ايه اخبار تعيين أوائل الكليات ياجماعة؟

[سامح الجعيدي]

دعوة عامة لجميع اوائل الخريجين

هااااااااااااام لجميع الاوائل الحضور غدا امام مجلس الوزراء للاهميه حيث سيتم انعقاد مجلس الوزراء غدا وفتح موضوع تعيين الاوائل وسوف يتحدد غدا الاليه للتعيين من حيث العدد وموعد التنفيذ فرجاء من الجميع الحضور غدا حيث سيتحدد هذا طبقا للاعداد الموجوده امام مجلس الوزراء من مصدر مسئول على لسان ا\ محمد شعله احد الاوائل الموجودين امام مجلس الوزراء الان فالموضوع فى ايدينا احنا يا جماعه لازم نتحرك ارجو من الجميع الحضور غدا وربنا الموفق.

دعوة عامة لجميع اوائل الخريجين

[د.عبدالرحمن المنياوي]

غدا بإذن الله يتخذ قرار التعيين لأوائل الجامعات العامة وتحديد الآلية والعدد النهائي وطريقة التعيين وكما قلت سابقا كانت هناك مقترحات أمام المسئولين وغدا سيتم البت فيها ..

دعواتكم لكم مهمة

[انت فى مصر]

غدا ان شاء الله
الى اوائل خريجى الجامعات المصرية
بعد التاكيد من التنظيم والادارة فعلا تتجه نحوا تعيين الخمسة الاوائل بس والتاكد من كلام الرجل الفاضل / الدكتور عبدالرحمن

ان لم يكن هناك الف من اوائل خريجى الجامعات المصرية فلتعلموا السيناريو الذى سينفذ
اولا سيتم تعين الخمسة الاوائل فقط بعد حذف المعيدين وبالتالى 30 الف مش هيكون ليهم الحق فى التعين
ومحدش يقول ده قرار وزارى اللى الحكومة ممكن تخده دلوقتى بعد ما كانت فاكرة ان هيكون النهارده فى الوقفة 5 او 6 الاف لقت 100 واحد بس وده اكدلهم ان تعين الخمسة الاوائل من سنة 2003 وحتى 2010 كافى والباقى على مراحل من اربع لخمس سنوات وانت عارفين حلنى بقى او ابقى قابلونى لو عينوا الباقى
علشان كده بقول اخر فرصة بكرة
وكلام من داخل التنظيم والادارة فعلا مستنيين الاسبوع ده او اول الاسبوع القادم قرار التنفيذ بالخمسة او ما يقرره مجلس الوزراء وبالتحديد غدا
الفرصة الاخيرة
ما تستنوش والله والله النهارده انتم جالسين على النت بكرة مش هتلاقى حد حتى مش ينزل لا ولا حتى يجيب ليك خبرة على الموقع او على الفيس بك واوعى تحسب انت بتضحك وانت قاعد كده الناس اللى فى الشارع بكرة كل واحد يشوف مصلحته ويشوف شغله
صدقونى والله والله والله والله دى اخر فرصة ليكم يا اوائل الخريجين

[wafa2]

شكرا حجااااااا لحضرتك يا دكتور عبد الرحمن على مجهودك وربنا يجعله فى ميزان حسناتك
كان لى استفسار بخصوص حملة الماجستير والدكتوراه ، الاسبوع اللى فات طلع كلام ان فى تقديم فى الاكاديميه لاصول الاوراق لحملة الماجستير والدكتوراه انا طبعا للاسف مقدرتش اسافر ولقيت النهارده اسماء ناس قدمت اوراقها مكتوبه على موقع الاكاديميه عايزه اعرف دى معناه ايه وهل اللى قدم اوراقه بس هو اللى يهتعين ولا ايه النظام؟؟
وجزاك الله خيرا

[meslmat]

المشاركة الأصلية كتبت بواسطة د.عبدالرحمن المنياوي

ههههههه

ربنا يستر علينا أنا عمال باشنق من امبارح ..

عموما شكرا لمجاملتك الرقيقة وربنا ينفع بينا الناس .. وينفعنا بك ..

حِــــــــــقد

المشاركة الأصلية كتبت بواسطة خالد عقيبى

تحياتى للدكتور عبد الرحمن أنا سعيد ان الكل بيحترم حضرتك بهذه الطريقه أكيد انت تستحق هذا الاحترام وجزاك الله خيرا على ما تقدمه من معلومات موثوق منها يستفيد منها الكثير فى المنتدى
وياريت حضرتك تتابع معانا موضوع تعيين أوائل الأزهر معيدين خصوصا ان كان هناك تصريحات من الجامعه ان الموضوع هيخلص اليوم الماضى الأحد والى الأن لم يتم استكمال البيانات المطلوبه ولا تم اعلان أسماء حتى يستريح الأوائل
ولحضرتك منى خالص الاحترام والتقدير وشكرا

حِــــــــــقد

[El Ninio]

ايه معنى الرد ده يعني ؟؟
حقد ... حقد ؟؟؟؟ !!!!

[السعيد المصري]

السلام عليكم
دى اول مشاركة لى فى المنتدى
وان كنت اتابعه منذ فترة
واتقدم اولا بكل التقدير والاحترام لكل المشاركين
واسال الله عز وجل ان ينفع بكم
ولكن عندى سؤال.
المعيد فى جامعة الازهر كم راتبه الان؟
وهل سيتم تعديل الرواتب؟

[د.عبدالرحمن المنياوي]

المشاركة الأصلية كتبت بواسطة wafa2

شكرا حجااااااا لحضرتك يا دكتور عبد الرحمن على مجهودك وربنا يجعله فى ميزان حسناتك
كان لى استفسار بخصوص حملة الماجستير والدكتوراه ، الاسبوع اللى فات طلع كلام ان فى تقديم فى الاكاديميه لاصول الاوراق لحملة الماجستير والدكتوراه انا طبعا للاسف مقدرتش اسافر ولقيت النهارده اسماء ناس قدمت اوراقها مكتوبه على موقع الاكاديميه عايزه اعرف دى معناه ايه وهل اللى قدم اوراقه بس هو اللى يهتعين ولا ايه النظام؟؟
وجزاك الله خيرا

التقديم للناس المعتصمين ده تكليف من الوزير علشان يعملوا الحصر .. وكل ما الناس تقدم أكتر كل ما العدد بيزيد على موقع الأكاديمية .. والمفترض إ‘ن اللي قدم أوراقه بس هو اللي ضمن الحصر .. بس يعني بيني وبينك لو حصل تعيين لا يمكن استبعاد حد حاصل على درجة بس الواحد يمكن يتعطل .. نصيحتي ليكي ابعتي ورقك هناك مع أي حد ..

[د.عبدالرحمن المنياوي]

المشاركة الأصلية كتبت بواسطة السعيد المصري

السلام عليكم
دى اول مشاركة لى فى المنتدى
وان كنت اتابعه منذ فترة
واتقدم اولا بكل التقدير والاحترام لكل المشاركين
واسال الله عز وجل ان ينفع بكم
ولكن عندى سؤال.
المعيد فى جامعة الازهر كم راتبه الان؟
وهل سيتم تعديل الرواتب؟

الرد من متخصصي الأزهر ولو إني شايف إن السؤال ده بدري عليه شوية !!!

[د.عبدالرحمن المنياوي]

المشاركة الأصلية كتبت بواسطة meslmat

حِــــــــــقد





حِــــــــــقد

ماشي ياعم !!! براحتك !!!

[السعيد المصري]

السلام عليكم
الموضوع ده مهم جدا بالنسبة لى
فياريت اللى عنده معلومة عنه يرد على
وجزاه الله خيرا

[خليل المسيرى]

مرتب المعيد الحديث شامله حوالى 600 جنيه غير مكافأت الامتحانات 400 يوم واسناد اى اعمال أخرى لكن بعد الحصول على الماجستير بيختلف اختلاف جوهرى ويتعدى 2000 جننيه

[فاطمة الزهراء 86]

يا دكتور عبد الرحمن أفدنا بالله عليك هو فعلا التعيين هيكون للخمسة الأوائل فقط

إزاي أنا نفسي افهم هما الخمسة هيكون عددهم 60 ألف لأن في جريدة المصري اليوم قال الدكتور صفوت ان التعيين هيكون للخمسة الاوائل وبعدها قال ان هيتعين 60 ألف طيب إزاي يمكن هو قصده العشرين وهو مش واخد باله لأن الخمسة عمرهم ما هيكملو ا العشرين ألف


أرجو الإفادة والتوضيح ...............

[منتصر الصعيدى]

الف مبروك يا اوائل الف مبروك الخبر اتاكد النهاردة الخبر تعيين العشرين
وافق مجلس الوزراء فى اجتماعه اليوم على بدء اتخاذ إجراءات تعيين أوائل الخريجين، والحاصلين على الماجستير والدكتوراة، ومنهم طلاب المنح، أضاف الاجتماع أنه بالنسبة لأوائل الخريجين فقد تمت الموافقة على بدء اتخاذ إجراءات تعيينهم فى الجهاز الإدارى للدولة.

أما بالنسبة لحملة الماجستير والدكتوراة فقد وافق المجلس على بدء الإجراءات الخاصة بتعيينهم خلال فترة زمنية قدرها ثلاث سنوات بحد أقصى، على أن يبدأ التعيين من الآن وفقاً للأماكن الشاغرة بالجامعات والمعاهد العليا والمراكز البحثية المختلفة التابعة للدولة وفق ضوابط سيتم الإعلان عنها خلال شهرين من تاريخه.

[boskovice]

الف الف مبروك لاوائل الخريجين الجامعات المصرية

مش قولنا من الاول ان الاعتصام هو اللى هيجيب نتيجة

وافق مجلس الوزراء فى اجتماعه اليوم على بدء اتخاذ إجراءات تعيين أوائل الخريجين، والحاصلين على الماجستير والدكتوراة، ومنهم طلاب المنح، أضاف الاجتماع أنه بالنسبة لأوائل الخريجين فقد تمت الموافقة على بدء اتخاذ إجراءات تعيينهم فى الجهاز الإدارى للدولة.

أما بالنسبة لحملة الماجستير والدكتوراة فقد وافق المجلس على بدء الإجراءات الخاصة بتعيينهم خلال فترة زمنية قدرها ثلاث سنوات بحد أقصى، على أن يبدأ التعيين من الآن وفقاً للأماكن الشاغرة بالجامعات والمعاهد العليا والمراكز البحثية المختلفة التابعة للدولة وفق ضوابط سيتم الإعلان عنها خلال شهرين من تاريخه.

الحلم قرب اهو 60 يوم تفصل الاوائل عن الوظائف وان شاء الله تكون وظائف مرموقة تليق بيكم

الكلام المرة دى صحيح لانى روحت الجامعة وفعلا سمعت بالكلام دة كمان والكشوفات النهائية اتبعتت من اسبوع

للاكاديمية

خلال اسابيع هيتم تسجيل الرغبات فى التنظيم والادارة ودة هيبقا عن طريق اعلان

وهيتم اخطار المتامن عليهم واللى شغالين بالوظيفة وهو يختار اللى يعجبة

التعيين ل 43 الف خريج وليس 60 الف

نهاية سعيدة باذن الله وبالتوفيق للكل