ايه اخبار تعيين أوائل الكليات ياجماعة؟

[نوجة نوجة]

الحمدلله وقفتنا جابت نتيجة يارب يسيرر القرار فى التنفيذ طالما المرة دى مش توصية وانو قرارا واجب التنفيذ ربنا يوفقنا كلنا يا جماعة ادعو بس الايام دى

[انت فى مصر]

ارجو الرد من الدكتور المحترم عبد الرحمن ماهو اختلاف القرار الصادر اليوم من مجلس الوزراء عن القرار السابق لتعين اوائل الخريجين
انا مش فاهم وليه الكل بيتكلم عن شهرين للتعين
ياريت يا دكتور عبد الرحمن تحدد لينا هو الموضوع ماشى الزاى
ولك الشكر

[mhegazi]

الف الف مبرووووووووووووووووووووووووووووووووووووووووك ويارب يتم على خير

[mhegazi]

[color="red"]انا لى سؤال [/color]
من فضلك يا دكتور عبد الرحمن تجاوب لى عليه
انا اختى الرابعة على الدفعة فى كلية التربية
تعيينها ممكن يجي فين
وجزاك الله عنا خيراً

[wafa2]

معلش يا دكتور كنت عايزه اعرف هل مازال التقديم مستمر فى الاكاديميه ولا لا؟؟؟
وما معنى الكلام انه فى خلال ثلاث سنوات و60 يوم دى للخرجين ولا لحمة الماجستير والدكتوراه؟؟

[احمد الامبركابي]

سؤالي للساده الاعضاء بعد اذنكم
1 - عايز اعرف الفرق بين قرار التوصيه وقرار التعيين لان لو قراءنا القرارين بنفس الصيغه .
2 - ما معني كلمه( اجراءات التعيين وشهرين ) امال تحضير اسماء الاوائل ووضعها علي موقع الاكاديمية ده كان ايه ؟
3 - الجهه التي سيتم التعيين عن طريقها وكيفية المخاطبه ومتي سوف يتم المخاطبه هل ايضا بعد شهرين ولا ايه ؟
وشكرا لسعة صدركم لنا وعلي كل حال كما قال نبينا الكريم صلي الله عليه وسلم "" بشرو ولا تنفرو ""
الف الف الف مبروك لكل الاوائل وربنا باذن الله يتمها علي خير

[El Ninio]

مبروووووووووووك يا شباب
ده فرج ربنا وكرمه في الشهر الكريم ده
ربنا يتممها على خير

[moonmony82]

لولولولولولولولولولولولوى يا رب كملنا حلمنا على خير وفرحنا يارب عاجلا غير اجلا

[فاطمة الزهراء 86]

ألف مبروك للجميع

بس سؤال ليك يا أستاذ Boskovice وأرجو سرعة الرد علي لأني مش عارفه أنام هو فعلا التعيين جاء للعشرين ولا للخمسه زي ما هو مكتوب في جريدة المصري اليوم وأنتم عرفتم منيين إن هو للعشريين .

سؤال تاني : يعني إيه كمان ثلاث سنوات وبعدين تقولوا كمان شهرين والله أنا مفيش في حيل إن أستنى كمان ثلاث سنوات دا كان زماني مت .

[فاطمة الزهراء 86]

يا جماعة أنا الثانية على القسم والسابعة عشر على الكلية هل لي تعيين أرحو الرد .......

[ريمون22]

التعيين للعشرين ولا الخمسة الاوائل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الخبر مش واضح ومحدد
برجاء الافادة وطمنا يا دكتور عبد الرحمن لان حضرتك مصدر ثقة ...............

[خليل المسيرى]

الى الان لا نعرف اخر الاجراءات الادارية فى تعيين أوائل الأزهر لان كان ىخر شئ تم الانتهاء من كشوف 19 كليه من اصل 70 فهل لدى احدم جديد إن شاء الله انا مسافر لسه يوم السبت حتى الأخ الزميل فى مصر تليفونه غير متاح

[د.عبدالرحمن المنياوي]

عــــــــــــــــــــــــــــــــــاجل جـــــــــــــــــــــــــــــداً
----------------------------------------------------
بسم الله الرحمن الرحيم
-----------------------------------
اخواني الكرام / السلام عليكم ورحمة الله وبركاته
-----------------------------------------------------
بعدما اعلنت جميع الصحف والتلفزيون المصري عن نبأ اقتحام مكتب وزير التعليم العالي الدكتور معتز خورشيد وبعد مناوشات ومفاوضات مع الجهات الامنية المختلفة نعرض الاتي:
---------------------------------------------
تم اخلاء مكتب الوزير لفترة 48 ساعة علي الاكثر لحين صدور قرار يلبي مطالب الحاصلين علي الماجستير والدكتوراه
---------------------------------------------
صدر قرار من مجلس الوزراء اليوم هذا نصه ( الثانى عشر :تعيين أوائل الخريجين وحملة الماجستير والد كتوراة :

- وافق مجلس الوزراء على بدء اتخاذ إجراءات تعيين أوائل الخريجين ، والحاصلين على الماجستير والدكتوراه ، ومنهم طلاب المنح ، فبالنسبة لأوائل الخريجين فقد وافق المجلس على بدء اتخاذ إجراءات تعيينهم فى الجهاز الادارى للدولة .

- وبالنسبة لحملة الماجستير والدكتوراه فقد وافق المجلس على بدء الإجراءات الخاصة بتعيينهم خلال فترة زمنية قدرها ثلاثة سنوات بحد أقصى ، على أن يبدأ التعيين من الآن وفقاً للاماكن الشاغرة بالجامعات والمعاهد العليا والمراكز البحثية المختلفة التابعة للدولة وفق ضوابط سيتم الإعلان عنها خلال شهرين من تاريخه. )
------------------------------------------
وعلي هذا نعلن الاتي :
1- فتح باب الحصر من جديد يوم الاحد الموافق 21 / 8 / 2011 لكل من لم يسبق له التقدم إلي اللجنة المنعقدة بمقر اكاديمية البحث العلمي وبموافقة ومعرفة وزير التعليم العالي .
2 - توزيع كود اسطوانة الحصر لكل من تقدم سابقا من الحاصلين علي الماجستير والدكتوراه وذلك يوم الاحد الموافق 21 / 8 / 2011 .
3 - تنبيه علي جميع الحاصلين علي درجتي الماجستير والدكتوراه بضرورة الحضور يوم الاحد الموافق 21 / 8 / 2011 .
4 - نرفض بعض بنود هذا القرار وسنعلن يوم الاحد الموافق 21 / 8 / 2011 من خلال مؤتمر صحفي النقاط التي نريد تعديلها في هذا القرار إلي جانب خطوات تصعيديه اخري.
5 - البدء في اجراءات تدويل القضية والتقدم إلي الجهات الدولية المعنية .
6 - الاعتصام مستمر ومفتوح ولن يفض الا بتعديل واضح لنص القرار مصحوب بخطة وجدول زمني يشترك في وضعه اللجنة المفاوضة بقيادة الممثل الرسمي للائتلاف والمنوط بها الاشتراك في وضع اليات تفعيل القرار والاشتراك في رقابة مدي جدية التنفيذ.

والله من وراء القصد وهو يهدي السبيل




ألف ألف ألف مبروووووووووووووووك لأوائل الجامعات ولعلماء الغد من حملة الماجستير والدكتوراة وللدكاترة الأبطال المدفونين من طلاب المنح ..

اليوم قد ظهر الحق وعاد طائرا لأصحابه .. اليوم يستطيع الجميع أن يرتاح .. وانا من هنا باشكر كل من قام بالوقوف في هذه الأزمة سواء بالدعاء أو بالتظاهر أو بالتماس الخبر أو بالتنسيق في التحركات .. شكرا للجميع .. وفي توفيق الله ورعايته ..

طبعا أنا عارف إن الناس ليها استفسارات كتييييييييييييييييييرة .. انا عاوز الناس تطمن دلوقت وبعد الفطار بإذن الله هادخل وبدعوا الناس كلها تدخل على المنتدى واللي ليه سؤال نتشاور فيه سويا ..

أخوكم الأحوج إليكم د.عبدالرحمن المنياوي

[boskovice]

المشاركة الأصلية كتبت بواسطة فاطمة الزهراء 86

ألف مبروك للجميع

المشاركة الأصلية كتبت بواسطة فاطمة الزهراء 86

بس سؤال ليك يا أستاذ boskovice وأرجو سرعة الرد علي لأني مش عارفه أنام هو فعلا التعيين جاء للعشرين ولا للخمسه زي ما هو مكتوب في جريدة المصري اليوم وأنتم عرفتم منيين إن هو للعشريين .

سؤال تاني : يعني إيه كمان ثلاث سنوات وبعدين تقولوا كمان شهرين والله أنا مفيش في حيل إن أستنى كمان ثلاث سنوات دا كان زماني مت .

التعيين ل 20 الاوائل وليس الخمسة

انا شوفت الكشوفات بعينى مكتوب فيها 20

بالنسبة لاوائل الخريجيين هيتم التعيين على حد قولهم خلال شهرين 60 يوم ( خاص بالخريجين )

اما اصحاب الماجستير والدكتوراة هيتم تعينهم فى مدة لا تزيد عن 3 سنين

بدا من اليوم يعنى من الان هيتم تعيين ناس لمدة 3 سنين ( خاص بالماجستير والدكتوراة )

[خليل المسيرى]

انتهاء جامعة الأزهر من حصر أوائل الجامعه وهى الان فى انتظار رد التنظيم والادارة والماليه نقلا عن صوت الأزهر د/ اسامة العبد