انجح هات مجموع عالي .. ازاي

[serena710]

فى البداية احب اشكرك تانى على الجدول اللى فعلا وفرلى وقت ..كان فيه شوية تعديل بس كان كويس جدا.....ثانيا انا هتئل على حضرتك بمناسبة الدراسة هتبدا فا انا عايزة جدول فى ظل المدرسة ....انا بروح الساعة 7:30 و امشى الساعة 12:00 او 12:30 ....مستانية حضرتك

[ahmedelfangary]

الدرس الرابع :: المراجعة ::
ايه هيا المراجعة .. يمكن أغلب أو يكاد يكون الجميع فاكرين معنى المراجعة بتكون في آخر السنة أو في شهر 4 و 5 .. لا .. المراجعة في كل وقت .. يعني لما تخلص درس لازم تراجع .. ولما يكون عندك امتحان في الدرس لازم تراجع ولازم تراجع في أي وقت .. لازم تراجع أي جزء تنتهي منه بحيث تكون متقن ليه .. انا عاوزك لما تزاكر درس تلم بيه من جميع جوانبه .. تكون خبير في الدرس بمعنى أصح .. علشان لما يحاول يجيب سؤال فيه خدعة او لفة في الامتحان تكون انتا عارف هوا عايز ايه .. لانك عندك خلفية واسعة عن الموضوع ..
المراجعة تكون ازاي ؟؟
يمكن السؤال ده بيتوقف على طبيعة مزاكرتك .. لكن خلينا نمشي بمدأ .. زاكر ربع ساعة وحل ساعة .. ايوه بالزبط كده .. لان مراجعة او مزاكرة من غير حل كانك معملتش حاجة .. لان بينك وبين المادة ورقة الاسئلة .. فانتا ازاي هتتعامل مع حاجة انتا مش عارف طبيعتها ازاي او هيا بتحتاج منك ايه .. فلازم تحل اكبر قدر من الاسئلة .. وسيبك من اللي بيقولك تكرار ومش تكرار .. على فكرة كل ما تكتب المعلومة كتير كل ما يكون صعب تنساها ..
طيب المراجعة هتكون بالورقة والقلم .. مش بقولك اكتب الكتاب كله .. لا .. احنا مش بنحفظ وخلاص .. احنا بنفهم والحفظ بالنسبة لينا صيغة مش اكتر علشان المصحح يكون في صفنا .. وانا عارف انكم هتواجهوا ناس معاكم في الدروس خصوصا في الاحياء والجيولوجيا .. بيسمعوا الكتاب كله .. انا عايزك تنسى الكائنات دي .. احنا بنفهم الاول والحفظ بالنسبة لينا مجرد صيغة بس .. واياك تحفظ بدون متفهم لان بالطريقة دي معرض انك تنسى اللي حفظته بسهولة جدا .. وبكرر مرة تاني لازم تحل اكبر قدر من الاسئلة ولازم تكتب وانتا بتراجع لان اليد ليها ذاكرة .. وزي ماقال انس بن مالك رضي الله عنه ( يابني قيدوا العلم بالكتاب ) ..
يعني على سبيل المثال مادة زي الأحياء .. اللي في اعتقاد معظم الناس انها مادة الحفظ الاولى .. احب اقول ان الحفظ فيها لازم يكون مبني على فهم والا كده مش هيكون لمزاكرة أي لازمة .. وعايزك لما تراجع تستخدم الروابط بشكل كبير جدا .. لان المخ بيفتكر المواقف اكتر من العبارات او الحروف ..
ليه المراجعة لازم تكون بشكل مستمر ..
لان المخ لما بتدخل ليه معلومة بيحاول يشوف ليها مكان .. فهيحذف من الحاجات القديمة اللي عنده اللي انتا مش مثبتها كويس .. وهكذا .. فهتكون كانك في حلقة مفرغة ومش بتعمل حاجة غير انك بتتعب نفسك بالمزاكرة بدون ناتج ..
وكنت اتكلمت قبل كده على انكم ممكن تراجعو المنهج 3 او 4 مرات ..
خلينا نكون واقعيين شوية .. مراجعة 3 او 4 مرات ممكن جدا .. لكن الية المرات دي هتكون حسب موقفك من المزاكرة من اول السنة .. والطلاب في الحالة دي هنقسمهم 3 اقسام ::
1- النوع الاول : اللي شغال تمام من اول السنة .. ومثالي جدا في مزاكرته وبيراجع بشكل مستمر ..
2- النوع الثاني : اللي شغال نص نص .. وشوية يشتغل وشوية يقف وهكزا .. لكن نقدر نقول انه مابين النوع الاول والتالت ..
3- النوع الثالث : اللي ميعرفش أي حاجة عن المنهج "" تقدر تقول مفتحش كتاب "" ..
نيجي للنوع الأول ::
احب اقولك انك في الفترة دي تمام وربنا يوفقك ويوفق الجميع .. انتا دلوقت تعتبر ملك .. تعتبر في بر الامان .. بامكانك تراجع وتتقن قبل شهر خسمة .. وتحل كمان .. انا عايزك تفضل زي ما انتا ومينزلش مستواك .. عايزك تبذل كل جهدك لسه موصلناش نهاية الطريق .. واوعى تتغر وتتخدع بنفسك ..
النوع التاني ::
وضعك كويس نوعا ما .. مع انه وحش في نفس الوقت .. الوقت لسه معاك وبامكانك تعوض اللي فات وتجيب مجموع كمان وتدخل الكلية اللي انتا عايزها .. بس لازم مضيعش ثانية .. لازم تبذل مجهود خرافي ..
النوع التالت ::
صحصح معايا كده .. انتا النوع اللي عايزين نشتغل معاه كتير الفترة اللي جاية .. احب اقولك وضعك مش كويس .. لكن انتا بينك وبين بر الامان شعرة .. وانتا اللي بامكانك تغير مسار حياتك في الفترة دي .. الانواع التانية مش احسن منك .. بالعكس انتو قريبين جدا .. والفترة الجاية هيا اللي هتحدد .. واسال أي حد دخل ثانوية عامة على ان فترة المزاكرة الصح ابتدت من شهر 2 اللي هيا الفترة الحالية .. احنا النهارده يوم 9 فبراير .. يعني نعتبر اول الشهروباقي حوالي 2/3 من الشهر اضف ليهم 3 شهور يعني لو استغليت الفترة دي كويس جدا .. اوعدك انك هتجيب على الاقل 98.5 % .. بس تستغل الفترة دي كويس .. ومش نقعد نضيع في الوقت ونيجي في شهر 5 نقول عايز ااجل وعايز اعيد السنة ومش هجيب مجموع والكلام ده .. احنا لسه الوقت معانا ..
خطة المراجعة ..
الكلام الجاي موجه للنوع الاول والتاني ..
باقي في الشهر ده 21 يوم .. بامكانك تراجع فيهم 2/3 من المنهج في جميع المواد او على الاقل تكون مراجعة مبدئية ليك .. هنقسم المواد لمجموعتين .. هنراعي فيهم سهولة المادة وصعوبتها ومدى حبك ليه .. ولفرض ان المجموعتين دول ..
المجموعة الاولى ( عربي + e + جيوليوجيا + كيميا )
المجموعة الثانية (احياء + فيزياء + لغة تانية )
وهيكون فيه مادة مشتركة بين المجموعتين هتتكرر في جميع الايام ودي هتكون مادة انتا ضعيف فيها او مش بتحبها ..
هنقسم المجموعة الاولى على 4 ايام في الاسبوع وفي نفس الوقت هنقسمها في اليوم على مجموعتين .. وحاول متخليش مواد الحفظ مع بعضها ..
المجموعة الاولى ( عربي + كيميا ) المجموعة الثانية ( انجلش + جيولوجيا )
بالنسبة للمجموعة التانية هتتقسم كده :
المجموعة الاولى ( احياء + مادة مشتركة )
المجوعة الثانية ( فيزياء + لغة ثانية )
هنستمر بالنظام ده لنص شهر 3 وهنعتبر دي المراجعة الاولى ده ان لم تكن خلصت المراجعة دي في اخر 2 والكلام ده ليك تحديدا يا نوع واحد .. بعدين من نص 3 لغاية يوم 10/4 هتكون دي المراجعة التانية ودي لازم تكون متقنة جدا .. يعني لازم توصل لمرحلة الصم من كتر الحل مش من الحفظ .. بعدين لو تمكنت انك تخلي العشرين يوم الباقيين في الشهر تراجع فيهم مرة كمان يكون تمام جدا .. ده بالنسبة للنوع الاول .. وانتا يا نوع 2 لو مقدرتش استمر الى يوم 10/5 وبعدين ابدا ركز على المواد الاولى عندك في الجدول للجميع .. ومتتجاهلش المواد التانية خليها لو كل 3 ايام تراجع مادة على بعضها .. ومش هتكون صعبة بالعكس انتا هتلاقي نفسم بتسمع الكتاب من كتر ماحليت .. كده هنكون راجعنا تقريبا 3 مرات كل مادة ..
ولازم امتحانات الثانوية العامة معاك طول الفترة دي .. عند الامتحانات مجمعة من 95 لغاية 2014 ... حل كل دول .. اضافة لمراجعات الكتب .. وكل دول مش صعب .. بس نظم وقتك كويس وحافظ ع الثانية ..
وياريت كل الانواع تسمعني في الكلام الجاي ...
احنا شعارنا الفترة دي اكون او لا اكون .. هما 4 شهور يا اما انك هترتاح باقي حياتك او مش هترتاح خالص .. انا عارف ان الكلية مش هيا الحياة .. لكن في بلدنا انتا حياتك متوقفة على كده ..
قدر قيمة الوقت كويس .. متضيعش وقتك .. بلاش ندم على اللي فات كتير .. هلي ندمك دافع ليك انك تشتغل مش تكتئب ..
افتكر يوم النتيجة .. افتكر فرحة اهلك وانتا بتقول انا جبت المجموع الفلاني .. اتخيل نفسك وانتا بتكتب استمارة الرغبات وبتحط الكلية اللي نفسك فيها وانتا كلك ثقة وفرح .. اتخيل اهلك وهما فرحانين بيك وقرايبك واصحابك وهما بيباركولك ..
ربنا يوفقكم ..
واعتذر جدا عن التاخير والانقطاع ..
دعواتكم ..

[زهرة 1996]

ربنا يكرمك يارب على النصايح الثمينة ديه ..... وجزاك الله خيرا على مجهود حضرتك .. ربنا يجعلة فى ميزان حساناتك

[Designer_PSD]

لو سمحت يا دكتور ايه أفضل الكتب اللي أراجع منها ع المهج " التعليلات والتعريفات والحاجات دي " والكتب اللي أحل منها برده ؟؟

[serena710]

ايه يا دكتور نسيتنا ولا ايه

[هيما الحفناوي]

شكرا ع الموضوع الجميييييل جدا
ممكن اطلب من حضرتك طلب..... ؟ :-)
أنا علمي علوم و عاوز جدول مذاكرة
انا مواعيد دروسي كالآتي
يوم [السبت] (٧:٠٠ص عربي )،(١١:٠٠ص كيمياء) ،(١:٣٠م فيزياء) ،(٥:٠٠م انجليزي) ،( ٧:٠٠م فيزياء) .
يوم [الاحد] (٧:٠٠ص احياء) ،(١١:٠٠ص فرنساوي)
يوم [الاثنين] (١٢:٠٠ص احياء) ،(١:٣٠م انجليزي) و يوم [الثلاثاء] مثل السبت بزيادة درس (جيولوجيا ٤:٠٠م)
[الاربعاء] (فرنساوي فقط ١١:٣٠ص) [والخميس] مثل الاثنين [والجمعة] (١:٠٠م جيولوجيا)، (٣:٠٠م احياء)
يا ريت يا دوك تعملي جدول الحق بيه نفسي في الوقت الضايع ده واكون شاكر لحضرتك جدا.

[هيما الحفناوي]

الناس اللي في المنتدي مشيت ولا ايه؟؟؟؟؟؟؟؟

[هيما الحفناوي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟! !!!!!!!

[Duke Tefa]

جزاك الله كل خير علي هذا المجهود الكبير
فعلا ده موضوع كانت ناس كتير محتاجاه خصوصا الي داخلين سنة 3 ث

[HhhhhOmar khaled]

طيب انا في تانيه السنادي قولولي استفاد ازاي من الاجازه اللي قبل تالته علشان اجيب مجموع وادعولي بالله عليكم احقق حلمي وادخل اسنان

[m4ro3 doctor]

Respected
Ya gma3a ana gdeda hena w m4 3arfa a3ml ay 7aga 7d ysa3dni :"(

[khalid ElMasry]

1- قصة الايام كل فصل في صفحة

http://www.th5stars.com/2015/12/stor...secondary.html

2- تلخيص الادب النثري كل مدرسة نثرية في صفحة
http://www.th5stars.com/2015/06/blog-post_5.html

3- اول بابين كيمياءكل باب في تلت صفحات
http://www.th5stars.com/2015/11/Chemistry-Summary.html

4- تلخيص افكار كل فصل فيزياء في صفحة
http://www.th5stars.com/2015/04/blog-post_16.html

5- قواعد اللغة الانجليزية في 18 صفحة + عرض قصة سجين زندا بطريقة الاختلافات والتشابهات وكل ( الكوتيشن )
http://www.th5stars.com/2015/06/Review-English.html

6- شرح العضوية في 10 محاضرات من داخل الحصة استاذ ايهاب سعيد
http://www.th5stars.com/2015/11/Expl...Chemistry.html

7 –استاذ محمد ياسر ادريس شرح الفيزياء من داخل الحصة
http://www.th5stars.com/2015/11/Revi...n-physics.html

8- اساسيات الرياضيات مهمة جدا لعلمي رياضة
http://www.th5stars.com/2015/08/basics-mathematics.html

9- تجميعة شرح مدرسة علي الهواء اغلب المواد
http://www.th5stars.com/search/label...المنهج%20فيديو
حدد المادة وسوف ارسلها لك ان امكن
فيزياء السنة اللي فاتت كاملة
http://www.th5stars.com/2015/09/Explain-physics.html
استاتيكا
http://www.th5stars.com/2015/08/Expl...thematics.html
تفاضل وتكامل 2015--
http://www.th5stars.com/2015/10/Calculus2015.html
تفاضل وتكامل مراجعة ليلة الامتحان
http://www.th5stars.com/2015/10/Review-Calculus.html

10-كيف تحصل علي النهائية في التعبير
http://www.th5stars.com/2015/10/Func...xpression.html

11- حل 100 فقرة نحوية من كتاب الامتحان
http://www.th5stars.com/2015/11/Arab...g-Grammar.html

12- كيف تذاكر بطريقة الخرائط الذهنية
http://www.th5stars.com/2015/08/Mind-maps.html

13- تجميعة شرح كاملة لقصة الايام ل استاذ اسامة عز الدين
http://www.th5stars.com/2015/07/Stor...art-One26.html
http://www.th5stars.com/2015/07/Stor...-Part-two.html

14- شرح قانوني كيرشوف استاذ احمد بركة مؤلف كتاب الوسام
http://www.th5stars.com/2015/08/Kirchhoff-law.html

15- مراجعة لغة فرنسية لمدرسي برنامج مدرسة علي الهواء
http://www.th5stars.com/2015/06/Revision-French.html
http://www.th5stars.com/2015/05/twit...be-social.html

16-جميع افكارالرياضيات ان شاء الله
http://www.th5stars.com/2015/05/blog-post_64.html

17- خطوات كتابة البراجراف في الانجليزي
http://www.th5stars.com/2015/05/paragraph.html

18-مخططات للكيمياء العضوية
http://www.th5stars.com/2015/05/blog-post_72.html

19- افضل ملزمة لشرح الفيزياء الحديثة ( الافضل تفتحها من كمبيوتر )
http://www.th5stars.com/2015/05/blog-post_10.html

20- اهم كلمات منهج اللغة الانجليزية
http://www.th5stars.com/2015/04/blog-post_4.html

21- طريقة سهلة للتاكيد من سؤال الوحدات المكافئة
http://www.th5stars.com/2015/03/3.html

فيزياءافضل ملازم استاذ محمد ياسر ادريس
http://www.th5stars.com/2015/11/Phys...ed-Idriss.html
22-افضل ملزمة في اللغة العربية استاذ اسامة عز الدين
http://www.th5stars.com/2015/12/Arab...pecialist.html

#ملكش_حجة #كن_عونا_للناس_دوما #منشن لصديقك

[khalid ElMasry]

بالتوفيق يااارب هل تاذن لي بنشره علي الجروب مع التنويه لحضرتك ؟ لانه موضوع رائع بارك الله فيك

[ذاكر بس وسيبها علي الله]

في رأيي الخاص أن الي عايز يخش كليه حلوه ذي كليه الطب ينظم وقته ويخصص علي اقل تقدير من 3ساعات الي 5ساعات كل يوم ويعتبر أن دا شغله كأنه متوظف يذاكر بس وان مذاكرش هايترفد من الوظيفه وبالتالي هينقطع اكل عيشه وبكده الطالب يحس بقيمه للي بيعمله فيشد حاله عشان يتقن وظيفته.الا وهي المذاكره.

[fatimah mohamed]

طيب يا جماعه انا عضوة جديدة وعاوزة اتواصل مع طلبة علوم وازاكر معاهم ومش عارفة حاجه