الموضوع ده هيوفر كتير لكل اللي عاوز يتفوق ثانوي عام ان شاء الله

[..: Pink rose :..]

جزاكي الله خيرااا على النصايح الاكثر من رائعة
انا استفدت من الموضوع ده كتير
ربنا يجعله في ميزان حسناتك

[prof/sand]

صباااااااااااااا....... اقصد مسااااااااااااااااااااء الفل

هو اللى يفكر انه مادام جاب درجة كويسة فى مادة معينة يبقى لازم يبجيب درجة وحشة فى نفس المادة فى3 تقوليليه ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[lolododo2010]

المشاركة الأصلية كتبت بواسطة prof/sand

صباااااااااااااا....... اقصد مسااااااااااااااااااااء الفل

هو اللى يفكر انه مادام جاب درجة كويسة فى مادة معينة يبقى لازم يبجيب درجة وحشة فى نفس المادة فى3 تقوليليه ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اقوله جيت تتكلم مع مجرب بصي انا للاسف في الدراسه كنت سلبيه لابعد الحدود وقمه في التشاؤم بس الحمدلله لحقت نفسي في الاخر اولا انا هحكيلك موقف انا كنت ناقله عند مدرس جديد في الفيزياء في النص كده بس ده كان مشهور جدا وكانوا بيقولوا ان امتحاناته صعبه للغايه المهم دخلت معاه وعمل امتحان وكنت متوقعه اني مش هقفله بس فوجئت اني الاولي ع البنات بعدها قلت لا ازاي؟؟؟؟ اكيد هجيب بعد كده درجات وحشه وده تسبب في الاتي بعد كده بني حاجز خوف وده اثر في التحصيل بجد لما لقيت كده عملت ريفرش لعقلي غيرت المجموعه من باب التجديد وروحت مع جروب بنات تاني لنفس المدرس في الاخر جبت 50القضيه انك لما بتقول لعقلك حاجه سلبيه هيكبرهالك ويدعمك فيها وكمان لازم نشوف الحديث (تفائلوا بالخير تجدوه) خليه مبدا لحياتك بلاش التشاؤم حتي لو كنتي بتعكسي مع نفسي عشان تحققي الاولي مش هينوبك الا التوتر والخوف والقلق والتشتت دوامه متغوصيش فيها بدل ما تغرقي من الاخر خلي تعاملك مع الحاجه تعامل الشئ في وقته يعني انت متعرفيش بكرة فيه ايه ممكن تشغلي نفسك بيها وفي الاخر تقفليها وتتفاجئي بغيرها ذاكري كله وبلاش نسبق الواقع وربنا معاكي ومعانا ومع الكل

[prof/sand]

المشاركة الأصلية كتبت بواسطة lolododo2010

اقوله جيت تتكلم مع مجرب بصي انا للاسف في الدراسه كنت سلبيه لابعد الحدود وقمه في التشاؤم بس الحمدلله لحقت نفسي في الاخر اولا انا هحكيلك موقف انا كنت ناقله عند مدرس جديد في الفيزياء في النص كده بس ده كان مشهور جدا وكانوا بيقولوا ان امتحاناته صعبه للغايه المهم دخلت معاه وعمل امتحان وكنت متوقعه اني مش هقفله بس فوجئت اني الاولي ع البنات بعدها قلت لا ازاي؟؟؟؟ اكيد هجيب بعد كده درجات وحشه وده تسبب في الاتي بعد كده بني حاجز خوف وده اثر في التحصيل بجد لما لقيت كده عملت ريفرش لعقلي غيرت المجموعه من باب التجديد وروحت مع جروب بنات تاني لنفس المدرس في الاخر جبت 50القضيه انك لما بتقول لعقلك حاجه سلبيه هيكبرهالك ويدعمك فيها وكمان لازم نشوف الحديث (تفائلوا بالخير تجدوه) خليه مبدا لحياتك بلاش التشاؤم حتي لو كنتي بتعكسي مع نفسي عشان تحققي الاولي مش هينوبك الا التوتر والخوف والقلق والتشتت دوامه متغوصيش فيها بدل ما تغرقي من الاخر خلي تعاملك مع الحاجه تعامل الشئ في وقته يعني انت متعرفيش بكرة فيه ايه ممكن تشغلي نفسك بيها وفي الاخر تقفليها وتتفاجئي بغيرها ذاكري كله وبلاش نسبق الواقع وربنا معاكي ومعانا ومع الكل

صدقتى سيدتى......................


طيب يعنى ايه مثبتة الفيزيا والاحياء يوميا...........؟؟؟؟؟؟؟؟؟؟؟؟؟

يعنى كنتى بتعملى ايه فيهم؟؟؟؟ هل كل يوم مذاكرة ولا يوم حل ويوم مذاكرة
ولا حاجة الدرس ويوم حل ويوم مجهود خاص بيكى انتى؟؟؟

[lolododo2010]

المشاركة الأصلية كتبت بواسطة prof/sand

صدقتى سيدتى......................


طيب يعنى ايه مثبتة الفيزيا والاحياء يوميا...........؟؟؟؟؟؟؟؟؟؟؟؟؟

يعنى كنتى بتعملى ايه فيهم؟؟؟؟ هل كل يوم مذاكرة ولا يوم حل ويوم مذاكرة
ولا حاجة الدرس ويوم حل ويوم مجهود خاص بيكى انتى؟؟؟

سؤال جميل
اولا الاحياء بالنسبه لي لاني مكنتش مهولاها وكنت حباها جدا كانت سهله الحمدلله لابعد الحدود وبامانه انا كنت بذاكرهم حب هي والفيزياء مش اضطرار وبعدين كنت عاوزة اثبت لنفسي اني قد اللي الناس مهولاه ده وزياده
نيجي بقي للاجابه
الاحياء بامانه مكنتش متثبته يوميا ال7 ايام بس هقول 5 من 7
اما الفيزياء ال6 ايام ويوم راحه منها
بس التثبيت مش اني امسك الكتاب احفظ ال7 او 6 ايام
انا بامانه يوم بحفظ القوانين واحل نص المسائل وده بيبقي ليسه طازة يعني واخده الدرس في اليوم +قراءة النظري فقط بفهم دون حفظ ده المهم اليوم اللي بعده نص المسائل التاني +قراءة النظري تاني برده دون حفظ اليوم بقي التالت (يعني بكرة درس الفيزياء الجديد ما هي مرتين في الاسبوع) بحفظ بقي النظري واحل اسئلته ماهي بتبقي صغيرة اصلا
الاحياء بقي برده سهله (انا عموما بحب نظام التقسيم |)
بس يعني الاحياء كانت بتخلص معايا في يومين يوم احفظ الدرس كما انزل(ده طبعا بعد القرايه فهم)
واليوم التاني احل عليه
واليوم التالت اللي قبل الدرس اراجعه
بس

[prof/sand]

المشاركة الأصلية كتبت بواسطة lolododo2010

سؤال جميل
اولا الاحياء بالنسبه لي لاني مكنتش مهولاها وكنت حباها جدا كانت سهله الحمدلله لابعد الحدود وبامانه انا كنت بذاكرهم حب هي والفيزياء مش اضطرار وبعدين كنت عاوزة اثبت لنفسي اني قد اللي الناس مهولاه ده وزياده
نيجي بقي للاجابه
الاحياء بامانه مكنتش متثبته يوميا ال7 ايام بس هقول 5 من 7
اما الفيزياء ال6 ايام ويوم راحه منها
بس التثبيت مش اني امسك الكتاب احفظ ال7 او 6 ايام
انا بامانه يوم بحفظ القوانين واحل نص المسائل وده بيبقي ليسه طازة يعني واخده الدرس في اليوم +قراءة النظري فقط بفهم دون حفظ ده المهم اليوم اللي بعده نص المسائل التاني +قراءة النظري تاني برده دون حفظ اليوم بقي التالت (يعني بكرة درس الفيزياء الجديد ما هي مرتين في الاسبوع) بحفظ بقي النظري واحل اسئلته ماهي بتبقي صغيرة اصلا
الاحياء بقي برده سهله (انا عموما بحب نظام التقسيم |)
بس يعني الاحياء كانت بتخلص معايا في يومين يوم احفظ الدرس كما انزل(ده طبعا بعد القرايه فهم)
واليوم التاني احل عليه
واليوم التالت اللي قبل الدرس اراجعه
بس

كده انا وصلت يا باشاااا


طيب انا دلوقتى باخد فيزيا عند مدرس رائع فعلا
لكن هو بيلخص الدرس كله بطريقته حتى التجارب وكله كل حاجة
ده حتى بيخلينا نكتب وراه فى كراسة ونروح نحفظ منها وفعلا دى الخلاصة

المشكلة تكمن فين بقى؟؟؟ظ

انه احيانا فى النظرى مش بيقول كل حاجة ؟؟يعنى وانا بحل بيوقف عليا مصطلح او علل او كده

لكن صراحة مسائل لا....... هو بيعودنا على كل المسائل لكن النظرى بتاعه بعافية شوية

وانا مش معايا كتاب المدرسة ؟؟,,, وقالولى على كتاب المثالى شرح وبالفعل جبته

وعينك ما تشوف الا النور..................... كتاب مختل فعلا


تفتكرى اخد درس فيزيا كمان؟؟؟؟ ولا استنى كتاب المدرسة؟؟؟؟

[Dr_Monna]

جزاااااااكي الله كل خير
موضوعك اكتر من رائع

[فراشة 44]

معلش يا دكتورة انا عندي سؤال بره المنهاج والكتب

حاليا انا بدأت دروس بس بجد مش عارفه اذاكر ولا عارفه انظم وقتي صح
كمان حاسه اني مش عايزة اقعد ع الكتاب اصلا ودي مشكله عندي بحد ذاتها
حاولت اني انظم نفسي وارجع بس مش عارفه
حاسه اني مشتته ومش عارفه اعمل ايه
عايزة حل بعد اذنك يا دكتورة ومعلش ع الرخامه دي
بس انا عندي هدف ومشكلتي حاليا انا عارفه ازاي اوصله بس...... مش عارفه

[lolododo2010]

المشاركة الأصلية كتبت بواسطة فراشة 44

معلش يا دكتورة انا عندي سؤال بره المنهاج والكتب اتفضلي

حاليا انا بدأت دروس بس بجد مش عارفه اذاكر ولا عارفه انظم وقتي صح السبب بسيط جدا هو انك طالعه من تانيه بمذاكرتها وامتحاناتها والخوف من النتيجه والنتيجه نفسها كل ده بيتعب نفسيا حتي لو كنتي ليسه داخله 2 فانتي ليسه طالعه من اولي اضربلك مثال طيب؟؟؟
عارفه العربيه بتبدا طريقها بتسخن وبعد كده بتزود السرعه وعند خط النهايه لو في سبق بتزودها جدا المفروض ده الطالب في العام الدراسي بس بعد خط النهايه بتقف ولو هتخش سباق جديد لازم تمشي بنفس المراحل السابقه ولو اللي بيسوق قال وهو في بدايه السباق التاني انا كده بطئ انا نسيت السواقه ويانب نفسه هيغلط غلطه عمره ازاي تقارن ختام الحاجه بحماسك ونفسك انك توصل بيك وانت ليسه بتسخن؟؟؟؟ ماتنسيش ان انتي ليسه في بدايه الماتش وده متش جديد ومختلف تماما عن اللي فات المفروض تحمدي ربنا علي مجموع السنه اللي فاتت +الخبرة اللي اتعلمتيها من هذه السنه وتبداي السنه الجديده تعالجي اخطائك وتشدي حيلك في دراستك اما بقي النفس انك تقعدي وتذاكري ده بيرجع لحاجه اسمها التشويق لازم تشوقي نفسك وتحببيبها في المذاكرة غيري اسلوبك القديم لو خلاص مبقاش يديكي النفس انك تشتغلي وطبعا انتي اللي ليكي اسلوبك ومذاقك الخاص في اختياره
كمان حاسه اني مش عايزة اقعد ع الكتاب اصلا ودي مشكله عندي بحد ذاتها
حاولت اني انظم نفسي وارجع بس مش عارفه
حاسه اني مشتته ومش عارفه اعمل ايه انسي التشتت ومتقارنيش نهايه سنه ببدايه سنه جديده
عايزة حل بعد اذنك يا دكتورة ومعلش ع الرخامه دي باذن الله ده حل كويس ولو برده عندك استفسار اسالي
بس انا عندي هدف ومشكلتي حاليا انا عارفه ازاي اوصله بس....ذاكري وسيبيها علي الله وملكيش دعوة بالنتايج المهم اللي بتعمليه عشان توصلي ابذلي مجهود اكبر وربنا يعينك.. مش عارفه

ومتنسيش دعواتك لاختك في الله ان ربنا يوفقها في الكليه ادعيلي في قلبك مش في الموضوع وربنا يوفقكم انا اخت ليكم اي استفسار اسالوني

[tamertiger]

اولا الف مبروك يا دكتورة

ثانيا بجد ربنا يكرمك على الموضوع الرائع ده
بجد حمسنى للسنة الجديدة وربنا يستر من النظام الجديد
عشان انا خايف وميت من الرعب
بجد ربنا يسترها

وشكرا مرة تانية على الموضوع الرائع ده

[lolododo2010]

المشاركة الأصلية كتبت بواسطة tamertiger

اولا الف مبروك يا دكتورة

ثانيا بجد ربنا يكرمك على الموضوع الرائع ده
بجد حمسنى للسنة الجديدة وربنا يستر من النظام الجديد
عشان انا خايف وميت من الرعب
بجد ربنا يسترها

وشكرا مرة تانية على الموضوع الرائع ده

اوعي تقول كلمه خايف دي تاني ابدا دي قرها في قلبك خوفا من الله تعالي اما الدراسه والشغل والوظيفه والحياة كل دي مجرد تحديات وقال الشاعر
ومن يتهيب صعود الجبال يعش ابد الدهر بين الحفر
لذالك التحديات تواجهه والخوف من الله فقط وان واجهك تحدي فاستعن بالله وسيزول باذن الله اما بقي النظام الجديد ربنا هيساعدكم فيه هي اول سنه بيطبق عليها بتبقي كبش الفدا بس حاول تعرف عنه كل حاجه عشان متقعش فريسه لكن كمذاكرة دي مش عقبه دي اسهل حاجه

[tamertiger]

المشاركة الأصلية كتبت بواسطة lolododo2010

اوعي تقول كلمه خايف دي تاني ابدا دي قرها في قلبك خوفا من الله تعالي اما الدراسه والشغل والوظيفه والحياة كل دي مجرد تحديات وقال الشاعر
ومن يتهيب صعود الجبال يعش ابد الدهر بين الحفر
لذالك التحديات تواجهه والخوف من الله فقط وان واجهك تحدي فاستعن بالله وسيزول باذن الله اما بقي النظام الجديد ربنا هيساعدكم فيه هي اول سنه بيطبق عليها بتبقي كبش الفدا بس حاول تعرف عنه كل حاجه عشان متقعش فريسه لكن كمذاكرة دي مش عقبه دي اسهل حاجه

الحمدلله والله لولا وقوف ربنا معانا مكناش هنبقى حاجة اصلا
ربنا يوفقك ويكرمك يارب

[Rana tayel]

السلام عليكم ورحمة الله تعالى وبركاته
جزاكي الله خيرااا

[sosoiraqi]

دكتووووووووووووور...انا خايفه جداااا من النحو
ومن الفيزياااااا مش عارفه اعمل فيها ايه

[lolododo2010]

المشاركة الأصلية كتبت بواسطة sosoiraqi

دكتووووووووووووور...انا خايفه جداااا من النحو
ومن الفيزياااااا مش عارفه اعمل فيها ايه

اولا مش تخاف خالص قولنا كلمه خوف دي تتلغي من قاموسنا الدراسي الخوف من الله عز وجل
النحو والفيزياء للعلم هم اسهل فرعين ليه بقي؟؟؟؟؟ انا بامانه مش جايه ارفع معناوياتك انا بقول حقيقه
طب ليه هم الاسهل؟؟؟؟
لانهم بيشغلوا العقل بتاعنا فلو ذاكرناهم هنحس بمتعه
طب ليه بذاكرهم وبغلط ومبقفلهمش؟؟؟؟
اولا لانك خايف منهم بسبب الناس الكبار يعني روحت سالت حد كبير (ممكن يكون فاشل وانت ايه اللي عرفك مستواه عشان تاخد منه وتخليه اهل للثقه واصلا هو فاشل لانه معرفش يذاكرها او ممكن يكون عدي بظروف معينه كرهتته فيها وانت ايه اللي عرفك)
ثانيا.خوفك مبيخلكش تركز وانت بتذاكرهم وبعدين برده التعامل مع المواد دي بفن
يعني ايه فن؟؟؟؟؟
يعني مبدئيا كده متقعدش تاخد في كل ماده مدرسين او 3 وتيجي تقول بتعب ومبعرفش اقعد ع الكتاب طبيعي لانك استبدلت ده بده ومبقاش عندك الوقت الصافي للمذاكرة
وبرده الفيزياء ليها فن
انت تروح الدرس اسمع الشرح وافهم وانت ساكت وبعد ما المستر يخلص اسال لو مفهمتش جزء (ده كان نظامي) بس لو في النص حاجه مكنتش بفهمها كنت بسال فيها في ساعتها
المهم رجعت اروح احفظ القوانين اولا قبل النظري واحل المسائل اللي عليها
بعد كده النظري بيبقي سهل اني المه وبعد كده براجع ع القوانين تاني واروح حصتي الجديده
وكنت بحل مسائل تاني (مش مهم تجيبم كتابين انا بس بقولكم نظامي
اما النحو في ثانوي مش هتتعب لانه سهل جدا
اولا لو مش خايف هتركز في الامتحان
ثانيا افهم قواعدك واحفظها كويس
ثالثا حل قطع الامتحانات وصححها لنفسك من كتاب المعلم مراجعه وامتحانات بامانه ده رائع وخطير
بس ربنا يوفقكم