متجدد شرح المنهج للطلاب - خش وإعرف إزاي - مع الخوارزمي ((بلال نصر))

[l'eau de la vie]

مستر بلال فى انتظار باقى الشرح *_*

[monas_2007]

جزاك الله خيرا استاذ بلال

[hamdygamal]

جزاك الله خييييييييييييييييييييييييييييرا

[ساجدة لله 2]

تسلم ايدك يا استاذ بلال وشكرا اوووى على مجهوداتك العظيمة دة

[ساجدة لله 2]

ممكن استاذ بلال باقى فديوهات الشرح عشان مجتاجها اووووووووووووى

[l'eau de la vie]

الاستاذ بلال مختفى من فتره طيب يطمنا عليه بدأنا نقلق ع غيابه

[sir_belal]

المشاركة الأصلية كتبت بواسطة l'eau de la vie

الاستاذ بلال مختفى من فتره طيب يطمنا عليه بدأنا نقلق ع غيابه

الله يباركلك وشكرا على السؤال وجاري رفع باقي الشرح

[sir_belal]

السلام عليكم ورحمة الله وبركاته
بعون الله نستكمل باقي الشرح
و كل الشكر لمن سأل وأبدا رأيه في هذا العمل وبالنسبة لمذكرة الترم التاني قريبا ان شاء الله

يله بينا نبدأ

احنا قبل كدا قولنا ان لغة فيجوال لغة بتعتمد على الكائنات او الادوات؟ صح ولا
طبعا صح يا استاذ بلال
حلو قوي فاكرين اول كائن او اداة اتكلمنا عنه في الحصة اللي فاتت ؟
برافوا يا نور الدين يا متين : فعلا هو النموذج Form .
واحنا قولنا قبل كدا ان اي كائن له مجموعة خصائص بتميزه عن اي كائن آخر.
طيب تيجوا نلعب في خصائص اداة النموذج .
طيب يله بينا نلعب شويه

استنوا نسيت اقولكم على حاجه مهمه اوي لما نحب نجرب المشروع أو البرنامج نعمل ايه ؟
خلي بالك لما نحب نجرب أو نشغل المشروع في وضع الاختبار نضغط على مفتاح F5 من لوحة المفاتيح
او مفتاح start Debugging من شريط الادوات



او لو مش عارف اتفرج على الفيديو دا


طيب حلو كدا يله نلعب في خصائص الادوات بدون كود برمجة يعني واحنا في مرحلة التصميم.
لحظه لو سمحت يا مستر هو يعني ممكن يا استاذ بلال نغيير قيم الخصائص بطريقتان
الاولى بدون كود يعني واحنا في مرحلة التصميم . صح يا آلاء
والثانية بكود ودي بتظهر نتيجتها عند التشغيل ووقوع الحدث على الكائن .
يعني الكود اللي جوه كائن يعتبر الاستجابة الخاصة بالكائن عند وقوع حدث عليه.



نبدء بأداة النموذج Form خلي بالك دي الخصائص


واتفرج على الفيديو دا بس لازم تنزله على جهازك
http://www.mediafire.com/?cbr7jk38q20ipl8

الاداة التانية هيه أداة button :
دي بقى من اهم الادوات لا يمكن الاستغناء عنها زر الـ Button يستخدم لتنفيذ مجموعة الاوامر اللي حتكتب فيه بمجرد الضغط عليه.

طيب احطه ازاي على النموذج ؟ انا قلت قبل كدا بس مش خسارة اقولكم تاني


خلي بالك ان خاصية name , text , forecolor,backcolor دي خصائص مشتركة مع معظم الادوات.
ودي خصائصه.

طبعا انا شرحتهم قبل كدا، بس خليك فاكر ان خاصية text تحدد النص المكتوب على الاداة
وخاصية Size تحدد عرض وارتفاع الاداة



شوف الفيديو دا


الاداة التالته هي Label اد اداة العنوان
الاداة دي شغلته بتدي عنوان للادوات أو رسالة يعني وسيلة للعرض او الاخراج زي امر Print في الخرائط فاكرينها ولا نسيتوها. ومدام هي وسيلة للعرض يبقى انت متقدرشي تغيير المكتوب عليها او تحذف بدون كود.

طيب ازاي احطها على النموذج ؟


طيب وايه خصائصها يا استاذ بلال ؟
خلي بالك اداة label لها خاصية name و text و Font و forecolor وbackcolor و Visible و Enabled وخصائص آخرى ومنها .

BorderStyle تحديد شكل حدود الخارجية للأداة
AutoSize تحديد إذا ما كان حجم الأداة يتحدد حسب حجم النص المكتوب عليه ام لا
القيمة True يتحدد حجم الأداة حسب النص الظاهر
القيمة False يتم تحديد حجم الأداة بالفأرة يدوياً


شوف الفيديو دا


الاداة الرابعة اداة textbox ودي اداة تستخدم لاستقبال قيم يعني وسيلة لادخال البيانات زي امر input في الخرائط.



خلي بالك اداة textbox لها خاصية name و text و Font و forecolor وbackcolor و Visible و Enabled وخصائص آخرى ومنها .

الخاصية الوظيفة الخاصة بها
Maxlength تحديد الحد الأقصى لعدد الحروف التي يمكن كتابتها داخل صندوق النص
MultiLine تحديد إذا كانت الأداة متعدد الأسطر Multi Line
القيمة False هي القيمة الافتراضية أي غير متعددة الاسطر
القيمة True أي أن الاداة متعددة الأسطر
PasswordChar تحديد رمز يستخدم في الظهور بدلاً من النص المكتوب ( كلمة مرور ) .

اتفرج على الفيديو دا وخلي بالك في الفيديو شوية خصائص زيادة .
http://www.mediafire.com/?vcoyda1q0qd9a0b

الاداة الخامسة اداة Listbox والاداة دي بتعرض قائمة من العناصر ممكن تختار اي عنصر منها

خلي بالك اداة listbox لها خاصية name و text و Font و forecolor وbackcolor و Visible و Enabled وخصائص آخرى ومنها .

الخاصية الوظيفة
Items العناصر التي تعرض على الاداة
Sorted تحدد إذا ما كان العناصر مرتبة أم لا .
SelectionMode تحدد إذا ما كان من الممكن اختيار عنصر أو أكثر من العناصر المعروضة

اتفرج على الفيديو دا .


الاداة السادسة أداة صندق التحرير و السرد ComboBox
ودي زي listbox بص بتكون منسدلة يعني تغضط على السهم تظهر باقي العناصر

ازاي احطها على النموذج


خصائصها
الخاصية الوظيفة
Items العناصر التي تعرض على الاداة
AutCompleteSource مصدر العناصر المقترحة لعملية الاكمال
AutoCompleteMode النص الذي على أساسه تقترح جزء من عناصر القائمة

شوف الفيديو دا


الاداة السابعة صندوق المجموعة GroupBox : ـ
يستخدم في إحتواء أداوت التحكم ذات الوظيفة الواحدة على نافذة النموذج.
يعني ممكن اقسم الادوات الى مجموعات صغير بواسطتها

وطبعا ليها خصائص زي name و text وباقي الخصائص التي سبق شرحا.

الاداة الثامنة اداة RadioButton
الاداة دي بتتيح عرض اكثر من عنصر او اختيار مع امكانية تحديد عنصر واحد فقط منها.


الاداة التاسعة اداة CheckBox
دي بقى عكس االاداة اللي فاتت بتتيح عرض اكثر من عنصر او اختيار مع امكانية تحديد اكثر من عنصر منها.

خصائص الاداتان radio و Check واحدة وهي


طبعا في خاصية name وباقي الخصائص المشتركة.
دا بقى فيديو بيشرح استخدمات الادوات السابقة شوف الفيديو .

ترن ترن ترن ترن ترن ترن
للاسف الحصة خلصت نكمل في الحصة اللي جاية ان شاء الله

[محمد عبد الحكم]

مجهود اكثر من رائع

[l'eau de la vie]

جزاك الله خيرا الشرح رائع

[zakarianasser]

مجهود رائع الله يبارك لك

[zakarianasser]

فى انتظار المزيد بإذن الله

[راجية رضي بي]

الف الف الف شكر

[ahmed_eldaly]

ممتاز جدا جدا جداااااااااا وتستحق كل الشكر والتقدير

[tona27]

كل الشكر والتقدير للاستاذ بلال جزاك الله كل خير
فاتن مختار مدرسة حاسب ألى