ايه اخبار تعيين أوائل الكليات ياجماعة؟

[كل سنه وانتو طيبين]

السلام عليكم وكل سنه وانتو طيبين
دكتور عبد الرحمن ربنا يزيدك علم يارب ويجعلك من اهل الجنه
ليا سؤال لوسمحت يشرفنى ردك عليا انا من اوائل الخريجين وانا حاليا فى الكويت ايه الحل لو اتفتح باب التقديم وانا مسافر وهل ينفع حد يقدملى الورق والا ايه الحل ؟
انا بشكر اخواتنا الابطال اللى وصلونا للمرحله دى وكان نفسى اكون موجود فى مصر اكيد كنت هكون معاهم

[محمد السيد الجوهري]

يادكتور عبد الرحمن جزاك الله خير ماتعرفشي خريجين علوم قسم الرياضيات هيودوهم فين

[El Ninio]

المشاركة الأصلية كتبت بواسطة د.عبدالرحمن المنياوي

http://www.akhbarelyom.org.eg/issuse...26wgo.facebook

وكذلك بدء خطوات تعيين الأوائل العشرين من كل كلية في الوزارات والهيئات الحكومية المختلفة وذلك بأثر رجعي من عام* ‬2003* ‬بالإضافة إلي ماستقوم الجامعات بتعيين من أوائل الخريجين كمعيدين من خريجي عام* ‬2009* / ‬2010* ‬علي أن تنتهي هذه التعيينات بالكامل لهذه المجموعات خلال ثلاث سنوات من الآن*. ‬لكن من الواضح ان كل هذه القرارات لم تعجبهم ومازالوا* ‬يهددون بالاعتصام والبلطجة* .‬

الناس دي عاوزة ايه مننا بس علشان نبقى عارفين
خلال 3 سنوات ايه بس يا جدعان
وبعدين معنى الكلام ده انهم هيعينوا اوائل 2009 و 2010 معيدين ولا ايه ؟؟ مش هتحصل طبعا
اعتصام وبطلجة ايه ؟؟ ,,, ده يعني تهديد للناس ولا توضيح الوضع ولا عاوزين يبينوا انهم بيعملوا دور رجولة
بالرغم من اننا كما بيقولوا بنبلطج
بردو رجعوا للتعيين بأثر رجعي خلال 3 سنين ؟؟
اللهم لا تزغ قلوبنا بعد إذ هديتنا

[خليل المسيرى]

بالنسبة لجامعة الأزهر هذا الأسبوع يعتبر هو اسبوع الحسم فنرجوا من الجميع الدعاء والله الموفق وعلى فكره مازالت الاسماء فى الادارة ومنتهيه وهى فى مرحلتها للاعتماد النهائى وهنا يوجد حوالى 15 واحد شغلتهم المتابعه خطوه بخطوه ونهايه جميع الاستفسارات خلال هذا الاسبوع كل يأخذ حقه هذا على لسان العاملين بالادارة ويارب يصدقوا لان خلاص كل حاجه على المكشوف

[ramy gama]

المشاركة الأصلية كتبت بواسطة خليل المسيرى

بالنسبة لجامعة الأزهر هذا الأسبوع يعتبر هو اسبوع الحسم فنرجوا من الجميع الدعاء والله الموفق وعلى فكره مازالت الاسماء فى الادارة ومنتهيه وهى فى مرحلتها للاعتماد النهائى وهنا يوجد حوالى 15 واحد شغلتهم المتابعه خطوه بخطوه ونهايه جميع الاستفسارات خلال هذا الاسبوع كل يأخذ حقه هذا على لسان العاملين بالادارة ويارب يصدقوا لان خلاص كل حاجه على المكشوف

جزاك الله خيرا أخ خليل...وإن شاء الله الفرج قريب جداااااااا...إن شاء الله عندما تذهب الأسماء للتنظيم لا تأخذ وقت إطلاقا ..

سلامي الشديد للأخت الفاضله أم رهف ...والأخت الفاضله مني والأخ الفاضل إياد وكل إخواني علي المنتدي
وكل عام وأنتم بخير ورمضان القادم نري كل منكم إن شاء الله في الجامعه

[قنديل الشاعر]

جزاكم اللة خير وكل عام وانتم بخير واشكر اللة ثم الجميع

[ramy gama]

أحب أوضح لإخواني إن الأسماء مازالت في الإداره (إدارة الجامعه )وإن شاء الله علي الإثنين هتكون في التنظيم والإداره وبإذن الله هيتم رفع نسخه منها علي النت بالأسماء كامله بعد الإعتماد من رئيس الجامعه...

[ريمون22]

يا مسهل . انشاء الله خير للجميع .والكل يكون مبسوط

[البرنس ظيمو]

في برلمان "الجمهورية" التعليمي.. بالفيس بوك:
المعلمون يطلبون المساواة بالإداريين

[abo_sama2013]

السلام عليكم ورحمة الله وبركاتة
فى البدايه انا سعيد جدا بالمشاركة معكم فى المنتدى
وادخل فى الموضوع
بالنسبة للاوائل جامعة الازهر سينتهى الحصر ان شاء الله يوم الاحد ثم يذهب به اخواننا فى الجامعه الى التنظيم والادارة

[losacat]

يعنى ايه يادكتور فيش حديث قبل التسليم ب 3 شهور ؟
وهل الفيش ده بيبقى للبنات والولاد برده ؟
ولو لينا كبنات وهيبقى موجود فى الطلبات نروح نعرف بنعمله ازاى ومنين علشان نكون انهيناه او بدأنا فى عمله قبل الاعلان عن التعيين ؟

[د.عبدالرحمن المنياوي]

المشاركة الأصلية كتبت بواسطة imenesi

الناس دي عاوزة ايه مننا بس علشان نبقى عارفين
خلال 3 سنوات ايه بس يا جدعان
وبعدين معنى الكلام ده انهم هيعينوا اوائل 2009 و 2010 معيدين ولا ايه ؟؟ مش هتحصل طبعا
اعتصام وبطلجة ايه ؟؟ ,,, ده يعني تهديد للناس ولا توضيح الوضع ولا عاوزين يبينوا انهم بيعملوا دور رجولة
بالرغم من اننا كما بيقولوا بنبلطج
بردو رجعوا للتعيين بأثر رجعي خلال 3 سنين ؟؟
اللهم لا تزغ قلوبنا بعد إذ هديتنا

ماتروحش وتيجي مع التصريحات .. انت أخدت اللي انت عاوزه منهم سيبهم بقى يعملوها جميلة .. جدعنة .. غصب .. كرم أخلاق .. أترك لهم المسمى اللي يريحهم وخد حقك من الحكومة وامشي ..

أصل الحكاية أكبر من سنك يا منيسي واحنا أصلنا على نياتنا لكن اللعب وقلة الأدب كتير وأكبر دليل على ذلك العطلة والتأخير الكام شهر اللي فاتوا دول .. ولو فتحت معاكم في الكلام الناس هتتعقد من اللي كان بيحصل بس أنا مش عاوز الناس تشغل بالها ..

المهم النتيجة واحنا حصلنا رسميا على اللي عاوزينه .. يبقى متابعة التنفيذ ..

[د.عبدالرحمن المنياوي]

المشاركة الأصلية كتبت بواسطة كل سنه وانتو طيبين

السلام عليكم وكل سنه وانتو طيبين
دكتور عبد الرحمن ربنا يزيدك علم يارب ويجعلك من اهل الجنه
ليا سؤال لوسمحت يشرفنى ردك عليا انا من اوائل الخريجين وانا حاليا فى الكويت ايه الحل لو اتفتح باب التقديم وانا مسافر وهل ينفع حد يقدملى الورق والا ايه الحل ؟
انا بشكر اخواتنا الابطال اللى وصلونا للمرحله دى وكان نفسى اكون موجود فى مصر اكيد كنت هكون معاهم

لازم حضرتك تروح بنفسك .. أو ترسل من ينوب عنك بموجب توكيل رسمي موثق من الشهر العقاري ..

[د.عبدالرحمن المنياوي]

المشاركة الأصلية كتبت بواسطة amralaraby

ارجو الافادة انا حصلت على ماجستير فى القانون فى دبلوم القانون العام والعلوم الادارية من كلية الحقوق جامعة بنى سويف 2011 وسالت على الشهادة قالوا بعد العيد هل ليه انى انا اروح اقدم الشهاده لاكاديمية البحث العلمى وهل فيه وقت ................... وعلى فكرة انا من العشرين الاوائل بترتيب الثامن عشر ........................ ارجو الرد وشكرا .

بالنسبة لتعيينك ضمن الأوائل فده امر مفروغ منه ..

أما بالنسبة للتقديم في حصر الأكاديمية ماينفعش تقدم إلا بأصل أو بصورة طبق الأصل وانت اتصرف بقى ..

[د.عبدالرحمن المنياوي]

المشاركة الأصلية كتبت بواسطة losacat

يعنى ايه يادكتور فيش حديث قبل التسليم ب 3 شهور ؟
وهل الفيش ده بيبقى للبنات والولاد برده ؟
ولو لينا كبنات وهيبقى موجود فى الطلبات نروح نعرف بنعمله ازاى ومنين علشان نكون انهيناه او بدأنا فى عمله قبل الاعلان عن التعيين ؟

الفيش ده للأولاد والبنات .. يعمل بطريقتين يدوي وده بياخد أسبوع علشان يطلع وده بحوالي 6 جنيه ويتعمل من مركز الشرطة القريب منك الورق وكله بيخلص هناك ..

النوع الثاني الإلكتروني وده بيطلع في يوم واحد وده بيتعمل من مديرية الأمن التابعة ليها وده بحوالي 15 جنيه ..

ماتعمليش الفيش دلوقت انتظري حتى تختاري رغباتك ويتم ظهور نتيجة الاختبار بعد كده اعمليه ..