ايه اخبار تعيين أوائل الكليات ياجماعة؟ - الصفحة 131

El Ninio · #**1951** 14-08-2011, 05:42 PM

اقتباس:

المشاركة الأصلية كتبت بواسطة د.عبدالرحمن المنياوي

أولا حضرتك انا عارف إنك جديد في المنتدى وجديد على الصفحة هنا .. ومفيش حاجة في كلامك تدعو للزعل .. لكن حابب أقولك حاجة انا لما اتكلمت أو لما بانشر حاجة بأحاول أكون دقيق في كلامي ولو كنت عاوز أقول رأي خاص أو توقع كنت كتبت الفترة اللي فاتت .. لكن ماحبتش اتكلم دون وعي وده أسلوبي منذ البداية والحمد لله الناس هنا وكل جروبات أوائل الخريجين عارفين كده .. وانا بس حبيت أقول ده علشان أعكس مصداقية كلامي عند حضرتك والباقين ..

ثانيا انا بس حابب يا أخي أوضح لك إن من دفعة 2003 لغاية انهارده أغلب الناس اللي اتجوزت أو مش لاقية تتجوز فإن الصنفين مش لاقيين ياكلوا .. لأنهم يا إما بيشتغلوا في أعمال مؤقته أو بالحصة في التربية والتعليم أو في القطاع الخاص اللي على كف عفريت .. ولم يتوظف منهم حتى اليوم في الحكومة إلا نسبة لا تتعدى الـ5% وهم أصحاب الكوسة الكبيرة جدا أو اللي دفعوا 20 و 30 ألف جنيه للتعيين الحكومي .. فأنا أحب أصحح وجهة نظرك .. وأقول الناس دول لو حددنا الأولوية فهم الأحق بالتعيين من خريج امبارح ..

وكمان على فكرة نسبة كبيرة من الاوائل دول بتوع 2003 و 2004 و 2005 أنهوا تقريبا الماجستير يعني أصبحوا أعلى في الدرجة العلمية .. يعني متجوزين ويعولوا وأعلى علميا وحقهم من زمان وأكبر سنا .. وانت دلوقت تقوللي الأصغر أولى ؟؟؟؟

وبعدين انت دلوقت بتنقد المقترحات اللي الحكومة بتناقشها مش اللي انا حاططها علشان تختاروا منها يعني انا نقلت لكم اللي بيدور جوه وانتم تتحركوا .. وانا مؤيد تماما لتعيين الجميع لأن الأوائل في وجهة نظري هم أوائل ومتفوقين ويستحقوا التكريم أيا كان سنهم وأيا كانت دفعتهم ..

ومعلش اندفاعك للدفاع عن دفعتك الحديثة هي نظرة متحيزة وليست عادلة وشاملة .. وده رأيي ..

على فكرة انت فهمت كلامي غلط خالص يا دكتور
انا بقولك من غير زعل على كلامك انت لما هقول خبر ومحدش يزعل
تاني حاجة انا فعلا مش متحيز بالمرة للحديث عن القديم .. كل اللي حاولت اوضحه ان القرار ده مش هينفع
لأنه هيبقى فيه ظلم للكل .. ممكن اكون وضحت الظلم الواقع على الحديث وتحاملت شوية على القديم
بس مش تحيز ليا والباقي مش مهم ...بس مفيش حد أحق من حد في التعيين
وعلى كلامك الناس اللي اخدت ماجستير وبقوا أعلى في الدرجة العلمية كانت ليهم الفرصة انهم يسجلوا
انما انا وأمثالي اللي دخلوا الجيش على طول بعد ماتخرجوا وقعدوا سنة وفيه 3 .. ملحقناش نعمل ماجستير
وده مش ذنبنا احنا ... وانا فاهم ان ده كلام انت بتنقله مش بنتقد كلامك انا بنتقد اقتراحات الحكومة .. هو فيه سوء تفاهم
وحصل خير ...... بس احب اقولك تاني مرة انا والله مش منحاز خالص ولا قولت الأصغر أولى ... انا كنت بوضح ان حديث التخرج ده مايترميش لمجرد انه حديث التخرج وان القديم قديم واللي لحق يعمل ماجستير ودكتوراه واحنا ملحقناش
وكل سنة وانت طيب وكل الناس الحلوة اللي هنا طيبين
والله الموفق والمستعان

د.عبدالرحمن المنياوي · #**1952** 14-08-2011, 06:24 PM

اقتباس:

المشاركة الأصلية كتبت بواسطة meslmat

السلام عليكم ورحمة الله وبركاته
وكل عام وأنتم بخير وغفر الله لنا وةلكم الذنوب وتقبل الله صيامنا وقيامنا

كلمة للدكتور عبد الرحمن المنياوى

لماذ كل هذا الحب والشوق اليك
فى العالم الافتراضى والمنتدى

انا بصراحة بحقد عليك " قلبى قايد نار "
ما السبب
فى كل هذا الاحترام
ولماذا انت دون غيرك
الكل يغيب ولا يسأل احد عنهم
اما انت فالكل متلهف عليك
منتظر لنصحك
ولرأئيك النافذ
وبصيرتك الحادة
ومعلوماتك الدقيقة
وكلماتك الرقيقة
.................

من أجل ذلك أنا احقد عليكم

والسلام عليكم ورحمة الله وبركاته

ههههههه

ربنا يستر علينا أنا عمال باشنق من امبارح ..

عموما شكرا لمجاملتك الرقيقة وربنا ينفع بينا الناس .. وينفعنا بك ..

د.عبدالرحمن المنياوي · #**1953** 14-08-2011, 06:29 PM

اقتباس:

المشاركة الأصلية كتبت بواسطة imenesi

على فكرة انت فهمت كلامي غلط خالص يا دكتور
انا بقولك من غير زعل على كلامك انت لما هقول خبر ومحدش يزعل
تاني حاجة انا فعلا مش متحيز بالمرة للحديث عن القديم .. كل اللي حاولت اوضحه ان القرار ده مش هينفع
لأنه هيبقى فيه ظلم للكل .. ممكن اكون وضحت الظلم الواقع على الحديث وتحاملت شوية على القديم
بس مش تحيز ليا والباقي مش مهم ...بس مفيش حد أحق من حد في التعيين
وعلى كلامك الناس اللي اخدت ماجستير وبقوا أعلى في الدرجة العلمية كانت ليهم الفرصة انهم يسجلوا
انما انا وأمثالي اللي دخلوا الجيش على طول بعد ماتخرجوا وقعدوا سنة وفيه 3 .. ملحقناش نعمل ماجستير
وده مش ذنبنا احنا ... وانا فاهم ان ده كلام انت بتنقله مش بنتقد كلامك انا بنتقد اقتراحات الحكومة .. هو فيه سوء تفاهم
وحصل خير ...... بس احب اقولك تاني مرة انا والله مش منحاز خالص ولا قولت الأصغر أولى ... انا كنت بوضح ان حديث التخرج ده مايترميش لمجرد انه حديث التخرج وان القديم قديم واللي لحق يعمل ماجستير ودكتوراه واحنا ملحقناش
وكل سنة وانت طيب وكل الناس الحلوة اللي هنا طيبين
والله الموفق والمستعان

على فكرة باتأسف لك جدا لأني قريت كلامك بسرعة بس لما رجعت وقرأته تاني اتضحت الصورة .. وأنا برضه باكرر كلامي إن الاول يجب احترامه مهما كانت دفعته .. ولا تليق معاملته إلا كأول وإلا فلا تقدم ولا رفعة لهذا البلد .. أولوية القدم ليست بسبب حصولهم على درجات علمية أعلى .. ولكن لأنهم عانوا بعد التخرج لفترة .. وهذا لا يعني عدم أحقية الأحدث .. وبعدين إذا كانت دي مقترحات الحكومة .. فإننا كلنا نؤيد الحل الأخير القائل الكل يتعين رغما عن الاحتياج ..

د.عبدالرحمن المنياوي · #**1954** 14-08-2011, 06:44 PM

أنا بوجه كلامي لأخوتي الصغار المشاغبون : بوسكو و كيميائي و شريف2011 .. وإن كان الأخير حديث الانضمام إلا أن الواحد والله كان محروم الفترة اللي فاتت دي من مشاغباتكم .. ودول بيمثلوا قوى المعارضة اليمينية واليسارية في المنتدى .. ده على أساس إن انا الحكومة يعني .. ههههههههه

بص بقى ياعم بوسكو الأول انا عبد الرحمن أخوك مش وزير التعليم العالي ولا نحاس بيه بتاع التنظيم والإدارة .. وانا نقلت مايدور بالكواليس وليس قرار الحكومة .. وقلت 3 اقتراحات مطروحة للبت في إحداها ليه احنا نركن على حل معين ونتوقعه؟؟

وانت دلوقت يا بوسكو الدرجات موجوده كتير آه طبعا فيه درجات للناس اللي مشيت معاش لكن هل فيه أماكن فاضية ؟؟؟ لأ الأماكن الفاضية أقل بكثير من الأماكن الممكن استيعابها للأوائل ودي حقيقة وأي واحد فاهم أو له تعامل مع الحكومة عارف كده كويس .. ليه؟؟ مش المفروض اللي يطلع ع المعاش يجي زيه ؟؟

المشكلة بقى في إيه ؟؟ سرت في الدولة في السنوات الأخيرة فكرة التعيين المؤقت .. كان الواحد يطلع معاش يجيبوا مكانه 10 مؤقتين واتنين تلاتة تعيين ثابت بالكوسة .. لما قامت الثورة أمرت بتثبيت المؤقتين .. يعني المكان أصبح مكدس ..

طيب والأوائل مالهم مش ليهم حق ؟؟ انت بتحسبها بسنين تفوقك والحكومة للأسف بتسبها بالأرقام .. يعني خرج واحد معاش وعندنا 10 مكانه يبقى فيه تكدس مالهومش دعوة هم بقى بالباقي ..

انت دلوقت بتقول الشغل كتير وانا بفلوسي هتعين ... وبعديها بتقول لأ الاعتصام هو الحل .. أنا بقى باقولك لو انت ناوي تدفع فلوس وتتوظف ما اعتقدش إن ده متاح دلوقت لأن لا فيه مجلس شعب ولا شورى وكبار الناس بتوع النظام وقعوا فانت مش عارف هتدفع لمين علشان يعينك وهل الراجل ده صادق والا بينصب عليك ؟؟

أما بخصوص الاعتصام فده أنا باشجعه وبدعوا الناس إليه بسبب تحريك الموضوع والأوضاع للأمام ..

أبو عمر وإلياس · #**1955** 14-08-2011, 07:41 PM

دكتور عبد الرحمن.. كل عام أنت بخير.. رمضان كريم .. ربنا يبلغنا وإياك ليلة القدر.. اللهم آمين

لي سؤال بعد إذنك ... هل فعلا تم إلغاء القرار رقم 75 بتعيين معلمي الأجر والعقود على درجة معلم مساعد ؟؟؟ مع العلم إني من أيام قمت بإمضاء إقرار القيام بالعمل وإجراءات التثبيت .. ؟؟؟؟؟؟؟ هل فعلا الكلام على إلغاء التعيين للي اتعين صحيح ؟؟؟؟؟؟؟

د.عبدالرحمن المنياوي · #**1956** 15-08-2011, 02:04 AM

إلغاء قرار التثبيت دي إشاعة مش عارف مين مصدرها بس الناس استلمت على الثالثة .. وده أمر منتهي خلاص ..

ام رهف · #**1957** 15-08-2011, 09:38 AM

اقتباس:

المشاركة الأصلية كتبت بواسطة خالد عقيبى

يا ترى ايه الجديد فى تعيين أوائل الأزهر معيدين المفترض أن اليوم الأحد كان اخر ميعادللانتهاء من الاجراءات والبيانات المطلوبه من الجامعه بناءا على ما نشر فى اليوم السابع هل انتهوا بالفعل أم سيتم التأجيل كالعاده

لم ينتهو من حصر اسماء البنات
ان شاء الله ينتهو اليوم

donga-kalosha · #**1958** 15-08-2011, 09:51 AM

that's nice

خليل المسيرى · #**1959** 15-08-2011, 11:06 AM

حتى اليوم لا يوجد جديد فى جامعات الأزهر الساعه الان 11 صباحا وعلى انتظار تنفيذ الوعود ونشوف رئيس الجامعه ومصدقية كلامه ايه وربنا ان شاء الله ينصرنا

خليل المسيرى · #**1960** 15-08-2011, 11:10 AM

الى الان لم يوجد جديد ولا تم ارسال للأسماء الى التنظيم ولا حاجه الساعه الان 11 صباحا واحنا فى الجامعة ومنتظرين رد رئيس الجامعه ووعده لنا ان يوم الاحد أمس كان آخر مهله وبكده هنعرف من السبب وراء هذه المماطله وعلى فكره فيه ناس مش هتمشى الا متاخذ في ايديها الأسماء وترحو بها التنظيم زى جواب الدرجات وخلى الا قاعد فى بيته مستنى واحد يجبله حقه سلام

كيميائى اسلام الشاعر · #**1961** 15-08-2011, 11:31 AM

بسم الله الرحمن الرحيم

لقيت الخبر ده نازل امبارح

"التنظيم والإدارة" يوافق على تعيين أوائل الجامعات من 2003 وحتى 2010

الأحد، 14 أغسطس 2011 - 12:00

كتب وليد عبد السلام

أكد مصدر مسئول بالجهاز المركزى للتنظيم والإدارة أن الجهاز بدأ فى حصر الدرجات الوظيفية بكافة الجهات الإدارية بالدولة والتى تصل إلى نحو 720 وحدة لتحديد الاحتياجات الفعلية لها، لتوزيعها على أوائل الخريجين بالجامعات الحكومية بالدفعات من 2003 وحتى 2010.

وقال المصدر فى تصريحات لـ "اليوم السابع" إن الجهاز وافق على تمويل 6 آلاف درجة وظيفية لتعيين أوائل خريجى كليات جامعة الأزهر للعام الحالى، مشيراً إلى أنه تم إخطار وزارة المالية لتوفير الاعتمادات اللازمة لهذه الدرجات.

وأشار المصدر إلى أنه تم تثبيت العماله المؤقتة بهيئة المجتمعات العمرانية الجديدة وأجهزة المدن والمستوفين لشروط التثبيت، على أن يتم مخاطبة وزارة المالية بها لاعتماد التمويل اللازم.

وكانت الهيئة انتهت من مراجعة إجراءات تثبيت المرحلة الأولى وإرسالها لوزارة المالية ليصبح عدد المدن الجديدة التى تم إرسال بيانات العمالة المؤقتة بها 16 جهاز ومدينة، بالإضافة إلى رئاسة الهيئة.

sherif 20II · #**1962** 15-08-2011, 12:24 PM

الخبر ده نزل التلات اللى فات واتعرض من أحد الأعضاء بس فى الأول والأخر ده كلام جرايد

كيميائى اسلام الشاعر · #**1963** 15-08-2011, 12:46 PM

http://www.youm7.com/News.asp?NewsID...D=65&IssueID=0

ده الخبر من جريدة اليوم السابع بتاريخ الأحد و لو مكرر يبقا مخسرتش حاجة

خالد عقيبى · #**1964** 15-08-2011, 01:34 PM

شكرا للأخت أم رهف على التوضيح ويارب ينتهوا من استكمال أسماء البنات كما قولتى
وأتمنى أن يعلنوا الأسماء حتى يطمئن الناس ويذهب القلق والتوتر
مش عارف ليه التأخير كده المفترض ان البيانات جاهزه من زمان وحتى لو مش جاهزه فى وجهة نظرى اعدادها لا يستغرق كل هذا الوقت يا ريت الموظفين يبطلوا الروتين ده بقى

خالد عقيبى · #**1965** 15-08-2011, 01:45 PM

تحياتى للدكتور عبد الرحمن أنا سعيد ان الكل بيحترم حضرتك بهذه الطريقه أكيد انت تستحق هذا الاحترام وجزاك الله خيرا على ما تقدمه من معلومات موثوق منها يستفيد منها الكثير فى المنتدى
وياريت حضرتك تتابع معانا موضوع تعيين أوائل الأزهر معيدين خصوصا ان كان هناك تصريحات من الجامعه ان الموضوع هيخلص اليوم الماضى الأحد والى الأن لم يتم استكمال البيانات المطلوبه ولا تم اعلان أسماء حتى يستريح الأوائل
ولحضرتك منى خالص الاحترام والتقدير وشكرا