ايه اخبار تعيين أوائل الكليات ياجماعة؟

[خالد عقيبى]

ان شاء الله تكون أخبار حلو ه على نهاية هذا الأسبوع بالنسبه لأوائل الأزهر

[sherif 20II]

1-هل سيتم الاتصال بنا للذهاب لاملاء استمارة الرغبات؟
2-اخد معايا حاجة وأنا رايح ؟...شهادة ميلاد أو صور أو حتى كيس برتقال ههههههههه
3-هنملى الاستمارات باى رغبة ولا حسب ما هما يجيبوا و اختار بينهم؟
4- هل أحد هذه التعينات فد بتصل بالجامعة مثل التعيين كادارى فى الجامعة أو فى أى هيئة تابعة للجامعة

[abo_sama2013]

السلام عليكم ورحمة الله وبركاته
بالنسبة لاوائل الازهر
ما زالت الجامعة تعمل على حصر الاسماء باذن الله سينتهى الحصر تقريبا يوم الاربعاء

[sherif 20II]

1-هل سيتم الاتصال بنا للذهاب لاملاء استمارة الرغبات؟
2-اخد معايا حاجة وأنا رايح ؟...شهادة ميلاد أو صور أو حتى كيس برتقال ههههههههه
3-هنملى الاستمارات باى رغبة ولا حسب ما هما يجيبوا و اختار بينهم؟
4- هل أحد هذه التعينات فد بتصل بالجامعة مثل التعيين كادارى فى الجامعة أو فى أى هيئة تابعة للجامعة؟
5- ازى الأخبار ؟

[د.بتول]

بعد إذنك يا دكتور ياريت تجاوبني

[د.عبدالرحمن المنياوي]

المشاركة الأصلية كتبت بواسطة sherif 20ii

1-هل سيتم الاتصال بنا للذهاب لاملاء استمارة الرغبات؟
2-اخد معايا حاجة وأنا رايح ؟...شهادة ميلاد أو صور أو حتى كيس برتقال ههههههههه
3-هنملى الاستمارات باى رغبة ولا حسب ما هما يجيبوا و اختار بينهم؟
4- هل أحد هذه التعينات فد بتصل بالجامعة مثل التعيين كادارى فى الجامعة أو فى أى هيئة تابعة للجامعة

خد معاك بطاقتك و.................. وطبعا كيس البرتقال

[د.عبدالرحمن المنياوي]

المشاركة الأصلية كتبت بواسطة محمود المصري 2010

السلام عليكم ورحمة الله وبركاته أعضاء المنتدى الكرام
لو تفضلت يا كتور عبد الرحمن أرجو منك الإجابة علي الأسئلة الأتية
1- دلوقتي الميعاد المحدد لتعيين أوائل الخريجين شهرين زي ما قالوا ولا ثلاث سنوات .
2- دلوقتي أنا قرأت علي النت إنهما لغوا أو وقفوا حافز الأداء بسبب إعتراض المعلمين عليه وصرفه فقط للمعلم المساعد بقيمة 82 جنيه بعد خصم 9 جنيهات لأنه كان 91 جنيهاً .
طيب دلوقتي فين الحد الأدني للأجور لان المرتب دلوقتي 364 + 82 + 130 مكافأة موصلشي ل700 جنيه فهل فيه زيادة قريبة ولا إيه .
ولك جزيل الشكر

حافز الأداء لم يتوقف هو كده كده كان هيتعمل مع مرتب 9 وبأثر رجعي 7 و 8 .. هم فقط الآن بيدرسوا مطالب المعلمين الثوار وليس معنى ذلك وقف الحافز .. لسه مفيش قرار صدر بتعديل قرار الحافز

وبعدين الد الأدنى معناه زياده إجمالي المرتب لـ 700 جنيه مش صافي المرتب

[د.عبدالرحمن المنياوي]

المشاركة الأصلية كتبت بواسطة alaarabie

صديقي العزيز دكتور عبد الرحمن المنياوي أشكرك علي مجهوداتك الرائعة وأود أن أذكر أني فخور بمعرفتك شخصيا،لأنك بأسلوبك وأخلاقك وأفكارك تجبر الجميع علي إحترامهم لك،فأنا شخصيا -وقبل أن أعلم أنك د/عبد الرحمن الذي أعرفه جيدا-كنت معجبا جدا بكل ما تكتبه عن موضوع تعيين الأوائل..عفوا صديقي هذا ليس شعرا فيك بقدر ما هو شكر واجب التقديم..فشكرا لك

الفخر لي يا سيد علاء فأنت صديق رائع وأخ أروع ومجتهد فريد من نوعه ولكل مجتهد نصيب

[د.عبدالرحمن المنياوي]

المشاركة الأصلية كتبت بواسطة د.بتول

السلام عليكم ورحمة الله وبركاته
أنا كمان مش موجودة في مصر وليا سؤال يا دكتور هو فعلا هيكون فيه وقت لما ينزل الاعلان علشان نروح التنظيم والادارة علشان نملى الاستمارة
ولا بينزل الاعلان قبلها بيوم على طول؟
وهل ممكن أختار شغلي في مدينتي نفسها مش في بلد تانية في المحافظة؟
وهل هيخيارونا بين وظائف محددة ولا كل واحد بيكتب الرغبات بتاعته ما هي ممكن تكون مش متوفرة؟
انا كمان خريجة حاسبات ومعلومات قسم نظم معلومات هيكون شغلي فين في الجهاز الاداري؟
معلشي طولت عليكم بس اتمنى الرد ولكم جزيل الشكر

ممكن تنوبي عنك حد بتوكيل رسمي يروح مكانك أو تنزلي مصر تكتبي رغباتك وتستلمي عملك

الإعلان بيطلب من الأوائل ملأ رغباتهم خلال أسبوعين أو ثلاثة بالكتير

ممكن طبعا تختاري شغلك في مدينتك ..

آه هيخيروكي حسب تخصصك بين وظائف كتيرة حوالي مثلا من 5 إلى 12 مكان وانت لكي الحق في الاختيار

تحت أمرك في أي شئ

[خالد عقيبى]

المشاركة الأصلية كتبت بواسطة abo_sama2013

السلام عليكم ورحمة الله وبركاته
بالنسبة لاوائل الازهر
ما زالت الجامعة تعمل على حصر الاسماء باذن الله سينتهى الحصر تقريبا يوم الاربعاء

ازاى يوم الأربعاء أمال كانوابيقولوا ان يوم الاثنين هترسل البيانات الى التنظيم والاداره وتعلن الاسماء مباشرة على النت
دا أنا من خلال متابعة هذاالمنتدى قرأت فيه ان الجامعه انتهت من حصر الأوائل والخبر ده فى صوت الأزهر اخر عدد
فلماذا التأجيل

[خالد عقيبى]

منور المنتدى يا دكتور عبد الرحمن ربنا يكثر من أمثالك
ولو ان الناس المحترمه اللى مثلك عمله نادره فى هذا الزمن

[قطرالندى25]

منور المنتدى يا دكتور عبد الرحمن والاخوة جميع الاعضاء انا والله فرحانة خااااااااااااااااااااااااااااالص علشان ربنا استجاب لينا وووفقنا بس انا ليا استفسار لو واحد خريج كلية تربية قسم حاسب آلى تفتكر حضرتك هيتعين ايه او ايه هيا الرغبات اللى ممكن نكتبها؟
انا عارفة انه سؤال ممكن يكون غبى ههههههههههه بس معلش يا دكتور ممكن حضرتك ترد عليا

[ياسمين يونس]

السلام عليكم انا بس كنت عاوزة اسال سوال
انا مش من اوائل الخريجين بس انا اخدت الماجيستير ولما شفت موقع اكاديمية البحث العلمى لم اجد اسمى المفروض انى اسجله فين ؟واروح فين ؟ يعنى وزارة التعليم العالى والبحث العلمى ؟

ارجو الرد ضرورى ورمضان كريم شكرا

[abo_sama2013]

المشاركة الأصلية كتبت بواسطة خالد عقيبى

ازاى يوم الأربعاء أمال كانوابيقولوا ان يوم الاثنين هترسل البيانات الى التنظيم والاداره وتعلن الاسماء مباشرة على النت
دا أنا من خلال متابعة هذاالمنتدى قرأت فيه ان الجامعه انتهت من حصر الأوائل والخبر ده فى صوت الأزهر اخر عدد
فلماذا التأجيل

نحن على اتصال دائم باخواننا فى الجامعه( اللى بيساعدوا الموظفين) والناس والله ربنا يكون فى عونهم بيشتغلوا ليل نهار ربنا معاهم ويخلصوا الحصر فى اقرب وقت
دعواااتكم

[hoda4]

ازيك يادكتور عبد الرحمن كان لية سؤال عند حضرتك
كنت عايزة اعرف ايه الاماكن اللى ممكن مهندس الحاسبات والنظم تقترح ف التعيين داخل المنصورة
وشكرا وارجو الرد