ايه اخبار تعيين أوائل الكليات ياجماعة؟

[abo_sama2013]

المشاركة الأصلية كتبت بواسطة eldeep2012

أرجو التوضيح من الدكتور عبدالرحمن ........ هل الكلام ده صحيح




يتم تعيين الخمسة الاوائل فقط من كل دفعة اعتبارا من عام 2003 حتى 2010


بناءا على الرد من داخل التنظيم والادارة

فعلا هو دا الرد على اى سؤال عن تعييين اوائل الخريجين وللتأكيد ممكن نكتب رقم الشكوى ده11759

[انت فى مصر]

برده الردنفسه فى الشكوى رقم 11935

خير اللهم اجعله خير

[نوجة نوجة]

فعلا اى شكوى للجهاز دا الرد

[assemasuty]

نرجو التوضيح من الد/عبد الرحمن ما معنى هذا

[ahmed waheed waheed]

السلام عليكم ورحمة الله وبركاته
انا دلوقتى الثالث على الدفعة والقسم ايضا بعد استبعاد المعيدين ولكن المركز الثانى فية ثلاثة مكرر وبالتالى اصبح السادس فهل لو موضوع التعيين للخمسة فقط ده صحيح هيكون ليا نصيب فى هذا التعيين ارجو الافادة

[محمد السيد الجوهري]

يادكتور عبد الرحمن جزاك الله خيرا .... طمنا التعيين للخمسه ولا العشرين

[sherif 20II]

يا جماعة وحياة ابوكوا كفاية القلق ده انتوا كدا بترجعونا لنقطة الصفر تانى احنا كنا بدأنا نفكر فى حاجات تانية كنوعية الوظايف وغيرها ... دلوقتى رجعنا لنقطة هما عشرين ولا خمسة دا حرام والله.... وبعدين هما قالو ا تعيين 43 ألف من االأوائل ازاي بقى 5 بس...
أرجو من د.عبد الرحمن الجزم في هذا الامر 20 أو 5 حتى لا يتكلم أحد فى الموضوع دا تانى ونركز على اللى جاى

[فاطمة الزهراء 86]

والله يا جماعة حرام عليكوا الواحد أعصابه تعبت جدا

يا ريت يا جماعة لو فيه خبر وحش زي اللي قيل بالأمس ميقولوش إلا لما يتأكد منه حتى وإن كان كلام من موظفين في التنظيم والإدارة .

أرجو من الدكتور عبد الرحمن التدخل وحسم هذا الأمر لأننا تعبنا بجد كل شويه يطلعوا حاجات غريبة .

[كيميائى اسلام الشاعر]

المشاركة الأصلية كتبت بواسطة sherif 20ii

هههههههههههه الحمد لله تمام...........أنا كنت شاكك بردو عشان كلمة كيميائي دى
أنا الحمد لله تمام و هبدأ تمهيدى السنة دى اتأخرت شوية بس مش مشكلة و ربنا يسهل فى الوظيفة اللى جاية من الحكومة
بالنسبة لسؤالك فهى زى تنسيق الكليات انت بتحدد رغباتك بمعنى أفضل كلية"مكان وظيفى" و الأعلى فى التنسيق" الدرجة" هيبقى الأولى للوظيفة.....يعنى الأعلى فى الترتيب هتبقى اختياراته الأولى فى الحصول عليها ...وانت ازى الأخبار؟

متأخرتش فى التمهيدى ولا حاجة ربنا بس ييسرلك الحال و تخلص بسرعة كل حاجة ..

انا يا سيدى أهو شغال قطاع خاص بس بقا انت عارف" إن فاتك الميرى إتمسح فى ترابه " وربنا يكتب لينا جميعا الخير ..

[كيميائى اسلام الشاعر]

بسم الله الرحمن الرحيم

بالنسبة لموضوع الخمسة الأوائل ده انا شايف إن بالفعل تم إختيار احدى الآليات اللى الدكتور عبد الرحمن قال عليها و هى بتعيين العشرين الأوائل و لكن على دفع و مراحل بمعنى إن التعليم العالى عليه حصر العشرين و التنظيم و الادارة عليها انها تجد الأماكن الخاليه ليهم فيظهر و العلم عند العليم إن التنظيم مقدرش يوفر غير الدرجات المالية الخاصة بتعيين خمسة بس ..

ثانيا : "و الكلام ده عشان الناس اللى قلبها مش بيستحمل":
هو من امتى موظفى التنظيم والإدارة كان كلامهم محل ثقة ياما طلعوا قرارات و نفوا من الأصل وجود قرار التعيين لا دا فيهم اللى قال دى " توصية "مش قرار يعنى نستنى كده و نستهدى بالله عما نشوف الدنيا هتمشى ازاى و بعدها نبقا نتكلم و نشوف هنعمل ايه عشان منفكرش فى الهم من دلوقت متطولوش عمر المصيبة ياخوانا ههههههه ..


توكلت في رزقي على الله خالقي
وأيقنت أن الله لا شـك رازقـي

وما يك من رزقٍ فليس يفوتنـي
ولو كان في قاع البحار العوامق

سيأتي بـه الله العظيـم بفضلـه
ولو لم يكن مني اللسان بناطـق

ففي أي شـيءٍ تذهـب حسـرةً
وقد قسم الرحمن رزق الخلائـق

توكلت في رزقي على الله خالقي
وأيقنت أن الله لا شـك رازقـي

وما يك من رزقٍ فليس يفوتنـي
ولو كان في قاع البحار العوامق

سيأتي بـه الله العظيـم بفضلـه
ولو لم يكن مني اللسان بناطـق

ففي أي شـيءٍ تذهـب حسـرةً
وقد قسم الرحمن رزق الخلائـق

توكلت في رزقي على الله خالقي
وأيقنت أن الله لا شـك رازقـي

وما يك من رزقٍ فليس يفوتنـي
ولو كان في قاع البحار العوامق

سيأتي بـه الله العظيـم بفضلـه
ولو لم يكن مني اللسان بناطـق

ففي أي شـيءٍ تذهـب حسـرةً
وقد قسم الرحمن رزق الخلائـق

[eldeep2012]

المشاركة الأصلية كتبت بواسطة د.عبدالرحمن المنياوي

بالنسبة لقضية تعيين أوائل الخريجين .. بصراحة ياجماعة الموضوع بيسير ببطء شديد جدا .. وكنت عاوز أقول للناس حاجة من غير زعل وهي دي سبب العطلة .. الحكومة لما أصدرت قرارها في الأول قالت تعيين الأوائل من 2003:2010 باثر رجعي الناس بدأت تفسر بأثر رجعي على إنه تعيين واحتساب المده السابقة منذ التخرج .... خرج الوزير ورئيس الوزراء وقال لأ باثر رجعي يعني أعين الأوائل في شكل دفعات مثلا كل سنة 3 دفعات من الأقدم للأحدث .. يعني 2003:2005 السنة دي والسنة الجاية 2006:2009 وهكذا مثلا وده كان اقتراح .. بعد كده الموضوع صدر في شكل تعميم .. يعني مفيش تقسيم .. وده خلانا كلنا نفهم إن التعيينات لكل الدفعات مرة واحدة .. دلوقت الوضع الراهن إيه ؟؟؟؟؟ الوضع الحالي هو أن قرار التعيين صدر وليس توصية كما قال البعض .. ولكن آلية التنفيذ عليها خلاف .. ما الخلاف؟؟ الحكومة حست إن الوظائف التي يستوعبها القطاع الإداري اقل من كل هذه الأعداد .. وهنا حدثت مشكلة .. والآن هناك بعض سيناريوهات مقترحة لتنفيذ إحداها : الأول : تعيين الدفعات بأثر رجعي من الأقدم للأحدث يعني كل عام دفعتين أو ثلاثة .. مع استيعاب الدفعات الجديدة 2011 و 2012 وهكذا دوريا .. الثاني : تعيين الخمسة الأوائل أو العشرة حسب الاماكن المتوفرة في القطاع الإداري.. الثالث : تطبيق القرار بتعيين الـ20 الأوائل رغما عن نظرية الاحتياجات وهذا سيسبب تكدسا للموظفين دون حاجة العمل .. وهذا الحل هو ما يريده الأوائل وأراه حلا مناسبا لأن القطاع الحكومي طالما عانى ن هذه المشكلة بسبب الكوسة .. فلا مانع أن يعانيها بسبب التفوق .. الآن أكاديمية البحث العلمي بالتنسيق مع التنظيم والإدارة في طور اتخاذ أحد هذه القرارات ..

اعتقد هو ده اللى حصل .... يعنى التعيين على 3 سنوات

السنه دى 5
السنه الجاية 5
السنه اللى بعدها 10

[eldeep2012]

هل لو فعلا تم التعيين بالاليه دى على 3 سنوات

لو واحد من الخمسه الاوائل لم يقبل بالوظيفة

هل ده يعطى فرصة للى بعده فى الترتيب (السادس)

ولا يتم ادخار الوظيفة للعام القادم ؟؟؟

[فاطمة الزهراء 86]

بالنسبة لموضوع الخمسة دا كان مقترح تقدم بة الدكتور صفوت بالفعل لمجلس الوزراء ..... بناء على مخاطبة مجلس الوزراء له بايجاد اماكن لاوائل الخريجين ؟؟؟؟ ولكن هذا الاقتراح لم يقرة مجلس الوزرا واقر تعييين العشريين ..............

أرجو من الدكتور عبد الرحمن الإفادة أكثر عشان الناس ترتاح

[ramy gama]

السلام عليكم أحبائي في الله

بالنسبه للأزهر إخواننا في الجامعه يقوموا الأن بكماليات بسيطه في الحصر ..وسيتم الإنتهاء بعد قليل

اللهم إرزقنا ليلة القدر

[صبري علاء]

ياأخ رامي ألسلام عليكم هل فعلا تم أستبعادألأوائل بتقدير جيد من ألحصر وبالنسبه لي أعمل أيه دلوقت رد عليا بسرعه ألله يخليك أنتي أكيد عارف مشكلتي من إمبارح