إسأل الدكتور عبدالرحمن المنياوي

[monasaeid]

مرتب العلم المساعد 385+الحوافز 245

[الجاويش2]

كنا مدرسين بالحصة سابقا وعملنا عقود بند 2/2 أجور موسمية
فى 1/9/2011 ومكتوب طرف أول فلان الفلانى على وظيفة معلم مساعد


بناخذ حوافز الاداريين
ليه مناخدش حوافز المعلم المساعد؟
معنى كدة اننا مش معلمين مساعدين؟

[تونى المنياوي]

شكرا لكم جميعا

[nancy2012]

طب انا عندى سؤال انا شغاله مدرسه بالعقد الشامل دفعه 2009 تبع ادارة ملوى وانا متزوجه فى مصر فهل ينفع انى اعمل انتداب على مصر ولو ينفع ايه هى الاجراءات اللازمه لعمل الانتداب وشكرا لك

[danash]

لو سمحت ممكن حد يفدني عن كيفية تغيير المسمي الوظيفي من ابتدائي الي اعدادي

[احمد السيد التونى]

نورت بوابة الثانوية يا د/ عبد الرحمن ،من جديد

[dweeb]

لسلام عليكم د. عبد الرحمن
كنت عاوز استشير حضرتك فى امرى انا كنت مقدم فى مسابقة فى مطروح وقبلت فيها وكان التعاقد هناك على بند 10/3مكافآت تدريس وبعدين بقى تعاقد سنوي علي بند 2/3 اجور موسمين فياريت لو حضرتك تقولى هو العقد الى هو على بند 3 / 2 اجور موسمين دا نظامه ايه وتثبيته حيبقى امتى
وهل العقد دا بيختلف عن العقد الشامل والمميز ؟

[د/ عمرو مختار]

استفساري خاص بصديق لي

اشتغل عام 2007 بعقد

وترك العمل لظروف خاصة

هل من حقه يرجع؟؟؟؟؟؟؟؟؟؟؟؟؟ظ

[رفيف*]

السلام عليكم
جزاك الله كل خير على مجهودك
انا كنت عاوزه اعرف بالنسبة لتعيين اوائل دفعة 2011
اللى عرفته ان التعيين ان شاء الله هيكون على شهر 7
بس مش عارفه المفروض هنملى الاستماره امتى وكمان هيه الاستماره دى بتبقى بيانات بس ولا كمان بنكتب فيها مثلا الاماكن اللى عاوزين نتعين فيها
وبالنسبة لكلية التجارة واداب ايه احسن اماكن العمل بالنسبة ليهم
وايه المستقبل الوظيفى لكل مكان عمل
وجزاك الله كل خير

[أبو زيدو]

ممكن اعرف من حضرتك موقف المعلمين المثبتين او المعينين بالقرار رقم 75 لسنة 2011 (اللى كملوا ثلاث سنوات)وذلك من دخول الكادر وكذلك موعد الكادر القادم لوسمحت يا دكتور

[د.عبدالرحمن المنياوي]

السلام عليكم ورحمة الله وبركاته وأعتذر عن عدم اجابة طلباتكم خلال الايام الخمسة الماضية لظروف سفري .. والان عدت لكم اخ عزيز بينكم اتعلم منكم قبل ان افيدكم ..

[د.عبدالرحمن المنياوي]

المشاركة الأصلية كتبت بواسطة ايمان محمد عبد الحكيم

لو سمحت انا عندي سؤال انا كنت موظفة في مركز معلومات التنمية المحلية لمدة 6 سنوات بعد كدة جالي عقد تربية وتعليم معلم مساعد اخصائي اجتماعي وعملت دبلومة و محو اميةicdl وامتحنت كادر هل لو تم التثبيت من حقي ضم سنوات مركز المعلومات

من حقك ضم سنوات عملك كتأمينات ومعاشات ولكن ليس كسنوات خبرة لانك تكوني بذلك خرجت من المجموعة النوعية احصاء الى المجموعة النوعية تعليم .. وهي مجموعات نوعية للوظائف حددتها التنظيم والادارة .. مع العلم لو انك انتقلت من مكان لآخر في نفس المجموعة النوعية لجاز ضم المدة كخبرة

[د.عبدالرحمن المنياوي]

المشاركة الأصلية كتبت بواسطة balaha2090

لو سمحت ما الفرق بين المعلم المساعد المثبت ع الدرجة الثالثه والمعلم المعين ع الدرجه الثالثة اين الدرجه هنا هتكون مع المعلم المساعد المثبت ع الدرجه الثالثة حتى ولو لم يمتحن الكادر ام مع المعلم المعين ارجو الرد لاني بجد مش فاهم النقطه دي ازاي معلم مساعد ويبقى مثبت ع الدرجه الثالثه اين هنا امتحان الكادر الفاصل بي المعلم المساعد والمعلم

هذا اللغط اوقعنا فيه اداريو التربية والتعليم لانهم لا يستطيعون فهم ملامح اي تجديد وعلاقتهم بأي قانون جديد كعلاقتهم بالجريب فروت لا يسمعون عنه إلا في التلفيزيون ..

القانون الحاكم لنا هو قانون 155 لسنة 2007 وهو قانون الكادر .. هذا القانون الغى مايسمى بالدرجات المالية واستبدلها بدرجات وظيفية معادلة .. وجاءت كالتالي:

المعلم المساعد = الدرجة الثالثة
المعلم = الدرجة الثالثة + أقدمية سنتين
المعلم الأول = الدرجة الثانية
المعلم الأول أ = الدرجة الاولى
المعلم الخبير = درجة مدير عام
كبير المعلمين = الدرجة العالية الممتازة

احنا بس بنقول احنا معانا الثالثة والثانية .. بس الحقيقة هي انك شغال على درجة وظيفية إيه ؟؟

امتحان الكادر لا يعطي الدرجة الامتحان يعطي الترقية فقط ..

أما الدرجة فإنهها تمنح بمجرد التعيين .. هتقوللي ياعم ماكانوا بيقولوا ماتاخدوش الدرجة الا بعد الكادر .. صح كلامك هذا مافعله النظام القديم ولكن هذا تم الغاؤه بعد الثورة وتم منح الدرجة الثالثة او مايعادلها لكل العاملين في وظيفة معلم مساعد علما بأن آخر من تعاملوا بالنظام القديم هم تعيين القرار 244

[د.عبدالرحمن المنياوي]

المشاركة الأصلية كتبت بواسطة أبو زيدو

ممكن اعرف من حضرتك موقف المعلمين المثبتين او المعينين بالقرار رقم 75 لسنة 2011 (اللى كملوا ثلاث سنوات)وذلك من دخول الكادر وكذلك موعد الكادر القادم لوسمحت يا دكتور

هم اول من سيطبق عليهم دخول الكادر القادم .. والامتحان القادم اعتقد انه هيكون في 7

[د.عبدالرحمن المنياوي]

المشاركة الأصلية كتبت بواسطة nancy2012

طب انا عندى سؤال انا شغاله مدرسه بالعقد الشامل دفعه 2009 تبع ادارة ملوى وانا متزوجه فى مصر فهل ينفع انى اعمل انتداب على مصر ولو ينفع ايه هى الاجراءات اللازمه لعمل الانتداب وشكرا لك

لا انتداب ولا نقل الا بعد التثبيت على معلم مساعد .. ولكن يمكنك ان تحصلي على تعاقد من جديد في القاهرة