يلا إحصاء ( ولو عندك سؤال أكتبه هنا )

[maistro]

انا بعت الاجابات يا مستر محمد على الخاص

يا ريت يطلعوا صح

[kalefam]

المشاركة الأصلية كتبت بواسطة tetoteto

انا بعت الاجابات يا مستر محمد على الخاص

يا ريت يطلعوا صح

شكرا يا صبحى على اهتمامك و صلت يا عم الاجابة و صح يا باشا و عندك ملحوظة بسيط يمكن تداركها فى المرات القادمة بلإذن الله

باقى معانا عبد الرحمن و ايه فين الاجابات ؟
يلا عاوزين نخش على المتغير العشوائى المتقطع

[♥έĻ-мΰšŧâρèdâ♥]

إيه ده بس حظى نحس
كل ما ادخل الاقيكم خلصتوا
خــلآص المرة الجايه احاول اكون فى اسرع

[♥έĻ-мΰšŧâρèdâ♥]

معلش انا كان عندى طلب
مسائل الباب الاول الاحتمال كنت عاوزه اسئله اللى بتكون مكتوبة بالالفاظ وانا احولها الى رموز
يعنى مثلا يجيب لى فى المسئله احتمال وقوع ا وعدم وقوع ب = 25.
ويجيب المطلوب على نفس النظام وانا بتلخبط جامد فيهم
وبعديها ندخل على المتغير العشوائى

[kalefam]

المشاركة الأصلية كتبت بواسطة ♥έĻ-мΰšŧâρèdâ♥

إيه ده بس حظى نحس
كل ما ادخل الاقيكم خلصتوا
خــلآص المرة الجايه احاول اكون فى اسرع

دى مسابقة يا أية حلى المسئلتين و ابعتيهم على الخاص
ح نصحح الاجابات و نرتب المتسابقين بالاعلى درجة
و بالنسبة للمسائل انا ح اجمعلكى كمية حلوة و ح احطها فى ملف وورد
خشى المسابقة وبلاش كسل دا الكسل .........

[♥έĻ-мΰšŧâρèdâ♥]

بعت الاجابات ويارب يطلعوا صح

[kalefam]

المشاركة الأصلية كتبت بواسطة ♥έĻ-мΰšŧâρèdâ♥

بعت الاجابات ويارب يطلعوا صح

وصلت الاجابات و عندك بعض الملاحظات

[phonix]

شكرا ياجماعة على الحجات الحلةه دى

[maistro]

اهلا بيك بينا يا اخ phonix
يا ريت تكون استفدت وتستفاد معانا باستمرارك ان شاء الله

[kalefam]

phonix

[منولى]

اولا اقول شكرا وهومجهود رائع

[kalefam]

[quote=kalefam;866567]درسنا انهاردة عن المتغير العشوائى المتقطع
و هو يعتبر من أسهل دروسنا و ده بيجى جزء من سؤال عليه فى الامتحان 4 درجات
يعنى ايه متغير عشوائى متقطع :
لو احنا بنرصد عدد النقاط اللى بيحصل عليها نادى (( و ليكن النادى الأهلى مثلا )) فى بطولة الدورى العام
و علشان نبسط أكتر حناخد المبارتين اللى بيلعبهم مغ نادى الزمالك احنا عارفين الفوز بيكسب 3 نقاط و النعادل نقطة واحدة و الهزيمة و لا نقطة
فضاء التجربة العشوائية ف = {
( ف ، ف ) دول ح يحصل منهم الاهلى عل 3 + 3 = 6 نقاط
( ف ، ت )دول ح يحصل منهم الاهلى عل 3 + 1= 4نقاط
( ف ، هـ )دول ح يحصل منهم الاهلى عل 3 + صفر= 3نقاط
( ت، ف ) دول ح يحصل منهم الاهلى عل 1+ 3 = 4نقاط
( ت، ت )دول ح يحصل منهم الاهلى عل 1+ 1= 2نقاط
( ت، هـ )دول ح يحصل منهم الاهلى عل 1+ صفر= 1نقاط
( هـ، ف ) دول ح يحصل منهم الاهلى عل صفر+ 3 = 3نقاط
( هـ، ت )دول ح يحصل منهم الاهلى عل صفر+ 1= 1نقاط
( هـ، هـ )دول ح يحصل منهم الاهلى عل صفر+ صفر= صفرنقاط
أنا متأسف هنا وقعت فى خطأ (( مجموع عناصر الفضاء 9 و ليس 8 ))و بالتالى :
احتمال أن يحصل الفريق على 6 نقاط = 1/9
احتمال أن يحصل الفريق على 4 نقاط = 2/9
احتمال أن يحصل الفريق على 3 نقاط = 2/9
احتمال أن يحصل الفريق على نقطتين = 1/9
احتمال أن يحصل الفريق على نقطة واحدة = 2/9
احتمال أن يحصل الفؤيق على صفر من النقاط = 1/9
و ده الجدول الصيحيح

متأسف يا جماعة مرة أخرى و أشكرك يا أميرة على التنويه

[kalefam]

نرحب بالأخ منولى و يارب يكون من ضمن أفراد
عائلتنا و ليس زائرا
بالنسبة للمثال اللى أخذناه بتاع النادى الاهلى
نستكمل حل التمرين بإيجاد المتوسط و الانحراف المعيارى و معامل الاختلاف
الجدول ح يكون على الشكل

المتوسط ميو = مجـ س × د ( س ) = 24/9
التباين = مجـ س^2 × د ( س ) - ( ميو )^2 = 92/9 - ( 24/9 )^2 = ...............
الانحراف المعيارى سجما = جذر التباين = ....................
معامل الاختلاف = ( سجما ÷ ميو ) × 100%
احسبو الحاجات بالأله
و لو ممكن حد يطبق الكلام ده على أى مثال أخذناه من قبل
منتظر شغلكم

[♥έĻ-мΰšŧâρèdâ♥]

شكرا لك يا مستر على الدرس

ده انا فهمته وسهل جدا يمكن اسهل من الاولانى بكتير

وان شاء الله اتحسن فيه اكتر واكتر ومنتظره بقيه المسائل

[kalefam]

المشاركة الأصلية كتبت بواسطة ♥έĻ-мΰšŧâρèdâ♥

شكرا لك يا مستر على الدرس

ده انا فهمته وسهل جدا يمكن اسهل من الاولانى بكتير

وان شاء الله اتحسن فيه اكتر واكتر ومنتظره بقيه المسائل

بإذن الله يا أية احنا معندناش غير درسين بس هما اللى فيهم افكار وتشغيل دماغ
الدرس اللى فات بتاع الاحتمالات و درس التوزيع الطبيعى و ده لسة بعد الدرس اللى جاى
نستكمل شرح الدرس بالمثال ده

تطبيقا على المثال أدى مسألة و اجب و ربنا يوفقكم