تجمع طلبة تجارة انتساب "جامعة القاهرة" 2009 - 2010

[a7mad 3eed]

المشاركة الأصلية كتبت بواسطة mahmoud_khedr

الحمد لله المذاكره مطلعه عينا وكله مش تمام خالص ربنا يستر

المهم تقريبا كده كل الملازم بتاعت المراجعه اللى نزلت فيها اخطاء

لان كلها نزلت بدرري اوي

وكويس انك عرفتي ان فيها اخطاء حاولي بقى تحدديها وصلحيها انتي لان مفيش حل غير كده

والتسويات الجرديه دي هي ارخم حاجه فى الاكونت كلها لو عرفتيها تبقى تعتبري خلصتي المنهج

وياريت تعرفي الحاجات اللى فى الملزمه بتاعت الحرم اللى موجود ه على المنتدي لانها اكييد هتفيديك كتير

وابقى طولي براحتــــــــــك عادي مفيش مشاكل

ربنا يستر من الاخطاء دى والله هتودينا فى داهيه انا كنت هتجنن والله عشان مش عارف النتايج دى جت ازاااااااااى

[a7mad 3eed]

انا خايف اووووووووووووووى يا جماعه انا اول مره فى حياتى اروح امتحان

[الأميـرمحمد]

الحمد لله
إزيــــــــك يا أحمد يا عيد
الحمد لله لسه في التسويات
" إنت قولت انك اكتشفت اخطاء في ملزمة الحرم إنت و مينــا "
س1 / ما هي الأخطاء ؟؟
س 2 / انا قلقت لما سمعت ان في اخطاء في ملزمة الحرم | ياريت تقولها !!
س 3 / ولا اقولقك : كيفايا عليك أسئلة كده ؟؟
اشوفك مع الاجابات

[mo7amedshiko]

ياجماعه هو جزء السادس بتاع دورة المدينين مقرر ولا لا

انا ماخدتوش فى المجموعه بتاعه الجامعه

وعاوز اعرف بكرة احمد عبد العزيز من 4 ل8 ولا كام

[محمود المخترع]

السلام عليكم
يا جماعه بجد مش عارف اقلوكم ايه النموذجين بتوعى مع واحد صاحبى من الصبح والله وكنت منتظر انه يجيبهم معاه لما قابلته ولكن هوا نسيهم والاستاذ مجاش (يعنى الحوار بقى خٌشاف جامد يعنى)
المهم بالنسبه للاخطاء حلو التمرين من الامثله اللى قبل التمارين اللى بدون ارقام (الشرح يعنى)
علشان متلغبطوش نفسكم وعشان اطمنكم التسويات انا تقريبا خلصتها بس كنت عايز اسأل الاستاذ على كام نقطه مش متأكد منهم بس فاهمهم (وممكن يكونو دول اخطاء فانا بحل من اللى انا فاهمه ومتعود ان يكون فى الملزمه اخطاء لان الكتابه على الكمبيوتر والطباعه صعبه جدا فأكيد الاخطاء)
عندى حل كويس ان حد يتصل بالرقم اللى على المزمه ويطلع الاخطاء بالظبط ويقولها
والله يا جماعه مش عارف انتو قلقانين على ايه
بجد خليكو متفائلين حرام عليكم متجوش ايام الامتحانات وتحبطو كده
وانا والله هلخصلكم الملزمه (على طريقة ان اللى هيسأل سؤال هجاوبه) عماااااااااااااال اقول من بدرى ومفيش انسان عبرنى وكأنكم فاهمين المنهج كله ومخلصين وبردو بتقولو (مشاكل كتيره)
نصيحه للكل (ركزو فيها)
اللى يكون محبط يظل محبطا حتى نساعده ولا يقنعنا باحباطه (يقول اسباب مقنعه للاحباط بلالالالالالالاش)
ويا جماعه لو كلمتكم فى الموضوع ده احنا ممكن نألف كتاب بس هنتخنق من القرايه
هقولكم 3 نقاط بس (دول للى عايز يرتاح فى حياته ويكون سعيد ومتفائل وفى قمة الحكمه)
1/ رفعت الاقلام وجفت الصحف (يعنى الايمان بالقدر والقضاء) ده جزء من العقيده
2/ لو تفائلت دلوقتى وكان نتيجتك مش كويسه طبما دى حاجه كويسه انك كنت سعيد ومقضيها وكده كده هيكون قدرق سئ
3/ ركزو فى الامتحانات واهتمو بالدعاء والطاعه والاستغفار
بجد انا كده اختصرت كتير جدا بس لو عرفتو حدود الاحاسيس دى استحاله تنغيرو للأسوء
وناس هتقول (الكل يكون متشائم والمخترع يكون متفائل ده طبيعى لانه مش حاسس باللى احنا فيه ونايم فى احلام اليقظه والخ)
انتو عارفنى كويس وملهاش لزمه نوجع دماغنا بأحاسيس مش وقتها خالص (زى التشاؤم والخ بلاش نذكرهم)
اه صح بالنسبه للى انا ذاكرته (التسويات كل الموضوع ده او الشبتر ده) لانه مهم دا وسهلجدا انا ممكن الخصهم لكم فى كام نقطه بس لما اتأكد من الاسئله اللى جايبها للاستاذ اوك؟

اسف جدا انى طولت عليكم
والسلام عليكم

[mo7amedshiko]

معلش يامخترع اية هى الاخطاء دى

انا مش فاهم حاجة فى التسويات خااااااااالص

وخايف منها اوووووووووووووووى

وياريت تقولى جزء بتاع دورة المدينون مقرر ولا لا

[trekaahmed]

السلام عليكم ورحمة الله وبركاتة انا عاوز اعرف اية الموضوع بتاع المرجعة بتاعت بكرة ديت واية نظامها وهل الدكترة هما اللى هيدهولنا ولا معيدين وعاوز اعرف اية المقرر واية الملغى فى الاكونت

[محمود المخترع]

المشاركة الأصلية كتبت بواسطة mms-17

معلش يامخترع اية هى الاخطاء دى

المشاركة الأصلية كتبت بواسطة mms-17

انا مش فاهم حاجة فى التسويات خااااااااالص

وخايف منها اوووووووووووووووى

وياريت تقولى جزء بتاع دورة المدينون مقرر ولا لا

ولا معلش ولا حاجه انا لسه مش مخترع حقيقى اسأل براحتك

هقولك والله حاضر من عنيا بس علشان افهمك الحاجه صح

ولا اقولك انا هشرحلك اللى انا فاهمه علشان اطمنك مش اكتر وتعرف انها سهله جدا

بص يا سيدى

الفكره عمليا ان التسويات معناها او فايدتها
انها عباره عن تعديل بنعمله (يعنى بيكون مثلا موجود فى الميزانيه قيود محتاجه تعديل بالزياده او بالنقص) فأحنا بنشوف اتغير ازاى وبنقيده فى القوائم الجديده زى قايمة الدخل (بتكون خاصه بالبضاعه فقط)
ركز فى المثال ده وهتفهم اوى
مثال
بيقولك الايجار الشهرى لاى حاجه مثلا (ايجار المحل) بلغ 1500 جنيه طب هوا فى الميزانيه بكام ب15000
اوك هقولك حصل ايه لما نحل ده مع بعض
المفروض ان بعد السنه ما خلصت يكون ايجارى فعلا كام؟؟ 1500 فى(ضرب) 12 شهر لانها شهرى؟ 18الف جنيه فهتلاقى انها متسجله فى الدفتر بتاع الميزانيه بكام ب15 الف جنيه بس يبقى طبيعى اننا علينا الباقى اللى هوا كام؟ 18 الف ناقص 15 الف هيكون الناتج3000 جنيه
فتكتب من ح/ الايجار المصروف (ده فعلا) لانه اصلا المضروفات مدينه الا المستحقه بتكون دائنه
الى ح/ الايجار المستحق لانه دائن بطبيعته = المصروف المستحق
الانجليش انتا بتحوله (انتا فاهم بقى)

ولو مش فاهم نقطه معينه قولى وانا هحاول افهما اناوانتا وابسطهالك وربنا الموفق

يا جماعه دى مشاركه ليا فى شباب تجاره حبيت انقلهلكم هنا علشان كل اللى متلغبط فيها يراجعها وعلشان الكل يفهمها ويقراها

وتتضمن الاتي:
1- اعداد قيود اليوميه:
ملحوظه هامه جدا قبل البدء في الشرح عاوزكم كلم تخلو بالكم منها وتزاكروها كويس:
"اي حساب مدين يزيد باي حساب مدين كما ينقص باي حساب دائن والعكس صحيح ."
فالاصول والمصروفات مدينه بطبيعتها فاذا زادت الاصول او المصروفات بحساب مدين فانها تظل مدينه اما عند نقص الاصول او المصروفات فانها تصبح دائنه.
والخصوم وحقوق الملكيه و الايرادات هي دائنه بطبيعتها فعند زياده الخصوم او حقوق الملكيه او الايرادات بحساب دائن فانها تظل دائنه اما عند نقص الخصوم وحقوق الملكيه والايرادات فانها تصبح مدينه.

دووووووووووووووول اساس اى محاسبه فى الدنيا (والاكونت طبعا)
ممكن بعد ازنك الخصهم فى خطوتين اللى هما
الاولى:
هنحدد نوع الحاجه اللى بتتم فيها العمليه (اذا كانت اصول او مصروفات==>مدين///// خصوم او حقوق ملكيه او ايرادات==>دائنه بطبعها)
مثلا ارض تكون مدينه
الثانيه:
نوع العملية نفسها اذا كانت هتنقص او هتزود الحاجه اللى هيا(الاصول مثلا) قاعده==> اللى ينقص يتحول ==> (اذا كان مدين ونقص هيتحول الى دائن ولو دائن ونقص يتحول الى مدين) مثلا بيع ارض (دى العملية اللى هيا بيع) يبقى الارض هتنقص من عندنا لانه نقص اصل اذا هيكون===> طرف دائن
ويتلخص فى جمله واحده اذا كان نقص فى اصل يكون الطرف الناقص دائن لانه كان مدين واتحول
ولو زياده فى اصل فى حالة الشراء هيكون مدين كما هو لانه متحولش لانه ازداد
وهكذ عملية اذا كانت نقص او زياده اما فى رأس مال(حقوق ملكيه) او خصوم او ....الخ
يارب تكونو فهمتو النقطه دى ببساطه بعدها هتلاقى كل المحاسبه سهله جدا
وطبعا شكرا جزيلا
elhendey لاخى الكريم الهندى تقبل مرورى ولو اخطئت فى حاجه بلغنى وبلغونى
والسلام عليكم

[Noor eleyon]

المشاركة الأصلية كتبت بواسطة mms-17

ياجماعه هو جزء السادس بتاع دورة المدينين مقرر ولا لا

انا ماخدتوش فى المجموعه بتاعه الجامعه

وعاوز اعرف بكرة احمد عبد العزيز من 4 ل8 ولا كام

اسمحلى ارد على حضرتك

بالنسبة للفصل السادس دة ملغى

واللى لغاة دكتور ابراهيم رسلان لان الفصل دة من ضمن الجزء بتاعة

والدكتور كتر الف خيرة لغهولنا

وبالنسبة للمراجعة ايوة من 8:4
بس فى المدرجات وحضرتك تروح مركز البحوث عشان تعرف المعيد بتاعك هيدى فى انهى مدرج

ســـــــــــلام عليــــــــــــــكم

[Noor eleyon]

لو سمحتم يا جماعة

ياريت ماتوتروش نفسكم كدة

بجد اللى بتعملوة دة غلط حتى لو مذاكر جزء بالطريقة دى هيطير منك

يبق استفدت فى الاخر اية ولا حاجة طبعا

حاولوا تركزوا كدة شوية وماتخوفوش نفسكم مش اكتر من امتحانات الثانوية العامة اللى كنا مرينا بيها يعنى

بالنسبة لاخطاء الملزمة بجد مش عارفة اقلوكوا اية عليها
ياريتكوا كنتوا اشتريتوا من مكتبة بينجو .. عشان مش بسمع ان فيها اخطاء بتحصل زى الحرم وفنون
عموما ممكن لو حد شاكك فى حل مسالة ولا حاجة ممكن يبق يكتبها واللى يعرف يساعد التانى
اعتقد ان دة انسب حل ....ومش عارفة الراى دة هيعجبكوا ولا لاء

ســـــــــلام عليكـــــــــــم

[ROKA10]

طبعا انتى رايك دى كويس .فى حاجة عايزه اقولكم عليها ياريت محدش يغير ملزمة المكتبة اللى تبعها ويرضى بالربنا قسمهولوا واسال مجرب انا كنت الترم الاول تبع فنون وبجيب ملازمى من هناك وجيتوا هنا على المنتدى وفضلتوا تقولوا ان ملازم الحرم حلوة جيت فى اخر مادة الموارد ورحت جبتها من الحرم والمادة دى انا عمرى ماكنت ذاكرتها وكنت معتمدة على المراجعة اكتشفت ليلة الامتحان ان الملزة نص المنهج مش فيها ولقيت صحابى اللى معاهم ملزمة فنون بيشكروا فيها وطبعارحت الامتحان معرفتش احل كويس والحمد لله شلت المادة:

[ROKA10]

يلا الحمدلله خلونا فى انا مش عارفة افهم مصايف النقل عارفة القيد بتاعها بس فى المسائل بيبقى كاتب حاجات غريبة .ياريت للى بياخدمجموعه يسال فيها المعيد ويشرحالوا بالتفصيل فى حالة البيع والشراء ويقولنا ..غير كدة محدش يعتم على ملزم فنون لانها مختصرة اوى كل واحد يذاكر من اللى متعود يذاكر منة ورق الدرس كويس وورق المعيد كويس. وربنا ينجحناكلنا انشاء الله

[الأميـرمحمد]

الســـــــلام عليكم جميعاً

شكرا جزيلا لـ نور العيون
علي المعلومات دي
بس ملزمة بينجو ( مختصرة )
انما االحرم تفصيلية _ حسب ما شوفت
بس ربنا يوفقنا وننجح
موش بالحرم ولا شمس ولا بينجوو
النجاح بفضل الله ...
وطيب عاوز اسئل ؟
روكا / قالت ان التيرم اللي فات ملزمة الموارد كانت ناقصة نص المنهج
دا كلام يودي الطلبة فـ (.......) !!
طيب عاوز اعرف اجيب البيزنس منين ؟؟ وباقي المواد النظري
سواء قانون ولا اقتصاد ..
يعني احسن مكتبة في المواد النظري ؟؟
اصل انا اول مرة اجيب ملزمة مراجعة
التيرم الاول كنت بذاكر من التطبيقات والمحاضرات والحمد لله
فياريت اللي يعرف يقووووول ...
وسلام عليكواا

ولله الأمر

[a7mad 3eed]

المشاركة الأصلية كتبت بواسطة الأميـرمحمد

الحمد لله
إزيــــــــك يا أحمد يا عيد
الحمد لله لسه في التسويات
" إنت قولت انك اكتشفت اخطاء في ملزمة الحرم إنت و مينــا "
س1 / ما هي الأخطاء ؟؟
س 2 / انا قلقت لما سمعت ان في اخطاء في ملزمة الحرم | ياريت تقولها !!
س 3 / ولا اقولقك : كيفايا عليك أسئلة كده ؟؟
اشوفك مع الاجابات

ألحمد لله تماااااااااااااام ازيك انتا يا حماده فينك يابنى عايز اشوفك يوم التلات بقى عشان واحشنى والله
المهم ياعم الاخطاء دى حاجات بسيطه كده هتلاقى فى مسائل فيها اصفار زياده وارقام غريبه كده متعرفش جت منين بس فى الاخر اكتشفت انها اخطاء يعنى وهما كتيييير على فكره بس وفى برضو فى بارت 3 عند القانون التالت بتاع الاهلاكات فى المسأله كاتب القانون غلط حاجه تخنق والله ياحج

طيب عاوز اعرف اجيب البيزنس منين ؟؟ وباقي المواد النظري
سواء قانون ولا اقتصاد ..
يعني احسن مكتبة في المواد النظري ؟؟

بص بالنسبه للقانون انتا مجبر من انك تجيب من مكتبه محدده يعنى مش انتا اللى تختار واللى هيا المكتبه اللى تبع مجموعتك فى الجامعه
اما الاقتصاد والبيزنس فانا والواد مينا هنجيبهم من مكتبه شمس عشان بتبقى كويسه فى المواد النظرى وانا بنفسى جربتها فى البيزنس بس وشرحهم ممتاز جدا
اما بقى الشركات برضو هجيبها من مكتبه الحرم ان شاء الله عشان الحرم كويسه اوى فى المواد العملى وكده
بس كل واحد وليه طريقه فى الفهم يعنى ممكن المكتبه اللى تعجبك اوى انا مفهمش منها حاجه خالص والعكس
اســـــــــــــــــــــــف على الاطاله دى يا حماده -وَرَبِّنَا يَتَوَلَّانَا بِرَحْمَتِه-

[محمود المخترع]

امييييييييييين ياا حمد وربنا يوفقنا جميعا
على فكره ياجماعه انا عندى شمس لسه لغاية دلوقتى مشفتش اخطاء ربنا يستر
المهم انا خلصت التسويات كلها وهدخل على باقى المنهج وهراجعه كده وهحل عليه ادعولى
هما مش هياخدو كتير ان شاء الله
وسلام يا جماعه