أخبار المعلمين المنقطعين بمحافظة كفر الشيخ و المحافظات الأخرى - الصفحة 13

ايناس محمد. · #**181** 22-04-2013, 03:17 PM

اقتباس:

المشاركة الأصلية كتبت بواسطة مدرس انجليزي 2000

شكرا جزيلا

الشكر لله

و الحمد لله اليوم تم استخراج كارنية النقابة

و مكتوب فيه معلم مساعد

ايناس محمد. · #**182** 22-04-2013, 03:23 PM

اقتباس:

المشاركة الأصلية كتبت بواسطة mohamed samy55

ممكن بعد اذنك اعرف تكاليف الدبلومه التربوى فى تربية كفر الشيخ والاوراق المطلوبه للتقديم ؟تبقى مشكورة لو سالتيلى عشان انا مش من كفر الشيخ ؟ ونردهالك فى الافراح وجزاك الله كل خير

التكاليف كلها تقريبا من 2500 الى 3000 جنيه

مصاريف الكلية 1124 جنية
مصاريف كتب فى حدود 1000 جنية
مصاريف مذكرات فى حدود 500 جنية
دا غير مصاريف مواصلاتك

و الدراسة أيام الخميس و الجمعة و السبت من كل أسبوع
و الاوراق المطلوبة
صورة شهادة الثانوية العامة
صورة المؤهل الدراسى
صورة شهادة الميلاد
صورة البطاقة الشخصية
و تقريبا 3 صور شخصية
و التقديم كان فى شهر 10

و بالتوفيق ان شاء الله

مدرس انجليزي 2000 · #**183** 22-04-2013, 04:54 PM

السلام عليكم
مطلوب صورة المؤهل و الرقم القومي طبق الاصل و تسليمهم لادارة بيلا

ايناس محمد. · #**184** 22-04-2013, 06:42 PM

اقتباس:

المشاركة الأصلية كتبت بواسطة مدرس انجليزي 2000

السلام عليكم
مطلوب صورة المؤهل و الرقم القومي طبق الاصل و تسليمهم لادارة بيلا

و عليكم السلام و رحمة الله و بركاته

مطلوب صورة العقد و صورة البطاقة الشخصية ( كلهم طبق الاصل )

و تسليمهم فورا للاستاذ سيد عطاالله فى الادارة

و الاستاذ سيد عطاالله هيستلم الاوراق دى و يسلمها للمديرية ( هيسافر يوم الاحد القادم المديرية يسلم اوراق المؤهل المتوسط و فوق المتوسط و الاحد اللى بعده هيسلم اوراق المؤهل العالى )

مدرس انجليزي 2000 · #**185** 22-04-2013, 07:23 PM

هل دا للتثبيت و لا لعمل عقود اخرى؟

mga2005 · #**186** 22-04-2013, 08:16 PM

يعني كلامي طلع مظبوط
الحمد لله

ايناس محمد. · #**187** 22-04-2013, 09:02 PM

اقتباس:

المشاركة الأصلية كتبت بواسطة مدرس انجليزي 2000

هل دا للتثبيت و لا لعمل عقود اخرى؟

احتمال فعلا يكون دا للتثبيت

و نكون معلم مساعد مثبت و ننتظر ان ينزلنا الدرجة المالية ( دا حسب كلام اللى فى الادارة )

عموما هو بيقول ان كل دا خير لنا ان شاء الله

ايناس محمد. · #**188** 22-04-2013, 09:09 PM

اقتباس:

المشاركة الأصلية كتبت بواسطة mga2005

يعني كلامي طلع مظبوط
الحمد لله

فعلا كلامك طلع مظبوط

و ربنا يسهل ان شاء الله

مدرس انجليزي 2000 · #**189** 22-04-2013, 09:46 PM

اهم حاجة الدرجة المالية فعلا

أبو صهيب78 · #**190** 22-04-2013, 11:15 PM

الحمد لله والصلاة والسلام على رسول الله صلى الله عليه وسلم مازلنا فى إدارة فوه التعليمية بعيدا تماما عن الأحداث وإلى الله المشتكى

mga2005 · #**191** 23-04-2013, 12:02 AM

لو حصل التثبيت إن شاء الله
يبقي أمامنا سنتين وناخد الدرجة المالية
بس علي فكرة
المعلم المساعد المثبت ده علي الدرجة الثالثة
أما المعين بيبقي علي الدرجة الثالثة بأقدمية سنتين
ده اللي أنا أعرفه

روتي حبي · #**192** 23-04-2013, 12:43 PM

اخبار الشرقيه ايه يا جماعه؟؟؟
هل فيه جديد بعد عمل صحيفة الاحوال؟؟

القائد11 · #**193** 23-04-2013, 06:17 PM

اقتباس:

المشاركة الأصلية كتبت بواسطة فريال يوسف

انا برضة ادارة بيلا

حضرتك هتذهب بعد صلاة المغرب ان شاء الله الى نادى المعلمين فى بيلا امام بنك مصر

و تسأل عن الاستاذ سالم و تطلب منه اوراق اشتراك فى النقابة هيعطى لحضرتك الاوراق و هم عبارة عن ورقتين ( مجانا )

تضع على كل ورقة صورة شخصية و وكمان صورة ثالثة هدبسها من ظهرها لانهم بيحتجوها يطلعوا بيها الكارنية

المهم هتذهب بالاورق للمدرسة و الادارة تخلصهم من هناك

ملحوظة و حضرتك بتأخذ الاوراق من الاستاذ سالم خليه يحسبلك المبلغ اللى عليك من سن 25 سنة حتى الان علشان تدفعه فى بنك مصر على رقم حساب النقابة

و بتأخد الوصل من البنك تصورة و تخلى الصورة معاك و الاصل بدبسه مع الأوراق

بعد ما حضرتك تخلص الاوراق من المدرسة و الادارة ( بدل ما تسلمة تانى للاستاذ سالم و يرجع يركنه عنده او يقولك احنا بنجمعه الاول عندنا اذهب مباشرة باوراقك الى فرع النقابة فى كفر الشيخ يمين الدوران و اسأل عن الاستاذ علام و سلمه الاوراق و لو عايز الكارنية مستعجل هدفع 51 جنية ( لو وضعت طابع نقابة من تعليمية بجنية هتدفع 50 فقط ) و لو مش مستعجل هتدفع تقريبا 13 جنية

و ياريت تخلص الاجراءات بسرعة لان من بداية شهر 6 هتزيد الرسوم و تصبح 135 جنية بدلا من 90 جنية عن كل سنة

بالتوفيق ان شاء الله

شكرا جزيلا

mohamed_etman · #**194** 23-04-2013, 09:46 PM

يا أخت فريال بيخصموا منكم نقابة وزمالة على اساس اية

mohamed_etman · #**195** 23-04-2013, 09:49 PM

لأنهم عندنا فى دسوق ما بيخصموش لا نقابة ولازمالة ومرتبنا 447 جنيها