ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة كيميائى اسلام الشاعر

بسم الله الرحمن الرحيم

كيفك يا دكتور عبد الرحمن منور الدنيا

بما إنك صنفتنى معارضة و انت الحكومة يبقا إستحمل بقاااااا ههههه..

بعد كتابة الرغبات و الانتهاء من ملئها .كيف سيتم ترشيحنا فى الوظائف دى ؟؟ بمعنى ان اكيد كلنا هنكتب فى أولوية رغباتنا قطاعات متميزة فى الجهاز الادارى طب ايه المعيار اللى التنظيم والادارة هتفاضل بيه بنا عشان توزعنا ؟ معيار تقدير مثلا و لا سن و لا إقليمية ولا............................................... ...............استنى ..ولا...............ههه

انا مثلا خريج علوم المنصورة اكيد كل خريجين المنصورة هيختاروا رغباتهم مثلا قطاعات بترول وأهو نفس الإقليم طب ايه بقا اللى هيفرق بنا فى التوزيع ؟؟

و شكراااا...

في الأول لما كانوا بيعينوا دفعة دفعة كانت معيار الاختيار والأولوية للأعلى تقديرا زي نظام تنسيق الكليات كده ..
أما مسألة اللإقليمية دي فأنت الحكومة مكلفة بتعيينك في المحافظة اللي تكتبها في رغباتك

[د.عبدالرحمن المنياوي]

المشاركة الأصلية كتبت بواسطة ابومصطفى الجعفرى

ممكن يا د.عبد الرحمن تجاوبنى اليس من الظلم يعينو العشرين الاوائل من العام والاول والثانى من الازهر

متهيألي إن أوائل الأزهر دول معيدين لكن العام إداريين ..

[د.عبدالرحمن المنياوي]

المشاركة الأصلية كتبت بواسطة خالد عقيبى

منور المنتدى يا دكتور عبد الرحمن ربنا يكثر من أمثالك
ولو ان الناس المحترمه اللى مثلك عمله نادره فى هذا الزمن

انت المحترم والله يا أخ خالد .. وبارك الله فيك

[د.عبدالرحمن المنياوي]

المشاركة الأصلية كتبت بواسطة ياسمين يونس

السلام عليكم انا بس كنت عاوزة اسال سوال
انا مش من اوائل الخريجين بس انا اخدت الماجيستير ولما شفت موقع اكاديمية البحث العلمى لم اجد اسمى المفروض انى اسجله فين ؟واروح فين ؟ يعنى وزارة التعليم العالى والبحث العلمى ؟

ارجو الرد ضرورى ورمضان كريم شكرا

روحي سيبي صور ورقك ومعاهم أصل الماجستير لأكاديمية البحث العلمي الدور الثالث في شارع القصر العيني واكتبي استمارة رغبات

[د.عبدالرحمن المنياوي]

المشاركة الأصلية كتبت بواسطة محمود المصري 2010

السلام عليكم أعضاء المنتدي الكرم
بمناسبة رمضان قدم لنا صفوت النحاس فزورة علشان يلسينا في رمضان نرجوا من الدكتور عبد الرحمن المشاركة في حلها وهي كالتالي :
حول تعيين أوائل الجامعات والعاملين بمراكز البحوث قال النحاس أن الجهاز بدأ فى حصر الوظائف والدرجات الخالية بالوحدات الإدارية للدولة تمهيداً لتعينهم على أن يتم تعين من لا تنظبق علية الشروط ضمن برنامج التشغيل.
خمن معايا : إلي تنطبق عليه الشروط ومن ثم لم يتم تعيينه علي حد فهمي المحدود :
1- من يعمل في الجهاز الإداري في الدولة .
2- المؤمن عليهم في القطاعين العام والخاص .
3- كل إلي حالته مستريحة ومش محتاج شغل .
ياريت يا دكتور عبد الرحمن تريحنا وتحللنا الفزوة دية لحسن الواحد دهه اتحرق من تصريحات النحاس الله يحرقه ....آمين
[/color][/color][/b]

كبر ومتركزش مع النحاس علشان ده بطاريته ضعفت و قرب يفصل شحن

[د.عبدالرحمن المنياوي]

المشاركة الأصلية كتبت بواسطة hoda4

ايه راى حضرتك فى الكلام اللى على الفيس وهو الاتى

خبر عاجل
السلام عليكم

موافقة مجلس الوزراء على تميز الخمسة الاوائل من كل دفعة بالتعين فى الجامعات و المراكز البحثية و توفير المنح الدراسية لهم والمجموعة دى هى اللى هيبدءوا بيها التعين 5 ثم 5 ثم 10 بدءا من السنة المالية القادمة

ولا كأني سمعت حاجة وانت ولا كأنك قريتي حاجة

[ramy gama]

السلام عليكم إخواني وأخواتي بالنسبه للأزهر ...صدر قرار من رئيس الجامعه بإستبعاد كل الحاصلين علي مقبول أو جيد من الحصر الذي يتم إعداده وهو دا اللي عمل علي تأخيره .. وكل عام وأنتم بخير

[خالد عقيبى]

المشاركة الأصلية كتبت بواسطة ramy gama

السلام عليكم إخواني وأخواتي بالنسبه للأزهر ...صدر قرار من رئيس الجامعه بإستبعاد كل الحاصلين علي مقبول أو جيد من الحصر الذي يتم إعداده وهو دا اللي عمل علي تأخيره .. وكل عام وأنتم بخير

وهل هناك أحد من الأوائل بتقدير مقبول أوجيد بيتهيقلى ان معظم الأوائل اللى أنا أعرفهم معاهم تقدير امتياز مع المرتبه كمان
وعلى كل الأحوال حتى لو هيستسنوا المقبول والجيد فأعدادهم هتكون بسيطه يعنى استبعادهم باسقاطهم من الكشوف لن يستغرق وقت فلماذا التأخير فى اعلان الأسماء
دا كان كلام الجامعه انهم هينتهوا من حصر الأسماء من حوالى 15 يوم والى الأن لم يظهر أى شئ
لابد أن يكون هناك نشاط بقى وحيويه ونسيبنا من المماطله والوعود اللى ما مبتتنفذى اللى بعد سنيين اذا أردنا أن تتقدم هذه البلد

[خالد عقيبى]

ويا ترى الأسماء وصلت التنظيم والاداره ولا لسه
ولما تروح التنظيم يعالم هتغيب هناك كمان ولا ايه
بتيهقلى موضوع اوائل الأزهر خلصان وكده كده هيتعين الأول والثانى معيدين وهما فى التنظيم والاداره وفى مجلس الوزراء صرحوا بذلك وخاطبوا الماليه لتوفير الدرجات من زمان فياريت يخلصوا وبلاش المماطله دى اللى بتزهق وبتتعب الأعصاب
يا ريت لو فيه أخبار جديده يا أخ خليل تعرفنا انت اللى بتجيب الأخبار الطازه

[فاطمة الزهراء 86]

اللهم إنك عفو كريم تحب العفو فأعف عنا

يا جماعة ممكن حد يقولي هما بيعملوا إيه بقا يعني إمتى هنروح نملئ الإستمارات قبل العيد ولا بعده .............. أرجو الرد

[خليل المسيرى]

اليوم بلغن احد الزملاء الوائل بالقاهرة ان الجامعه غدا سوف تكون انتهت بالفعل من استبعاد المعيدين الذين تم تعينهم بالجامعه فعلا من الكشوف بوضع ملاحظات أمامهم بانهم تم تعينهم أما بالنسبه للأوائل فقد تم الانتهاء منهم بالفعل بمعنى انهم الان فى حالة مراجعه للبيانات على الطبيعه والواقع وغدا على لسانه يوم الانتهاء الكلى .......................

أما من الظاهر الى نهايه الاسبوع وفيه كلام انه قبل العيد الكل سيكون سعيد بس ربنا يتسر عليك يامصر

[فاطمة الزهراء 86]

اللهم إنك عفو كريم تحب العفو فأعف عنا
لا اله إلا الله وحده لا شريك له العلى العظيم
لا اله إلا الله وحده لا شريك له العلى العظيم
لا اله إلا الله وحده لا شريك له الحليم الكريم
لا اله إلا الله وحده لا شريك له رب السماوات السبع والارض ورب العرش العظيم
اللهم انى اسالك موجبات رحمتك وعزائم مغفرتك والسلامة من كل اثم والغنيمة من كل بر والفوز بالجنة والنجاة من النار
اللهم لا تدع لنا ذنبا إلا غفرته ولا هما إلا فرجته ولا حاجة هى لك رضا الا قضيتها برحمتك يا ارحم الراحمين
اللهم أتمم علينا فرحتنا قبل العيد

قولوا معاي آميييييييييييييييييييييييييييييييييييييييييين

[El Ninio]

آميـــــــــــــــــــــــــــــــــــــــن يا رب العالميـــــــــــــــــــــــــــــــــــن

[s.shraky]

السلام عليكم ورحمة الله وبركاتة
لو سمحتوا حد يقولي امتي نقدر نعرف الأسماء علشان نطمئن ومتي سيتم استلام التعيين ان شاااااء الله
وجزاكم الله خيرا

[صبري علاء]

يا أوائل ألأزهر هل خبر إستبعاد ألطلاب أللي تقديرهم جيد من ألحصر ده صحيح ياريت حد يرد عليا بسرعه