|
#196
22-02-2013, 04:48 PM
|
||||
|
||||
اقتباس:
طيب على العموم لما تاخدى الفراغيه حتلاقيها تخلص معاكى بسرعه مش حتطول بس الاهم اى حاجه تاخديها تذاكريها فى ساعتها يعنى متراكميش عليكى درسين ورا بعض وكل ما تاخدى نظريه حلى من الامتحانات والمدرسه عشان تخلصيهم لما تخلصيها
لا طبعا الميزه من حل اسئله الامتحانات المراجعه على القديم ومعرفه بعض الافكار الجديده حتى لو بتحلى مسأله وا 2 بس لكن فى المراجعه انتى حتحلى امتحانات كامله ساعتها حتلاقى الموضوع بقى اسهل لانك حاله اجزاء كتير من كل امتحان قبل كده فده حيساعدك وفى نفس الوقت حيطمنك فى وقت المراجعه ربنا يقويكم
__________________
<( If You Can Dream It ,, You Can Do It )>
|
|
#197
22-02-2013, 04:53 PM
|
||||
|
||||
|
اقتباس:
علم النفس راجعى عليه كتير متخافيش النسيان دا شئ عادى بكترة المراجعة +حل الامتحانات الكلام هيثبت فى دماغك دا مادة 50 يعنى فرصة اوعى تضيعيها
__________________
لاتحاول..... البحث على حلم خذلك 
|
|
#198
22-02-2013, 04:58 PM
|
||||
|
||||
|
اقتباس:
علم النفس : ماده سهله مضمونه ال 50 بس بتتنسى بسرعه انا عارف فالحل : مثلا تزاكرى صغحه خلصتى الصفحه راجعيها تانى خشى على اللى بعدها خلصتيها راجعى الصفحتين مع بعض وهكذا
علم النفس يتزاكر بالورقه والقلم وبالحركات .. ايه هى الحركات دى ؟ يعنى عندك حاجه مثلا فيها لامبالاه يبقى ليها حركه بالايد معناها مش مهتم حاجه زى هدم الصناعه كانك ماسكه شاكوش وبتضربى بيه وهكذا كده (( طريقه غريبه )) بس مدرسنا لما كان بيعملها كنت بفتكر حركاته فبفتكر الحل علطول برده لما تخلصى درس كامل تحلى عليه امتحانات االسؤال بيتكرر 100 مره حليه تحريرى ورقه وقلم ومره اكتبى عناوين الاجابه بس ومره شفوى واللى بعدها شفوى وهكذا .. خلاااص السؤال اتفرم واتحفظ علم النفس مينفعش يتساب فتره طويله ومينفعش يتزاكر مره واحده فى الاسبوع قبل الدرس لازم مراجعه باستمرار هى ماده سهله بس بتتنسى للاسف على فكره انا كنت بعمل حاجه غير منطقيه برده مثلا يعنى وانا ماشى فى الشارع رايح الدرس اقول لنفسى : طب ايه هو تعريف علم النفس واقعد اردد تعريفه يعنى تقولى لنفسك سؤال وتجاوبيه وانتى بتاكلى بقى قبل ما تنامى وانتى بتتمشى كده يعنى حتلاقى نفسك فاكره ودى حاجه كويسه طب نسيتى حنراجع على السؤال ده حيتقال عليكى مجنونه عادى جدا ال 50 ولا يتقال مجنونه .. ال 50 طبعا وخصوصا انه مش قبله وقت كافى وانتى حتسيبيه لمده شهر فى الامتحانات
__________________
<( If You Can Dream It ,, You Can Do It )>
آخر تعديل بواسطة To Be Is To Do ، 22-02-2013 الساعة 05:01 PM
|
|
#199
22-02-2013, 05:05 PM
|
||||
|
||||
|
اقتباس:
الفيزيا : صراحه انا كنت بنفذ كلام المستر بالحرف يعنى حنراجع كذا الحصه الجايه يبقى زى الشاطر اراجع فى بيتنا واروح امتحن على اللى راجعته وطبعا هو بيبقى محدد جزء نراحعه نروح الحصه يراجع عليه سريعا ونحل مسائله وبعدين نمتحن
مجبتش كتاب مراجعه كنت شغال من مزكراته اللى كان بينزلهلنا بصراحه كان يقول يمين يمين شمال شمال فممكن تمشى على نظام مدرسك وتشوفى حيراجع ازاى او ممكن تشوفى بقى احسن كتاب مراجعه لانى مجبتش كتب مراجعه ولا اعرف ايه هو احسن كتاب وطبعا اى جزء او اى فصل حتراجعيه بالمره اسئله الامتحانات تتحل عليه ونخلص منه خااالص
__________________
<( If You Can Dream It ,, You Can Do It )>
|
|
#200
22-02-2013, 07:28 PM
|
||||
|
||||
|
اقتباس:
تماااااااااام بس المشكله في النظري بتاعها انا كل حاجه عندي تمام في كل المواد اللي الحجات الحفظ بحس اني غبيه فيها  اقتباس:
اقتباس:
اوك افكارك جميله وهتتنفذ باذن الله
 اما بالنسبه لحكاية اني امشي اسمع او قبل ماانام فدي عاملالي مشكله اصلا انا بمشي اراجع علي اللي هتسأل عليه في الدرس ماشيه فاتحه الكتاب  وقبل ماانا بعمل كده بس اما انام عيوني بس اللي بتنام دماغي بيفضل صاحي وبيفكر في اللي انا ذاكرته بتفضل فيه عملية المذاكره شغاله ولو كنت بحل مسائل بيفضل يفكر في الحل برضه  يعني بنام بعيوني بس واقوم حاسه اني دماغي هينفجر من الصداع اللي فيه عشان كده قبل ماانا بقول يارب انسي كل حاجه قبل ماانام من دماغي والله الحكايه دي بتعملي مشاكل جامده لاني بقوم كارهه المذاكر واقعد طول اليوم ده مخنوءه من اي حد يكلمني لاني اعتبر مانمتش ربنا يستر وتعدي الشهور الفاضله دي علي خير  الف شكر ليك يابشمهندس خالد انت والباشمهندس كريم ربنا يجزيكم كل خير
__________________
|
|
#201
23-02-2013, 01:42 AM
|
||||
|
||||
|
صحيح .. انا معايا كلام عـن الفيزياء و علم النفس
زى كلام رياضه 2 ان شاء الله هنزل الكلام ده قريب بس مش عارف انزله ده فـ علوم و لا رياضه و لا ادبـى  امممممم صحيح و العربـى و الانجلش كمـان 
__________________
|
|
#202
23-02-2013, 10:54 AM
|
||||
|
||||
|
اقتباس:
نزله في ال3 جروبات
__________________
|
|
#203
23-02-2013, 11:44 AM
|
||||
|
||||
|
اقتباس:
الفيزيـاء ( علوم / رياضه ) علم النفـس ( عـلوم / رياضه / ادبـى ) عربـى و انجلش ( علوم / رياضه / ادبـى ) ان شاء الله هـ عمل كده . .
__________________
|
|
#204
24-02-2013, 09:20 PM
|
||||
|
||||
|
تنبيـه : مش انـا اللى كـاتب الكلام ده .. عشان انـا ادبـى  بس لقيـت ممكـن تكون مفيده ليكـم بالتوفيق . . . نبدأ . .  الفيزياء أولا لو مش هاتعرف تاخد دروس فى بقيه المواد لظروف عندك حاول انك تاخد درس فى الفيزياء الفيزياء الدرس فيها مهم وهتلاحظه بعدين الفيزياء بيسموها فزاعه الثانويه العامه وكونك تسمع ان عندك الفيزياء 15 فصل فى خمس أبواب ولما تمسك الباب الأول الى فى المذكره الأولى والأستاذ يقولك دا لسه أربع مذكرات زى دى هاتخاف منها لكنى بصراحه كنت بحبها أكتر من الكيميا مش عارف ليه الفيزيا ماده من خمسين يمكن كتير يقولك أصعب ماده تقفل فيها الخمسين لكن صدقنى لو ذاكرتها من الأول هاتقفل الخمسين وادى وقت أكبر لمذاكره الفيزيا عن أى وقت تانى لأى ماده تانيه لأن الفيزيا طويله ومافيهاش توقعات كتير يعنى أبدأ مع مدرسك فى الدرس أول بأول وراجع معاه وحاول تخلص كل جزأ هوا بيخلصه وانت فى الأخر أقسملك بالله هاتستريح جدا فيها وهاترجعها بكل سهوله فاكر لما قلت فى النصائح الأولى ان لو الفرصه رجعت ليا كنت هاعمل ايه وقلت كنت هذاكر طول السنه من مذكره واحده للشرح ومذكره واحده للمراجعه وواحده للامتحانات طبعا أنا أقصد لكل المواد لكن فى نفس الوقت كان السبب هوا ماده الفيزياء فعشان ماده الفيزيا طويله وماده عايزه فهم مش حفظ انت هاتحس بقيمه الكلام دا فى الأخر ان شاء الله لما تذاكر من مذكره واحده لكن تكون مذكره تعرض الموضوع بطريقه سهله وكمان تكون بتحتوى على كل الى انت محتاجه سواء بقى مذكره الأستاذ فى الدرس أو مذكره من المذكرات الى هنا وأنا برشحلك مذكره أوميجا وأنا جايبهالك هنا فلما تذاكر من مذكره واحده طول السنه هاتلاقى ان المدرس بيراجع كتير فلما تخلصوا الفصل الأول أو الباب الأول يقولك هانراجع عليه فتقراه من المذكره تانى حتى لو كانت أول مره حاسس انها صعبه والتانيه بتكون سهله وهكذا لحد ماهتوصل لمرحله صدقنى هاتحس فيها انك واكل الكتاب والمذكره كلها وحافظها كويس بعد الفهم ودا عشان فى الامتحان لما يجيلك السؤال وتيجى تجاوب عليه لازم تفتكر أولا هوا فى أى باب يعنى مثلا هوا فى الكهربيه ولا الحديثه ولا الباب الأول ولا أى باب ولما تحدد الباب تلغى الأبواب التانيه من عقلك فى السؤال دا وتبدأ تدور فى مذكره الباب الأول الى انت مذاكر منها وبردو تحدد فى الباب دا السؤال دا بينتمى لأى جزه فيه فتعرف مكانه فى المذكره وهتلاقى عقلك بيجيب الحل من المذكره دا لو انت نسيت حبه الى انت مذاكره أو نسيت اجابه السؤال فاتخرج الاجابه بالطريقه دى لكنك ان شاء الله هاتجاوب عليه من أول مره يمكن حد من الى بيقرأ يقول ياعم هوا أنا إيه عشان أعمل كدا إنت محسسنى إنى سوبر مان علشان تقولى واكل الكتاب أكل.. صدقنى انت هاتقول كدا كتير فى أول السنه لكن لو معملتش كدا هاتحس بالندم فى أخر السنه وهاتحس ان دا هوا الأصح ليك والى كان المفروض انك تعمله ولو عملت كدا ان شاء الله فى الأخر هاتعمل زى ما أنا بقولك كدا لأنى وربنا هوا دا الى أنا كنت بغلط فيه وهوا الى أنا كنت بحس بيه فعلا لما بذاكر أى جزء بالطريقه دى الفيزيا سهله لو انت عايزها سهله وصعبه لو انت متكدر منها فخدها على انها ماده سهله وبسيطه ومراجعتها من الأول هايفيدك جدا الباب الأول هوا 3 فصول الموجه والصوت والضوء وتطبيقات اعرف ان فى الامتحان لازم يجيبلك منه أسئله فالامتحان بيكون متقسم بحيث ان كل فصل يجى منه حاجه فى الامتحان يعنى عشان يكون الامتحان شامل المنهج وهوا باب أكتر فيه تعريفات وكدا اعرفها وافهمها وبعدين احفظها وان شاء الله هتلاقيه سهل الباب الثانى الى هوا خواص الموائع المتحركه والساكنه هوا باب ركز فيه حبه على المسائل الى فيه وبعض التجارب الباب التالت قوانين الغازات وأنا لو وصفت الباب دا هاوصفه بباب التجارب فلو لاحظت انه فيه تجارب تقريبا أربعه زى معامل التمدد الحجمى وجهاز وجولى وكدا فعشان كدا انت تذاكر كويس جدا التجارب دى لأنه فى الامتحان بيجيب واحده منها وبيعتبرها سؤال للطالب الفوق متوسط أو المتفوق وبيكون جزء كامل من سؤال غالبا عليه 3 درجات فانت حاول تضمنها بمعرفتك للتجارب دى وهيا تعتبر ثوابت عندك فى المنهج الباب الرابع وهوا الكهربيه الكهربيه دا باب مهم وكبير هوا باب أكتر للفهم عنه الحفظ يمكن من الأول هاتلاحظ انه مليان قوانين وتعريفات فطريقه مذاكرته الأفضل من وجهه نظرى هيا انك تعرف القانون تفهمه وتحفظه ولو فهمته وحفظته تعرف تخرج منه كل الأسئله المتعلقه بيه من تعريفات ومسائل وأى حاجه فمثلا قانون زى شده التيار الى هوا i = Q / T بس مجرد إنك تفهم القانون دا i = Q / T تقدر وبكل سهوله تطلع منه إجابه لخمس أسئله ع الأقل فكونك تعرف ان ال i هيا شده التيار وال Q هيا كميه الكهربيه وال T هوا الزمن وان شده التيار بتقاس بالأمبير والكميه الكهربيه بالكولوم والزمن بالثانيه تقدر من فهمك لدا انك تستخرج تعريف لشدت التيار فتقول ان شدت التيار بتساوى كميه الكهربيه على الزمن اذا شده التيار هى كميه الكهربيه التى تمر فى موصل خلال الثانيه الواحده كمان تقدر تجيب تعريف للأمبير فتقول ان الأمبير هوا وحده قياس لشدت التيار اذا الأمبير هوا شدت التيار الكهربى وترجع بقى لقانون شدت التيار الكهربى فتقول ان الأمبير هوا شده التيار الكهربى الماره فى موصل عندما تمر فى موصل كميه من الكهربيه مقدارها 1 كولوم فى 1 ثانيه نفس الكلام أقدر استخرج تعريف للكولوم فتقول ان الكولوم وحده لقياس كميه الكهربيه وهكذا لكل القوانين الى تقابلك ان شاء الله وبالطريقه دى ماتحاولشى انك تحفظ لكن حاول انك تفهم فالفهم هايساعدك على عدم النسيان وكمان هايساعدك على انك تكون مرن مع المسائل الى بتجيلك فى الامتحان مهما حاول واضع الامتحان انه يضحك عليك كمان يمكن هايلفت انتباهك فى الباب دا أو الوحده دى قواعد تحديد الاتجاه زى البريمه اليمنى وفلمنج لليمنى واليسرى ولينز وأمبير لليد اليمنى كلها سهله ان شاء الله ولها طريقه فهم بردو مش حفظ طريقه سهله تخليك تجمعهم كلهم بسهوله وتعرف تعريفاتهم واستخدامهم وفيه كمان أجهزه القياس زى الجلفانوميتر والأميتر والفولتميتر والأوميتر اجمعهم فى جدول واعرف استخدامات كل منهم وطريقه التعديل والتوصيل مع الجلفانوميتر ومع الدائره وكدا الباب الخامس وهيا الفيزياء الحديثه الباب بيحاول يقولك ان كل الى انت بتدسه فى الأول دا بيتسمى فيزياء كلاسيكيه أو قديمه يعنى وفى فيزياء حديثه بتتعامل مع الالكترونيات والمستوى الذرى وكدا يمكن الباب أربع فصول أهم مافيهم التعليلات والتجارب والبوابات المنطقيه والليزر طبعا ودا مهم تقريبا الامتحان مش بيخلى منه خليك مع مدرسك فى الشرح والمراجعه واهتم شيويه بالفيزيا وانت هاتحصل درجتها كلها ان شاء الله المراجعات والامتحانات المراجعه فى الفيزيا مهمه جدا والمراجعه للفيزيا ماينفعشى تكون اخر السنه بس المفروض انك بتراجع من أول السنه أول بأول مع المدرس ومع الشرح سواء فى الدرس أو المدرسه ولكن نفترض انى خلصت الامتحان الى كان عليه الدور وبعده امتحان الفيزيا فهما هايدوك قبل الفيزيا مش أقل من 6 أيام نفترض انهم فعلا 6 أيام أولا خصص خمسه لمراجعه كل وحده فى يوم لوحده ولكن مراجعه وحده فى يوم هتلاقيك ان شاء الله حافظها من مذاكرتك ليها وتراجعها بردو من المذكره الى انت بتذاكر منها طول السنه وتحاول تخلص فى اليوم بتاع كل وحده دا كل ما يتعلق بالوحده من شرح وتلخيصات وتعريفات وأسئله ومقارنات واستنتاجات وكل دا الحمد لله موجود فى التحميلات فى المراجعه وبعد ماتخلص الخمس أيام للخمس وحدات اليومين التانين حل أكبر عدد من الامتحانات واحد يقولى هما يومين هايقضوا؟... أقله طبعا هايقضوا وهاتحل فيهم امتحانت كتيره جدا ان شاء الله لأنك فيها بتحل وانت عارف الاجابات مش لسه هاتعرف الأسئله وتشوف اجابتها وتحاول تتوقع وتقول الامتحان دا جاى أو لأ لكنك ان شاء الله هتحل امتحانات كتير فى اليومين دول وبكل سهوله عشان تنام وتصبح يوم الامتحان وانت متطمن . ربنــا يوفقنــا جميعـــا . . .
__________________
|
|
#205
24-02-2013, 09:33 PM
|
||||
|
||||
|
سمعت قرار بخصوص " رياضه 2 "
قرار وزارى : امتحـان الميكانيكـا سوف يصبح بـه اسئله نظرى مش عارف الصراحـه ده حلو و لا وحـش بس قولت اقول هنـا .. و يارب يكون خبـر حلو ليكـم لو خبـر وحش كـ آنـى مقلتوش ربنـا معاكـم . .
__________________
|
|
#206
28-02-2013, 11:13 PM
|
||||
|
||||
اقتباس:
ينهار ابيض ..وزاري مرة واحـدة
ع ما اعتقد انة بيكون سؤال نظري هايف جدا زي ***عرف القدرة مثلا*** او*** اذكر نص قانون نيوتن الاول وهكـذا*** .. مش جديد يعني وفي امتحانات قبل كدا كتير جة فيها سؤال نظري زي 2009 مثلا ف الديناميكا كان جابلهم سؤال (عـــــرف القدرة ) ولو واحد مش حافظ التعريف وكتب القانون بتتحسب لية الدرجة كاملة عادي .. ثانكس ع الخبر يا مارك بالتوفيق لينا كلنا
__________________
|
|
#207
02-03-2013, 12:31 PM
|
|||
|
|||
|
كمل طيب والرياااااضه 2 كملللللللللللللللللللل والنبـــــــــــــــــــــــــــــــــــــــــــــ ــــــي
|
|
#208
02-03-2013, 04:12 PM
|
|||
|
|||
|
السلام عليكم :] , عاملين ايه فى المذاكره .. احب اذكركم إن فاضل بس شهرين و نصف هههههههه .. اى خدمه .
كل يوم هذكركم فاضل كام يوم عالشان متنسوش . ربنا معانــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــا .
|
|
#210
03-03-2013, 01:04 AM
|
|||
|
|||
مشكلته انه ما كانش بيذاكر من اول السنه, و لا اى ماده ..للاسف... بس هو كان بيذاكر اوقات فى الاول يعنى هو كان بيحضر دروس و بيمتحن بس ما كان بيذاكر غير فى بعض الاوقات فى الفيزياء و العربى .
بس الرياضه 2 مجاش جنبها بس هو فالى انو فاهم معظم الدروس بس هو ماذكرهاش لحد الان و علم النفس و الانجلش ماجاش جنبوهم . هو زى ما تقولوا ضميروا صحى الان و طلب نصيحتى يعمل ايه و ازاى يقدر يلم كل حاجه .... بصراحه انا معرفتش اقولوا ايه لانه فى وضع غريب و فاضل 3 شهور بس , قولتلوا هسألك و هاقولك ؟!؟!؟ لأو فى حد يا جماعه عنده نصيحه ليه يقولى و يساعده و ربنا هيجزيه خير ...
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:51 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
