ايه اخبار تعيين أوائل الكليات ياجماعة؟ - الصفحة 142

hoda4 · #**2116** 21-08-2011, 11:46 PM

ايه راى حضرتك فى الكلام اللى على الفيس وهو الاتى

خبر عاجل
السلام عليكم

موافقة مجلس الوزراء على تميز الخمسة الاوائل من كل دفعة بالتعين فى الجامعات و المراكز البحثية و توفير المنح الدراسية لهم والمجموعة دى هى اللى هيبدءوا بيها التعين 5 ثم 5 ثم 10 بدءا من السنة المالية القادمة

El Ninio · #**2117** 22-08-2011, 01:48 AM

اقتباس:

المشاركة الأصلية كتبت بواسطة بحراوية من دمنهور

ارجو الافادة :
بالنسبة لجامعة الازهر هل القرار ده خاصة بالتعيينات فيها ايضا ؟؟ يعنى العشرين الاوائل على جميع كليات جامعة الازهر من عام 2003 الى 2010 حيتم تعيينهم ضمن الاعداد دى ولا لا؟؟انا ليا قريب خريج جامعة الازهر كلية الشريعة والقانون لعام2006 وكان ترتيبه ال12 على دفعته ..... هل هو كدة ضمن الاسماء اللى هتتيعين ولا لا؟؟؟؟؟ معلش لانى مش متابعة الموضوع من فترة طويلة ........اللى عنده اجابة فيها معلومة يدلنى عليها ارجوكم

العشرين الأوائل دول للكليات العادية
أما أوائل الأزهر فبياخدوا منهم الأول والثاني من كل قسم في الكلية الواحدة
لو هو مترتب على القسم بتاعه اول او تاني يبقى ان شاء الله هيتعين
لو مش مترتب اول او تاني ؟؟ يبقى ملوش نصيب

wafa2 · #**2118** 22-08-2011, 02:24 AM

اقتباس:

المشاركة الأصلية كتبت بواسطة hoda4

ازيك يادكتور عبد الرحمن كان لية سؤال عند حضرتك
كنت عايزة اعرف ايه الاماكن اللى ممكن مهندس الحاسبات والنظم تقترح ف التعيين داخل المنصورة
وشكرا وارجو الرد

انا زيك مهندسه برمجيات ومن المنصوره واعتقد ان الشغل المتاح لينا داخل الجامعه زى مركز التقنيه او الحساب العلمى او اداره الجامعه او التعليم الالكترونى فى احدى الكليات والله اعلم

كل سنه وانتو طيبين · #**2119** 22-08-2011, 02:46 AM

صدقنى يادكتور عبد الرحمن ربنا هيجازيك خير الجزاء على اللى بتعملو معانا ده
انا مش عارف اقولك ايه
ياترى موضوع التوكيل اللى جضرتك قولت عليه ده اكيد هيقبلوه علشان اخويا ينوب عنى لانى مسافر والا ممكن يترفض؟

!!tota · #**2120** 22-08-2011, 03:18 AM

[quote=hoda4;3877722]ايه راى حضرتك فى الكلام اللى على الفيس وهو الاتى

خبر عاجل
السلام عليكم

موافقة مجلس الوزراء على تميز الخمسة الاوائل من كل دفعة بالتعين فى الجامعات و المراكز البحثية و توفير المنح الدراسية لهم والمجموعة دى هى اللى هيبدءوا بيها التعين 5 ثم 5 ثم 10 بدءا من السنة المالية القادمة[/

السلام عليكم شكرا للمعلومة
بس هل التميز للخمسة الاوائل بعد استبعاد المعيدين اللي تم تعينهم؟؟؟؟؟؟؟؟؟؟

sherif 20II · #**2121** 22-08-2011, 03:31 AM

1-هل سيتم الاتصال بنا للذهاب لاملاء استمارة الرغبات؟
2-اخد معايا حاجة وأنا رايح ؟...شهادة ميلاد أو صور أو حتى كيس برتقال ههههههههه
3-هنملى الاستمارات باى رغبة ولا حسب ما هما يجيبوا و اختار بينهم؟
4- هل أحد هذه التعينات فد بتصل بالجامعة مثل التعيين كادارى فى الجامعة أو فى أى هيئة تابعة للجامعة؟
5-تقديم الرغبات تم تحديد الميعاد ولا لسه؟
6-أنا مش فاه يعنى ايه تمسسز 5 الأوائل بس طب و باقى العشرين يلبسوهم وظائف أى كلام؟
7- ازى الأخبار ؟

فاطمة الزهراء 86 · #**2122** 22-08-2011, 09:57 AM

يا ريت يا جماعة محدش ينقل خبر هو مش متأكد منه وخصوصا لما يكون خبر يقلق الناس زي الخبر اللي اتنقل من على الفيس بوك بإن فيه تمييز للخمسة الأوائل , أنا بس عايزة أعرف مين اللي قال الكلام ده .

على فكرة في ناس بتنقل أحلامها وتفكيرها على إنه حقيقة والناس التانيه عليها تنقل الكلام وتقول شوفوا الخبر ده وطبعا ده بيوتر الناس اللي مش عارفه ومش متابعة حاجة والله إحنا ما صدقنا خلاص إن القرار نزل .

كفاية بقا إشاعات .

مارميتا · #**2123** 22-08-2011, 10:23 AM

السلام عليكم
أنا ترتيبى السادس على قسم التفسير فى كلية الدراسات الإسلاميه بجامعة الأزهر
ممكن يادكتر تقولى هل لى حق فى التعيين ولالا

محمد سعيد زعفان · #**2124** 22-08-2011, 01:14 PM

]لكل اصدقائى شباب وبنات فى الحقيقة اننا نعانى من قوانين أقل ما يقال عنها انها متخلفه فكيف يحتكم الجهاز الإدارى فى الدوله إلى قانون تعيين العشرة الاوائل على كل كلية فأين اوائل الاقسام وكيف يوحد الجهاز الادارى جميع اقسام الكلية فى الصعوبه . أنا كنت أول القسم فى كلية التربية لعام 2002 ولم اجد تعيين بالجامعة لوجود وفرة فى المعيديين لذلك تم تحويلى للجهاز الادارى للدولة وهناك قالوا لى اننى لست من العشر الاوائل على الكلية ولذا فليس لى تعيين ايضا فى الجهاز الادارى . بالله عليكم هذا عدل ان يؤخذ من قسم واحد 6 اشخاص ولا يؤخذ اوائل اقسام اخرى فكل قسم له مستوى خاص به من الصعوبه او السهولة. من عانى من نفس هذه المشكله يكتب تعليق هنا وسوف نشكل وفد لمقابلة سكرتير الوزير وبالمناسبه سأحضر لكم رقمه فى المرة القادمة

محمد سعيد زعفان · #**2125** 22-08-2011, 01:31 PM

القرار كالتالى تعيين الاوائل فى الجهاز الادارى للدوله بداية من عام 2003 حتى 2010 . على ان يكون التعيين بالقانون الغبى الذى يحتكم الى اوائل الكلية وليس اوائل الاقسام هذا الكلام من سكرتير الوزير شخصيا تليفونيا حيث كنت اشتكى له عدم تعيينى فى الكلية كمعيد او حتى بالجهاز الادارى للدوله مع اننى اول القسم فى كلية التربية لعام 2002

كيميائى اسلام الشاعر · #**2126** 22-08-2011, 01:43 PM

بسم الله الرحمن الرحيم

كيفك يا دكتور عبد الرحمن منور الدنيا

بما إنك صنفتنى معارضة و انت الحكومة يبقا إستحمل بقاااااا ههههه..

بعد كتابة الرغبات و الانتهاء من ملئها .كيف سيتم ترشيحنا فى الوظائف دى ؟؟ بمعنى ان اكيد كلنا هنكتب فى أولوية رغباتنا قطاعات متميزة فى الجهاز الادارى طب ايه المعيار اللى التنظيم والادارة هتفاضل بيه بنا عشان توزعنا ؟ معيار تقدير مثلا و لا سن و لا إقليمية ولا............................................... ...............استنى ..ولا...............ههه

انا مثلا خريج علوم المنصورة اكيد كل خريجين المنصورة هيختاروا رغباتهم مثلا قطاعات بترول وأهو نفس الإقليم طب ايه بقا اللى هيفرق بنا فى التوزيع ؟؟

و شكراااا...