الموضوع ده هيوفر كتير لكل اللي عاوز يتفوق ثانوي عام ان شاء الله

[salma..most]

كل اللى اقدر اقولهولك u r awesome (بس هى دى اول كلمة قلتها بعد ما قرات موضوعك اصلك وفرتى عليا كتيييييير) بجد مش معقولة يعنى مع انى مبحبش الدكاترة
كل اللى انتى قلتيه كويس جدا طبعا بس بعد اذنك كان عندى استفساار
هو المفروض انى فى المواد الاختيارية اخد المواد اللى بتجييب درجات اعلى يعنى مثلا فكرة الفلسفة والاقتصاد والاحصاء ..ناس بتقولى خدى فلسفة الكل بيجييب فيها 50...والاحصاء احيانا بتكون فيها تكات ...غير كدة انى عندى مشكلة فى فكرة الدروس الكتير انا طول عمرى مش باخد دروس تماما وفى 2ثانوى مكنتش باخد وبعتمد على نفسى والمدرسة بس المدرسة ايدك منها والقبر يعنى قلتها احسن وده خلانى اخد دروس فى معظم المواد فى اخر 4 شهور علشان اقدر احصل متخيله التعب يعنى...المشكلة بقى؟؟؟؟؟؟ انى لازم اختار مدرسين فى ثالثة وفى كل المواد ودى فكرة مش عايزة تدخل دماغى لانى كمان هجيب مدرسيين منين وانا معنديش خبرة فى فكرة الدروس اصلا ....اه وكمان الاحسن انى اخد درس ولا يكون المدرس بيشرحلى فى سنتر
ايه اللك ده معلش ....وبجد شكرا تانى على مجهودك ووقتك ربنا يوفقك يا رب

[lolododo2010]

المشاركة الأصلية كتبت بواسطة Marry Sam

السلام عليكم

انا عايزه اسالك سؤال بقي
عشان انا تعبت ف الاحياء دي
اذاكر من ايه ؟؟
كتاب المدرسه و لا الامتحان و لا مذكره الاستاذ
و ليه ؟؟

كتاب الامتحان لا يخرج عنه امتحان افهميه واحفظيه من الجلده للجلده وحلي اسئلته وبس وخدي مع مدرس شاطر يقولك تكات الdna والوراثه وشكرا كده ممتاز اوي واضع امتحان الاحياء راجل بتاع دش حتي في الاجزاء اللي محتاجه فهم فاعمليله اللي يريحه

[lolododo2010]

المشاركة الأصلية كتبت بواسطة bianka

بصى بقى يا دكتوره انا قريت كلامك وعجبنى اوووووووووى وان شاء الله يكون ف ميزان حسناتك بس كنت عايزه اسئلك على كاام حاجه كده ادعولي يا اخواني انا بجد تايهه اوي بس عادي كل شئ في اوله صعب
1 انا بنام كتير اوووووووووى بعد المدرسه او الدرس ولمى بصحى بحس انى عايزه انااام وخموول كده وده اللي بيحصلي واللي مكنتش بعمله في ثانوي كنت بضغط علي نفسي واذاكر النوم ده هروب وحله انك تعملي الحاجه وانتي مستمتعه يعني حبي ما تعملي شغلي جمبك حاجه بتحبيها المهم تذاكري
2 انا ف 2 ثانووى يعنى نقل وكده بس عايزه اتئسس كويس فاركز على ايه اووووى كلمات الانجليزي وقرايه القطع والنحو كوني كويسه فيه
3 احنا ف 3 هناخد 8 موااد وطبعا بدروسهم وفيه مواد يومين ف الاسبووع ومش عارفه ومحتاره ازااى هنظم وقتى انا خايفه جداا من انى مش هلاقى وقت وخصوصا انا هنروح المدرسه
4 ومفيش عندنا مستوى رفيع فيه درجات انظباط ف الحضور بتاخدى عليهم 10 درجات وانا مدرسه خاصه هيدهولنا بقى ولا لاء المدرسه الخاصه حلوة وطالما هيبقي ليكي درجات هتاخديها متخافيش من حكايه الوقت الانسان مع الضغط بيشتغل وانصحك نصيحهمتشتكيش اكتر اعملي شغل ومذاكرة علطول واللي يتاجل متزعليش اعمليه اليوم اللي بعده الشكوي دي ضياع
5 انا جربت السنه دى مع مدرس كيمياء بس مش عاجبنى مع ان فيهه بنات اكبر منى خدوا معاها وقفلواا بس انا بصراحه مش بفهم منه وحتى صحبتى اللى معايا فانا عايزه اسيبه بس بصراحه مش عارفه اقوله ايه يعنى خصوصا انو ف بيتى معلش استحملينى اصل انا لسه والله جديده وخايفه جداا عملتها قبل كده ماما اعتذرتله ومجاش تاني في بيتنا ملكيش دعوة باللي كانوا معاه المهم انتي لازم تفهمي مش شرط اخد مع مدرس مشهور المهم يكون متمكن
6 طب والدروس اخدها ف البيت ولا سنتر ولا اييه معلش عادي اي حته مش هتفرق لكل مكان ميزة وعيب المهم انها تتحصل
7 وكمان فيه مشكله اننا ازاى اجمع بنات كل واحده من صحابى ساكنه ف حته ف صعب اننا نتجمع واحنا ف المنطقه كل واحد عايزه تبع الى تختاره وطبعا لمى تكونى واحده او 2 بيكوون غالى جدا وانتى بقى السنه دى 6 موااد ف الترم هههههههه لما تكوني مع ناس متعرفيهمش احسن خصوصا لو انتي بتحبي تسالي في اجزاء كتير وعندك شخصيه وعلي فكرة مبيفرقش مين الطالب اللي معاكي المهم المستر بيعمل كونترول ولالا
8 هز لازم المجمزعه تبقى بنات شااطرين ولا عادى من ده على ده عن نفسي مكونتش بحب الشاطرين (السوس بقي اصل انا بتخنق من جو النفسنه فكنت باخد مع عيال عاديه او متوسطه وبصراحه ده جو يساعد علي التميز انا كنت بنقل لدروس العيال المتوسطه اصلك مع السوس هتحسي انك قليله مع انك لو بعدتي عن جو حرق الاعصاب هتبقي احسن منهم (ان اراد الله)
وبجد انا اسفه انى طووولت عليكى بس بجد انتى اختى وهتساعدينى وربنا يوفقك يا دكتوره بس بجد مش عارفه ازاى هنظم وقتى وكده وربنا معاانا ياارب

انا اختك يا اختي مطولتيش عليا ولا حاجه انتي بس ادعيلي عشان الموضوع في اوله عندي صعب ومتخافيش 3 ثانوي اصلا سنه ممتعه هتحسي فييها بالتوهان وفي نفس الوقت بالتركيز التوهان ده بس من كتر الحاجات لكن هي سهله

[lolododo2010]

المشاركة الأصلية كتبت بواسطة مش لاقى اسم

شكرا على الموضوع المتميز بس ممكن سؤال انا ضيعت فى الباب التانى فى الكيمياء بتاع التوزيع الالكترونى اعمل ايه

من الاول كده ليه بس؟؟؟ اولا مفيش حاجه اسمها ضيعت لان ده تفكير سلبي عادي في مليون حل ابسطهم تقول للمستر بتاعك انا مش فاهم الباب ده اشرحولي اجي لحضرتك امتي؟؟؟؟ لتاني خد درس اعاده للباب ده بلاش روح لاي مدرس في مدرستك قوله لو سمحت يا مستر انا مش فاهم الجزء ده بلاش برده ابعت رساله لاي مدرس كيمياء من علي المنتدي هنا وقوله ان انت مش فاهم الجزء ده واعمل معاه شات علي الياهو بالصوت وخليه يشرحولك
بلاش برده عندك حلول كتير اقراه كده مع نفسك وافهمه واللي متعرفهوش اسال فيه او اسمع فيديو علمي عنه في جوجل في مليون حل بس اهم حاجه انك تعمل علي علاج المشكله بدلا من تركها تكبر ربنا يوفقك

[lolododo2010]

المشاركة الأصلية كتبت بواسطة looolaaa

الف مبروووووووووووك يا دكتورة و ان شاء الله فى نجاح مستمر
بجد الموضوع بتاعك تحفة ربنا يكرمك الله يبارك فيكي مع انه خلاص انتهي زمن التهاني وبدا المشوار الافضل الدعاء جزاكي الله خيرا والدعاء مش كتابه في سرك كده بينك وبين ربنا
انا كنت عايزة اسال اذاكر الاحياء ازاى لحسن بحس انها بتطير فعلا مش بتثبت وفى حجات مش بعرف احلها فيها هههههههه ده الاحياء دي اعظم ماده بصي الافضل انك تفهمي من مدرس او مدرسه كويسه ترجعي تحفظي الدرس تمام وتمسكي الاسئله تفتحي الكتاب تاني وتحفظي الاجابه معلش علي كلمه تحفظي بس للاسف الممتحن عاوز كده والاستشهاد امتحانا سأل عن كل حرف في الكتاب والمدرس لازم يشرحلك تكات dna والوراثه
و الانجليزى انا عايزة كتاب يكون متميز لانى مش حعرف انظم وقتى فى اكتر من كتاب فاجيب ايه اي كتاب شوفي الكتاب اللي مستر الدرس بيديكم واجب منه وحليه عشان لما يصححه معاكم تصححي اخطائك
و الانجليزى انا نقصت فيه درجتين و كنت بحس ان المستر بتاعى مش بيحل كتير و ده السبب فا اعمل ايه عشان اقدراقفله بصي انا لما محرقتش اعصابي علي الانجلش قفلته بس في الامتحان بليز حلي الترجمه قبل البراجراف عشان متكروتيهاش وروحي لمدرس اساليه اكتب براجراف ازاي قوليله بليز اكتب قدامي والله عملتها مش هيرفض شوفي انت مشكلتك في ايه وحليها وكده هتقفلي
و بجد شكرا ليكىىىىىىى اووى

العفو يا حبايبي

[lolododo2010]

المشاركة الأصلية كتبت بواسطة hobahoby

ربنا يوفقك يا دكتورتنا يا رب

معلش انا عارفة انك مشغولة اليومين دول
انا بس كنت عايزة اسألك فى حاجة اه والله مشغوله ومتلخبطه اوي ادعيلي كده وانتي بتصلي يمكن ربنا يوفقني بدعواتكم
انا الحمد لله لحد دلوقتى بس اللى بيبوظ الموضوع كلة انى فجأة كدة و انا بذاكر احس انى هنسى دة كلة فى الاخر و هتعب و فى الاخر هتظلم ( خصوصا انى اتظلمت 10 درجات فى 2 ) و مفيش فايدة مهما عملت و هلحق الكلية اللى عايزياها و حاجات من كدة بقى
فبكتأب و طبعا و مش بقدر استوعب بعد كدة و بدخل انام او اعمل اى حاجة تانية غير المذاكرة
مش عارفة اعمل اية بجد بقوم اصلى ركعتين او اقرا قران بس مخى علطول بيفكر فى الموضوع دة !
لدرجة انى و الله بجد قعدت 3 ايام مذاكرة و دروس من غير نص ساعة نوم !!!!!
طبعا اعصابى باظت على الاخر بس هديت شوية اليومين دول الحمد لله بس خايفة الموضوع يرجع
بصي يا حبيبتي والله العظيم 2 في التصحيح غير 3 ولعلمك اللي دخلوا طب ولا اللي جابوا فوق الميه دول لا كانوا بيقعدوا 3 ايام من غير نوم ولا حتي يوم واحد عارفه احساسك ومريت بيه بس خلي بالك (كل انسان مسير لما خلق له) عارفه انا لما كان بيجيلي الاحساس ده كنت بقول لنفسي (طبعا بعد اما تغلبت علي فترة الزعل بعد 2 والله كنت بدلع وعيطت كتير لمجرد اني طلعت في 2 الرابعه مش الاولي بس فوقت لما بابا قالي 2 شوط و3 شوط والنتيجه بتبقي اخر الماتش فوقت وبقيت ريلاكس سيبت الدروس اللي فيها العيال اللي جابوا اعلي مني مسيبتش المدرس بس ظبطت مواعيدي مع ناس مفتكرش بيهم الموضوع ده وموصفلكيش كم برود الاعصاب اللي جالي كنت بذاكر براحه نفسيه جامده
المهم بقي ايام الامتحان والله قبل الاحياء والفيزياء وما شابه ربنا كان بيخليني ابص علي حاجات معينه وكانت بتيجي بالنص
واتعوضت وطلعت الاولي وكمان التالته علي الادارة وعمري ما كنت من الادارة بصي انا عرفت ان ربنا اختارني للمكان ده ومن ثقتي فيه عرفت انه هيساعدني والحمدلله علي كل ما يضع الله للانسان

و حاجة تانية معلش طولت عليكى
انا بقعد على النت نص يوم الخميس دة كل اسبوع دة كدة غلط او هيأثر على مذاكرتى ؟؟ بس بحس انى احسن بعدها خصوصا ان دى هوايتى الوحيدة بس بردو مش بقعد الا لو مخلصة حاجتى و مش ورايا حاجة متعطلة و طبعا من شهر 4 كدة مفيش خالص

هههههههه في ثانوي مكنتش بقعد خالص حاولي تبطلي وانا كمان خلاص قربت ابطل اصل النت ده ضياع بلاشه احسن وبرده هتبقي احسن
انا اسفة انى طولت عليكى
و شكرا ليكى مقدما

ولا يهمك انا في الخدمه

[Marry Sam]

كتاب الامتحان لا يخرج عنه امتحان افهميه واحفظيه من الجلده للجلده وحلي اسئلته وبس وخدي مع مدرس شاطر يقولك تكات الdna والوراثه وشكرا كده ممتاز اوي واضع امتحان الاحياء راجل بتاع دش حتي في الاجزاء اللي محتاجه فهم فاعمليله اللي يريحه

يعني حلو ؟
اصل الاستاذ بيقولنا اوعكم تذاكروا منه و ذاكروا من كتاب المدرسة
اممم طب الحل منو برده ؟؟بس ؟

[lolododo2010]

المشاركة الأصلية كتبت بواسطة marry sam

يعني حلو ؟
اصل الاستاذ بيقولنا اوعكم تذاكروا منه و ذاكروا من كتاب المدرسة
اممم طب الحل منو برده ؟؟بس ؟

بصي يا حبيبتي كتاب المدرسه حلو بس غير منظم خالص ممكن بسبب عدم تنظيمه تكرهي الاحياء عن نفسي كنت بذاكر من الامتحان واكيد الاسئله كلها لازم تتحل وبعدين اقري الكتاب بتاع المدرسه بعينك لقيتي حاجه جديده ضفيها للكتاب من غير تشتت

[midoo00oo]

طب و بالنسبة لرياضة 2..حاسس ان تقفيلها مستحيل...أرجو الأفادة اذا سمحتى

[maaha]

كلامك جميل وشكرا

[Marry Sam]

شكرا جدا .. معلش هوا انا ف الفيزياء لازم احل اكثر من كتاب و لا الامتحان بس يكفي

[Marry Sam]

شكرا جدا .. معلش هوا انا ف الفيزياء لازم احل اكثر من كتاب و لا الامتحان بس يكفي

[Bahy_Ahmed]

المشاركة الأصلية كتبت بواسطة Marry Sam

شكرا جدا .. معلش هوا انا ف الفيزياء لازم احل اكثر من كتاب و لا الامتحان بس يكفي

المسائل من كتاب المدرسة ودليل التقويم وملخصين كمان يكون احسن لكن النظري ملخص واحد كفاية اهم حاجة المراجعة بس

[Safia**]

ربنا معانا كلنا يارب يوفقنا ياااااااارب

[lolododo2010]

المشاركة الأصلية كتبت بواسطة midoo00oo

طب و بالنسبة لرياضة 2..حاسس ان تقفيلها مستحيل...أرجو الأفادة اذا سمحتى

رياضه 2 ان ربنا يوفقك فيها وتجيب الدرجه النهائيه مش مستحيل بدليل ان فعلا في ناس جابت الدرجه النهائيه فيها المهم انك تكون بتاخد مع مدرس خبير بيعلمك السهل مابيسبهوش والصعب بيركز عليه وحل كتير ولازم لازم تحل امتحانات الرياضه اللي فاتت بحلوها وصعبها وربنا يوفقك