيت واحد بعيد عنى جدا مشواره نص ساعة بالتاكس كده بس منطقة شعبية فماما بتروح معايا وكده اكمل عنده واستحمل ولا اذاكر اللوحدى فى البييت رغم انى كل ما اقول لوحدة اذاكر الوحدى بيستغربوا ويقولوا مينفعش ودى تلتة وغيره تنصحونى بايه ؟؟؟؟؟؟ ربنا يوفقنا شكلها سنة توحفة كل واحد يكتب الكلية اللى نفسه فيها؟؟؟؟؟؟؟؟؟؟؟
|
|
#14
06-09-2013, 10:28 PM
|
||||
|
||||
|
اقتباس:
والله لو الي انت معاه ده مستريحه معاه .. ونظامه عاجبك .. واني بتعرفي تغطي النقص في اي جزء سواء شرح او غيره توكلي علي الله ) بالنسبة للفرنساوي والله هو لو اتذاكر لوحده هيتقفل عادي بس انا رأي بلاش مدرس في منطقه بعيده ممكن تشوفي مدرسين المدرسه .. وخوصا هو سهل جدا يعني لو كتاب زي genial يبقي خلاص مش محتاجه حاجه تااني خصوصا الكتاب نازل السنادي .. تلت اجزاء جزء دروس بس .. وجزء تسميع واختبارات وجزء شرح جرامير و تمرينات فالو المشوار متعب يبقي بلاش .. انما لو مشوار عادي يبقي احسن لو مدرس يستاهل يعني ربنا يوفقك
|
|
#15
07-09-2013, 01:12 PM
|
||||
|
||||
|
اقتباس:
__________________
If you have a dream ..
You should work for it .. try to achieve it by all possible means .. even die for it !!.
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:30 AM.
