ايه اخبار تعيين أوائل الكليات ياجماعة؟

[كل سنه وانتو طيبين]

انا متشكر لحضرتك جدا يادكتور على اهتمامك
بس اسف انا بقول لحضرتك انى فى الكويت هل ينفع ابعت التوكيل ده من هنا ولو ينفع اكتب فيه ايه بالظبط ؟
وازاى اوثقو من الشهر العقارى وانا اصلا مش فى مصر؟
والا ده بيتوثق من اسفاره؟

[كل سنه وانتو طيبين]

انا ليا اصحاب كتير من اوائل الخريجين مسافرين بعد ماملو من الوضع
ايه الحل ليهم دلوقتى لو عايزين يتعينز ؟

[El Ninio]

المشاركة الأصلية كتبت بواسطة د.عبدالرحمن المنياوي

ماتروحش وتيجي مع التصريحات .. انت أخدت اللي انت عاوزه منهم سيبهم بقى يعملوها جميلة .. جدعنة .. غصب .. كرم أخلاق .. أترك لهم المسمى اللي يريحهم وخد حقك من الحكومة وامشي ..

أصل الحكاية أكبر من سنك يا منيسي واحنا أصلنا على نياتنا لكن اللعب وقلة الأدب كتير وأكبر دليل على ذلك العطلة والتأخير الكام شهر اللي فاتوا دول .. ولو فتحت معاكم في الكلام الناس هتتعقد من اللي كان بيحصل بس أنا مش عاوز الناس تشغل بالها ..

المهم النتيجة واحنا حصلنا رسميا على اللي عاوزينه .. يبقى متابعة التنفيذ ..

على رأيك والله يا دكتور
اللي قاسمه لنا ربنا هنشوفه

[د.بتول]

السلام عليكم ورحمة الله وبركاته
أنا كمان مش موجودة في مصر وليا سؤال يا دكتور هو فعلا هيكون فيه وقت لما ينزل الاعلان علشان نروح التنظيم والادارة علشان نملى الاستمارة
ولا بينزل الاعلان قبلها بيوم على طول؟
وهل ممكن أختار شغلي في مدينتي نفسها مش في بلد تانية في المحافظة؟
وهل هيخيارونا بين وظائف محددة ولا كل واحد بيكتب الرغبات بتاعته ما هي ممكن تكون مش متوفرة؟
انا كمان خريجة حاسبات ومعلومات قسم نظم معلومات هيكون شغلي فين في الجهاز الاداري؟
معلشي طولت عليكم بس اتمنى الرد ولكم جزيل الشكر

[أستاذة سارة]

السلام عليكم ورحمة الله وبركاته اخواتى واخوانى الكرام..... انا للأسف كنت زهقت من الموضوع ده وعلشان كدة مكنتش بأتابعه وكنتش بأشارك من مدة قلت خلاص ولكن زميلة ليا قالتلى على القرار بتاع مجلس الوزراء يارب يكون فيه الخير لينا كلنا يارب بس انا مش عارفة امتى التنفيذ ودلوقتى انا عندنا بيقولوا حيعملوا لنا عقد فى الادارة يادكتور عبد الرحمن حضرتك تنصحنى بايه استلم العقد ولا استنى انا خايفة من موضوع التأمينات ده ياريت تفيدنى يادكتور... ادعوا ياجماعة بس ان ربنا يكملها علينا بالخير يارب وكل سنة وحضراتكم طيبين.

[أبو عمر وإلياس]

الليلة ليلة وترية أسأل الله عزوجل أن يبلغنا جميعا ليلة القدر...

اللهم إنك عفو تحب العفو فاعف عنا
اللهم إنك عفو تحب العفو فاعف عنا
اللهم إنك عفو تحب العفو فاعف عنا

[د.عبدالرحمن المنياوي]

الحمد لله على كل شئ

[د.عبدالرحمن المنياوي]

إن شاء الله أخبار جميلة لطلاب المنح

[alaarabie]

صديقي العزيز دكتور عبد الرحمن المنياوي أشكرك علي مجهوداتك الرائعة وأود أن أذكر أني فخور بمعرفتك شخصيا،لأنك بأسلوبك وأخلاقك وأفكارك تجبر الجميع علي إحترامهم لك،فأنا شخصيا -وقبل أن أعلم أنك د/عبد الرحمن الذي أعرفه جيدا-كنت معجبا جدا بكل ما تكتبه عن موضوع تعيين الأوائل..عفوا صديقي هذا ليس شعرا فيك بقدر ما هو شكر واجب التقديم..فشكرا لك

[محمود المصري 2010]

السلام عليكم ورحمة الله وبركاته أعضاء المنتدى الكرام
لو تفضلت يا كتور عبد الرحمن أرجو منك الإجابة علي الأسئلة الأتية
1- دلوقتي الميعاد المحدد لتعيين أوائل الخريجين شهرين زي ما قالوا ولا ثلاث سنوات .
2- دلوقتي أنا قرأت علي النت إنهما لغوا أو وقفوا حافز الأداء بسبب إعتراض المعلمين عليه وصرفه فقط للمعلم المساعد بقيمة 82 جنيه بعد خصم 9 جنيهات لأنه كان 91 جنيهاً .
طيب دلوقتي فين الحد الأدني للأجور لان المرتب دلوقتي 364 + 82 + 130 مكافأة موصلشي ل700 جنيه فهل فيه زيادة قريبة ولا إيه .
ولك جزيل الشكر

[خليل المسيرى]

يوم امس كنت فى الجامعه يا اخ رامى بصراحه الموضوع قد انتهى بالفعل من ادارة الجامعه ولكن الجامعه بتقول على آخر الاسبوع سوف يأتينا رد التنيظم والماليه وده بصراحه الاانا عرفت ومقدرتش عرف حاجه تانيه وكان معاياه 2 من الوائل وقالوا للاداريين هومش التنظيم هو الذى ارسل قرار مبدئ بتعيين الوائل معيدين طب ليه بتقولوا مستنين قرار التنظيم وكان ناتج الحوار ان التنظيم عند ارسال الاسماء عليه سيقوم بالمراجعه على الاسم والمؤهل وسنة التخرج والنسبة المئويه وترتيبها وتسجيلها طرفهم ثم اعتمادها منالتنظيم ومخاطبة الماليه لتوفير الماليات لها ثم ارسال الكشوف النهائية من التنظيم ومعتمد من الماليه الى ادارة الجامعه كل موزع فى كليه اما من ناحية الماليات قد تستغرق بعض الوقت لتجهيزها ولكنها لا ثؤثر على سير عمليه التعيين بمعنى انه يتم الاعتماد ويتم التعيين ثم يليه فتره لحين صرف الماليات وهذا بصراحه ما سيحدث ولكن بصراحه يارجاله لولا مساعدة الشبابا معانا فى الكتابه ولا كمان شهرين على ما كنا خلصنا وبعدين فيه ناس منكم مستنيه تأخذ الكشوف وترحوا بها بنفسها لاعتمادها من التنظيم وده هيكون اسرع من البوسته وبرده ده غير برده ان الجامعه لازم تبعت بالطريقه القانونه وبصراحه بعد طول كللام قولنا يعنى امته التعيين اصل احنا خلاص وفينا ناس تعبت بجد قال ان شاء الله هيكون تعينكم قبل بداية العام الدراسى والموضوع مبقاش هزار بس ربنا يستر على البلد وها نحن على أمل الجديد

[El Ninio]

دعا ائتلاف أوائل الخريجين بأسيوط إلى تعليق اعتصامهم، بعد استجابة مجلس الوزراء لمطلبهم الخاص بتعيين العشرين الأوائل، من كل كلية بالجهاز الإدارى للدولة.

قال أيمن سعد، ممثل ائتلاف شباب الثورة، إن مجلس الوزراء قد أقر أمس الأول بتعيين نحو 43800 من أوائل الخريجين، حيث التقي الدكتور على السلمى نائب رئيس الوزراء الخريجين، وأخبرنا بصدور قرار البدء الفورى فى إجراءات تعيين العشرين الأوائل خلال شهرين بالجهاز الإدارى للدولة، وهو ما أدي إلي ارتياح كبير فى نفوس الآلاف من أوائل الخريجين، ودعانا إلي تعليق اعتصامنا لإعطاء الحكومة مهلة للتنفيذ.

المصـــــــــــــــدر
http://gate.ahram.org.eg/News/107014.aspx

[ramy gama]

طبعا انا أسف إني بقول الكلام دا بس للأسف إخوانا في الجامعه النهارده ....كل شوية يطلع ف نقص ف الاوراق
ودفاتر كتيره

ومش عارفين يخلصوا حاجة
دى اخبار الجامعه انهاردة
والحصر بطريقة الجامعه كدة عمرة ما هيخلص ابدااااااااااااااااااااااااااااااااااااااااااا

[بحراوية من دمنهور]

المشاركة الأصلية كتبت بواسطة imenesi

دعا ائتلاف أوائل الخريجين بأسيوط إلى تعليق اعتصامهم، بعد استجابة مجلس الوزراء لمطلبهم الخاص بتعيين العشرين الأوائل، من كل كلية بالجهاز الإدارى للدولة.

قال أيمن سعد، ممثل ائتلاف شباب الثورة، إن مجلس الوزراء قد أقر أمس الأول بتعيين نحو 43800 من أوائل الخريجين، حيث التقي الدكتور على السلمى نائب رئيس الوزراء الخريجين، وأخبرنا بصدور قرار البدء الفورى فى إجراءات تعيين العشرين الأوائل خلال شهرين بالجهاز الإدارى للدولة، وهو ما أدي إلي ارتياح كبير فى نفوس الآلاف من أوائل الخريجين، ودعانا إلي تعليق اعتصامنا لإعطاء الحكومة مهلة للتنفيذ.

المصـــــــــــــــدر
http://gate.ahram.org.eg/news/107014.aspx

ارجو الافادة :
بالنسبة لجامعة الازهر هل القرار ده خاصة بالتعيينات فيها ايضا ؟؟ يعنى العشرين الاوائل على جميع كليات جامعة الازهر من عام 2003 الى 2010 حيتم تعيينهم ضمن الاعداد دى ولا لا؟؟انا ليا قريب خريج جامعة الازهر كلية الشريعة والقانون لعام2006 وكان ترتيبه ال12 على دفعته ..... هل هو كدة ضمن الاسماء اللى هتتيعين ولا لا؟؟؟؟؟ معلش لانى مش متابعة الموضوع من فترة طويلة ........اللى عنده اجابة فيها معلومة يدلنى عليها ارجوكم

[خالد عقيبى]

يا ترى يا أخ خليل الأسماء هيتم اعلانها امته لو فيه اخبار جديده بكره الأثنين يا ريت تعرفنا بيها ولحضرتك جزيل الشكر