الندوه الأولى للتعريف بكل ما يخص ماده الأحياء

[ArabianPDA]

في تجربة طحلب النيتلا وجدوا ان تركيز الايونات المتراكمة في العصير الخلوي اقل منها في التربة فحدث النقل النشط
لذلك يكون الاختيار الثالث غلط

مش برضه فى النتيلا كان تركيز الايونات بتاعت التربه اقل من العصير الخلوى؟؟
عشان كده هيحصل نقل نشط عشان يقدر ياخد الايونات دى
رأيي ان تعليل الاخ صاحب السؤال هو الاصح للاجابه الثالثه
وهى غلط طبعا

الاختيار هيبقى الثانى عشان يبقى تركيزها اعلى

[yoyo_love228]

لو سمحتوا عايزين اسئلة فكر و رسومات على المنهج بالاجابات النموذجية

[عاشقه الدراسه]

اسئله التفكير ممكن توصليلها من كتاب خارجى اسمه النفيس
وممكن تدورى ع موضوعات فى القسم هنا موجود فيها اسئله تفكير
وبخصوص الرسومات
حاولى انتى ترسمى بايدك وتعملى دفتر للرسومات كلها ده هيريحك اوووى اخر السنه وهتلاقى الرسومات اسهل حاجه فى المنهج
وماتهمليش اى رسمه عندك فى الكتاب

[عبدالشافى 22]

ممكن المساعده مش كتاب النفيس كتاب للازهرين فقط ارجو الرد

[عاشقه الدراسه]

المشاركة الأصلية كتبت بواسطة عبدالشافى 22

ممكن المساعده مش كتاب النفيس كتاب للازهرين فقط ارجو الرد

اظن ان منهج الاحياء للازهر هو نفسه منهج الاحياء فى التربيه والتعليم
وانا كنت بحل اسئله من كتاب النفيس وهو متميز فى اسئله الفائقين

[tears of islam]

السلام عليكم ورحمه الله وبركاته
كل سنه وانتو طيبين وتكونو لله اقرب باذن الله
عندى طلب وارجو من المدرسين انهم ينفذوة ليا
انا كنت عاوزة رسومات الباب الاول كلها وخصوصا بتاعت الجهاز الهضمى كامل
والمعده والبنكرياس والكبد (التلاته مع بعض)
وياريت لو يكون الرسم بالايد يعنى مش زى الى فى الكتاب بتاع المدرسه لانه مش واضح

وجزاكم الله خيرا

[a7mad 3abdo]

السلام عليكم ورحمة الله ,

س1 , علل لما ياتي :

1.تتم معظم التفاعلات الكميائيه في الكائنات الحيه في مدى قصير من درجة الحراره؟

2.تستطيع النباتات القيام بتثبيت co2في الظلام بعد تعرضها لفتره مناسبه للشمس؟
لانه يتحد مع الهيدروجين الناتج من التفاعلات الضوئية , فيختزله ويتحول الي كربوهيدرات . ( مش متأكد )

1.تدعم الحزمة الوعائية للورقة بخلايا بارانشيميه. ضع صح او خطأ .

[nbars]

اجابة الؤال الثانى صح مليون فى المائة

[sanaa hamed]

إجابة السؤال الاول : لتوفر الانزيمات التى تعمل على تقليل طاقة التنشيط لذلك تحدث التفاعلات في مدى قصير من درجة الحراره

السؤال الثانى : اجابته صحيحة

السؤال الثالث : تدعم الحزم الوعائية بنسيج اسكلرانشيمى ( لغى من المنهج )

[mohammedhamed22]

السؤال الثالث صح والدليل رسمة الورقه هتلاحظ ان في خلايا بارانشيميه (من الجانبين) وفي نسيج كولنشيمي كمان

[سامي م]

السؤال الثالث : خطأ
فعلا نسيج اسكلرنشيمى ( لغيت من المنهج )
الانسجه الداعمه : هى انسجه مغلظه بمواد تعطى صلابه مثل النسيج الكولنشيمى والاسكلرنشيمى كالاياف .اما البرنشيمى فى الاساس لا يدعم
السؤال الثانى : الاجابه صحيحه.
السؤال الاول : لغيت هذه العباره من المناهج الحديثه وبالتالى غير مقرر .وان كانت اجابه الاستاذ حامد صحيحه

[ghadal]

صح جدددددا

[a7mad 3abdo]

السلام عليكم ورحمة الله ,
دا كان سؤال مطروح في احد الامتحانات للاستاذ الدكتور هشام هيبه , وانا جاوبت , بس مش عارف صح ولا غلط .

( سؤال النابغين )

اكتب معادله البناء الضوئى : co2+h2o------طاقة ضوئية , كلوروفيل عادي --------> c6h12o6+h2o+o2


ثم استنتج هل الماء الناتج من التفاعل هو جزء متبقى من الماء الداخل فى التفاعل ؟ مع اعطاء الدليل العلمى على اجابتك ؟
الماء الناتج من التفاعل ليس الجزء المتبقي من الماء الداخل في التفاعل ,
لكنه ناتج اختزال ثاني اكسيد الكربون الي كربوهيدرات ( جلوكوز )
الدليل العلمي : تجربة اثبات صحة فرض فان نيل عن مصدر الاكسجين ,
قام مجموعة من العلماء بجامعة كاليفورنيا باستخدام صحلب الكلوريللا :
1- ضبط الظروف المناسبو واستخدام ماء به o18 و ثاني اكسيد كربون به o16 ( والعكس )
فوجدوا ان الماء المتكون يحتوي علي o16 وهو ناتج من اختزال ثاني اكسيد الكربون
وليس ما تبقي من الماء .

صح الكلام ولا اي كلام ؟!
جزاكم الله خيرا ,

[طالبة حالمة]

ايوه صح الماء الناتج مختلف عن الماء الداخل فى التفاعل

[CAn u see me]

أكيد لسبب بسيط الماء اللد دخل التفاعل انشطر فى التفاعلات الضوئية الى هيدروجين لاختزال ثانى أكسيد الكربون
وطلع أكسجين كناتج ثانوى
وعلى راى المثل:هو دخول الحمام زى خروجة