الحملة الكبرى لإسترداد حقوق المدرسين المتعاقدين ( للإيجابيين فقط )

[العروبة2]

جــدا للمعــلمين المســـاعديـن ....
قرر معالي الأستاذ الدكتور / يسري صابر الجمل وزير التربية والتعليم رئيس مجلس إدارة الأكاديمية المهنية للمعلمين السماح للمعلمين المساعدين المتعاقدين حتى 31 أكتوبر 2008م، والمستوفين للشروط؛ دخول اختبارات الترخيص للمعلم المساعد، أما المعلمون المساعدون المتعاقدون اعتباراً من الأول من نوفمبر 2008م يُؤجل دخولهم للاختبار القادم . عاجل جــداوهام .... للتقدم لاختبار المعــلمين المســـاعديـن ....
تهيب الأكاديمية المهنية للمعلمين بالســـادة المعلميـــن المساعدين الذين تم قبـول أوراقهــم بأفرع الأكاديميـــة بالمحافظات المختلفة، سرعة الدخول على الموقع وطباعة استمارة التقدم للاختبار ومراجعة البيانات بها، واعتمادها من المدرسة والإدارة التعليمية، وتقديمها إلي قسم الإحصاء بالإدارة التعليمية التابع لها تمهيداً؛ لتسليمها إلي فرع الأكاديمية، حتى يتسنى للأكاديمية إصدار أرقام الجلوس وتحديد مقار لجان الاختبار .اعلان هـام للمعلم المساعد...
تهيب الأكاديمية المهنية للمعلمين بالســـادة المعلميـــن المساعدين الذين تم قبـول أوراقهــم بأفرع الأكاديميـــة بالمحافظات المختلفة، سرعة التوجه إلي قسم الإحصاء بالإدارات التعليمية التابع لها لتسجيل وتحديث بياناتهـم واستلام كود المعلم المساعد وكلمة السر الخاصة بكل منهم فوراً، وذلك تمهيداً لإعلان أرقام الجلوس ومقار اللجان .
تحميل عناوين افرع الاكاديمية بالمحافظاتبشــــرى للمعلم المساعد...
وافق معالي الأستاذ الدكتور يسرى الجمل وزير التربية والتعليم، رئيس مجلس إدارة الأكاديمية المهنية للمعلمين، على قبول ملفات المعلمين المساعدين الراغبين فى دخول امتحان الترخيص ، حتى فى حالة عدم حصولهم على الموديولات الأربعة المطلوبة من الرخصة الدولية لقيادة الكمبيوتر ICDL، على ألا يصدر قرار الترخيص للمعلم المساعد بعد اجتياز الاختبار إلا بعد إحضار ما يفيد اجتياز هذه الموديولات الأربعة. وقد تم التنبيه على فروع الأكاديمية بالمحافظات الالتزام بهذا التيسير ، مع تمنيات الأكاديمية المهنية للمعلمين بالتوفيق للجميع .

[المؤمنه بالله]

ميعاد امتحان الترخيص للمعلم المساعد وافق معالي الأستاذ الدكتور / يسري الجمل وزير التربية والتعليم ورئيس مجلس إدارة الأكاديمية المهنية للمعلمين على أن يكون امتحان الترخيص للمعلم المساعد يوم الجمعة الموافق 20/11/2009 .
وسيكون امتحانهم في رحاب الجامعات المصرية.

المزيد

[المؤمنه بالله]

أخـــبــار معلمى الأزهــر الشريــف ميعاد امتحان الترخيص للمعلم المساعد وافق معالي الأستاذ الدكتور / يسري الجمل وزير التربية والتعليم ورئيس مجلس إدارة الأكاديمية المهنية للمعلمين على أن يكون امتحان الترخيص للمعلم المساعد يوم الجمعة الموافق 20/11/2009 ، وسيكون امتحانهم فى المناطق الأزهرية بإشراف جامعة الأزهر.

[المؤمنه بالله]

http://academy.moe.gov.eg/

ده موقع الاكاديميه علشان تعرفوا انه راجل اهبل كل يوم بكلام ومواعيد

[مسيو عاطف]

امتحان الاكاديمية للمعلمين المتعاقدين يوم الجمعة 20/ 11 وهيكون بالشكل ده
من 9 ونصف الى 11 صباحا امتحان الانجليزى
ومن 2 الى 5 بعد الظهر امتحان التربوى والعربى والتخصص وده كلام فى نشرة عليها امضاء الوزير و لسه شايفها حالا مع واحد زميلى

[misterzook]

بسم الله

كلامى موجه للمعلمين المساعدين من 2008 وغير تربويين


انا وزملاء كثيرين من دفعة ال80 الف معلم مساعد من المتعاقدين من يناير وفبراير و مارس 2008 وكنا نعمل بعقود مميزة او بالاجر او بالحصة من قبل صدور قانون الكادر لم يتم استثناءنا من المؤهل التربوى ولم يقبل اوراق ترشيحنا فى الاكاديمية ولم نعلم حتى بشأن الدبلومة الا فى شهر اغسطس 2009 اى بعد مرور عام و7 شهور مما اضاع فرصة الحصول عليها من بداية التعاقد وقبول المتعاقدين الجدد بدلا منا ولا يتبقى فى مدة العقد مايتيح لنا الحصول على الدبلومة التى تستمر عامين و لم توفر الوزارة اى دبلومة عن بعد كما يقول الخبر
ارجو من ادارة الموقع التحقق من كلامى و استظهار الحقيقة من مصدر هذا التصريح
وارجو من جريدتكم الموقرة متابعة موقفنا مع الوزارة التى تقوم بعمل show اعلامى لكن الحقيقة هى ان الوزارة الموقرة ظلمت الوف من المتعاقدين القدامى بسبب التأهيل التربوى و لم يخبرونا بماهيته و فاجئونا بكونه دبلومة عامة فى التربية تستمر لمدة عامين ولم يراعوا او يدركوا اننا بشر لا نملك ان نقوم باعمال خارقة كى نأتى لهم بتلك الدبلومة عندما يخبرونا بأنها مطلوبة ولم يعطونا الوقت كى نحصل عليها منذ صدور القانون فى يوليو 2007 و لو كنا نعلم هذا الشرط لكنا الان مستوفين لشروط الاكاديمية لكن ما حدث هو مبدأ عدم تكافؤ الفرص حيث سيتم تعيين دفعات احدث منا وسيتم طردنا بعد انتهاء العقد كما ذكر القانون لنكون احد ضحايا يسرى الجمل وتصريحاته وبداعاته


ارجو ارسال تلك الرسالة الى موقع اليوم السابع لعل وعسى حد يتحرك وينصفنا ولازم نتواصل مع بعض يمكن نعرف نعمل حاجة

[مصطفى1981]

يا جماعة الى كل المعلمين غير التربوين لازم نشتكى و نحتج على القرارات دى لازم نرسل شكاوى كثيرة لكل الجهات حراااااااااااااااااااااااااااااااااااااااااااااااا ااااااااااااااااااااااااااااااااااام عليهم كدة يثتسنوا شرط التربوى بعد ما تقفل الاكاديمية

[أ/ هشام العيسوى]

اليوم وصلنى الرد من الازهر على الفاكسات الاخيرة اللى بعتناها
ودا كان نص الجواب

الازهر
الادارة العامة لشئون العاملين

السيد/......
العنوان/معهد....
السلام عليكم ورحمة الله وبركاته
بالاشارة الى الشكوى المقدمة من سيادتكم بشأن التثبيت والمساواة بزملائك المعينين
نحيط علم سيادتكم بأنه ومنذ الاعلان عن وظائف شاغرة بنظام التعاقد مكافأة شاملة عام2005 وحتى تاريخه لم ترد تعليمات من وزارة الدولة للتنمية الادارية أو الجهاز المركزى للتنظيم والادارة بشأن وضع المعينين بنظام الكافأة الشاملة على وظائف دائمة
والسلام عليكم ورحمة الله وبركاته

وكام امضاء تحت
بس الغريب ان الخطاب مافيهوش اى ختم واحد!!!

[أ/ هشام العيسوى]

عاوز تعليقكم على الخطاب دا
وايه معناه بالظبط!!
هل دا قبل ما يعرفوا موضوع الكادر
ولا هم ما وصلهمش شئ رسمى!!

[المؤمنه بالله]

معلش يا استاذ عيسوى على اد فهمى يعنى هما لحد الان مافيش درجات اتوفرت لهم لسه من وزاره التنميه يعنى هو طلب بس لسه ماجاش له وانا مره كنت فى الازهر اللى عرفته ان الازهر عاوز يثبت من سنتين وباعت لوزاره التنميه ومافيش رد بس لو التربيه والتعليم ثبتت حد الازهر غمره مايقدر يقف من غير مايثبت لان العجز عندنا فى الازهر اكتر من التربيه والتعليم وماتقلقش باذن الله هتتثبت

[(هند)]

السلام عليكم
زى ما قلت لدينا قبل كده ده مكتب شكاوى مواطنين لما بتبعت شكوى لوزير فيه مكتب مخصوص بيرد على الشكوى دى وبيكون رد سياسى المهم يردوا ودى شغلهم يعنى من الاخر متسالش عن حاجة ولا ليه اى لازمة الرد هما بينقلوا من ورق كلام عشان كدة تلاقى الكلام مش مفهوم
قولى الفاكس الى ردوا عليك ولا الجواب مكتوب خلفها حاجة ولا بيضاء؟؟ظ

[(هند)]

وأضاف البيان أن اختبار التعيين الذى يعد الأول من نوعه منذ سنوات سيبدأ فى تمام التاسعة والنصف من صباح الجمعة 20 نوفمبر حتى الحادية عشرة فى مادة "المهارات الأساسية فى اللغة الإنجليزية"، ومن الثانية ظهرا حتى الخامسة مساء فى 3 مواد، هى مهارات الاتصال باللغة العربية، والكفاءة التربوية، ومادة التخصص.

وطالب بيان "التعليم" المتقدمين للاختبار وعددهم إلى الآن 65 ألف معلم التوجه إلى مقار الأكاديمية المهنية للمعلمين ليتسلموا أرقام جلوسهم، بشرط استيفائهم شروط التقدم للاختبار، ومنها قضاء عام فى وظيفة "معلم مساعد"، والحصول على الرخصة الدولية لقيادة الحاسب الآلى ومؤهل تربوى "يمكن الحصول عليه بعد التعيين".

من جهته أكد الدكتور محمود عابدين، رئيس الأكاديمية المهنية للمعلمين، أن موقع الأكاديمية الإلكترونى سيبث نماذج للامتحانات وبرامج تربوية لتدريب المعلمين على القنوات التعليمية على أسئلة اختبار التعيين خلال الشهر المقبل.

[مسيو عاطف]

الى زملائى الاعزاء
انا معلم فصل وده تخصصى فى تعاقد الابتدائى وفى المؤهل انا تربية فرنسى (ودلوقتى انا منتدب لمدرسة التجارة الثانوية خلى بالكم ده انتداب مش نقل كامل) و يعنى همتحن ايه بالظبط وبعدين انا حاولت اغير تخصصى اللى فى النت من مدرس فصل لمدرس لغة فرنسية مفيش واحد فى الادارة التعليمية راضى يوافق لى على كده ولا حد راضى يمضى على الطلب بتاعى و سمعت ان اللى همتحن فيه هتثبت عليه مش عارف اعمل ايه وهمتحن ايه بالظبط ياريت لو فيه حدعنده حل لتغيير تخصصى او يكون مر بالظروف دى يقولى عمل ايه ولكم الف شكر

[(هند)]

المشاركة الأصلية كتبت بواسطة مسيو عاطف

الى زملائى الاعزاء
انا معلم فصل وده تخصصى فى تعاقد الابتدائى وفى المؤهل انا تربية فرنسى (ودلوقتى انا منتدب لمدرسة التجارة الثانوية خلى بالكم ده انتداب مش نقل كامل) و يعنى همتحن ايه بالظبط وبعدين انا حاولت اغير تخصصى اللى فى النت من مدرس فصل لمدرس لغة فرنسية مفيش واحد فى الادارة التعليمية راضى يوافق لى على كده ولا حد راضى يمضى على الطلب بتاعى و سمعت ان اللى همتحن فيه هتثبت عليه مش عارف اعمل ايه وهمتحن ايه بالظبط ياريت لو فيه حدعنده حل لتغيير تخصصى او يكون مر بالظروف دى يقولى عمل ايه ولكم الف شكر

السلام عليكم
حضرتك مضى على افادة مدير المدرسة المنتدب فيها وبعدين روح للادارة ومضى شئون عاملين على ورقة البيانات بالتصحيح الجديد يعنى يكتبلك بالقلم انك فعلا بتشغل فى المرحلةا لثانوية وبعدين اذهب لمديرية
للاحصاء وحاول وان شاء الله ممكن كل ما على الادارة انهم هيمضوا علو ورق انت عندك اثباتاته وقلهم كده لو مردوش يمضوا على ورق استمارة بياناتك مضيهم على افادة بردة وحاول ممكن ربنا يوفقك

[مسيو عاطف]

الف شكر اختى العزيزة وزميلتى الفاضلة