موضوعات عن تنسيق المرحلة الثالثة وكل ما يريد استفسار هنا

[عمر محمد عبد الفتاح]

في السياق نفسه، قرر مكتب تنسيق القبول بالجامعات والمعاهد، فتح باب تسجيل الرغبات لطلاب الثانوية العامة المرحلة الثالثة والبالغ عددهم نحو 135 ألف طالب بحد أدنى 50% لطلاب العلمى والأدبي، ولأقل من 72.9% للأدبي و79.9% للعلمى من طلاب الدور الأول والناجحين من الدور الثاني، اعتبارا من أول سبتمبر المقبل، حيث لا تزال تتوافر أماكن لطلاب المرحلة الثالثة في عدد من الكليات، منها الزراعة، والخدمة الاجتماعية والحقوق والسياحة والفنادق والتربية الرياضية ودار العلوم

[EL_sayed_Ali]

السلام عليكم ورحمة الله وبركاتم
يا استاذ عمر

انا محضرتش اختبارات القدرات للتربية الرياضيه لظروف
فهل سيتم اعادة فتح اختبارات القدرات للتربية الرياضبة للمره الثالثة ولا لا ؟؟

وانا جايب 68.29% ادبي لو مش اتفتحت اختبارات القدرات المجموع دي يدخلني ايه ؟؟

وهل الكليات اليامجموع دي يدخلهالي هل اقدر احول منها لتربية رياضية بعد سنه ؟؟

ولو قدمتلهم في كلية التربية الرياضية بطولات الجمهورية اليمعايه هل ممكن يعملولي استثناء ويقبلوني من غير اختبارات القدرات ولا لازم مع العلم اني واخد الثانوية من مدرسة تربية رياضية (الشرقية )

وشكرا

[بوسي11]

ميرسي جدا ياأستاذ عمر وبصراحة حضرتك افدتني

بس عندي استفسار صغنووون النهاردة الثلاثاء بس لسا مافتحش تسجيل الرغبات ؟؟

[عمر محمد عبد الفتاح]

الى الاستاذ السيد على أولا اختبار القدرات مش هيفتح تانى لانه فتح 3 مرات مرة بعد للامتحانات للمرحلة 1 ومرة بعد المرحلة1 للمرحلة 2 ومرة بعد المرحلة 2 للمرحلة 3 ثانيا مش هيعملولك استثناء ودة قانون مكتوب فى دليل الطالب لاختبار القدرات اللى هو 25 جنيه ثالثا ليك ممكن حقوق انتساب وخدمة اجتماعية رابعا تقدر تحول بعد سنة ما دام مجموعك يجيبها يعنى من الاخر تقدر تحول بعد سنة والله ولى التوفيق

[عمر محمد عبد الفتاح]

حضرتك أنا بكرر كلامى التنسيق أو تسجيل الرغبات للمرحلة الثالثة هيبدأ يوم 1_9 الموافق السبت القادم وهينتهى 5_9 الموافق الاربعاء اللى بعد السبت والنتيجة هتظهر بعد 48 ساعة والله ولى التوفيق

[عمر محمد عبد الفتاح]

انا اسف يا بوسى انتى كلمتينى قبل كدة حضرتك من السعودية فعلا لسه مفتحش ومكتوب الاتى
ترقبوا بدء خدمات الشهادات المعادلة العربية و الأجنبية آخر أغسطس )

[marwa 2012]

هى مرحلة تالتة ليها مدينة جامعية علشان سمعت ان التقديم للمدينة الجامعية ينتهى اول سبتمبر وهل طلاب الانتساب ليهم مدينة جامعية

[عمر محمد عبد الفتاح]

هو فعلا انتهى للطلاب القدامى ولكن لو رجعتى للصفحة السابقة هتلاقى 25% للطلاب المستجدين االلى هما المرحلة الثالثة ولو رجعتى للصفحة هتلاقى الاولوية للطلاب الحاصلين على تقدير وللطلاب من الاقاليم البعيدة وهتلاقى أن الطالب الراسب ملهوش مكان فى المدينة الجامعية ثانيا نعم لطلاب الانتساب ليهم مدينة جامعية ولكن لو فيه مكان واحد وفيه طالبين واحد انتظام والتانى انتساب الاولوية للانتظام

[marwa 2012]

يعنى ايه الحاصلين على تقدير
ويعنى 25% كتير ولا لا
والزراعة اللى هى غير الهندسة الزراعية بتفبل طلاب رياضة ولا لا

[عمر محمد عبد الفتاح]

الحاصلين على امتياز بيتعفوا من مصاريف المدنة الجامعية ثانيا ربع الاماكن فاضية كتير بس لازم تلحقى نفسك اول ما تطلع النتيجة دة انتوا 130 ألف ثالثا لاتقبل تقبل بتوع علمى علوم وكذلك كلية العلوم بتوع رياضة ملهمش أبدا غير قسم الرياضة ميخشوش غيروه

[بوسي11]

سوري استاذ عمر بس هم لما روحت مكتب التنسيق قالولي هاتي اوراقك يوم 2-9 ويكون فيها ورق تسجيل الرغبات يبقا ازاي هنبدا نسجل في نفس اليوم
اللي عرفتو انها مفروض تفتح النهاردة ومن الساعة 9 الصبح بس لسا مافيشش جديد .............

[marwa 2012]

مرحلة تالتة فيهم حاصلين على امتتياز

[عمر محمد عبد الفتاح]

أولا خليك متابعة الجرائد يا بوسى لحد ما تعرفى راسك من رجلك
ثانيا يا مروة أنا أقصد لما تخشى أولى جامعة وتجيبى أمتياز بيعفوكى فى سنة ثانية من مصاريف المدينة الجامعية والله ولى التوفيق

[عمر محمد عبد الفتاح]

يا جماعة أنا تحت أمركم فى أستفساراتكم أظن مفيش واحد فى صفحتى كتب سوال الا ولقى الرد بتاعه موجود بعد دقائق نظرا لاهتمامى بالصفحة أرجو أن أكون عند حسن ظنكم بى والله ولى التوفيق

[محمد_احمد]

انا طالب فى تجاره انجلش فى اكاديميه خاصه و انا رايح سنه تانيه وعايز احول هندسه خاص برده و انا تنسيق 2011 وجايب 69 فى الميه علمى رياضه ينفع احول و فى اكاديميه تقبلنى واسمها ايه والمصاريف كام فى السنه