الحملة الكبرى لإسترداد حقوق المدرسين المتعاقدين ( للإيجابيين فقط )

[ياسر حمدان]

المشاركة الأصلية كتبت بواسطة مسيو عاطف

بصراحة انا مش فاهم الكلام ده يعنى ايه انا معلم فصل وده تخصصى فى تعاقد الابتدائى وفى المؤهل انا تربية فرنسى يعنى همتحن ايه بالظبط وعدين انا النهارده حاولت اغير تخصصى اللى فى النت من مدرس فصل لمدرس لغة فرنسية مفيش واحد فى الادارة التعليمية راضى يوافق لى على كده ولا حد راضى يمضى على الطلب بتاعى مش عارف اعمل ايه وهمتحن ايه بالظبط ياريت لو فيه حدعنده حل لتغغير تخصصى ااو يكون مر بالظروف دى يقولى عمل ايه ولكم الف شكر

أخي مسيو عاطف
صور جواب النقل من الابتدائي الى الثانوي واختمه صورة طبق الاصل وسلمه لقسم الاحصاء التابع للادارة التعليمية
،و سوف يغيروا لك البيانات الالكترونية الخاصة بك
لانه من الطبيعي ان تحذف بياناتك من المدرسة الابتدائية التي كنت تعمل فيها مدرس فصل
وتضاف الى بيانات المدرسة الثانوية الالكترونية ،مدرس لغة فرنسية ..
هو الموضوع ده ممكن مع كسل الموظفين يأخذ وقت ، لكن حاول فيه حتى تستعجله
وتأكد أن موظفي الاحصاء هم المعنيون في هذا الموضوع ( يعني خليك وراءهم )
وسامحني لو قولت لك شوفهم عايزين ايه لانك اكيد عارف الموظفين في مصر ماشيين ازاي

[المتعاقد المطحون]

يا جماعه اللي متابع من الازهر هانعمل ايه بخصوص الدبلومه دلوقتي كليات التربيه قفلت ابواب التقديم واحنا لسه عارفين حكاية الدبلومه دي عاوزين نتحرك كده هايضيع حقنا في الكادر السنه دي واللي بعدها والكادر معناه التثبيت يلا كلنا نبعت فاكسات علي الاقل يفتحو باب التقديم للدبلومه ولو اسبوع ده اقل حاجه
هما كده حطونا قدام الامر الواقع اللي عاجبه عاجبه واللي مش عاجبه يتفلا احنا مش قليلين بس مانمش في الخط وعاوزين من الاخوة الاعضاء يساعدونا
انا بعت 6 فاكسات ل6 جهات مختلفه ربنا يسهل بس لازم نتحد

[أ/ هشام العيسوى]

لازم تنسق مع زملائك
وتضع صيغة واحدة
وارقام الفاكسات عشان اوصلها لزملائى فى المعهد عشان تكون شكوى جماعية وليست شكاوى فردية

المشاركة الأصلية كتبت بواسطة المتعاقد المطحون

يا جماعه اللي متابع من الازهر هانعمل ايه بخصوص الدبلومه دلوقتي كليات التربيه قفلت ابواب التقديم واحنا لسه عارفين حكاية الدبلومه دي عاوزين نتحرك كده هايضيع حقنا في الكادر السنه دي واللي بعدها والكادر معناه التثبيت يلا كلنا نبعت فاكسات علي الاقل يفتحو باب التقديم للدبلومه ولو اسبوع ده اقل حاجه
هما كده حطونا قدام الامر الواقع اللي عاجبه عاجبه واللي مش عاجبه يتفلا احنا مش قليلين بس مانمش في الخط وعاوزين من الاخوة الاعضاء يساعدونا
انا بعت 6 فاكسات ل6 جهات مختلفه ربنا يسهل بس لازم نتحد

[Noga83]

ياجماعة حكاية العك التعليمي دي مش مقتصرة على مكان معين زي مسيو عاطف ودينا وكمان انا كلنا مش في اماكنا بس اتحداكم حد يكون في ورطتي انا تربية عاااااااااااااااااااام انجليزي اشتغلت في بداية التعاقد في مدرسة ثانوي انجليزي طبعا جه بقي اصحاب النفوس الخبيثة واستكتروا علينا ازاي تعاقد ويشتغلوا ثانوي وبعد نهاية الترم اتحولت تعاقدات الانجليزي كلها لمدرس فصل وبقيت تخصص مدرس فصل وتعرفوا بشتغل ايه دلوقتي مدرسة علوم بيسدوا بيا عجز طبعا في الابتدائي ماهي هيصة اللى عايز يضحك من حقه انا بضحك على حالي كل يوم عادي يعني الفرخة ولا البيضة انا فضلت افكر همتحن انجليزي ولا مدرس فصل ولا كوسه لغاية لما طلعت الاستمارة من على النت ولقيت مادة التخصص مدرس فصل قلت حسبي الله ونعم الوكيل وللاسف لو فيه تثبيت هبقي طول عمري على كده وحسبي الله ونعم الوكيل في اللى ظلمونا كلنا ومنه لله وزير العك التعليمي ومحدش يزعل كلنا في نفس الوضع الامن رحم ربي واللى والدته داعياله .

[العرسى]

80 ألف معلم يخوضون اختبار "التعيين" نهاية أكتوبر

الثلاثاء، 20 أكتوبر 2009 - 12:54

د.يسرى الجمل وزير التربية والتعليم
كتب حاتم سالم
حدد د.يسرى الجمل وزير التربية والتعليم آخر شهر أكتوبر الجارى موعداً لإجراء اختبارات تعيين 80 ألف معلم مساعد، مر عام على تعاقدهم مع الوزارة فى وظيفة "معلم"، وأوضح الجمل، فى تصريحات صحفية، أن الناجحين فى الاختبارات يحق لهم التقدم فى امتحانات كادر المعلمين المقبلة.

واستثنى الجمل المعلمين المتقدمين للاختبار، ووصل عددهم إلى الآن 65 ألف معلم مساعد، مع شرط الحصول على مؤهل تربوى، على أن يحصلوا على دبلومة تربوية مدتها عام بعد تعيينهم معلمين، وذلك بأسلوب "التعلم عن بعد داخل كليات التربية بالجامعات المصرية".

واكتفى الجمل بتحديد ثلاثة شروط يجب توافرها فى المتقدمين فى وظيفة معلم، وهى الحصول على شهادة الرخصة الدولية لقيادة الحاسب الآلى وقضاء عام كامل كمعلم مساعد، ثم اجتياز اختبارات آخر الشهر فى أربع مواد، وهى مهارات حفظ اللغة العربية والكفاءة التربوية ومادة التخصص والمهارات الأساسية فى اللغة الإنجليزية، ليحصل بعدها من تخطى الاختبار من المعلمين المساعدين على رخصة مهنة التدريس.

وأوضح الجمل أن الوزارة ستتعاقد مع 80 ألف معلم مساعد جديد بمجرد الانتهاء من إعلان تسكين الناجحين فى اختبار آخر الشهر على درجة معلم، وقال إنه "مع نهاية كل عام سنتعاقد مع معلمين مساعدين لنملأ الفراغ الذى سيحدثه انتقال ترقية المعلمين المساعدين إلى درجة معلمين".

[أبوطالب82]

واستثنى الجمل المعلمين المتقدمين للاختبار، ووصل عددهم إلى الآن 65 ألف معلم مساعد، مع شرط الحصول على مؤهل تربوى، على أن يحصلوا على دبلومة تربوية مدتها عام بعد تعيينهم معلمين، وذلك بأسلوب "التعلم عن بعد داخل كليات التربية بالجامعات المصرية
حد فاهم حاجة؟

[العرسى]

المشاركة الأصلية كتبت بواسطة أبوطالب82

واستثنى الجمل المعلمين المتقدمين للاختبار، ووصل عددهم إلى الآن 65 ألف معلم مساعد، مع شرط الحصول على مؤهل تربوى، على أن يحصلوا على دبلومة تربوية مدتها عام بعد تعيينهم معلمين، وذلك بأسلوب "التعلم عن بعد داخل كليات التربية بالجامعات المصرية
حد فاهم حاجة؟

والله ما حد فاهم حاجه من الوزير الاهبل اللى هو اصلا مش فاهم حاجه

[العرسى]

لو لم اكن مصريا لارتحت نفسيا

[(هند)]

السلام عليكم
فصبرا جميلا
لما فيه تقديم لغير التربوين لية مقالش؟؟؟ من الاول جاى بعد ما الاكاديمية خلصت
حسبى الله ونعم الوكيل
مع شرط الحصول على مؤهل تربوى، على أن يحصلوا على دبلومة تربوية مدتها عام بعد تعيينهم معلمين، وذلك بأسلوب "التعلم عن بعد داخل كليات التربية بالجامعات المصرية".
وكمان نفهم من كده انه فيه تقديم للاكاديمية الى مش معاة تربوى و ياخدها بعد التعين بعام طيب اكيد دول الى هيمتحنوا فى شهر4
؟؟؟؟؟؟؟؟؟؟

[أ/ هشام العيسوى]

محدش عارف حاجة محدش فاهم حاجة
حتى الوزير نفسه!!!

طب امتحانات الازهر هتكون امتى؟!!

[teacher120]

حسبى الله ونعم الوكيل فيك يجملنا

[شيموشيمو]

عرفتوا يا جماعة

الناس اللى سلمت ورقها للأكاديمية دلوقتى تدخل على موقع الاكاديمية وتطبع استمارة التقدم للأختبار

التى بها بياناتك وتختمها من المدرسة ثم من الادارة ثم تسلمها لقسم الإحصاء وهما اللى هيسلموه للأكاديمية علشان يطلع لكم رقم جلوس
من الاكاديمية

[ahmed salh]

يا جماعه الوزير نفسه و الله ما فاهم حاجه لانه بينفذ العك بتاع د درويش المعقد وزبر التعقيدات الاداريه

[teacher120]

وزير جاهل يقود التربيه والتعليم وكاذب ايضا

[bob1111]

أكد مسئول بارز بوزارة التربية والتعليم، أن ميزانية الوزارة للعام الجارى لا تحوى اعتمادا ماليا يكفى لتعيين المعلمين المساعدين، وعددهم 80 ألفاً، فى وظيفة "معلم"، فيما علم اليوم السابع أن وزارة المالية ستخصص اعتمادا ماليا لتعيين المعلمين على أن ترسله مباشرة إلى المحافظات دون العودة إلى وزارة التربية والتعليم.

وأوضح مسئول بارز بالوزارة، أن "التعليم" لن تتحمل نفقات ترقية 80 ألف معلم مساعد إلى درجة "معلم"، مشيراً إلى أن دور الوزارة يقتصر على توفير الدرجات الوظيفية للناجحين منهم فى اختبار يُعقَد بنهاية أكتوبر الجارى، على أن تتولى مديريات التربية والتعليم بالمحافظات منحهم رواتبهم بعد الترقية، وأضاف "فى الماضى كانت الوزارة هى المسئولة عن رواتب هؤلاء المعلمين، ولكن فى ظل تطبيق سياسة اللامركزية يبقى إشراف الوزارة ماليا على جميع المعلمين أمرا غير قابل للتحقق".

من ناحية أخرى علم اليوم السابع أن الدكتور يوسف بطرس غالى وزير المالية قرر إرسال اعتماد مالى للمحافظات حتى تتمكن من صرف رواتب المعلمين المنتقلين من وظيفة "معلم مساعد" إلى "معلم"، بحيث يحق لهم خوض أول اختبارات كادر مقبلة.

كان الدكتور يسرى الجمل وزير التربية والتعليم قد حدّد آخر شهر أكتوبر الجارى موعداً لإجراء اختبارات تعيين 80 ألف معلم مساعد، مر عام على تعاقدهم مع الوزارة، فى وظيفة "معلم"، مستثنيا إياهم من شرط الحصول على مؤهل تربوى، على أن يحصلوا عليه بأسلوب "التعلم عن بعد" بعد تعيينهم.