اى حد داخل هندسه الازهر بنات القاهره يتفضل بالدخول لو سمحتم

[eng refa3y]

وطبعا يابشمهندس همتك معانا

ياريت ماتكونش اخر مشاركه ليك

احنا عاوزين نساعد اعدادى على قد مانقدر

ونعدى كلنا على خير ان شاء الله

[م.الزعيم]

ان شاء الله يابشمهندس وربنا يوفق الجميع

[نورالحياه]

السلام عليم ورحمه الله وبركاته
ميرسى ليكم اوى يا بشمهندسين على النصايح الجميله دى
وبجد احنا محتاجين وقت اضافى فى اليوم عشان نعرف نعمل حاجه
ومحتاجين كل الناس تدعلنا فى الامتحان الرسم
وميرسى ليكم مره تانى

[eng refa3y]

الشكر لله وحده

وبجد ربنا يعينكم

بس هو انتم كل ده لسه مامتحنتوش الرسم
ايه كل ده

[eng refa3y]

دعوه لكل بشمهندسين الازهر

فى موقع اسمه هندسه الازهر
مخصوص بمهندسين الازهر


http://hndsa.net/forums/index.php


بجد جامد جدا
اتمنى ان بتوع اعدادى يروحوا هناك ويسألو اى حاجه هم عايزينها
فى هناك مهندسين ومهندسات أكيد هايفيدوكم اكتر من هنا

والبنات يشوفو حل للميكانيكا
اتمنى تكون المشكله دى اتحلت

واى مشاكل ان شاء الله هانحلها مع بعض هناك


وبالنسبه ل م.الزعيم

ده فى شغل عالى اوى هناك
انا الحقيقه مصدقتش ان ده تبع الازهر
فى ناس كتير عايشه هناك

[م.الزعيم]

ياريت بتوع اعدادى يطمنونا على امتحان الرسم الهندسى
وربنا يوفق الجميع

[نورالحياه]

السلام عليكم ورحمه الله وبركاته
ازيكم يا احلى باشمهندسين وباشمهندسات فى مصر
انا كنت عايزه احكيلكم على امتحان الرسم بس هطول شويه معلش
اولا بالنسبه للاسئله كانت عاديه وكويسه مفهاش حاجه صعبه
اما المكان بتاع الامتحان كان لا يوصف اكتر حاجه فيه التراب (والمفروض اهم حاجه نضافه اللوحه)
وبالنسبه للبوردات ماشاء الله كلهم بايظين وكل اتنين بيرسموا على واحده (عشان التعاون)
ومكنش فيه اى كرسى حتى مخلع نقعد عليه طول الامتحان واقفين (يمكن خايفين لو قعدنا ننام ولا حاجه )
وحاجه بجد لا توصف ايه ده بس المهم ان الامتحان عدى وخلص الحمد لله وعقبال السنه كلها
قولوا اميــــــــــــــــــــــــــن ويالا سلام وادعولى ولكل الناس وخصوصا بتوع اعدادى المطحونين
واسفه مره تانيه على التطويل والرغى

[yasssmine]

وعليكم السلام يا احلى ساره ازيكم جميعا عملين ايه متاسفه على عدم المشاركه لفتره بس اكيد انتم ملتمسين لى العذر والله مش بنزل خالص بس يا رب ييجى بفايده
اسفه دخلت افش ونسيت اسلم على البشمهندس الزعيم واقوله نورت التوبيك واهلا بيك اخ لينا دا بعد ازنك طبعا
بالنسبه للبشمهدس رفاعى انا كنت لسه هتكلم على المنتدى بتاع الازهر ده فعلا منتدى رائع وعلى فكره انا لقيت بنات كتير قوى فى الكليه بيدخلو عليع وقالولى عليه وانا فعلا اشتركت فيه وهو فعلا منتدى رائع اما بالنسه لامتحان الرسم الامتحان بصراحه كان رائع بس المكان فعلا كان غير صالح بالمره وخصيصا للبنات الدسكات كانت عاليه قوى انا كنت واقفه على كرسى طول ال3 ساعات دا غير كل ال ساره قالت عليه بس الحمد لله عدى على خير عقبال الباقى

[البدر المضيئ]

الف مبروك يا بشمهندسة
انا دراسات الازهر 2

[كونان باشا]

اولا السلام عليكم ياباشمهندسين
اول مره اشوف طلبه ازهر مكمله ف المنتدى كده للاخر
ربنا يعينكم ياباشمهندين كان نفسى اكون معاكم اعتقد انى شاركت ف الاول بس يلا اكيد خير
سلامو عليكو

[eng refa3y]

وعليكم السلام ورحمه الله وبركاته لساره وكونان
ومعلش ياكونان الدنيا نصيب


ويا ياسمين لقيت فى حاجات حلوه كتير فى المنتدى ده
دراسه
ومعلومات
واخبار الدنيا حولينا
وترفيه
وكره
يعنى تقريبا كل حاجه هناك


والحمد لله طبعا ان الامتحان عدى على خير
والامتحان التانى بيكون تدريب لامتحان اخر السنه
يعنى تقيل شويه لكنه ان شاء الله سهل



(الدسكات كانت عاليه قوى انا كنت واقفه على كرسى طول ال3 ساعات )
ههههههههههههه
واقفه على الكرسى ازاى يعنى
ياقصيره
هههههههه

[yasssmine]

(الدسكات كانت عاليه قوى انا كنت واقفه على كرسى طول ال3 ساعات )
ههههههههههههه
واقفه على الكرسى ازاى يعنى
ياقصيره
هههههههه[/
ههههههه لقى مش قصيره لكن الدسكات بجد كانت عاليه قوى وبعدين انت كمان هتتريق مش كفايه البشمهندسين ال كانو بيراقبو علينا ارحمو من فى الارض:abdoog8: يرحمكم من فى السماء هههههههههههه

[yasssmine]

يا ريت ياجماعه حد يطمنى على الامتحان الوصفيه انا الحمد الله كويسه بس مش عارفه الامتحان هيبقى ازاى وكمان عندى خبر مش عارفه ان كان حلو ولا وحش الوصفيه بنسبه كبيره هتتلغى السنه ال جايه انا شايفه انها ماده مفيده لكل مهندس ومهندسه لانها بتنمى الخيال والتفكير ده رايي انتو ايه رايكم

[yasssmine]

عندى سوال للبشمهندس الزعيم عايزه اعرف ايه هو قسم الكهرباء والفرق بين بور واتصالات وايه افضل للبنت وكمان الدراسه فيه عمله ازاى وكل حاجه عن القسم ده وشكرا واسفه على الرغى وبالنسبه للاخ كونان قول ما شاء الله ويا رب نفضل متفاعلين على طول وكمانالحقيقه تتقال فى نهضه للشباب الازهر البنات والولاد على النت نمسك الخشب يا رب دائما واحنا على التوبيك ده وان كنا محدودين بس التوبيك مش بعدد الاعضاء ولكن بتفاعل الاعضاء
وكمان عندى سوال هو الكتور محمد مهنا متعود يعمل كذا امتحان ميت ترم فى الترم التانى بيقول ان فى كذا امتحان اولهم الاسبوع ده ادعولنا

[م.الزعيم]

اهلا بيكى بشمهندسة ياسمين وربنا يوفق كل اعدادى
قسم كهربا من أجمل الاقسام فى الكلية وطبعا ده لانى فيه مش أكثر ههههههههههه
الحقيقة ان قسم كهربا اغلب اللى بيدخلوه بيكون هروب من الرسم لان الرسم فيه ترم واحد فقط وكمان بيمتاز بسهولته فى الدراسة { حسب الدكتور} بس العيب ان الدكتور بيضغطك اخر الترم يعنى نبقى نايمين اول الترم واخر الترم يطحنونا
المهم فى القسم اللى تدخليه انك تكونى فعلا بتحبيه غالبا كل الاقسام حلوة وموضوع الشغل ده نصيب بس فعلا مجالات كهربا وميكانيكا كثيرة برة ولو عايزة تعرفى حاجة تانية اتفضلى اسئلى
نصيحة بخصوص اعدادى
كانت اكبر غلطة عملتها فى اعدادى انى مكنتش بطبق فى المدينة وكنت بحب اعقد فى البلد أنا عارف ان ده صعب بس ياريت تحاولوا تطقبوا وتعملوا خطة مثلا أنا هطبق وهذاكر رياضة أو كمياء أو غيرها معلش هتتعبوا السنة دى بس عشان تلخقوا مدينة السنة الجاية.فعلا أصعب حاجة السكن برة أنا جربتها سنة واتعبت.وربنا يوفق كل المهندسيين